泰力食事処

营业中

休息中

燒縞花一夜干 $68+茶碗蒸 $6其實我唔知咩係縞魚，但見到隔離台上菜有半條魚，份量好夠，所以就揀呢個魚肉好滑，唔乾，仲有魚油茶碗蒸嘅蛋係好滑，不過配料只有兩舊雞肉同一片冬菇，配料唔多加上今日無哂雞肉，轉左做素雞嗯…. 素雞唔岩我口味，下次試溏心蛋/溫泉蛋好過*呢間小店鋪面好細，好容易錯過亦好容易以為佢係做外賣因為門口望入去得幾張台但其實入到去，內場仲有幾張台容納空間都大*兩點左右到店，有一半食唔都賣哂隔離台叫燒雞排/鰻魚/親子丼，賣相都唔錯價錢有平有貴希望可以長做長有*QR code 落單無加一

有一日經過新蒲崗發現一間日式餐廳見到有定食set 🤤好抵食咁所以就試吓～見到佢menu寫住有個皇牌五花肉話係NO.1 ~ 比佢個名吸引左🤩👉🏻豚NO.1 皇牌灸燒鹽麴五花肉🐷 $56五花肉燒到岩岩好，幾脆口，完全唔乾～十分juicy!!!!份量好多😱成十幾片五花肉依個價錢真係好抵食😍本身個set已經包左前菜，漬物，赤味噌湯加埋碗珍珠米🍚加$6 仲可以加茶碗蒸，溫泉蛋，糖心蛋拉麵或烏冬🤣，性價比真係超級高😎

是咁的，平日夜晚去食，當晚叫咗個五花肉定食，落單半個鐘後，待應就同我哋講已經無飯（稱飯煲壞咗）要我哋轉拉麵，再等多半個鐘先到，一共係等咗一個鐘，嚟到嘅拉麵係淋嘅，我哋食就十分鐘食完咗但其實最無奈嘅事情係 聽到門口待應同外賣嘅客講10分鐘就攞得，咁堂食嘅顧客就等住先？係因為要留住外賣客？而堂食客就落咗單理得你 Hea住搞？老實講，如果你餐廳叫完野食要等一個鐘 點解唔一早講定，咁可以揀其他食唔到想食嘅野 同埋好多烏蠅

之前未試過寫食評，但呢間真係幾好，值得我為佢地寫👍🏻本身係比佢門口嘅餐牌吸引，因為係平價日本野食，所以入去試下！我同朋友揀左親子丼同照燒雞扒飯🤤親子丼係我朋友食嘅，我平時唔鐘意食洋蔥，但佢煮得夠淋同埋有日式嘅甜洋蔥味👍🏻我朋友好鐘意茶碗蒸，本來網頁落單顯示無晒，但我地照問下店員，佢幫我地再睇睇之後發現仲有最後一個，即刻比我地🥹同埋淨係加$6就可以有得食茶碗蒸，入面仲有啲雞肉，好抵👍🏻我去到任何日本餐廳，都會食下穩陣嘅照燒雞扒飯😂 佢呢個照燒雞扒，唔係我平時食嗰種煎得比較多，但佢令到啲肉唔"鞋"，感覺冇咁邪惡，同埋都係好食👍🏻 不過如果可以連啲肉都煎得香啲就更加好！

平食堂食，最平$48😍😍😍🥳🫰昨晚同朋友係東啟德附近打完波見到一間小店（yeah！又見到小店正🫰）環境有d有趣，一字排排坐，但勝在人唔多，價錢係真係平親子丼個蛋同洋蔥好入味，洋蔥超甜，開心🤣🤣😆雞肉唔少，入味唔老+$6 茶碗蒸😍😍料唔會係海鮮，但菇配肉+茶碗蒸的蛋，$6仲想點，大滿足😍😍😍下一次食五花肉／滑蛋吉豬飯先😍😍（已book mark做平日飯堂🤪）

知道最近新開咗間舖頭食日本拉麵， 即管去試吓，咁啱做緊萬聖節佈置。平民價👍 叫咗個叉燒拉麵和炙燒鹽麴五花肉（豚骨），手機入單，傳送手機order 5分鐘唔使即到，所以咪快囉。個湯底好好味🤤。 這樣價錢這樣味道，其實OK👍👍

我的新蒲崗嘅飯堂💁🏻‍♂️性價比超高的日式定食💚我嚟到新蒲崗就嚟三個月啦，今日lunch 又食差唔係我嘅飯堂嘅日式定食餐廳，叫做💁🏻‍♂️泰力食事處😋💚我想介紹佢好耐㗎啦，不過大家都知我好忙，所以今日等我點都出返個post介紹吓呢間，我覺得超好食呀超抵食嘅日式定食餐廳俾大家先！🙌🏻其實睇返佢都係今年先至開嘅新餐廳嚟嘅，但係因為佢嘅食物質素非常之好，而且性價比高，所以每次lunch都會大排長龍🫣我仲記得我第一次去食嘅時候，當時我啱啱開咗網店超忙，由朝頭早到夜晚都未食過嘢，執到八點幾呀先經過自己未食過嘢又好肚餓就衝咗出去搵嘢食，喺大有街見到呢間餐廳，我衝咗入去坐低即刻自助點餐，我就點咗兩個餐，一個拉麵🍜同埋一個親子丼🤣職員鐘過嚟問我係咪有兩個人？我話唔係呀，我一個人不過好肚餓🤣就喺佢哋面前將兩個餐完全食晒，當時我心諗其實食完我都唔係好飽，想當年我應該可以食到5份🤣不過而家叫做節制左🤣自此之後我就成日嚟幫襯啦啲，啲職員都認得我了🤣我成日幫襯除咗佢啲嘢食好味，仲要性價比超高！喺呢度全日都係同一個Menu，無論lunch定係dinner 都係同一個價錢，而且每個日式嘅定食已經有湯有前菜，仲要份量够大

朋友同事有事無返工，想搵人陪食Lunch，反正要去新蒲崗辦啲事，就走左去呢個工廠區。朋友同我問了食店員工，條鰻魚有幾大條，店員話原條上，所以大家都叫了呢個鰻丼，我另外加了茶碗蒸 + $6及溫泉蛋 + $6。平時鰻魚丼，多數$88，仲要唔一定原條上，但呢度既鰻魚丼只係$68，仲要原條上👍烤鰻魚配上白飯、薄醬油及碎紫菜，口感香醇。以工廠區嚟講，已經算唔錯，加了溫泉蛋，口感滑嫩。而呢度既茶碗蒸，主要由蛋液、雞肉、香菇等材料構成，口感綿密滑嫩，味道鮮美。鰻丼的口感香醇，茶碗蒸的綿密口感，相信一定能夠滿足自己的味蕾。而價格方面，附加既茶碗蒸和溫泉蛋的價格也非常實惠，是非常物超所值的選擇。新開既食店，到2:15pm 還是多人入座，證明CP值高。

小女最近光顧三次，1次午市，2次晚市，提供漬物，麵豉湯，無需加—，價錢大眾化，服務體貼，用心經營，推介炙燒塩趜五花肉，配拉麵或定食，令人一試難忘，再加小食章魚小丸子，盡飽口福！

一到門口睇餐牌有侍應主動邀請客人入去坐 或者 試下但係一入到去無耐就聽到一位金毛女侍應講客人壞話入左去唔夠五分鐘有兩三班人入黎就班班都講 評頭品足有意去里間餐廳食野既客人最好番套和服或者西裝入去執好d外形先好踏足入到去叫左炸豚肉定食 等左唔係好耐飲左杯茶 中式紅茶 好無感覺 但男侍應都幾有禮貌但塊豚肉似雪左好耐既千年肉炸完入面唔係冰鮮豬肉白色或者微粉紅而係紫紫地有d嚇親我炸粉係脆低但都係怪怪地， 不過老實講幾十蚊我無乜要求，純粹寫下評論總之整體感覺怪怪地價錢雖然係平 但唔會再幫襯 新蒲崗附近大把平民食肆

//19 05 23 晴天🌞15:00 新浦崗 大有街泰力食事處自從workshop搬離咗新浦崗之後😪就好少會再經過大有街再次重臨舊地~發覺原來已經開咗好多好多唔同種類嘅餐廳就係呢日 竟然比我隨意咁食到間 隱世嘅日式料理🇯🇵雖然工廠區裏面 唔會有太大期望…最緊要係方便+就腳 👣👣👣食完lunch可以嗱嗱臨返上workshop開工!!!只不過試完哩間日式料理之後出人意表地 太好味啦🤤而且性價比超級高💯💯💯💯食完之後 會有種想繼續去幫襯嘅感覺就係咁 我足足食咗3日同款定食laaaaa🤣~~　炙燒鹽麴五花肉定食 HKD$56 (凍飲另加收費)————————————————————————五花肉煎得十分出色 帶點煙燻味道而且肥瘦分布均勻 口感軟硬適中啖啖食到 五花肉嘅油脂香味 非常滋味麵豉湯 唔會過咸裏面有小豆腐 小油揚 飲完唔會覺得太過空虛————————————————————————

估唔到係工廠區食到咁高質嘅日本菜，材料同份量都對得住價錢$48嘅親子丼，雞肉嫩口，蛋夠滑！飯亦唔會太乾～ 朋友就叫咗拉麵同唐揚炸雞咖哩焗飯，焗飯係炒飯底，勁有heart😳又夠汁👍🏼拉麵正常水準，不過紫菜大大塊😆最瘋狂嘅係！竟然可以用$6加配茶碗蒸🤩🤩🤩勁加分！小食就嗌咗雞皮餃子、八爪魚丸，八爪魚丸夠熱，外脆內軟～ 仲要$20 五粒!!!! 係好有心嘅小店🥹🥹飲品就要加$6，套餐本身就包主食同麵豉湯，送熱茶～環境裝修簡單，光猛乾淨～ 不過平日中午去就好多人，如果想食個快靚正嘅午餐，可能要早啲去，或者叫外賣～

收工同同事經過見到新開左呢間日式料理店裝修又唔差就諗住入黎試下點知竟然有驚喜！首先係巨峰提子梳打同百香果乳酸梳打本身以為係就咁普通梳打但分別加左爆爆珠同寒天唔太甜 大推❗️❗️😋😋跟住就係小食炸蝦同章魚小丸子炸蝦炸得唔厚比例上好平均，口感算爽脆整體不過不失章魚小丸子賣相與擺盤都不錯，但可能係章魚肉太細粒令口感有啲鬆散，無左章魚既嚼勁再黎我地仲叫左親子丼同叉燒味噌拉麵親子丼好有水準，滑蛋好嫩滑而雞肉唔老，珍珠米整體口感分明唔會有乾身既感覺附送的麵豉湯不算太濃郁，內裏材料如昆布等非常多，算係一個意外驚喜而拉麵既口感係我覺得岩岩好既軟硬度唔會咸，更加唔會覺得油膩感，配上蔥花一齊食味道更佳叫野食個陣同事同我都無留意到價錢，以為會至少$3，400左右，點知埋單兩個人加埋都唔洗$200，呢個價錢可以食到呢個質素既日式料理簡直超值❗ ❗ ❗另外 偷偷地見到隔離枱叫左牛丼 好吸引😋下次再黎試下！🤭🤭

我之前經過叫過外賣親子丼，估唔到$48有前菜，漬物同味噌湯，仲好好食。好似外賣要加$1定$2 但絕對合理。今次係第一次坐低堂食。叫左豚肉生薑燒(加溫泉蛋)同灸燒鹽麴五花肉。我叫左少飯，朋友就正常。五花肉香口，肥瘦、軟硬度適中；豚肉生薑燒好入味，份量充足，加左隻溫泉蛋撈飯，滿佈肉汁同蛋汁超級好味！！朋友都擔心$50/$60 一個餐會唔會太蝕架包咁多嘢，其實$80/$90 我覺得都合理，食物質素同服務都相當有誠意。大有街終於有好嘢食啦！！