影片
食家推介
今日经过午市时间经过难得仲未full 唔使等位就入去食个lunch｡★ﾟ清迈猪颈肉饭私心推荐！！！之前星期五午餐试过食泰式手撕鸡饭，真系一食就爱上，只此通常星期五都会谂起想食，原来清迈猪颈肉饭基本上系差唔多，系用泰式酱汁拌猪颈肉、洋葱、甘笋、青瓜等食，口感爽脆，有时本身无咩胃口，食呢个都可以食得晒成碟饭，我个人真心觉得好好食 ｡☆ﾟ无骨海南鸡饭味道不过不失，酱料无惊喜，油饭都唔算特别香，不过鸡肉非常嫩滑午餐包括冬荫功汤同埋热饮，特别想讲系我每次饮个冬荫功汤味道都会有偏差，有时会特别酸，有时又会特别辣，如果以泰国餐厅讲，味道真系唔够稳定
继续阅读
菠萝鸡粒肉松炒饭一如既往地好食，个炒饭粒粒分明，好有镬气。菠萝味好出好香好开胃😍呢道菜必叫。新叫咗个咖哩鸡饭嚟试下，椰奶味好浓郁好香！鸡件都多同嫩滑，朋友十分中意呢😋通菜好惹味，茎同叶份量各一半，系多油咗少少，但都系每次来都会叫。鸡翼炸得啱啱好，好脆呀，入面完全唔干，有肉汁的。
继续阅读
#20230730 💛📍 泰国佬餐厅 大埔广福道127号地舖➖➖➖➖➖➖➖➖➖➖➖➖➖➖➖➖➖➖#冬荫功汤底 #金边粉 $52 🫧 #猪颈肉 #鸡丝 💭 星期日仲有lunch set即刻加分🤪冬荫功少辣到完全唔觉，反而重蕃茄味🍅有啲似红汤既feel😅有得拣粉再拣两个𩠌，泰式车仔面咁款，猪颈肉发挥正常，爽口弹牙👍🏼鸡丝有啲惊喜，因为唔系熟悉鸡丝既样，而系白切鸡咁既样，但食落好滑，星期日尼讲五十几蚊个lunch有埋野饮，都算系抵食之选.#蟹肉炒饭 $78💭 个炒饭睇落平平无奇，其实啖啖都食到蟹籽既咸香味，偶尔会食到一梳梳蟹肉🦀虽然唔多，但证明真材实料，比呢个价钱合理啦，份量足以食饱😎lunch set叫炒野除左跟野饮，仲有得跟碗冬荫功汤，同样抵食🤑.#午餐 #跟 #热柠茶 #热柠水 .#大埔美食 #大埔黄店 #🐷在大埔 #🐷_食
继续阅读
一条友入到大埔揾野食都几容易，见到有泰国野食，价钱又唔贵，又唔洗等位就入去食。叫咗个香辣肉碎煎蛋饭追加多个炸虾饼，虾饼口感爽别弹牙，虾肉无雪味同腥味，炸到好脆，摆咗一阵冻咗食都无咩油益味。肉碎饭份量都几大兜，有辣同咸味，略嫌无咩香料味。整体都好食。
继续阅读
成日都有外卖员在门口等餐终于一试系唔系咁好食试左佢的金边粉都几有镬气而且料都新鲜仲有个菠萝炒饭甜甜地又饱肚，果然都唔差 下次都叫外卖送番屋企食
继续阅读