泰北風味

营业中

休息中

【灣仔區】【泰北風味】公司附近嗰幾間餐廳成日經過都冇機會食，今次同美女朋友 lunch time 過去食，睇吓佢哋點解會咁旺。因為午市成日都見到坐到爆晒，但一次都未食過，都係叫「午餐餐牌」。美女朋友叫咗 $60 嘅「泰式老雞豬骨清湯粉」，配「手打墨魚卷」同「扎肉」。麵底佢就要「泰河」，幾粗嘅河粉，好似一塊布咁，幾特別，而味道上佢覺得都可以。我就食 $62 嘅「泰北豬手湯粉」，肉量偏少，唔係好多舊豬手。味道就好一般，冇乜感覺，呢個價錢喺銅鑼灣係咁上下。惠顧午市套餐可以加 $14 配小食，我哋都有加。我哋分別加咗「蝦餅」同「泰式雞粒」，前者正常，冇特別，後者反而幾好食，打咗雞茸咁再整，我都係第一次食。嘢飲方面佢加 $12 飲泰式飲品「泰式奶茶」，佢話一般。我就加 $17 要泰式特飲「生薑香茅水」，好特別，幾好。埋單 $189，唔貴喎。。。（地址：銅鑼灣信德街20號地下B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies

今日嚟到呢間位於銅鑼灣信德街既泰北風味，屬於一間隱世食店，仲有我最愛既冬蔭功湯飯。店員友善親切，座位算係舒適。一坐低就望下個餐牌，都冇乜大變化，有我鍾意既冬蔭功湯，有d肚餓，咁呢餐就一於食飯啦。不一會就上餐，即試一啖湯，唔...甜甜酸酸，仲有少少辣，好夠味，仲好啱我既口味添。冬蔭功湯裡有蕃茄，菇同埋蝦，淨係個湯已經值回票價。口味：🥚🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚

呢個豬頸肉飯既豬頸肉都幾好味，容易入口，個醬會幫呢啲豬頸肉提鮮。配菜青瓜都好清新，整體來講感覺唔錯。熱檸水味道也不錯，但整體價錢偏貴。

舖頭不張揚不起眼沒有大招牌神隱於銅記窄巷有緣食客自來也老闆娘好客推介食套餐有齊五大碟碟碟有名堂海鮮冬陰湯醒胃酸酸甜甜微微辣青芒沙律助開胃刨成幼絲添爽脆咖哩龍蝦是主菜香濃惹味確好味生炒鮮魷金邊粉落埋韮芽有鑊氣椰青芒果糯米飯雪糕加持確驚艷個黃咖喱的確很出色，最後加左碗白飯黎撈埋個咖喱汁，充分配襯出咖喱嘅香、椰汁嘅濃。另外，地方乾淨衛生企理。待應姐姐招呼好，勤換餐具又添水。確係滿足嘅一餐，期待下次試新菜😃

今日去完St. Paul做身體檢查，餓咗成晚，超肚餓，嗱嗱聲在附近覓食。見到有一間不太起眼的泰國菜館， 都好耐冇食過泰國嘢，而且今日食孤獨飯，於是決定入去一試。泰北風味📍銅鑼灣信德街20號地下B號鋪店舖的裝修，充滿著泰國的風味。店員非常勤快，見他忙著奔走廚房、水吧與大廳之間招呼客人。泰北三寶飯 (泰式臘腸豬頸肉泰北燒雞)跟湯 $62份量十足之餘，味道一流食得出，用心製作嘩，邊有咁抵食㗎。今時今日喺銅鑼灣咁嘅價錢係咪痴線㗎，九龍灣都唔得啦😅得閒要嚟食多幾次先😋😋😋支持小店#香港 #美食 #小店 #泰國菜 #銅鑼灣 #foodie

因為有朋友從美國回來，想食泰菜，要在銅鑼灣，想起這間店🤔有驚喜，地點不顯眼，但食物超水準，燒雞新鮮、嫩滑、好入味、juicy . 粉絲蝦煲，粉絲好乾身，又好夠味！價錢非常合理，份量足。服務也一絲不苟。勝價比高👍👍👍👍

呢間泰國菜入口比較隱蔽，位置係天后同銅鑼灣中間。今次係食晚飯，晚飯嘅餐牌沒有午市嘅湯粉麵，而且郁收加一服務費，所以如果一個人食抄粉麵就會比較貴。今次叫咗泰式金邊粉，可以選擇豬或雞，我揀咗雞，金邊粉同雞肉份量都算多，配料有豆腐乾、芽菜和蛋，味道唔錯👍🏻，只是食到最後，碟上都剩下幾多油，如果追求健康飲食就未必適合你。

朋友帶我去食晏，我先知條巷仔內有呢間泰式餐館，入到去感覺座位唔算特別多，如果1點前入去，會係無咁多人，如果當出面細枱無位嘅時候，入面都仲有兩張大枱，可以搭枱坐。睇完餐牌後，我哋叫咗個泰式清湯雞絲金邊粉$48、豬頸肉冬蔭湯泰式河粉$60、冬蔭功＋白飯$62，大約等5分鐘就有得食啦，唔想食辣嘅我，揀咗清湯金邊粉，食落清湯都幾好味，雞絲都算多，金邊粉就更加多，就算一個男士食都會覺得飽，朋友叫嘅泰式河粉，最後都食唔哂，因為份量對女士嚟講，又真係多咗少少，反而飯嘅份量就算係正常。總結：份量真係唔細，味道又好，賣相都唔錯，價錢亦好合理，有機會我都會再去食多次。

因為家人入了聖保祿醫院午後隨便食晏找到這間門口不顯眼的泰菜小店心情本來麻麻地嘅3人點了3碗粉求其吃點知好有驚喜1.雞絲雞翼湯河粉 湯味濃厚河粉幼滑有彈性 配料份量足2.雞翼豬頸肉湯米粉 米粉好滑好幼身 正豬頸肉就乾咗啲 味道ok嘅3.貢丸豬頸肉撈金邊粉我覺得醬汁調味好啱我心情即刻好咗加配小食沙爹串燒 肉味好香醬汁反而一般 我覺得稀咗兩款春卷 泰式同網脆都十分驚喜 脆皮香口餡料豐富 讚👍用餐期間不停有人打電話訂位仲打電話外賣自取過咗午餐時間 仍然感受到佢哋嘅忙碌店員好有禮貌介紹我哋要試下晚飯必試燒雞同各款馳名小菜喎會的 會再幫襯的

第一次來的時候很難找，進到餐廳地方不大，墻上的畫和大笨象看起來就很泰味。晚餐餐牌都算豐富，燒雞和刺身蝦要等比較長時間，所以後來都提前打電話讓餐廳提前做準備，可以坐下就吃。中午同晚上餐廳都很少員工，多數系一位靚女配位男仔，晚上有時系一位很健談的女士做樓面，如果你問，佢會自稱所有人都係佢的仔女，有時大廚會出來，如果客人少亦可以傾計，總體感覺就係一家人開店，但其實大家來自五湖四海。如果喜歡熱鬧，喜歡同人說天講地，就會喜歡這間可愛的小餐廳。Ps：有幾位職員如果有時間可以飲一杯添。

朋友上次去覆診攞報告試左呢間泰國菜覺得幾好食，早幾日除夕夜我哋入完赤柱佢就順便帶咗我嚟試吓😊我哋叫咗三樣嘢加一個油飯share～⭐️馬拉盞炒椰菜苗我哋專登問老闆娘泰式同馬拉盞嘅分別😅佢話泰式就多啲薑絲同辣椒，馬拉盞就會多啲蝦乾鹹香味重啲～食落都有鑊氣，但係蝦乾量就唔覺得多，勝在唔會太油膩，唔會太燶亦唔會太鹹，水準正常⭐️泰式拼盤(細)因為春卷唔夠所以換咗兩粒魚餅俾我哋（係我哋要求嘅，因為原本佢哋想轉臘腸，不過我哋唔食😆）蝦餅都彈牙，但係食落去有點油膩⋯個人認為豬頸肉同魚餅比較出色，魚餅既香料味好突出👍⭐️油飯朋友上次試過呢個覺得好好食，今次專登去到之前打電話叫佢留一個俾我哋，原來已經係last one🫢不過朋友就話今次比上次失色，硬咗啲啲我就覺得佢嘅飯粒本身唔似泰國米有種香味，似係我比較唔鍾意食無乜飯香嘅長米😅個人認為一般般❤️泰式燒雞 (半隻)呢個燒雞餐牌寫到明要等45分鐘，實際都係差唔多等咗咁耐～雞皮燒到好香脆，雞肉大部分都嫩滑，面頭既薑蓉味好突出，整體唔錯，如果有時間等都可以試吓👍❤️甜品店員最後都會送甜品比每個客人食😊個人認為椰青糕好清甜👍 又有𡁻口😋椰汁糕就比較普通，雖然味道都唔差😀見

話說我嘅飯腳無意中跌咗個口罩落地，🧑🏻店員；👩🏻我個friend🧑🏻：（赤手執起咗👩🏻用過嘅口罩）你㗎？我幫你抌咗佢，我去攞個新嘅比你👩🏻：（傻眼貓咪）🥺🥺今日成日都唔如意，終於有件好事我：我望住都覺得好sweet～人間有情🫠

簡單來講：超有鑊氣嘅泰式炒通菜，唔油膩、粉絲變主菜嘅粉絲蝦煲，一定要試，仲有生菜豬肉包，唔食辣嘅記得落單前叫走辣，肉碎新鮮生菜多！芒果沙冰、菠蘿沙冰$18杯，只限堂飲，即叫即制好好味，燒春雞一啲都唔干，皮嫩肉汁豐富又入味，細併盤有4款食物，兩個人食都可以有選擇，$78更加抵到爛！炒蜆大隻肉厚，個汁直頭可以撈飯，真心推介，對煮野食極有誠意嘅主廚事頭婆又靚女，侍應靚仔小鮮肉，有禮貌！唔去幫襯對唔住自己！

【 泰北風味 · 大推介！超足料泰國美食小店】🥢 今日為大家介紹銅鑼灣一間隱世泰國美食小店，又皇室堡行過去大概5-10分鐘內，喺一條唔係太繁忙嘅銅鑼灣街道，就會搵到呢間性價比超高嘅泰國菜👍🏻 店員都好nice，環境寧靜，比較特別係餐廳分左兩部，當晚有多人聚會就安排獨立房，我地呢啲兩個人撐檯腳就安排返安靜啲嗰邊⏳ 上菜速度可接受，可能因為當日餐廳比較多人嘅關係 ✨ 泰北拼盤（S）💠 春卷、豬頸肉、蝦餅、雞翼、泰式雞粒唔好睇小呢個拼盤啊，雖然係細size，但份量已經超越左一個小食嘅level，而且每件都做得好出色春卷非常之香脆，餡料亦都好足料，用唔會過肥，就算佢冇醬汁配都已經好好食，其餘蝦餅，雞翼，雞粒都做得唔錯，唔會太油膩之餘亦都可以帶出到泰國嘅特色風味✨ 沙嗲串燒（雞/牛）講吓佢嘅沙嗲醬係獨立分開上嘅，個沙嗲醬裏面仲有滿滿嘅花生，將沙嗲嘅味道昇華左去另外一個層次，鍾意落幾多由你自己控制我覺得幾好，傳銷每一件肉都非常之大件絕對唔係出邊得兩隻手指咁大嘅size，非常入味✨ 泰式蝦醬炒飯滿滿嘅驚喜，個炒飯非常有鑊氣，飯粒粒粒分明，成個飯唔會食多兩啖就會覺得好油膩，反而估唔到用蝦醬加埋臘腸，蛋

今日同朋友一共5人黎食晚餐，兩日前已book枱，並請餐廳預留1隻燒雞🐔當晚人均消費264元睇吓食左咩👀👀👀冬陰公湯似蕃茄湯，完全冇辣味唔食得辣嘅朋友都可以食😊拼盤係大拼盤，種類好多，大部分都好味😋芒果糯米飯都好好味，糯米飯夠熱，配埋椰漿好好食😋菠蘿炒飯係揀左豬肉炒，都ok ge燒雞好夠味，如果d皮脆d就一流啦生菜包都ok ge，值得一讚侍應哥哥好貼心，當食生菜包時會遞上濕紙巾俾客人食前抺手，另外隔離枱客，食野可能太急，咳到甩肺，呢d時勢真係好敏感既，侍應哥哥即刻拎壺暖水俾個客人👍🏻