影片
以上资料只供参考，请与餐厅确认详情
朋友今日带我去筲箕湾食饭，对于未踏足过筲箕湾的我黎讲，非常新鲜。呢间小店，住打食串烧同小菜，不过近排佢嘅推介似乎系鸡煲，可惜我同朋友都唔食。咁我地就食返小菜同串烧。呢间小店面积有2个舖位，虽然无乜特别嘅装修，有少少大排档嘅感觉，但地方俾我想像中干净。串烧我哋叫左牛柳粒、茄子、鱿鱼须同红肠。茄子同鱿鱼须都唔系以串串型式上，感觉好似炒咁，不过都好香。牛柳粒够味够淋，红肠都落左酱料去烧，好好食而唔会太咸。冬荫公蚬汤，平时喺泰国餐厅饮冬荫公汤一般都会过咸，但呢个啱啱好，够冬荫公嘅酸辣味，但唔会过咸。猪颈肉多士，多士够脆，猪颈肉烧得好香口，唔会好油。马拉盏炒通菜，用煲仔上，够晒镬气热辣辣，不过就有少少咸左啲。不过留意餐厅会喺星期一休息，我哋就摸左一次门钉。
继续阅读
收工想揾d嘢食完先返屋企本身见到门面好似要坐街边又好似冇乜人咁对呢间都冇乜太大期望估唔到有惊喜❗️环境 🟨🟨🟨⬜️⬜️7点左右嚟到 得一枱有人望到好似要街边咁原来入面有室内冷气房一坐低咗冇耐就开始陆续有人喇多人嘅话系有d嘈嘅 整体食物 🟦🟦🟦🟦⬜️• 牛油蒜香鸡翼 • (🤩)呢碟我会形容为今餐嘅重点一上枱已经超级香咬落去好热好热明显系新鲜炸超！级！松！脆！唔似一般炸鸡翼咁多粉咁硬真心系必点之选！小贴士: menu 上面写$78/8只不过如果食唔晒系可以嗌半份 4 只嘅😎• 凉拌牛肉 • (😌)牛肉好嫩身 都好足料有少少似泰式凤爪果个汁不过再杰少少酸酸辣辣 又唔系话太辣好醒胃• 马拉盏铁板通菜 • (😶)与其话系铁板 话系一个大铁碗好似啱d成餐饭个菜都keep到个温度 热辣辣不过马拉盏味唔算话好出 不过不失• 香叶肉碎炒饭 • (🤨)呢个唔系好啱我哋口味同出面食开嘅香叶肉碎炒饭唔一样唔算香 而且冇乜见过有肉碎同香叶程度系直头要同餐厅确认有冇上错菜只可以形容佢为: 一个炒饭🤷🏿♀️• 菠萝蜜冰 •以为系普通菠萝点知原来系大树菠萝甜甜哋 几好饮其实 menu 仲有好多嘢都想试明炉乌头啦，串串啦，烧虾啦，咖哩炒蚬啦…下次可以再嚟试 (⁎⁍̴̛ᴗ⁍̴̛⁎)
继续阅读
泰荣华系一间位于西湾河同筲箕湾之间嘅泰式小店，我同太太算系佢哋嘅常客，久唔久都会嚟食吓。每次嚟，我哋都有几款必叫嘅菜式。首先，我哋一定会叫蒜蓉牛油鸡翼。佢炸得劲香，外皮松脆，而且鸡肉入面仲keep 住juicy！最正嘅系，佢有大量嘅蒜蓉，系重口味之选！再嚟就系生菜包。肉碎＋洋葱＋香料，再配上新鲜嘅生菜，口感一流。每次食都觉得好满足！最后，佢哋嘅XO酱炒萝卜糕味道亦都好出色。唔会太油腻，萝卜糕香口得黎，仲有D爽口嘅芽菜一齐食，真系好正！
继续阅读
泰式炒金边粉 ($70)卖相：🐧🐧🐧🐧味道：🐧🐧🐧卖相方面，金边粉用透明胶盒盛放，份量十足，占满整个外卖盒。鲜虾大大只，伴菜款式不少，炒蛋丝、芽菜、葱、豆腐干等应有尽有，令整个金边粉内容更丰富。味道方面，泰式金边粉独有的甜酸味突出，十分开胃。金边粉由于在外卖盒放置一段时间，已「痴实」变成一团粉饼，需要一番功夫将金边粉「摷松」。金边粉质感偏淋，底层金边粉较多油偏腻。大虾爽口弹牙，够新鲜没有雪味。猪颈肉炒出前一丁（$61)卖相：🐧🐧🐧味道：🐧卖相方面，猪颈肉量不少，淋上惹味沙爹汁，十分吸引。公仔面份量为一个面饼size, 眼见并未夹杂其他配菜。味道方面，公仔面彷佛未曾炒过，一整个面饼痴实，夹上来一旧旧、硬掘掘的，而且淡而无味，令人失望。沙爹汁惹味足本，可惜猪颈肉疑似烧过火，质感干争争似肉干般难吃。泰式菠萝炒饭（$70)卖相：🐧🐧🐧🐧味道：🐧🐧🐧🐧🐧炒饭满满一大盒，色泽鲜黄均匀，蟹柳、鱿鱼、虾仁等配料数量不少，加上表面满满的肉松，令人食指大动。味道方面，炒饭干身有镬气，咸度适中，配以肉松一起食效果绝佳。菠萝新鲜够甜，虾仁爽口弹牙，鱿鱼烟韧入味。高度推荐。炭烧猪肉（$20)、炭烧红肠（$17)、炭烧台湾肠（$20)、炭烧猪颈肉（$45)、炭烧鲜鱼须（$33)卖相：🐧味道：🐧🐧🐧🐧🐧串烧简单用防水纸包裹好再放进胶袋内，十分容易漏汁弄脏。味道方面，沙爹汁一流，香浓而不腻，花生味浓兼有大量花生粒，质感不会太稀太杰，味道不会过辣，惹味十足。这边的猪颈肉火候刚好，外脆内嫩，份量足本，比猪肉更佳。台湾肠外皮薄脆，内里鲜嫩多汁，有台湾肠独有的甜味，值得一试。红肠、鲜鱼须则不过不失。外卖等候时间：🐧🐧在假日下午5点几下单，需时约40分钟，比预定时间迟了10分钟。🐧❤️结语：串烧、炒饭值得一试。
继续阅读
📍#泰荣华人均消费: HKD100宵夜时间！筲箕湾宵夜时间真系无乜野食，泰荣华绝对系一个好选择，胜在平靓正！💯蒜香辣椒牛油鸡翼🐔$68上台已经闻到好香嘅牛油味！ 鸡翼刚炸起超热超脆口，一咬落去好松化！ 蒜香味都好浓好惹味！ 鸡翼够滑劲Juicy！$68有8只好抵食！💯避风塘软壳蟹🦀$108软壳蟹虽然拆咗件，但保守估计份量应该有3只！炸到劲香劲好味，蟹味又够香浓！我一个人起码食咗一半😂 辣辣地，又有腰果，真系送走一流！🆗串烧拼盘🍢$148串烧拼盘有五款食物，有鱿鱼须，牛肉，猪肉，鸡肉和鸡肾，仲可以要求佢拆埋竹签，$148又唔算贵㖞！肉类就普通啦，不过鱿鱼须好爽口，鸡肾都几好味，只系我唔太喜欢佢个沙嗲唔够惹味其实旧年曾经叫过外卖，觉得佢啲嘢食普普通通，今次宵夜堂食，比上次好味好多！而且佢价钱又唔贵，前后饮咗九支啤酒，买单都系$100一个人，性价比都几高！
继续阅读