影片
果然系名不虚传 太麻麻鸡饭我真系唔知食左啲乜本身为左食够个泊车优惠谂住食番餐好啲既点知个价就到呀但啲野乸西都爆都未过同一价位咁难食既泰国菜你自己睇下都知架啦依碟就叫脆皮烧腩仔脆？ 边到脆呀？十足今朝拎左去拜神夜晚执番番黎比你咁叮都懒得叮番热比你咁又冻又硬又咸个摆盘又唔知佢想点好诚实好立体咁展现左个味道出黎个通菜就正常既 唔讲个薄饼就系惠康牌果啲 唔讲个咖喱食得下人 但上面旧软脚蟹又系废既 唔热唔脆个几盘小食都系唔好食既都系摆左成日果啲feel啦你话依餐两旧水都算啦你比啲咁既嘢我 你收我五旧几水？真系不可一不可再
继续阅读
呢间泰妈妈系apm开左好耐一直都未试呢排外卖平台做紧满120蚊5折转埋鸡髀为返40几蚊个就同同事一齐试咗我连续食咗2日 2日都感觉好好鸡髀好滑又无肥膏 油饭够味而且够干身粒粒分明 仲有少少芥兰 芥兰条条都食得嘅无碎无烂睇得出真系有拣过讲真其实系几有质素嘅 就算正价转鸡髀都系75蚊系对得住正价价钱 如果唔转鸡髀可能就会觉得唔抵嘅所以真系唔好差果几蚊 一定要转鸡髀之后无咗呢个优惠正价我都会买系暂时系观塘食过最好食嘅海南鸡饭
继续阅读
今日网上外卖平台外卖自取有半价‼️所以就嗌咗个海南鸡饭嚟食，拎到返去公司就开餐。值得惊喜嘅系，佢唔需要加任何钱有外卖餐具用，而且的餐具都系算几高质👍🏿👍🏿。至于食物方面，海南鸡鸡佢系用咗清远走地鸡🐥，所以肉质比较坚挺，唔会话好容易淋，至于酱汁方面，佢就俾咗两种：一种就系姜蓉一种就系酸辣汁，味道方面都算系正宗。而我觉得值得欣赏嘅就系佢嘅菜心，明显系用咗新鲜嘅菜心同埋酱汁都有调校。唯一缺点就系佢成份套餐嘅份量太过细，如果个人大食嘅话就有机会好快肚饿😂😂 用咗半价折扣：77/2=$33.5
继续阅读
伏、伏、伏一间专食泰式鸡饭嘅店舖，啲鸡竟然咁差难食🤦🏻♀️🤦🏻♀️成间舖头餐牌主菜得四五款，照计专注做依几个菜式，无理由咁都搞唔掂。何况佢嘅招牌菜系「无骨海南鸡饭」，心谂应该最安全啦！先唔好讲啲鸡好唔好味，净系佢个餐牌都已经伏。佢个餐牌标明系「无骨海南鸡饭」！当然我唔会傻到以为佢一嚿碎骨都冇，但都唔好离谱到件件鸡都有骨。问个侍应：又话系「无骨海南鸡饭」嘅？点知个侍应话：鸡翼系有骨架㖞。当然鸡翼有骨我知，但其余𠮶啲都有骨㖞？然后佢唔系答我问题点解有骨，佢净系同我讲加$5鸡髀肉咪冇骨啰。如果你就咁写「海南鸡饭」，有骨我接受到。但你大大只字写住「无骨海南鸡饭」，然后嚿嚿都系骨，我真系接受唔到。跟住佢继续好似录音机咁讲鸡胸一定夹鸡翼，鸡翼一定有骨。我再解释俾佢听，首先你个餐牌写住「无骨海南鸡饭」，即系代表你哋嘅海南鸡饭系唔应该有骨，而唔系叫客人加$5去换个鸡髀先至可以成为一碟「无骨海南鸡饭」。然后鸡胸你话冇骨，但系我件件都有骨个㖞，个侍应继续讲：加$5换鸡髀就冇骨。最后，我放弃再同佢讨论有骨同冇骨嘅问题，因为完全沟通唔到，咁简单写返海南鸡饭，冇咗「无骨」两个字，成件事已经解决，如果你做唔到无骨嘅海南鸡饭点解要写无骨呢？之后我决定加$5换个鸡髀，点知嚟到啲鸡好似一串炮仗咁黐住晒！一间卖鸡嘅饭店，连切鸡都可以切成咁，真心觉得好失败。另外，餐厅讲明系用清远鸡，大家一定觉得系肉质嫰滑，鸡味十足，咁就大错特错。佢啲鸡又谐又无味，简直系浪费咗只清远鸡。坦白讲咁嘅质素收呢个价钱都好难有返头客。
继续阅读
依间野开正系另一间贵价泰菜隔离，心谂甘明目张胆抢生意得唔得架，坐入去发现原来系share 一部分厨房😂😂言归正传讲野食先，今次点左猪手饭同埋牛尾饭。猪手饭正正常常，味道ok 而分量都好足，可以一试。而牛尾个汁好食，用黎捞饭真系一流，但就略嫌牛尾件数分量少左d。成餐饭既重点系包泰奶！茶味同奶味夹得岩岩好，饮落有少少甜，之后有少少回甘，系我最中意既味！成餐饭因为包泰奶而升级左！👍👍整体而言性价比超值，单系包泰奶应该都值30~40(好饮过某d 奶茶店）👍👍
继续阅读