影片
以上资料只供参考，请与餐厅确认详情
招牌菜
去完动物诊所攞猫粮之后发现太子果边好多茶餐厅，眼花缭乱之下比呢间嘅大招牌吸引到。行埋睇到个餐牌又唔贵wor，于是就坐左入去食。叫了个邪恶西多拼鸡翼，因为早餐饮左奶茶为左唔生肾者之石所以叫红豆冰。红豆冰先上，虽然叫左少冰不过都唔少。不过红豆都好多，粒粒都几饱满，饮落亦有奶味同红豆味，放过佢啦。坐低即刻有杯热茶，睇到店员即刻喺热水机斟出黎。餐具系柜桶式，系地道嘅街坊茶餐厅形式。西多+鸡翼。虽然份量不算多但炸得好香脆。西多松软，表皮干爽，糖浆同牛油份量刚好，唔会甜到苦。鸡翼外皮有点干。咬开都有一点肉汁，而且有香茅味，是腌过的。质素大约比萨X亚高几个%。饮埋红豆冰埋单32蚊，便宜，连锁餐厅以外的好选择，亦比那些挂名什么什么冰室把平民食品当成国际佳淆卖到超贵的好多了。希望街坊生意能保持水准。
继续阅读
今次我第一次喺open rice留食评，嘥功夫都要留comment。入到餐厅，老细话个餐有汤送有嘢饮，咁咪叫咗个餐啰。转个头个餐到咗，即刻话冇汤送㖞就嚟闩门。补杯嘢饮又话唔得，总之冇。畀啲诚意都好啲，但态度好唔掂，个感觉似系先昆你落搭然后又冇呢样𠮶样。食食下隔离仲闪只曱甴出嚟(好核突唔想影)。如果未试过呢间，真心奉劝唔好试，啲服务好差，一肚气。
继续阅读
上次食蒸鱼饭，都发觉条鱼个肚好苦，谂住可能系自己唔好彩。😖寻日去食，谂住俾次机会佢，再食多次蒸鱼饭，仲苦过上次，个肚入面仲有d内脏系到。🤮佢d野食应该真系洗得好求其....杯冻柠茶味道仲怪怪地，有d好似洗洁精咁既味，唔知系柠檬坏左，定系只杯洗唔干净😐
继续阅读
一个人夜晚食野可以简单D 行行下就拣左呢间，其实太子附近都有好多茶记，不过连锁既都好多，可以试下小店，呢间讲价钱一个晚餐系抵食既。黑椒牛扒肠旦(蛋)意粉，39蚊一个晚餐，冻饮加2蚊 冻柠檬茶， 有汤， 系抵既。黑椒汁没有问题，味道可以。牛扒一块不过口感系可以既 ，会薄少少既牛扒。肠仔就普通既一条肠。冻柠檬茶，味道没问题，出面都系呢只味。旦都没问题，系比较细块不过呢个价已经超抵。汤，粟米红萝卜汤，唔知味精系比较少既。意粉口感就滑滑地，好唔好味视乎个人喜好啦服务就系几个阿姐，态度就一般般啦，可以既 小菜价钱就普遍系58蚊至60蚊， 所以都算平呀。总结晚餐速食绝对可以。茶记质素，超抵价钱。
继续阅读
今朝去食了个早餐，鲍鱼火腿通粉配鸡翼，炒蛋及牛油厚多士，通粉份量颇多，不会太腍，炒蛋一般，蛋香不足及不够滑，鸡翼炸得太干，厚多士烘得够脆，整体味道不过不失，$28都算抵食。
继续阅读