泰式名廚

营业中

休息中

♡冬陰功湯粉 $45：湯底濃郁，口味偏酸，蝦嘅份量好足。♡泰式咖喱炒軟殼蟹 $149:搭配軟殼蟹嘅咖哩汁味道鹹鮮香濃，另外加左份蒜蓉包🍞沾上滿滿嘅咖哩汁真係好惹味😍👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻個咖哩真係好好食好香口🥰不過就冇套餐 全部都要單點，性價比未算好高。

很有地道風味 會再回來今晚行過富多來想食東南亞嘢見到呢間Open Rice 有8個like 得1個覺得唔好 所以就試試今晚要了椰汁雞湯、海鮮沙律、飛天通菜以及海南雞。椰汁雞湯與其他泰國菜俾有鮮味以及很香的椰汁味。辣味不會蓋過鮮味。👍雞唔會鞋。海鮮沙律我地叫汁另上因爲同行有人唔食辣。這個有驚喜因爲沙律的洋蔥以及蔥都是生的 但一點醬汁就完全蓋過那種辛辣味👍海南雞都是 唔會鞋 半隻$60+ 性價比很高與雞一起上的醬汁同樣都是很出色。我們會再回來。問了泰廚 他一個人又煮又要顧樓面，做了7年。支持支持～～

雖然舖頭細細～好似得一個人做野！坐低眼見好多人都食肉碎飯～Lunch 時間$45一個飯仲有野飲跟～都抵食～我都叫左個肉碎飯～肉碎乾身～重點仲係熱辣辣、吾夠辣～岩曬港人口味！伴牒青瓜好新鮮！整體來講「性價比高」值得再食～野飲叫左罐裝可樂～夠凍！對家個濕炒雞河～都吾差！夠曬味～又係$45～配左個泰式奶茶！奶茶就麻麻地喇😂

呢一間營業時間到夜晚11點，又係啱晒夜晚放工你買嘢食嘅朋友仔，見到員工貌似泰國人，記得留意要預多少少時間，因為舖頭員工唔多，等候時間相對比較長豬肉炒米粉以為泰式炒米粉會好油膩嘅味道會，估唔到米粉口感乾爽，而且非常有鑊氣，亦都唔會黏成一執執的，不過醬汁有點似「美極」的味道，而且配料很少，吃出來感覺有點似香港式的豉油王炒麵，泰式炒金邊粉假如要說他的好處是少油，茄汁味偏重，金邊粉比較濕身。但是配料也不多，頭一兩啖仍然會覺得惹味，吃下去便開始覺得有點「寡」，我會覺得似港式嘅餸菜多個泰式嘅餸菜

今日心血來潮去左澳海城，在Openrice 搵到呢間泰國餐廳，唔多食評，而相片顯示門面唔靚，但睇到餐牌的設計好泰國feel，所以決定去試下，小妹喜好泰國菜。由澳海城2期麥當勞行過去，過對面馬路，前後5分鐘就到，非常易搵。見到間餐廳非常細，全場得10個位，一個侍應。侍應係後生仔，明顯係泰國人，但識講廣東話。落單叫左蟹肉芒果炒飯，冬陰公湯河，酸辣鳳爪，珍多冰。跟著見到侍應就去左廚房煮野食...原來佢要做埋廚師，犀利👍🏻+💰55🥢蟹肉芒果炒飯：超多蟹肉，芒果夠甜，份量多，好食抵食，95分。+💰40🥢冬陰公湯河：是日特價精選，大大份，有兩隻蝦，但個湯唔夠濃，70分。+💰45🥢酸辣鳳爪：大碟，冇骨，夠酸夠辣，好味，90分！+💰18🥢珍多冰：夠晒地道，好好飲，100分！總結：性價比高的泰國菜，味道中上，店舖位置又就腳，環境舒服，小店仲有紙巾提供，整體感覺就係好，絕對值得有更多評價！

喜出望外嘅泰國本地人小店😍今日咁岩經過大角嘴原來呢度都好多野食選擇擇左間店面細細嘅泰國餐廳野食大概五六十蚊一份Lunch set會有$35嘅飯連野飲得一位泰國人做哂舖面同廚但效率都好快野食重幾好食😍

其實大角咀都幾多泰國餐廳，今年有一間喺中匯街隱世小店。雖然競爭都幾大但係呢間泰式名廚人流都算幾多，夜晚食飯都通常都爆爆地。泰國人煮理，每道泰式小菜其實都做得唔錯。其中最突出、最好食、最有驚喜嘅就係佢地嘅蒜蓉包！佢係外面即刻同你燒，口感非常之鬆軟，外層非常脆，同埋好香蒜蓉味，同厚切既麵包係非常匹配！另外我地同時間都點左泰式冬陰公、泰式炒金邊粉(padthai)、燒鱸魚同埋每人一隻照燒雞翼，好味道。每人埋單都只係一百蚊左近。●綜合評分: 1. 湯底: - - - - -2.食材: ★★★☆☆ 3. 環境: ★★★★☆ 4. 價錢: ★★★★★

幾日前同事想食泰式午餐🇹🇭🇹🇭🇹🇭直到今日終於食到了😁😁 第一次來到泰式名廚店面細細⋯⋯好彩同事眼利見到👁👁入到去坐位不多 店員好快安排我地坐低俾埋餐牌驟眼望落去大部分食品價錢都非常相宜⋯⋯我地見到午餐價錢非常抵，包凍飲一個餐都唔過$40 今時今日嘅香港真係好難搵落單後 先來凍飲一杯非常泰式的凍奶茶海南雞飯 飯香有薑味喇沙湯河 味道正常 少少spicy 👌🏻👌🏻👌🏻冬陰公河 幾好 $40包凍飲 性價比高同事都非常滿意今日嘅午餐 但若果係大食男士份量可能偏少 會唔夠飽

經常黎食，老闆自己就係泰國人基本上點過嗰野都好味！睇我湯都飲曬～😆😆😆😆😆之前點過冬陰功湯河，就無咁豐富～炒菜好食！好推薦！我就鍾意「飛天通菜 轉 西蘭花🥦」😋係附近幾見泰國菜入邊，哩間已經好好啦

今日同女朋友去咗。食咗個蝦餅同埋芒果炒飯。食完之後冇諗過要再返去。炒飯啱啱上枱嘅時候都唔係熱嘅熱。蝦餅感覺啲蝦唔係咁新鮮。雖然應該覺得幫襯啲小店，但係俾錢買難受嘅感覺唔係咁舒服。雖然話一分錢一分貨，但係總共俾咗$113嘅時候都希望可以食返有少少水準嘅嘢，而唔係難食的。餐廳內部嘅環境算係不過不失餐廳，裏面可以容納大概10個顧客。希望呢間餐廳睇完我食評之後將來會對佢嘅食物有所改進而令到我將來亦都會有機會返去再嘗試佢啦

有時經過依間野都好似唔係好起眼。簡簡漏漏咁。今日路過想食泰國野就入去試下。無論啲待應同廚師都係泰國人。我諗都會正宗掛。叫左幾個餸。泰式金邊粉，我諗好多間泰國野都有。但間間都唔同味。依間比較乾身，味道冇平時啲咁甜。蝦都算新鮮，都有啲口感。整體上唔錯幾好。之個係蠔仔蛋。依個我比較小見唔係間間泰國野有。出黎又幾好食。個蛋炒得幾香同嫩。啲蠔都算大隻。我唔算食得鯹都可以接受。配左個辣汁一流。依個泰式沙律，辣左小小。但都幾鮮。蒜炒椰菜苗。唔知點屋企又係蒜佢又係蒜。佢又炒得好食啲。

老闆熱情有禮keep住都有人入嚟幫襯地方狹小，所以我地都食完就走份量多返d就好了家庭式經營唔會好濃味每碟有辣椒粉在旁自行加配3個人嗌左牛肉濕炒、泰式炒金邊粉、海鮮炒飯每樣都中規中矩小店經營算是不錯

由於近排比較得閒少少，所以又報左啲堂上。上個星期四31/5就去左奧海城上堂，因為有人遲到所以黎唔切食午飯。。。大概5點左右上完堂，當然要去食返個‘lunch’啦，於是打開openrice睇下附近有咩食，見到好多都係推介係大角咀果邊，所以就走過去找找。去到富來商場附近已經見到有好幾間餐廳，又越式，中式，日式，泰式，都唔知點揀好，於是就每間都停低睇睇Menu。行左幾間，唯獨是泰國菜餐廳的老闆行出來介紹，所以最後就揀左食泰國菜啦。可能時間過早，間舖入面冇其他食客，但由於太肚餓，所以照入去點菜，入面既裝修好家庭式，但老闆係泰國人，所以我諗味道應該都ok既。Menu既設計係茶餐廳式既設計，但價錢都合理，可能係切合家庭式裝修😂。今次點左三樣野加杯珍多冰，整體味道都唔錯，值得一試👍（除左個豬頸肉炒飯普通左啲）

經營者係泰國一家人，老闆人超級熱情，每次食完都會講泰文嘅多謝。菜色亦出色，最鍾意食香葉肉碎飯，好足料，又唔會太濕，蝦膏炒飯都推薦！而且開到一兩點，幾晏返屋企都可以去佢度食！

星期六遲咗少少收工，通常喺荃灣、青衣、尖沙咀等周圍都難有車位，所以大角咀係一個好嘅選擇，可能位置較偏所以車位多d，我哋多數會泊低架車喺新九龍廣場，之後行出去搵食！今日喺日本丼、四川辣麵同泰國菜，三店之間揀咗呢間其貌不揚嘅泰國菜。個門口好細，鋪入面仲細，得四張枱，因為太細又有客人，所以無影到相！店面只有一個女仔落單、收碗、執台、收銀一腳踢。後尾見到廚師應該係爸爸，全間鋪就好似得佢兩個人，可能仲有阿媽喺後巷洗碗都未定。感覺就好似去咗佢地屋企開餐咁，好攪笑！一睇menu，基本上想食嘅泰國菜都有齊，而且價錢相宜。心諗，係咪伏黎架？！不過因為太肚餓，所以唔理得咁多，好快就決定食咩，落咗單至算。冇耐，就好快有得食，速度快到呢……飛天通菜份量正常，通菜脆口爽身，味道亦好夠味。咖哩軟殼蟹延續前幾日喺Element 想食呢味嘢嘅慾望~~咖哩汁好香，有大量配料，洋蔥、青椒、芹菜&金不煥，配埋蛋花，撈飯一流!所以我哋叫咗一個白飯。軟殼蟹就好似得一隻半，略嫌少左d。撲上薄薄既粉炸到香脆，其實都唔錯。豬頸肉沙律豬頸肉豬薄切燒香，但比較乾身，但加埋蕃茄、青瓜、甘筍絲，酸酸地幾開胃，不過不失啦！見隔離枱3個人叫咗大