泰味屋

其實食物是可以的~~:)但希望老闆留意下你們親愛的員工係咪做得唔開心？好聲好氣問嘢都可以回答得令你成餐飯都食得唔開心有朝一日你無生意唔需要問點解，要多謝你的前線員工…查看更多

位於大坑的這家泰式餐廳以其海南雞飯而聞名，吸引了不少美食愛好者的光顧。這道菜的雞肉非常嫩滑，肉質細膩且多汁，每一口都能享受到雞肉的鮮美。香草和香料的精心搭配，讓雞肉更加飽滿入味，表現出色。雞飯是這道料理的另一個重要元素。飯粒經由雞湯的烹煮後，吸飽了濃郁的雞香，粒粒分明，又不失柔軟，吃起來相當滿足。搭配的辣醬則提供了適度的辛辣，增添了整體風味的深度和層次。這家餐廳的海南雞飯在味覺層次上別具特色，而讓人印象深刻的還有友好的服務和恬靜的用餐環境。總而言之，這是一道充滿泰國風味的特色料理，值得推薦給所有喜愛東南亞美食的朋友。…查看更多

之前幾年都有過嚟食過呢間泰國嘢，逢親工展會或者去維園都會過嚟食吓嘢，一直水準都保持中上，拍得住九龍城小泰國嘅餐廳不論湯粉，細至蘿蔔，大至炒嘢飲品都相當出色今逢工展會諗住再去回味吓，點知差到不得了青咖喱雞冇色又冇味，一兜水咁樣，唔夠椰漿又唔夠香料泰式船粉湯粉未溶晒開得唔夠多水，肉丸仍然保持水準，粉同湯比例唔啱，太多粉整到一嚿嘢咁Mai aroi lui jing jing, Mai dong maa liao真係好可惜睇嚟去食泰國嘢都係要返返去九龍城…查看更多

泰味屋 📍：大坑銅鑼灣道140號地舖🚗：天后地鐵B出口 步行7分鐘📞：+852 9291-4730💲：~HKD60-100/head for dinnerFood quality✔️：泰式生蝦、紅咖哩飯(牛)、龍眼冰👌🏼：泰式燒豬頸肉總結：😋大坑雖細 但都隱藏唔少hidden gem💎 舞火龍間間爆場所以亂入一間泰式餐廳 出乎我意料地好食 仲要價廉物美 推薦😋佢嘅快餐超抵 一律$57仲有19款選擇 大x樂價錢但食物高質好多 試咗佢嘅紅咖哩飯(牛) 好惹味 香芧同檸檬葉嘅味道都好出 唔算太辣🔥 $57非常滿意😋龍眼冰一杯都係$25only 清甜 龍眼好食🤤😋生蝦新鮮 主要係價錢吸引啲 $78有6塊🤔豬頸肉就略嫌有啲普通 而且唔嫩有點過韌 但唔難食🙂‍↔️🤔服務就中規中矩 流水式要快嘅餐廳都唔會expect太多 所以剛好合格🫡😨環境就普通小店格局 同埋坐得好逼 當日爆場原故所以同其他人搭枱 全程互相聽得好清楚大家講咩話題 尷尬😅…查看更多

我從2016年起開始光顧泰味屋，一直覺得泰味屋的食物是大坑的餐廳中，性價比為高。其豬頸肉、海南雞、菠蘿炒飯、春卷等，皆為中上水準。配合上老闆及老闆娘的好客健談，令我不時過海到大坑品嚐泰國菜。可惜，是次的光顧卻換來失望。食物水平大幅下降。濕炒河比較咸，有大量胡椒粉。椰汁冰非常淡，感覺似加了水？唯蝦餅味道比較可取。是次進食體驗令我非常失望，遠度到大坑卻發現餐廳好像已經不再一樣，老闆及老闆娘亦不在埸。其後才得悉店家已轉手約一年。…查看更多

睇完火龍之後去左泰味屋食飯，本來好開心，點知食食下個紅咖哩，見到入面成隻小強咁既蟲（我個下都唔敢仔細睇），成2cm咁濟，當場冇哂胃口🤢即刻同餐廳講，但個職員唔好意思都冇聲，仲問我隻蟲係咩黎😟 你地煮架喎。。。之後職員拿拿臨收走左隻蟲，話會換過新既紅咖哩比我，但本身個紅咖哩都已經食左一半，你比新既我有咩用🤢 諗住埋單走人啦咁，個紅咖哩咁嘔心，應該都唔會收我地錢😓 點知，原來我諗法係錯既，佢地照收，個女職員仲勁悔氣咁同我講「只換不退」，仲話已經比左個8折我地（但8折其實都唔夠比個紅咖哩）。。。我同佢講唔合理，佢仲勁寸咁話「咁我自己私人比你囉！」。。。大佬，唔係希罕你啲錢，但係衛生同態度問題囉，以後一定唔會再去😅註：因為隻蟲比佢收走左，唔記得影相，唯有upload張8折左既單…查看更多

呢一間位於大坑嘅泰國菜，之前細細個喺附近已經食過，冇諗過咁多年之後都仲喺度，咁就梗係要同朋友試吓啦🙈 餐廳用咗咁多年保留嘅，整體上都冇乜好大嘅改變，今日就決定入去食吓，再之後去附近飲杯嘢🙈🙈我哋推介佢嘅豬頸肉飯，價錢嚟講，唔算太貴，餐廳採用自助嘅形式落單，搞掂之後撳個掣就搞掂，其實都非常方便，而家電子化，豬頸肉嘅味道唔會太肥，而且係泰式嘅風味，再加上餐廳特別調製嘅醬汁，送飯簡直係一流！🙈🙈 啱晒鍾意食飯嘅我哋，另外我哋叫咗兩個小食包括有串燒同埋肉碎煎蛋，肉碎煎蛋非常大份，不過有少少油🙈🙈 串燒再加埋沙嗲醬就簡直係完美！有泰國街頭嘅風味！…查看更多

呢一間開咗好多年嘅大坑泰國菜，今日又同朋友過嚟食，餐廳喺皇仁書院附近，如果喺地鐵站行過去，我諗5分鐘，維多利亞公園方向，整體上我覺得都方便嘅，如果搭巴士就更加快，呢間餐廳嘅價錢平民，而且係小店，大家不妨支持一下！✔️生蝦刺身，有六大隻，而且餐廳用咗自己條配嘅泰式醬汁，加埋蝦刺身，酸酸辣辣咁樣，成個口感作為一個前菜非常開胃，而且質素都非常高，再加埋蒜蓉片同埋辣椒，都真係幾好食，而且冰底，我覺得做得唔錯。✔️泰式炒飯，炒得非常乾身而且有鑊氣，價錢嚟講亦都非常親民大大碟，配料方面都唔錯，下次會繼續返嚟幫襯！…查看更多

Walked past it a couple of times and saw that it’s full house most of the time so decided to give it a try. Ordered the stir fried pork rice noodles and fried clams with chilli paste to share. The stir fried pork rice noodles was wok hei packed and filled with the familiar aroma of Maggi seasoning. Incredibly aromatic. The clams were well seasoned. Loved the creamy curry coconut sauce. Would have been better had the clams been more plump.Thai milk tea.Overall a family run authentic Thai kitchen. Will return for a wider range of items on the menu! …查看更多

求其喺附近搵咗間同朋友入去食，點知咁唔好彩嚟咗呢間泰國嘢。去到環境都還可以，我哋兩個都點咗香葉肉碎煎蛋飯，個飯嚟到之後望左望，好似只係煎蛋飯俾漏咗肉碎咁。我之後去問個侍應，啲肉碎去咗邊，佢話叫我自己搵吓。 真係黑人問號。。大家可以睇吓張相評吓理🤣🤷‍♂️ 請問啲肉碎去咗邊？我再追問之後，佢繼續叫我搵吓啲肉碎。。？我同我朋友都心知中伏，心諗唔怪得知呢間嘢冇人去啦。啲肉碎只有佢先識得搵。希望大家唔好再去俾錢買難受，如果得閒有錢冇埞使，可以試吓嚟呢度感受下。👨🏻‍🍼🤷‍♂️…查看更多

大坑以多種類的美食聞名，通常如果午飯時間路過想簡單吃一餐，這一間泰味屋和附近茶餐廳都會是我首選。泰味屋就在皇仁書院後面，中午時間學生特別多。我也是學生時期就有來吃過，午餐餐牌的選擇已經好多，大致分為飯和麵兩類。我記得以前午餐餐飲可點泰奶，現在要加幾元。泰式炒金邊粉，現在的炒金邊粉好像比以前要濕一點，調味也比以前更甜一點，雞肉量算多。泰式濕炒河，豬肉的濕炒河，不過豬肉的肉質比較普通一點，下次可能點海南雞飯比較好。…查看更多

今日搵食，行咗入呢間菜單豐富嘅食肆，心諗，今餐搞個快活！🍽️ 首先體驗咗佢哋嘅冬蔭功河粉，湯底酸酸地，提神醒胃，但唔夠辣爆，中規中矩，河粉質感彈牙得嚟，吸晒啲湯汁，好入味。佢哋嘅配料都唔少，蝦仁意外咁新鮮，增加咗唔少分數。😋轉個彎，試吓哩家海南雞飯，啲雞肉好滑，油飯香口，同海南雞一拍即合，真心唔戇居。賣相吸引，味道正宗，啲肉質更加嫩滑，頂讚👍！嚟呢度，真係食得開心，食得滿足，而且價格唔會令人心痛。香濃嘅泰味，正宗海南風味，確實係平民價錢嘅高級享受。回味無窮，絕對推介俾朋友，下次一定再黎捧場！…查看更多

今次試咗間泰味屋，真係搵到寶👀！首先，海南雞飯真係秒殺，雞皮滑得嚟，肉質嫩滑，啖啖肉食落去真係有種講唔出嘅滿足感😋。油飯香而唔膩，食落口感正！泰式奶茶呢，甜中帶點苦澀，香濃得黎唔會太膩，真係一試難忘。椰菜苗清爽得來又夠味，脆口得嚟之餘又吸晒啲醬汁，真係別有一番風味。🤤 而啲金邊粉，睇隔離枱嗰位Brother食得咁投入，下次一定要叫嚟試吓！最後，嗰碟黃咖喱魷魚就真係經典，咖喱香濃但唔太辣，溫暖啲胃，難怪啲人成日話食泰國野要有陣仗，啲味道真係夠晒霸氣！話時話，一飽口福之後，都仲有少少位嘅喎，有排嘅港人，大家都係衝呢口福嚟㗎嘛。🌶️ 下次探秘，又要嚟呢度啦！…查看更多

大坑經濟好食泰式小店💕呢間小店應該都開左好耐，最近一次去好似唔同左人，唔知係咪轉左手，見裝飾都有少少唔同左，主食個碟比較特別轉左好泰式既感覺，但大致食物價錢都好似無乜轉變以前因為地點關係，成日黎食午餐， 五十零蚊有個海南雞飯，仲要加碗仔湯，同椰汁冰，係好食又好抵！今次黎簡簡單單食晚餐，估唔到主食都係咁平，呢區黎講真係好經濟實惠菠蘿炒飯 $60都炒得唔錯，係用新鮮菠蘿，正正常常好食泰式炒金邊粉 $55呢個又係炒得唔錯，不過小朋友唔食辣就有丁丁辣既，唔食辣既大人都無問題芒果糯米飯 $68相對主食價錢，呢個甜品算貴😂份量唔大得半邊芒果後來見有小朋友送左份蝦片，幾好食😂…查看更多

這店長期爆滿，每次經過，門外總有顧客在等候入座，這天等候的人不多，我們大約等了5分鐘就可以入座。點了兩個午餐，一個是咖喱牛腩飯配椰汁冰，另外一個是冬陰功湯河粉配凍奶茶。咖喱牛腩飯的咖喱汁是紅咖喱，不太辣，微甜，味道很好，配米飯一流。食材除了牛腩，還有豆角和薯仔，牛腩煮得肉質柔軟，所有食材沾上咖喱汁，味道很好。冬陰功湯河粉，湯頭味道不錯，但不是正宗冬陰功湯的味道，令我有點失望，所以扣了點分。河粉軟滑，好吃，食材還有蝦仁、蘑菇等。椰汁冰，味道正常，好喝。凍奶茶，茶底欠缺厚度，稀稀的，以奶茶來說，不合格。我對這店的評價就是性價比很高，在這地段，星期天還供應午餐，而且價錢親民，食物味道也不錯，若不論環境，值得一試。…查看更多