泰原味

装修完第二次去食其实觉得冇以前咁好以前成日都食青咖哩猪扒饭依家冇咗依家觉得系同茶餐厅冇分别已经冇乜泰国感觉我拣咗「蛋治烘底」，朋友就食咗「 豉椒炒牛河」蛋治烘底烘底多火一啲都唔觉得系多火如果咁都叫多火真系好难想像普通系点嘅样我自己真心非常失望因为蛋嘅湿气会直接令到佢唔脆如果仲要系唔够烘嘅话味道差好远 真系唔知想讲乜好鸡蛋正常嘅唔会话好厚一般般啦豉椒炒牛河朋友就话份量好多其实我觉得都ok啦味道都正常嘅略嫌佢每样嘢又再加咗一蚊上个星期食蛋治奶茶26蚊加烘底两蚊，依家变咗27蚊加两蚊烘底感觉有啲贵， 下次食第二间…查看更多

可唔可以加返猪手饭？早几个月装修，等咗好耐终于等到开返，但系竟然冇咗我最爱嘅猪手饭，好唔开心，作为一间泰国餐厅，竟然冇猪手饭，咁同其他茶餐厅有咩分别，我同我啲同事都好钟意嚟呢度食猪手饭，而家冇咗都唔知食乜好，希望老细可以睇到呢个食评，然后快啲加返个猪手饭啦，唔该😢😢😢…查看更多

泰原味 南昌越式美食又亲民又优惠，街坊生意，越南餐厅蚝仔肉碎泡饭 $55👍👍👍蚝仔肉碎泡饭不是太多地方有得吃了。而这间的蚝仔肉碎泡饭巳吃多次，蚝仔有大有细，有蚝本质鲜味和肉质也好新鲜。汤清甜并上肉碎和泡饭。好味直得打介。马拉盏炒通菜 $74马拉盏炒通菜，炒得好香有镬气，菜也很新鲜，跟白饭一流坐位宽敞， 欧联式装修📍深水埗西邨路19号富昌邨 南昌荟 1楼 F117-F118舖…查看更多

叫咗个T1冬荫鸡肉拼扎肉汤金边粉，送到上枱扎肉变咗火腿，举手问阿姐，等咗10分钟先过黎，我问完佢又行开咗去送餐，冇视咗我跟住第二位阿姐过黎，我又问多次，佢就大大声系我隔离问厨房系咪冇晒扎肉？厨房话系我就话喇：冇晒扎肉唔系应该同我讲声先咩？呢位阿姐先讲声唔好意思，问我洗唔洗换过？我梗系唔洗喇，都唔知会拎啲咩比我。心谂我呢家去咗食omakase咩食评：冬荫功淡味，水咁，鸡肉有雪味，火腿冇特别，金边粉正常。重点：冇下次…查看更多

南昌站附近揾食，想平靓正，我谂得海达邨同南昌荟比较经济，一上Vwalk就全部都系连锁店同价钱贵少少（以午餐及下午茶计）。泰原味既炒粉面，即炒午市碟头饭及咖喱都唔错，够获气，重味。唔知系咪我咁好彩，海南鸡饭两次都濑野，一次油饭唔热，一次就油饭生米，鸡就非常一般。星洲猪颈肉炒河炒得干身，少油，获气够，猪颈肉亦都唔错，做得比商场内茶餐厅好食，价钱实惠。同事就次次都干食干炒牛河，话好得。泰式咖喱鸡扒饭:)椰汁咖喱，极少辣少少甜，份量足味正常，成件大鸡扒比晒你，冇呃秤。呢度食午餐仲有碗足味精例汤你叹下（好重味/但好饮）加$10-$13蚊仲有椰汁冰，珍多冰等等，都几爽㗎！见到隔离枱，马拉栈肉碎炒通菜，肉碎炒茄子，豆腐等等都系热辣辣又靓仔，可以试下，系海南鸡饭唔推介，焗猪又系普通。温提：如果比较大食，就唔好叫下午茶餐，争几蚊，份量少成四份一。（午餐＋少食）串烧沙嗲猪肉-$22/两串，又平又好食。…查看更多