泰廚泰國菜館

营业中

休息中

星期日在旺角行街shopping, 同朋友去食了個平靚正的泰菜午餐, 估唔到在這熱鬧的旺角都有間咁好味的泰菜餐廳!一入餐廳座低落咗order, 侍應便上了兩碗熱辣辣的泰式餐湯, 飲落去小小辣, 有很香的香葉的味道, 仲有些豬肉碎, 很是開胃, 待湯飲完, 我們order的食物都陸續上枱了, 效率好快, 首先上來的是泰式串燒, 一串豬一串雞, 配泰式沙嗲醬, 雞肉香得來, 肉質都好嫩滑, 豬肉粒也是很香口, 嚼下嚼下有很濃郁的豬肉香, 再加上沙嗲醬, 非常惹味!之後泰式海南雞飯來到我們面前, 海南雞飯我真的是食過不少, 但這間泰廚的海南雞飯相當唔錯! 雞肉全部起晒骨, 又嫩又滑, 點上他們自製的泰式辣椒醬, 再食一啖黃油飯, 哇! 好好味! 就連雞皮都一樣咁滑咁好食! 這間餐廳的海南雞飯真的算是香港其中一間好好食的! 正!之後海鮮炒飯都上枱了, 炒飯顏色頗深, 見到有好多海鮮, 有蠔仔, 魷魚, 蝦仁, 雞蛋等等, 食落口, 炒飯好香口, 好惹味! 飯裡面仲有數粒紅辣椒粒, 食在口裡, 又香又辣, 令人食不停口, 味道相當唔錯!最後我們仲可以用一元選一款甜品, 我們選了椰汁糕,上面一層是

<泰廚>-經過旺角 友人選擇既泰國菜 🇹🇭利申 係清邁翻黎之後 冇覺得香港既泰國野好味舖頭有兩層 今次安排坐上層卡位同九龍城大部分既泰菜館唔同 呢到既侍應都係香港人 不過舖頭名叫泰廚 又唔係叫泰侍應 唔重要啦部分菜式有優惠 餐牌上面就寫每晚十點後都有優惠但店員就話除左泰式豬手(餐牌上星期三既優惠)冇得叫外其他優惠可任擇其一 另每滿$200可加選$1優惠計翻條數係冇收加一既 三個人total$291—————————————————————-『冬蔭大頭蝦湯 ต้มยำกุ้ง』🍲 - $75-香料落得足 香茅 檸檬葉 芫茜 都有但問題係香茅其實唔會食 飲既過程要一路隔渣先得味道方面 冬蔭其實係泰文係解酸辣湯但個湯唔夠酸 更唔好話辣不過換另外一個角度睇 都可以叫做迎合香港人口味-『泰式菠蘿炒飯 เข้าผัดสับปะรด』🍍 - $98/優惠價 $75-每次食菠蘿炒飯都諗起泰文老師話菠蘿炒飯唔係泰國野不論如何 呢樣都係九成九香港泰菜館都有既菜式材料有三色豆 提子乾 墨魚 青口 蝦 菠蘿等炒完放返係半邊菠蘿入邊 上面鋪滿肉鬆味道偏甜 另外都好重黃薑味 不過都係平時食到菠蘿炒飯既味道-『

其實呢間泰廚幾年前新開時 我間中就會食下 都好正 由其係串燒 😈 不過對上一次食已經係年幾前 今日甘啱食 tea時間經過再同客人一齊食 👍🏻 🍴乾咖喱炒雞 80 蚊🔥🐥 蒜蓉包 28 蚊好正既咖喱炒雞 最欣賞係佢 d汁 夠奶香 甜咸適中 有 d似黃咖喱 但唔辣 . 佢係咸過正常少少 令到人忍唔住點薄餅 or蒜蓉包😂 蒜蓉包28 蚊有4,5 舊 好抵 口感香脆 入面軟熟 . 咖喱雞係切得 薄既雞柳 口感軟滑 盡吸咖喱汁 好味🐥 仲有好多青豆同細粒圓形既泰國茄子 口感 juicy 👍🏻將雞 豆 同茄子 🐥🍆連埋汁放落蒜蓉包食 好正 🍴咸檸梳打 22 蚊😀用左泰式梳打水 本身 d汽都好夠 同埋佢個咸檸有兩個 醃得好夠味 咸咸甜甜甘 唔錯👍🏻 🍴串燒 🔥豬雞豬頸肉每串12 蚊🐥🐷和牛串 每串20 蚊🐮黎泰廚一定要食串燒 雞肉同豬肉都切成大大件 豬肉口感煙靭 夠 juicy而雞肉口感彈牙 夠嫩滑🐤 點埋自製既香濃沙嗲汁好惹味 😍另上既豬頸肉切成薄長身 好有炭香風味 出面香脆 入面有豬頸肉肥膏既 juicy邪惡😈 同樣另上既和牛串 用左洋葱同青椒做配菜🌿 和牛 牛肉味濃 口感帶 d煙靭 幾鍾意佢既

次次去旺角都好想食泰廚，係平價又好食嘅泰國菜。餐廳定時會提供指定菜色優惠，仲有加一蚊可以簡四款中其一，實在好抵。今次唔小心叫太多野，所以都係唔叫住。燒豬頸肉香茅味重，單單係腌料已經非常用心，見到有一絲絲嘅香茅。豬頸肉燒得側面焦香，然後點上酸辣酸辣嘅醬汁開胃又減低油膩感泰式豬手我地去個日泰式豬手做緊優惠，咁一於叫黎試下。肉滷得軟腍，入口即化。馬拉盞通菜口味偏甜，辣味不算重。泰式炒金邊粉酸度拿捏得剛好，好開胃。食到有粒粒大蝦，加上菜脯，食起來特別香。冬蔭公大頭蝦湯我第二次叫呢個湯，大頭蝦勁巨型。湯酸辣度夠，上黎個陣已經香氣撲鼻。青檸梳打原枝梳打上，確保到佢唔會額外加好多糖水咁甜。

今日同男朋友去左旺角食lunch，突然好想食泰國菜，我地就塊左泰廚泰國菜館。門口人龍好長，我地等左一陣先入到！我叫左海鮮炒飯和海南雞飯，可以同男朋友開心share。男朋友大讚好食！海南雞好嫩滑，雞肉滑溜鮮甜，雞皮唔肥膩，雞油飯香口，飯粒有咬口唔會太軟。炒飯唔會油膩，海鮮份量好多。我地仲叫左兩個小食。炸蝦餅、炸春卷拼盤，超愛炸蝦餅，爽口蝦膠外層脆卜卜，即叫即炸好熱好脆口，春卷好足料。男朋友叫左串燒，醬汁香濃惹味，咸香香口，肉質爽嫩唔會燒到好乾身。

平時行過寵物街成日見倒呢間泰國菜排哂長龍，今日買完寵物野行過聞倒好香串燒味已經流哂口水，索性坐低食個飯。星期一至日都有唔同優惠，唔洗等到十點後都可以叫架！仲有一蚊優惠！叫滿二百蚊就有得叫一樣！ 我地揀左一蚊生蝦！有四隻，份量都唔小另外再叫左原碟生蝦，因為我同朋友都好中意食生蝦生蝦入口爽甜，可以加埋蒜頭同辣椒夾住黎食再多一重口感。伴碟既綠色醬汁酸酸辣辣好開胃！青檸梳打，原枝梳打上，由客人自己隨意倒落杯中，唔洗驚飲得慢啲冰會溶哂沖淡味道！和牛串，牛味濃郁，一啲都唔韌！醬汁好清新，同和牛好夾！仲有青椒同洋蔥都燒得絕不馬虎！馬拉盞炒通菜，每次食泰國菜都必點既菜式通菜炒得非常惹味夠哂鑊氣！通菜亦無炒得過耐而變黑。泰式明爐烏頭魚，上檯見倒個湯落足料，有香茅，椰菜，芹菜，南薑同酸梅等等。飲落有啲似唔辣版既冬陰公，酸酸辣辣。魚既肉質都好嫩滑，而且慢慢滾仲索哂啲湯汁！食完一次就明點解咁多人排隊，又平又好味！

今日閒日放例假，約友人行旺角金魚街最適合不過，人唔太多，可輕鬆自在睇下狗仔、金魚順便補下d狗罐頭最爽。行到腳仔軟，好在這裏特別多餐廳，醫肚不成問題，問題是太多選擇，一時間不知食什麼好。忽然記起之前食過街尾的泰廚泰國菜館味道不錯，價錢又唔貴， 最想飲的冬陰功湯又香辣味足，不禁口水流了，這時候就决定再食這間。餐廳雖然過了午飯時間，但仍然有多枱食客，可想像泰國 菜館是有它的捧場客。看了餐牌一陣,當然離不開冬陰功海鮮湯HK$75，果真足料味濃，少許辣而椰香味濃， 材料中海蝦 、鮮魷和青口爽口惹味，加上湯料中的香茅，令湯底香味十足，好飲。餐牌日日有優惠中有泰式豬手,例牌HK$58，低食。大大隻切件上， 肉質軟腴，口感勁軟，加上汁香味濃， 跟碗白飯食一流。配菜有香濃梅菜和鹵水蛋,同是濃味濃郁，正！最後還叫了明爐烏頭HK$99， 大大條原條烏頭上爐，配上酸菜,開着爐隔住火慢慢滾住食， 熱騰騰食落肚特別美味。美食當前， 點都要搵啲飲品嘅 ，叫了泰啤星霞，易入口，配上雪到冰冷的啤酒杯，特別正！

行完金魚街，又到午餐時間，路過泰廚，見到門口個姐姐正在燒串燒，立即口水大增，就入內食個午飯吧! 環境不算大，雖然有閣樓，但座位數目亦不算多。裝潢簡潔，食物份量大，價錢亦貼地。我點了泰式海南雞飯，雞肉已去骨，很嫩滑，皮下脂肪少。飯不像星馬風味般用上薑黃飯，泰式的是沒有加上咖哩粉或濃味香料，就只用上雞油及薑，所以油飯充滿雞油香。而泰式海南雞的醬就只有一種酸甜辣醬，份量十足。另外點了泰式豬頸肉湯河，豬頸肉燒得香口而不乾身，配上清甜的湯底及幼滑的河粉。在門口給串燒所吸引，當然再飽都要點一客吧，要了三串雞，燒得不會太乾身，配上香濃沙嗲醬，更惹味。飲品就點了食泰菜必飲的泰式青檸梳打，餐廳會原支泰國梳打水上，不是用其他大陸牌的梳打水，配上青檸，十分清爽。

旺角有不少食肆，這間比較接近花園街附近，有兩層。下層不算太大，最多人喜歡的大路泰菜這裡都有。叫了燒豬頸肉，最喜歡他們的泰式酸汁，燒得很多肉汁，又不肥，很Juicy也叫了海南雞半隻。份量也真不少。雞味較濃。還有1蚊生蝦，真是抵食。還有蒜蓉椰菜頭。泰式生蝦是辣又酸酸的，汁和雞和豬頸肉不同，很惹味。食完用來點椰菜頭也很合適。我比較喜歡食椰菜頭。兩個人食飯300幾蚊幾抵食。坐位方面也可以，服務也不錯。地點方面容易找。約朋友就腳。他們還有Satay串燒，用炭爐燒。很香，下次可以試試。

出面燒烤好香，見到好多人排隊，未食過所以抱住一試無妨心態來吃。餐廳老闆又幾有生意頭腦，又$1生蝦，又每日特價，唔怪得咁多人。等左一陣我地坐低左，環境有少少逼，連相都唔太想影。我哋叫咗一個大頭蝦冬陰公。冬陰公湯好濃郁，屬於少辣，分量有四小碗。大頭蝦好大隻，肉質結實！good。沙嗲雞/豬各一串，豬肉爽口彈牙，比雞肉好味。和牛串燒，肉質淋得來牛肉味濃，比雞肉和豬肉更好味。一蚊生蝦，有4隻，睇落唔算好靚仔，但係都新鮮嘅，肉質彈牙。美中不足係醬汁就唔夠辣。泰式木瓜沙律，好大碟，好濃味，鐘意食泰式辣嘅人一定鍾意。辣椒香葉肉碎炒飯，全晚最好食嘅一個菜。炒飯炒得好香，有辣椒、肉碎，味道非常好。

二月初，年廿八午膳。快要過年了，吃瘋喝瘋之餘也要美美的過新年，跟閨蜜早就約好今天的美容療程，中午早點出來找吃的。閨蜜突然想吃泰國菜，旺角區泰菜館多的是，就進去這家試試。人太多，我們被安排在樓上。閨蜜想吃雞飯，稍為詢問多兩句就被回嘴，點錯那怎麼辦？中午選擇不多，湯河也沒有，索性讓他撈檬轉湯檬。先來一人一碗是日例湯節瓜湯，坦白說，鹹得不得了，喝了兩口已經滿是味精味，清一點就好了。其實套餐有免費配特調，不過經過那碗湯之後想到假如太甜怎麼辦，加上在泰國的時候習慣了吃湯粉配啤酒，安全起見點一瓶我愛喝的SINGHA，省得之後要再買水喝。然後就有炭燒豬頸肉湯檬，就是很一般的泰式港味湯檬，加幾片豬頸肉，味精濃湯，也沒有必需的調味料供應，吃泰國湯粉沒有調味料這個實在太失望。填飽肚子的一頓飯，不過便宜是真的，其他地方恐怕要索價多二十元。

餐廳有推廣優惠，滿$200可加$1，我當然無執輸點了生蝦，蝦肉飽滿彈牙，新鮮沒有腥味。去泰國餐廳我必食串燒，豬肉的脂肪位分佈得平均，油脂味很香，肉又多。沙嗲汁好香，好食到幾乎要加汁，帶點辣味，味道偏甜，加上花生的味道，令串燒變得很惹味馬拉盞通菜大碟，很爽口又沒有渣，證明通菜夠新鮮。泰式鳳爪份量好多，堆到好高，一隻碟差點不夠裝，鳳爪不是太辣，我本身就怕吃酸的食物，這個鳳爪不會只有得酸味，好食又開胃，好推薦大家來食。

與住在旺角的朋友約晚飯局,首選當然是位於附近的餐廳;因朋友都屬於重口味一族,辣味菜是少不了的,綜合兩樣因素,即時想到了這家泰菜餐廳--泰廚;餐廳座落的位置離地鐵站很接近,約朋友確是十分方便;門面人流如鯽,內裡也十分熱鬧;好在我們到達的時間尚早,不用等位就直接進內了;裡面的裝潢比較接地氣,簡潔實用親民化;牆邊一隅掛上一排排的佛牌,隱隱透出泰式風格;菜單選擇豐富多樣,基本上很多菜式都想點,最後精選了就著朋友與我的喜好,點好了菜就馬上落單;當晚特價的加一元的--泰式生蝦一登場,就知道其不是說笑的;蝦肉爽彈中帶點咀嚼感,蘸上泰式辣醬,多重的香料味與辣味很調和,醒胃祛腥而提鮮,兩者是極佳組合!泰式豬手,滷水十分入味,豬皮與肉質俱嫩滑,口感很好,唯一美中不足是鹹味有點多了,幸而底下有爽脆的清焯芥蘭平衡這股鹹味!再來半隻雞蛋,吸收了味蕾中剩餘的鹹味,更覺清新!炸蝦餅拼炸魚餅,其一炸蝦餅外皮酥脆,中間的蝦餅肉實淨中也夠爽彈細緻,蘸上泰式酸甜醬更突出蝦肉鮮味!而炸魚餅其味更濃郁,表層香脆中透出煙燻氣息,內裡的香料味與魚肉及肉餡味也挺融合!燒和牛串,少許的調味已帶出和牛豐腴的牛脂本味,肉質嫩滑,肉汁豐富,

臨近新年都會到花墟買年花，今日又星期六，花墟魚街到處是人潮。逛了兩個鐘終於買到了靚靚桃花和年桔。博鬥完當然要去醫肚，途經泰厨聞到陣陣串燒香味，原來還可以堂食，不用想，就去找個位吧！先點幾串燒烤：雞肉，嫩滑唔過火，豬肉有兩層脂肪，燒得甘香，沙嗲醬非常出色，香濃花生醬味帶少甜，微辣，係小時候街邊檔食到的味道👍冬陰公肥牛金邊粉：冬陰湯好有香矛、檸檬葉味，味道偏甜，微酸微辣，非常適合喜歡冬陰味又唔食得辣嘅朋友，湯裡有好多新鮮嘅菇，金邊亦好爽滑。燒豬頸肉撈檬：肉燒得很香脆，爽口有油香，有大量芽菜生菜同炸乾䓤，加上較得開胃的檬汁，真令人食慾大增。蝦多士：麵包上有好厚的蝦餅上面更有一隻大蝦，再沾上包糠炸得脆而不油，喜歡香口的一定要試試！

同朋友去寵物街買貓糧 經過泰廚門口見到有幾個人等緊買串燒 味道非常香再望下餐牌 價錢相宜 而且免加一決定一試！八點鐘左右 人客都比較多大概等左15-20分鐘左右 安排入座因為晚餐時份 位置都全爆滿 不過不算太擠迫餐廳菜單選擇非常多 兩個人總共嗌左五樣菜式～ 最期待泰式豬手 好快就上菜～果然非常入味 而且不會過鹹肉質好淋 友人不斷讚賞旁邊配菜同豬手味道好夾！每次食泰國菜都會必嗌馬拉盞通菜十分惹味～有少少辣，更加刺激胃口！蝦膏炒飯 飯粒不會過硬，食落都有蝦膏味道炒飯入面蝦肉都非常新鮮彈牙！另外當然要試下串燒嗌了豬和雞各一串，當然無令人失望 沙嗲汁帶少少甜 不會太辣最令人驚喜係肉質仍然juicy ！唔怪得咁多人門口排隊買外賣小食方面嗌左蝦餅同春卷春卷上菜都係十分脆口 蝦餅都係彈牙同蝦味十足！最後店鋪做緊優惠 食滿二百蚊可以一蚊價錢換購生蝦或椰汁糕或木瓜沙津或粉絲沙律因為太飽關係 我地沒有換購到下次希望都有此優惠啦～餐廳性價比高 雖然係一間繁忙餐廳，但員工態度都非常有禮貌會主動介紹菜式同優惠如果想方便食泰國菜唔想去到九龍城咁遠大家可以試下唔會令人失望！