泰嘟嘟

营业中

休息中

同朋友去食飯，揀咗近期最愛嘅泰國嘢，位於大角咀，交通尚算方便，內在裝橫極具特色，仲幸運地安排咗坐篤篤車嘅打卡位點咗幾個菜，當中會比較喜歡其中呢兩個：1.蟹肉炒飯~最鍾意點蟹肉嘅菜式，唔需要自己剝殼又食到蟹肉，完全係開心到震！炒飯粒粒分明，火喉十足！旁邊配有汁料，但我覺得唔使撈已經非常夠味！2.泰式鐵板蠔仔炒蛋~兩邊都煎到金黃色，內裏蠔仔大大粒，下面墊有芽菜添~飲品方面揀咗青檸梳打，既清爽又解膩三個人都係食咗呢個銀碼，非常抵食！

呢間泰國菜餐廳裝修好有泰國風情🌴🍂仲有啲座位設計成篤篤車咁，打卡一流！去骨海南雞雞肉超滑溜！去晒骨真係啖啖肉，啱晒我呢啲懶人食肉獸🤭皮薄肉嫩，點埋佢哋自家製嘅三色醬：薑蓉、辣椒醬、黑豉油，味道即刻升左一個層次！！雞肉本身已經夠味，唔點醬都已經好食😋呢度嘅海南雞仲滑過我塊面泰式經典明爐烏頭呢個真係必試！我見枱枱都有點😍條烏頭魚好大條厚肉，魚肉鮮甜冇腥味，個湯底酸酸辣辣，仲有粉絲、椰菜、肉碎同菇菌越煮越入味又夠哂飽🫶🏽魚肉吸晒湯汁精華，仲有粉絲墊底，撈埋湯汁食超正！好岩健身人士 呢個好均衡地集合哂碳水+纖維+靚蛋白質😛😛😛香蔥蒜蓉包 麵包控點可以唔叫 新鮮焗起，外酥脆內軟，面頭鋪滿香蔥同蒜蓉，一上枱已經聞到超香！咬落去蒜蓉味好濃，但唔會太搶，加埋微微嘅牛油香，真係停唔到口。我哋仲叫多份嚟送啤酒😝

📍泰嘟嘟 (大角咀)大角咀利得街14號地舖餐廳裝修色彩繽紛，充滿泰國街頭風情，座位模仿篤篤車設計。兩邊牆上掛上球衣及色彩繽紛的壁畫，猶如置身曼谷街頭一樣。🤤🤤🤤✨泰式生蝦刺身生蝦用小杯擺放，肉質爽嫩，蝦肉彈牙。綠色泰式蒜辣汁，橙色酸辣汁，配上兩款醬汁，開胃美味。✨曼谷火山排骨排骨堆成山形，肉嫰多汁，鋪滿蔥花、青辣椒、蒜蓉及芫荽，酸酸辣辣，開胃惹味。實在大滿足🤣🤣🤣✨馬拉盞炒椰菜苗我好喜歡椰菜苗質感，添加馬拉盞炒，味道鹹香，與菜苗嘅甜絕配。✨鹹檸檬梳打✨青檸梳打最後，真的很想讚讚店員，殷勤有禮，態度親切，非常難得。👍🏽👍🏽————————————————————整體用餐體驗✨味道(4/5)✨環境(5/5)✨服務(5/5)✨性價比(4/5）

最近突然很想吃泰國菜，於是選擇了這間最近人氣高漲的餐廳。一進門，餐廳的氣氛就讓人眼前一亮——裝修風格非常符合餐廳的名字，色彩繽紛，充滿泰國街頭的風情，彷彿瞬間穿越到了曼谷的夜市，讓人心情愉悅。泰式金邊粉這道菜絕對是餐廳的招牌之一！金邊粉炒得剛剛好，不會過於油膩，酸甜度也拿捏得恰到好處。粉條Q彈有嚼勁，搭配豆芽、豆腐乾、雞蛋和花生碎，口感層次豐富。泰式生蝦生蝦的新鮮程度讓人驚艷！蝦肉晶瑩剔透，口感爽脆，完全沒有腥味。醬汁是這道菜的靈魂，酸甜中帶點辣勁，非常清爽開胃。辣度適中，椰漿芒果糯米飯作為甜品，這道椰漿芒果糯米飯為整餐畫上了完美的句號。雖然芒果不是當季水果，但依然香甜可口，可見餐廳在選材上的用心。糯米飯處理得恰到好處，軟糯而不黏牙，椰漿的香濃與芒果的清新相得益彰。份量也十分足夠，適合與朋友分享。

今日又去大角咀搵嘢食，經過呢間裝修好有泰國特色就俾佢吸引咗入去~菠蘿海鮮炒飯(走海鮮🤣)由於我真係好想好想食菠蘿炒飯，但近排對海鮮敏感，所以唔食得海鮮嘅關係，所以走晒啲海鮮。不過廚房都落足其他料俾我，味道都係我想要的，飯粒炒得乾身～😻芭堤雅烤雞半隻半隻份量都多，啖啖肉，就算唔點秘製醬汁，隻雞都燒得好入味^_^仲有唔少生菜墊底。香辣肉碎煎太陽蛋飯超大份！香香辣辣，仲有唔少肉汁送飯，一啖接一啖，好味！😙

大角咀真系幾多小店😍 前排同朋友去左呢間泰嘟嘟泰菜餐廳，價錢都好實惠，裝修都幾有特色，卡位仲模仿泰國D嘟嘟車咁tim🇹🇭食泰菜當然要嗌份泰式生蝦啦🦐呢度嘅生蝦好新鮮，無雪藏味，而醬汁仲有2款，橙色醬汁辣辣地，好惹味，而綠色就系酸辣口味～芭堤雅燒雞🐥外皮香脆，入面肉質鮮嫩，令人忍吾住一啖接一啖！泰式菠蘿海鮮炒飯🍍炒飯粒粒分明, 而且真材實料，真系用左粒粒鮮菠蘿去炒，同埋落左腰果亦都增添不少口感👍🏻

大角咀真係一個好多正嘢食嘅地方。上個月啱啱去完泰國，今日就嚟咗大角咀嘅泰tuktuk。裝修好特別，每個卡位都做到tuktuk咁。咖喱軟殼蟹麵包嘅咖喱汁好香濃，原來蟹炸得好通透好脆，超好食！Pad Thai炒得好正宗好足料，好多蝦好多海鮮，甜甜鹹鹹好好食。次次食泰菜都會叫嘅椰汁雞湯，佢整得好滑，因為佢放咗好多椰汁又唔會搶晒啲酸味，好好飲好濃味。另外啤酒嘅收費都好合理，好抵！又俾我搵到一間會成日嚟嘅餐廳啦😋😋😋

今日去開奧運站，記得Openrice推介呢間泰嘟嘟，店內用左泰國波衫和泰國Tuk Tuk車做佈置，充滿泰國風情。泰式菠蘿海鮮炒飯：飯炒得夠乾身，粒粒分明，配料有大蝦、青口、魷魚、螺肉、菠蘿、提子乾、豬肉鬆，非常豐富。鮮蝦炒金邊粉：金邊粉炒得煙煙韌韌，配料有爽口蝦球、芽菜、蛋絲、韮菜、豆卜，仲有伴碟既花生碎，撈埋個酸酸甜甜既醬汁，惹味開胃。甜品拼盤(大)：椰汁西米糕：一上枱就聞到又濃又香既椰子味，裡面既西米香滑可口。泰式千層糕：層層疊疊，顏色鮮艷，食落黏口又Q彈，斑蘭味道十足，令人回味無窮。芒果糯米飯：芒果非常香甜，糯米飯軟糯綿密，加左脆米和椰汁，讓人難以抗拒。珍多冰：整杯飲品用左大樹菠蘿條、椰子肉、斑蘭色粉條，入口爽滑，椰汁味道濃郁。熱柚子蜜：甜甜蜜蜜，暖胃舒服。總結，食物有水準，價錢親民，CP值高。

第一次四個人食，所以叫咗個四人餐，主食可以叫一樣，小食叫四樣，價錢都係$488。我哋叫咗個焗黃咖喱麵包軟殼蟹，真係必點，啲汁要撈晒落個麵包度唔好浪費！叫咗呢個，若果唔一定好麵飯，基本都好夠飽然後再揀咗明爐大蜆煲、去骨豬手煲、串燒半打同埋生菜包，個生菜包堅辣！豬手肥瘦適中夠入味，大蜆就份量唔算多，係勝在個湯夠鮮甜！最後仲叫咗生蝦、冬蔭功，冬蔭功夠香，生蝦個辣汁多到點唔晒🤣賣單每日大約$200，絕對會再返去食，正👍🏻

餐廳係以泰國tuk tuk車為概念裝修，餐廳唔係好大但卡位坐得都舒服💁🏻‍♀️🍽️ 泰式生海蝦12隻先黎個頭盤生蝦，賣相好靚，d蝦係浸住係兩款唔同既醬汁，直接攞起就可以食，兩款醬汁都好味，綠色比較清新，紅色比較酸。🍽️肉碎生菜包肥瘦肉既比例適中，調味不錯，好夠味，如果加埋糯米碎仲正🍽️泰式經典明爐烏頭配菜好足料仲有粉絲墊底，平時食明爐烏頭比較少有跟醬汁，但呢個醬汁真係唔錯，同魚好夾，一定要點…🍽️泰式鐵板蠔仔炒蛋蠔仔係幾大隻下，蛋煎得夠香，同烏頭一樣，最大亮點係個汁，個汁既酸味同甜味同香味都好平衡，大推個汁😋🍽️火山排骨成日見火山排骨，但食真係第一次，夠曬視覺效果，味道都好好，肉入味夠淋，骨肉分離，係今日最好既一道菜！🍽️鮮蝦炒金邊粉🍽️泰式檸檬茶+椰汁冰套餐選擇多，性價比高有免運費既到會服務，開party可以試試

之前喺呢間餐廳食過午餐，覺得味道唔錯，所以今日我哋一行三人就嚟呢度試吓佢哋嘅晚餐，最驚喜係佢哋嘅火山排骨，應該係呢度嘅招牌，我見個個都叫，送上我哋枱面嘅時候仲係好多「火山煙」😂我哋叫咗以下菜式： ✨泰式生海蝦食泰國菜點海蝦刺身是常識吧。呢度嘅生蝦新鮮彈牙配咗兩個醬汁，一排就綠色醬汁，而另外一排就係橙色醬汁。蝦肉彈牙且無腥味，所以配咩汁都好食，但係唔食得辣嘅，就記得拎開啲辣椒，唔係就辣親自己。✨肉碎生菜包呢道菜以新鮮的生菜搭配香煎肉碎，口感清爽又不失濃郁。肉碎調味恰到好處，同平時啲肉碎唔同佢加咗青檸，所以感覺更加清新。✨火山排骨呢道菜以其霸氣的外觀吸引目光，排骨堆成「火山」形狀，而且佢放咗乾冰，真係好似火山咁行出嚟。除咗賣相之外，呢碟火山排骨都非常之惹味，湯汁的酸辣平衡得宜，配以香料如香茅、檸檬葉增添泰式風味。排骨軟嫩，肉質入味，帶有微微的辛辣，唔怪得台台都叫呢碟火山排骨啦。✨泰式明爐烏頭魚明爐烤製的烏頭魚，魚肉細嫩多汁，並帶有濃郁的魚香。配以泰式酸辣醬及檸檬，能有效去除油膩感並提升整體味道。入面嘅配菜：蘑菇同粉絲，都吸入魚肉同湯汁嘅鮮味，除咗食魚之外，記住食佢啲配菜啦。✨泰式鐵板蠔煎鐵

是咁的，小弟一個月都會去食一次，但自從換左個經理之後(大機會新移民)，係間餐廳耀武揚威，指指點點，大佬啊，間嘢細到咁，我食餐飯就係咁睇到你訓話員工，同擺款。本身就冇人，我地兩個人食，又要同人搭台，又要90分鐘，又要收勁快d嘢，慌死我地坐太耐。最後搭左台，但走之前所有卡位都冇人坐，成場得3成人，全部逼埋一角。d食物幾好都冇用啦，食到成肚氣。講起食物，第一次食係9分，最後一次食僅僅合格。大家都頂唔緊個經理阿嬸(唔可以用粗魯語言)。。。警世

人氣平民泰式小店🥢店內裝修充滿泰國地道風味🇹🇭泰拳擺設🥊TukTuk車座位🛺感覺尤如置身泰國鬧市😃豬頸肉擁有特別軟滑爽彈的口感🐽跟豬扒、梅頭或排骨肉質不同🥩加入醬汁蜜糖燒更惹味🍯再放上炭爐上熱辣辣燒香🔥外皮香脆，肉嫩爽口多汁💦帶有炭香的獨特風味🤩粉絲蝦煲上枱開蓋熱辣辣火喉十足🍲大蝦用白胡椒炒香🦐粉絲吸盡醬汁精華😍再加入五花肉、香菜根及芹菜葉🥬帶點微辣及胡椒味，十分惹味🌶️菠蘿炒飯是吃泰國菜其中必點之選🏅香脆的菠蘿粒與口感豐富的海鮮炒在一起🍍散發出香甜與鮮味的完美配搭🙌米飯炒得香口，份量好大碟😙

原本book咗7:30pm ， 7pm早到可俾入， 見餐廳得三張枱有人， 但安排一張外賣枱隔離嘅兩人座，唔緊要。 我哋點咗個二人套餐加多咗個海鮮湯，仲有兩杯嘢飲， 一個係椰青，一張細枱係唔夠位擺， 問職員可唔可以比隔離嗰張未有人坐嘅枱俾我哋放住先， 職員回覆一陣會有人唔俾， 將我地另外兩個餸放喺張外賣枱度。 如果真係有好多人我地唔介意咁做，但係當時仲有三張枱都仲係吉嘅。 最後有個男同事忍唔住出聲先俾多張枱放野。 最後到我地埋單都仲有一張梳化位係冇人坐。好失望🌝除咗呢啲負面嘢，嘢食質素係好嘅， 起碼啲嘢食份量真係大到一張枱都放唔落囉⋯二人餐真係抵食： 有一個超大份量嘅火山排骨，金邊粉，馬拉盞肉碎通菜煲，冬陰功湯都有料，清甜椰青。 埋單471 （二人餐298） 。

朋友住喺大角咀 啱啱收樓入伙佢揀咗呢間人氣度好高嘅泰國菜事先book咗位 唔使等咁耐 因為座位都唔算多但係長期爆滿 試吓係咪真係咁好食二人餐價錢都幾抵 298就有三款菜式但係最後我哋都係就咁單點非常值得推薦泰式豬手煲醬汁香濃，好惹味豬手煮得夠腍 份量有好多呢個價錢真係非常抵！個醬汁撈飯一流另外整咗個平平哋嘅60幾蚊嘅泰式辣肉碎飯配荷包蛋肉碎炒得夠香口 隻蛋遮住咗勁多肉碎 唔使就住就住份量比較大方 欣賞！另外仲有海鮮冬陰功金邊粉大大隻虎蝦超正湯唔會太辣 好飲