影片
食家推介
之前行经过湾仔，见到佢哋推出左个抗疫外卖餐，所以今日就趁着中午出去买返个返嚟试吓。今日系星期三，所以就去到买咗佢个泰式海南鸡饭。返到去一打开盒饭，已经闻到好香嘅鸡味，食落口每一啖鸡肉都好嫩滑，配合埋佢哋嘅秘制酱汁酸酸甜甜非常好味。佢嘅饭好香鸡油味，但系又唔会太多油，恰到好处，感觉好似真系疫情期间去咗次泰国食海南鸡饭咁样。最后饮埋佢个冬瓜汤，非常好饮，唔似出面啲味精汤。呢啲时势，三十九蚊食到个正宗海南鸡饭，仲有碗靓汤饮，真系好满足。
继续阅读
呢间真系食左好多次因为之前公司系湾仔好钟意佢个鸡油饭唔系出面好多添加色素嘅饭都钟意d鸡上之前会过一次汤唔会咁干又唔会超级冻食到鸡翅定系鸡腿、鸡胸，真系睇缘分啦！虽然个汤多味精，但系我都系好钟意个冬瓜汤。平时lunch食真系平靓正！！冻饮都唔洗加钱XD夜晚今次懒得叫野饮了(/ω＼)
继续阅读
星期六午饭好难揾位，揾左几间在大街的都无位，有朋友推荐试下谭臣道，我们便入了去，入时还有位，不多久已坐满，好在快人一步。午市有套餐餐牌叫得做海南鸡，无理由不叫碟食下。泰式海南鸡配鸡油香饭及冬瓜鸡汤 $57鸡油饭的鸡油味不算好出，鸡份量多，肉质颇滑，味道一般。冬瓜汤少少咸。 喇沙扎肉鱼蛋汤金边粉 $51 👍😊喇沙汤好好味，虽然个样同平时食开好似有点不一样，够浓香，味道好好，辣度也很好，喜欢食辣的相信会喜欢，又不会过辣盖过了食物本身的味道，𩠌亦够多。 冬阴公汤金边粉 $53 喜欢冬阴公的朋友应该会喜欢这个，汤好正。午餐包特饮，有百香果特饮和木橘蜜，除了特别外，还冻热同价，冻饮不用加钱，超抵。👍😊冻百香果特饮，酸酸甜甜，好清新refreshing，推介👍😊 以上两杯是热百香果特饮和热木橘蜜，好好饮，推介👍😊总体来讲，海南鸡饭我觉得不是最好味，喇沙汤我觉得仲好，我推介，另外餐饮好味，且冻饮不用加钱，又不用加一，真不错。唯一是服务态度就可以提升😅😅
继续阅读
继续努力食均湾仔餐厅，这间泰国人海南鸡，地点比较偏僻，小店只有五六张枱，侍应有疑似泰国人广东话很好。点选了招牌菜，泰国人海南鸡饭 $57，海南鸡，ok ，份量多㸃更好；鸡油饭，不太油，有味道，几好；午餐有例汤，有味精味；冻饮不用加钱。
继续阅读
Lunch揾野食，无无聊聊行过泰国人海南鸡，加上排队既人唔多，就试试啦! 叫左个皇牌海南鸡金边粉。海南鸡算大份，最后都食唔晒。肉质都几滑! 而碗金边粉都几大碗，不过汤底就一般。午餐系套餐，会跟杯野饮。除左基本既柠茶柠水，仲可以拣特饮而不另收费，亮点呀!! 😍😍😍
继续阅读