影片
港铁黄埔站 B 出口, 步行约6分钟
继续阅读
电话号码
55438963
营业时间
今日营业
11:30 - 15:00
17:30 - 23:30
星期一至日
11:30 - 15:00
17:30 - 23:30
以上资料只供参考，请与餐厅确认详情
有日放工同🤓朋友去红磡食饭，揾到呢间泰式小店叫「泰好食」! 我地点好多嘢食😋。。。 🦐泰式炒虾金边粉$58 – 金边粉炒得干身， 质感弹牙，甜中带酸， 加上多种配料，如芽菜、蛋丝、鲜虾等一齐炒，口感丰富。 1️⃣🥬蒜蓉炒通菜$48 – 炒到口感爽脆。 2️⃣🐔炸鸡翼$50 – 炸到香脆可口，肉质嫩滑。 3️⃣🐷肉碎生菜包$55 – 新鲜猪肉碎加上泰式香料、洋葱拌炒，再用爽脆生菜包住嚟食，好好味。 4️⃣🐔🍲椰汁鸡汤$53 – 清鸡汤加上椰奶、南姜、香茅、柠檬叶、杂菌，味道甜中带酸。 5️⃣🐷猪肉串$36 – 炸到外脆肉软，肉质JUICY，烧汁惹味。 6️⃣🍹龙眼冰$18 – 口感清甜可口。 7️⃣🧉椰汁冰$18 – 奶香味浓。
继续阅读
呢间泰国餐厅真系名副其实嘅泰好食啦！餐厅系一间位于红磡嘅小店，啲菜式全部都好抵食，冇一个item系超过$60，性价比极高。今次点左泰式炒虾金边粉、肉碎生菜包、飞天通菜同埋酸辣去骨凤爪。Pad Thai炒到好香，唔会好油，加埋弹牙既大虾，正。肉碎生菜包辣辣地，好香口。岩哂钟意食辣野既朋友。去骨凤爪酸酸辣辣，好开胃，佢嘅口感爽口弹呀，而且唔使剥骨，好方便。仲有食泰菜野必食既飞天通菜，好满足啊！饮品方面，我地点左椰汁冰同埋珍多冰。
继续阅读
红磡有唔少卧虎藏龙嘅餐厅，所以不时都会为味觉带嚟惊喜！今次嘅惊喜嚟自一间小店：泰好食，餐厅顾名思义主打泰国菜，并由泰国人主理，味道够晒正宗，而且相对九龙城嘅泰国菜，价钱更亲民，性价比高。不过，餐厅位置唔多，遇上繁忙时间，可能要等等喇！酸辣去骨凤爪小食拣咗酸辣去骨凤爪，酱汁嘅酸比辣度强，非常醒胃，唔食辣都食得。凤爪弹牙，索晒酱汁，好入味呢！飞天通菜切半嘅通菜，新鲜爽口，另加上蒜蓉和同指天椒，非常惹味。冬阴公汤河冬阴公汤底酸酸辣辣，加上阵阵嘅香茅味，充满层次。入口初时嘅辣度以为唔辣，但原来后劲十足，加上河粉索汤，味道唔错呢！泰式海南鸡饭海南鸡饭相信系餐厅嘅招牌，因为无论外卖定堂食，都劲多人叫呢！海南鸡一样系完全无骨，鸡肉偏瘦令人食落无负担，但肉质依然嫩滑。跟饭仲有一碗鸡汤，可惜今日嘅油饭已经售罄，否则更为完美。龙眼冰、泰式奶茶讲到泰式饮品，点少得龙眼冰同泰式奶茶。龙眼冰非常清甜，解喝又清新；泰式奶茶非常香浓，奶香润滑。
继续阅读
泰国人主理餐厅🍴应该系红土区最抵食🥰唔洗3旧水可以食到5款菜，包埋野饮🧋#椰子鸡汤 $53好正宗泰式既味道，同中式个款完全唔同，汤底偏酸，辣辣地，好开胃🥣#泰式炒金边粉 $58大大碟，2个人些牙够晒，仲拣左虾球做配菜，粒虾好新鲜又弹牙，够镬气配菜多🍜#炸鸡翼 $50一碟有5只，炸得好脆，配埋泰式辣酱，鸡翼好入味，味道都唔错👌🏻#猪肉串 $40系泰国街边小食，而家系香港都食到🥰猪肉好爽口弹牙，如果有埋糯米饭更正！#飞天通菜 $48呢个还可以😌正常水准，个人钟意食幼身个款通菜，食得辣可以加辣🌶️🧋泰奶 $18同泰国一样偏甜，系个浸特别既茶味🥰
继续阅读
呢间喺红磡嘅泰式餐厅（泰好食），虽然唔系好大，但五脏俱全，佢哋嘅野食真系名副其实嘅好食😋 我同朋友今日食咗佢哋嘅香叶辣肉碎烩饭，有少少辣，令人食指大动，更加开胃。肉碎份量都够多，可以捞晒晒成碗饭。泰式海南鸡饭，泰式甜酸酱酸酸甜甜配上新鲜嘅海南鸡，鸡肉亦都够嫩滑，合格🤤 小食炸鸡翼口感酥脆，搭配埋泰式辣酱真系唔会输嘅组合😍😍 最后佢哋嘅泰式奶茶，对于香港人嚟讲可能会觉得少少甜，但几贴合泰国风味😽
继续阅读