泰式茶餐廳 (已結業)

在鰂魚涌午飯時間，任何地方，即使很難吃的都很多人。這間餐廳第二次來吃，今次點了海南雞飯。五十五元有熱飲有湯。在這區價錢算差不多。雞煮得正常，沒甚麼驚喜。要配他給的醬才好吃。醬中應下了好多蒜蓉，我個人都很喜歡，但耐何那氣味會長留口中。油飯不太油，可以煮得更香。這個飯差了點。不過湯幾好喝，幾香。不過有樣安排不好的地方，就是本來位置都很窄，他們還在卡位通道上放多張摺枱，坐在內圍的人要出來，就要推開枱和外圍的椅子...十分不方便

今日早餐食得太多，有d飽，本來諗住hea食午餐，點知同事又叫話出去食，仲要食我中意ge泰國野，姐係要我個肚爆炸姐😩一入到去，侍應姐姐即刻幫我地酙水，一見到咁特別ge杯，點可以5港女上身影返張相！佢攞尼裝調味料ge盤都好特別呀！有個好中意食雞ge同事，佢話去泰國餐廳，就一定要叫海南雞飯咁話！我本身麻麻地海南雞，不過就幾中意佢個油飯！同事話我冇咩胃口，最岩就係食菠蘿炒飯，可能我真係要食返d酸酸甜甜野開胃啦，我平時都麻麻地菠蘿，見到提子乾更加會夾開佢，但我今次竟然將佢地全部食哂，仲突然覺得d提子乾好好味！呢個牛肉芒果沙律，一睇就知係我order架啦😂我冇胃口吖嘛。第一次覺得牛肉應該少d，芒果應該多d。比人知一定話我5識貨，明明牛肉貴咁多。但佢個芒果真係好好食，好甜同埋好香！

是日超想食泰國野，行經見多人食就入去一試，唔可以話唔好食既，但比較失望.因為個海南雞唔好食。兼夾午市關係，食得好趕！呢d都見慣不怪泰式豬脾飯，味道都可以，有梅菜索汁同平衝下油膩感。略嫌梅菜唔夠。無試過醬汁，因為就咁食已經好夠味。半飯海南雞，索價85蚊，一睇就知唔好食。見到d雞皮都唔開胃，雞肉唔夠滑，雞胸係「鞋」。無癮午市加左知柚子沙律$22，唔錯，夠凍優惠價$26加個炸蝦餅，不過不失，算係咁啦，埋單$201.

今晚公司annual dinner，不想帶飯要拿著玻璃盒四處走，就決定在公司附近吃午餐。看到此茶餐廳，泰式？這個組合很特別，就嘗試一下吧。十二點進去，還未到最繁忙的時候。午市套餐餐牌，選擇還頗多的~價錢在此區算中等了。我點了Y餐，但不要雞翼要肥牛，配金邊粉。店員說可隨意配搭配菜，讓我能吃到自己最想吃的，很貼心呢。上菜了~ 碗內配菜有魚片，魚蛋，肥牛，草菇，車厘茄和蘿蔔，很豐富(我走了芫荽)。金邊粉的份量很多，一大碗的。魚蛋和魚片都很爽口彈牙，沒腥味，是小小驚喜! 可是肥牛的肥肉比牛肉還要多...不過整碗粉最重要的還是冬蔭功湯。喝下去，它有酸味和鹹味，但不夠濃度，也沒有冬蔭功湯應有的多重味道(來自不同香料/調味料)，讓我有點失望。總括來說這餐廳是抵食的，份量大必能吃得飽。但這冬蔭功我不太滿意啦!

港島呢邊沒點樣食過出名既泰國菜，所以黎左呢間泰式菜餐廳。佢既裝修普普通通，其實同普通泰國茶沒咩分別。呢間餐廳最大既特別一定系性價比，因為佢真系茶餐廳既價格，但質素確實吾差。生蝦大隻新鮮，但隻數只得4隻，如果多d會更好，因為出面食開都系5-6隻以上。另外吾記得住名既豬頸肉米線味道好特別 ，有奶既香味，酸甜的。芒果牛肉沙律新鮮好味。另外叫左個炸物，吾記得左咩名，脆口即整的所以感覺不錯。咖哩個道茶系精華，因為夾住個包去食真系好好味。必點！要系港島搵平令正既泰國茶吾容易，所以呢間會反check

做功課之前食個lunch是但貢左入黎 發現左個有泰味嘅涵水豬脾飯豬脾嘅涵水好入味 佢嘅豬脾係林嘅 我個人都係偏愛林嘅豬脾 再加埋酸菜一流 首先好夾之餘 食到有啲膩可以搵酸菜解解膩再食😂👍🏻大家放lunch經過可一試

Great Thai ! I enjoyed fast my food! Spicy! Delicious soup! Very crowded at lunch time but nice and real feeling!

外表似普通茶餐廳，但叫左幾個泰菜，原來都好有水準，講下個菠蘿炒飯，不是外面有菠蘿皮果種，而是碟上，味道帶甜，菠蘿夠多，有金不換味道，口感新奇帶清新，特飲叫左龍眼冰，清甜龍眼肉夠多，不會太甜，價錢親民。

1點幾,同朋友系呢頭做完野,就想搵野食,發現左呢間,見到都好多人,就覺得好像幾好喔跟住就入左去啦! 哈哈. 可能因為平安夜,所以成間RESTURANT 都好有FEEL, 連個牙簽桶都有小裝飾哈哈,幾開心 系咪好浪漫呢?跟住我地叫LUNCH.叫左個咖喱牛朒飯 同 豬頸肉炒河..2個都系50幾蚊到,個咖喱牛朒飯好香既咖喱味,不過甜左D,同咪呢,牛朒有好多,份量都吾少,哈哈,但整休來講,幾好味加至於個河炒呢, 份量超大,豬頸肉都好QQ, 最特別系.....呢個河粉都系甜加! 哈哈系咪幾特別呢,點解2個都有D甜加.哈哈.不過我同個FD都覺得幾好呢..食食下....格離有人系到打邊爐,正正正,下次都想來食,因為呢個都OK抵食! 哈哈

今日約左個真係好耐無見的中學同學食飯, 佢中途係英國讀書, 依家返香港做野, 比我發現佢係quarry bay返工喎! 咁近我唔係唔約呀! 佢係比較近北角個邊的quarry bay, 唔緊要我可以坐叮叮去佢個邊食飯~ 之後佢帶我去附近一間泰國菜, 入面坐無虛席, 似乎真係幾好食咁喎!揀左佢推介的冬陰公湯麵, 配豬排貢丸, 其實一上枱都聞到甜甜辣辣的味道, 真係口水都流埋~ 無正宗冬陰公咁辣, 不過真係好甜好易入口, 仲愈飲愈多添呀! 相比下豬排貢丸都係一般味道, 湯真係精髓!$48食到大大碗又好味的金邊粉, 包埋飲品喎! 真係超值!

第一次食呢間餐廳，第一淡係幾好味，但後尾開始覺得重口味，落左好多調味品…1) 海南雞飯可能隻雞浸得太耐，所以比較鞋，如果岩岩好的話，雞肉應該會好嫩先岩😜而且啲飯好硬，但個醬就好味，一邊係giv汁，一邊係甜酸醬👍2) 豬頸肉炒飯入面有洋蔥，蕃茄，但可以加多少少提子乾同菠蘿，咁會更加juicy🍍🍇3) 小食拼盤最抵讚既係蝦餅，外脆內軟，仲有啖啖蝦味，正呀;春卷就幾有口感，仲有六件😙;白雲鳳爪就唔太入味，仲要碎上魚餅就最難食，太鹹唔會再幫襯了………………

雖然呢度不是我想去既地方,但由於屋企附近既餐廳都比我試哂所以決定和老豆食下DINNER,看看有無進步冬蔭公夠酸但唔太夠辣,香料味不夠強,亦無過多既椰味,還不差,但太油蝦卷就是平時食到既春卷威力加強蝦,但無中式溝咁多豬肉,蝦肉唔夠爽口,皮脆咖哩汁係配包和軟殼蟹,係呢度既名物咖哩係甜甜地,泰式就是這樣,加左蛋的配上鬆脆軟殼蟹,味道不差,但總是覺得調味單調左一點豬仔包也是熱辣辣帶點脆,沾汁食不錯其實樣樣食物都不算差,但又唔係好食,只能說是FAIR PRICE,FAIR TASTE

隔一段時間再嚟食lunch, 點咗湯河，個fd就食海南雞飯，湯河好一般，個雞飯嘅賣相嘛嘛，又瘦無咩肉食，個fd只係食咗小半已放棄，我個blacklist名單從此又多一間！

約左無數咁多次, 最終係團購最後一日先約得成...不過唔緊要, 最緊要食左佢!一坐低職員就俾左2杯水我地, 泰國風既杯, 不過一望落杯水就有d飄浮物係到...職員放低團購菜單就行開左喇, 我地點好之後都好快上菜青檸梳打: 丁點兒甜味都無, 梳打又無咩氣雞肉串燒: 乾身, 肉質唔夠Juicy, 不過個沙嗲醬還好可以搭救香蕉花沙律: 因為見到香蕉花覺得好特別又未試過所以叫左黎試下; 食落又真係有淡淡香蕉味架喎, 酸酸甜甜, 唔錯海南雞飯: 黃油飯, 但d顏色好淡, 味都好淡雞既顏色反而好黃, 黃到我唔敢食d 皮。我覺得海南雞飯最緊要係佢個醬汁, 但似乎佢個醬就真係好一般了...鹵水豬髀飯: 皮肉分離, 無咩味有d乾團購的, 還好罷, 但不會再來了

今日試了這裡的外賣炒河其實點解會有雜豆唔香,無獲氣,調味也很淡,豬頸肉比較好,但都係淡左點其實可能因為放了雜豆,蕃茄仔令到個河粉變左味建議唔好咁做,泰式炒河的蒜味也消失了