泰恩愛

营业中

休息中

呢間BADI 🇹🇭真係有驚喜！今次外賣叫咗三樣嘢：泰式生菜包、海南雞飯同雞翼🥬生菜包啲豬肉酸辣味好開胃，香料落得夠，食落有層次感好fresh，完全唔覺得膩。海南雞飯🐔隻雞滑滑嫩嫩，🍚飯粒吸晒雞油香，配埋啲醬汁一齊食真係一流。雞翼外皮🐥脆卜卜，肉質嫩多汁，唔會乾柴，啖啖都食得好滿足。整體嚟講，呢間店真係平靚正💰。無論味道、份量同價錢都好有誠意，外賣包裝都幾細心。下次一定會再試其他菜式，推介畀鍾意泰國菜嘅朋友！

外觀低調既小店卻係正宗既泰國菜 ，主打外賣，即叫即炒，價錢仲好貼地！**🐷 豬頸肉沙律** 豬頸肉燒至微微焦香，邊位香脆，肉質軟滑唔乾。配上由薄荷葉、魚露、洋蔥、蔥、芹菜同花生碎的泰式沙律汁，酸辣開胃，夏天食好啱！ **🍝 泰式炒金邊粉**金邊粉炒得乾身唔油膩，金邊粉煙煙靭靭配料有芽菜、蝦仁同蛋絲。加入青檸汁調味後酸酸甜甜，配上花生碎一起口感豐富。 **🌿 泰式炒通菜** 鑊氣夠炒得剛剛好，用咗蝦醬爆炒至鹹香， 通菜葉嫩無渣。份量足，外賣返到屋企依然熱辣辣！ 整體味道正宗，泰國師傅手勢有保證，小店性價比高。外賣等約10分鐘快手。

喺銅鑼灣有正宗嘅泰國人開嘅泰國菜小餐廳，舖頭細細，但係都吸引唔少人專登過嚟光臨，就知道佢水準真係好正宗👍🏻返工之後想食個快嘅晚餐，不妨過嚟銅鑼灣呢間泰式外賣店試吓😊 除咗本身餐牌有啲推介嘢食之外，仲可以揀兩餸飯添，不過當然係泰式嘅兩餸啦😛 食泰國嘢一定要試豬頸肉，可以配沙律或者飯都得 🍚 佢個香葉炒肉碎飯都幾正呀，好惹味🤗😌蔬菜就可以試吓正宗嘅泰式炒通菜 🥬 當然最後飲品一定要揀椰青啦 🥥 🍹

呢間泰國菜響銅鑼灣地區物價甘貴既地方黎計簡直係抵食，平均每個set lunch都係50-60蚊左右就有交易，價格親民，打工仔又一好選擇。呢度主要係賣泰國菜，泰國咖哩，串燒，生菜包同小量小食，我地叫左一份炒金邊粉入面有蝦同酸甜口感既醬汁同雞蛋等等炒成，份量都幾大盒，即叫即炒。另外仲叫左一盒燒豬頸肉飯，豬頸肉好多片鋪滿左飯盒面而且燒到岩岩好唔會太燶。飲品叫左泰粉紅奶泰國飲品，粉紅色既飲品好特別，不過就甜左少少，泰式奶茶比較好飲。

泰恩愛(香港) 地址: 香港銅鑼灣銅鑼灣道3-17號國泰大廈地下A1號舖電話: +而家每個星期五都要出多份weekly report ,追數呀老闆好緊張呀！因為生意唔好！每日趕工都好夜收工，無得happy friday ,好累放工就買外賣食算燒豬頸肉好彈牙呀，爽口又唔會油膩，有股燒香！配飯一流炒肉碎，有埋生菜架啦，半肥瘦加了好多泰國香草，包住食！炒pha thai 炒，最愛是酸酸辣辣，好香又沖唔會油，落埋青檸汁，夏天食胃口大開！ my favouring

銅鑼灣嘅泰國外賣🇹🇭嗌咗個大蝦 🍤炒金邊粉，啲金邊粉炒得幾煙靭啲色澤都幾靚 熱辣辣炒出嚟 🧡就算拎返屋企食，都幾有風味有芽菜 雞蛋絲 花生碎💛另外叫咗一條雞肉串燒 🐣舖頭即叫即燒 都幾香口 有少少燒焦嘅感覺啲雞肉係比較紅色 但都好嫩滑另外再嗌咗個椰汁雞湯🥥泰國嘅香料味道 例如南薑、檸檬葉、香茅都幾出眾少少辣 入邊有大量嘅雞同埋秀珍菇😌拎番屋企食最寫意留意番呢間舖頭係10:00閂門嘅仲有其他炒菜炒飯基本嘅泰國菜都有齊晒

最近返中學有啲野整，發現附近開左間泰國外賣，叫佢啲燒烤好似幾唔錯。兩串雞兩串豬即叫即燒，$15串都大大串，肉汁juicy唔會好乾，真喺幾有驚好幾好食，Pad Thai 基本喺泰菜必點項目，拎到返屋企半個鐘都仲熱同幾有鑊氣，調味上都比較適合香港人冬陰功湯辣度適中，有蝦有菇材料好足夠，都喜歡喱種奶香較重的冬陰功。大部份都$60左右，喺銅鑼灣嚟講真喺性價比高，同埋平日午餐時間仲有兩餸飯提供，$45蚊，都幾岩學生們或者附近的打工仔。

雖然舖面唔大只有一張檯仔可以係個度食但款式同份量一d都唔少呀❣️🥣冬蔭功蝦湯湯底用到好多香料同材料淆成所以味道好香好濃！有椰香味亦有海鮮甜味再加埋冬蔭功嘅辣好Perfect 👍🏻👍🏻連我屋企兩隻小魔怪都愛上佢呀🥰🥬肉碎生菜包都係一個必點嘅菜式肉碎以多種香料炒香除咗包生菜我仲會加埋白飯唔好浪費每啖嘅肉平同菜汁🐔雞棗呢個小食係店員介紹比我架！會似炸免治雞肉粒裡面又加有配菜好似芹菜紅蘿蔔粒咁感覺幾新鮮🌱另外再加咗雞同豬各一串嘅串燒味道醃得唔錯啖啖肉份量唔少！

今日嚟到銅鑼灣泰國菜外賣店《泰恩愛》，雖然主要發售外賣，但都設有少量座位。價錢親民，最啱打工仔或學生來嗌外賣。提供經典泰國菜、飲品 和 甜品。✨️泰式炒金邊粉即叫即炒，火喉十足。呢款金邊粉包括有蝦、葱、芽菜 混在一起炒，上面滿怖蒜蓉碎，還有半邊青檸，予以解膩。食起來，惹味香口，很有泰式風味。。✨️肉碎生菜包肉味香濃，不太辣，份量多。生菜乾淨新鮮，翠綠爽脆。✨️泰式炒通菜通菜鹹香十足，只是微辣。呢度嘅炒通菜最好地方係把通茶切短，使其容易食用👍。✨️泰粉紅奶相比港式奶茶，外觀就差不多，飲落就覺得較甜一點。

餐廳：泰恩愛地點：銅鑼灣道菜式：泰國菜餐牌：簡簡單單有主食、湯、蔬菜、甜品、小食、飲品泰式炒金邊粉 $60幼身金邊粉配五隻去殼鮮蝦、雞蛋、豆腐乾、蔥條、芽菜、芫荽、花生碎，加有青桔比你自己調味。金邊粉味道甜甜地，完全唔辣，外賣都唔會癡埋一pat，幾好食。豬頸肉沙律 $60豬頸肉份量超多，滿滿大半兜，豬頸肉肉質唔錯，味道鹹香，墊有生菜，生洋蔥，灑上蔥花同花生碎，加有辣椒，味道頗辣。伴有多塊新鮮生菜包，用保鮮紙包好，同豬頸肉同食剛剛好，可以平衡豬頸肉鹹味。冬陰公湯 $56冬陰公湯熱辣辣大大碗，椰香十足，唔辣。材料有幾隻去殼爽脆蝦仁，秀珍菇，蕃茄，芫荽等，仲加有兩隻辣椒，材料豐富，味道唔錯。價錢唔算貴。

去銅鑼灣同小朋友上堂，買啲嘢返屋企食，呢間外賣泰國菜起聖保祿對面，價錢性價比好高炸魚餅🐟一份有四件，魚餅彈牙，咬開入邊有泰式香料味泰式金邊粉🦐好大盒，金邊粉唔會太腍，有口感，蝦嘅份量都唔少，調味啱啱好不會太鹹，適合香港人口味燒豬頸肉飯🐽肉嘅份量滿滿，半肥瘦的豬頸肉有炭燒嘅香味，唔洗點汁都好夠味，推介～見到仲有芒果糯米飯、冬陰功同泰式飲品等等，價錢都唔貴，下次去銅鑼灣可以再買返屋企試吓，用心嘅小店值得支持

🍽️ 今日唔想煮飯，就諗住試下銅鑼灣呢間新開嘅泰式外賣店。由泰國人主理，啲味道真係正宗到不得了，一打開盒已經聞到濃濃嘅香料味，令人食指大動！🥬 第一樣試嘅係肉碎生菜包。生菜分量十足，啲菜新鮮又脆口，食落好清爽。肉碎炒得好惹味，啲調味剛剛好，唔會太辣，啱晒我呢啲唔太食得辣嘅人。而且冇飯冇麵，啱晒想低碳飲食嘅朋友。🥗 跟住係豬頸肉沙律，呢個真係驚喜！豬頸肉燒到外脆內嫩，啲肉汁鎖得好好，咬落去超級滿足。配埋啲洋蔥、香草，酸酸辣辣，加埋個香料味，層次超豐富。🌿 最後係泰式炒通菜，鹹香味十足，炒得啱啱好，唔會太油，仲保留到通菜嘅爽口感。每一啖都好有街頭泰式風味，食完仲想再encore多次。價錢合理，味道正宗，份量足，唔怪得咁多人排隊！下次一定會再幫襯～

最近試咗間泰式外賣店，叫咗幾樣嘢試試，整體感覺係：唔錯，有啲嘢幾有驚喜。串燒係即燒，熱辣辣送到，雞肉串好嫩，唔會乾柴，燒得啱啱好，有少少焦香；牛肉串就比較實淨啲，咬落去有咬口，肉味重，唔會腍晒嗰種，調味唔過火，食得出係燒烤風味為主。炒通菜炒得夠鑊氣，蒜香味重，微辣，菜爽脆，唔會炒到水汪汪，算係配菜入面幾討好嗰種。香葉炒肉碎飯我幾鍾意，肉碎夠香，炒得夠乾身，香葉味好出但唔會搶晒戲。加咗隻煎蛋真係加分，蛋黃仲係流心，撈埋飯一齊食幾滿足。整體嚟講，呢間外賣唔算話平到爆，但就對得住個價錢，食物質素唔馬虎。係嗰啲你會記得返轉頭再叫多次嗰種。

呢間外賣小店啲泰國菜味道真係幾正宗，主打係外賣，堂食都有一張細細張嘅枱仔。🧡青咖喱雞 $56呢個咖喱汁真係好正，係勁香嘅椰奶味，有一刻嘅錯覺覺得飲緊椰奶湯，辣度嚟講唔算辣，雞肉口感就偏韌。🧡豬頸肉飯$60豬頸肉薄切份量都幾多，而且燒到好似好焦香，單食已經好夠味，點埋個特製醬汁更加Juicy。🧡肉碎生菜包$56肉碎煮得好入味，味道好正宗，食中辣椒🌶️籽嘅話覺得好辣。配埋超爽口新鮮嘅生菜，真係超開胃。

泰恩愛 Badi Eats🇹🇭位於銅鑼灣，就係聖保祿對面，做外賣既泰國野，泰國人主理，感覺非常地道✨價錢都算係好親民，即叫即做，煮既時候已經好香👍🏻冬陰功湯，我既泰國最愛，一打開已經好香，勁大碗🍲香料味好足，酸味同辣味都幾平衡，好正🤤飲得好爽，肉碎生菜包，又係大大盒，好多肉碎，炒得好香，配埋生菜好味，高質👍🏻泰式金邊粉，都係好大盒😳金邊粉炒得好均勻，味道相當唔錯，粉條有口感，蝦好爽身，仲好多添，好味既金邊🤗性價比爆標既外賣泰菜❣️