泰出色泰國餐廳

营业中

休息中

今日下午1:45諗住食個late lunch ,俾相片吸引左，叫碟海南雞加豬頸肉飯，賣相差勁遠，雞又霉又有怪味，豬頸肉柴到呢！2:30阿姐話要用張枱，要我去另一度坐，四圍大把空枱，飲淨一啖都要趕客。埋單仲刻意把本來跟餐特飲優惠當正價計，扮傻話唔知！大家小心👀大眼、慎入！天后呢區實在大把好嘢食、間餐廳唔知係咪轉左手，服務同食物質素每況愈下，只係佢地點就腳，唔知唔覺俾佢裝修吸引咗入去，相片又呃得下人，實情浪費食物，浪費時間，浪費咗個享受美食嘅quota，極度失望，同感覺受騙，唔係咁啱check單，無啦啦俾佢加多幾十蚊，依家做食客，大把選擇，餐廳職員以為有水魚入咗去，想你點都得，明明冇人又要你搭枱坐，想逼你走又話張枱要用，後來趁客唔覺，趁機呃錢，離晒大譜！

叫左喇沙 轉金邊粉要加$3都算一黎到個湯上面層油成cm咁厚，淨係片層油出黎已經用左5分鐘。冇不走啲湯食左5分鐘已經吸晒啲汁水。唔主張浪費食物嘅我都食唔到落去😓服務員態度十分一般 見隔離係咁出錯餐個客人冇出聲店員反而想發脾氣

今天去天后做事，中午去買了午餐，順便買了一些甜點給同事吃，因為很少看到泰國餐廳有那麼多款甜點在門口賣。芋頭糕-超級濃的芋頭味，再加上粒粒的芋頭，非常香滑好吃。芒果布丁-整個都是芒果的果粒還有香味👍👍👍👍👍椰青糕-椰肉+椰青親自去做成的果凍口感，好吃西米椰汁糕-底部的芋頭香濃帶顆粒，再加上表面淋上濃濃的椰汁糕，兩個口感交接非常好吃。班蘭糕-班蘭葉加椰汁去做成的糕，非常清香。千層糕-班蘭葉及椰汁做成另外一款QQ糕。

尋日收工去行工展會，行完工展會就梗係落天后搵野食啦，工展會期間都帶旺咗呢一區食肆～都有一段時間無來食過泰出色泰國餐廳，成9點半入座都仲有好多客人，店外的泰國甜品也是。。可能因為廚房比較忙，所以都等左15分鐘先上菜。泰式濕炒河配豬肉有好多有豬肉片和菜，仲要係濶身河粉，濶身河粉未必成日食到～泰式鐵板蠔仔蛋蠔仔蛋邊夠香脆，有鐵板承載著所以熱辣辣，底下仲有一層厚厚的芽菜，配搭一齊食份外好味。不過覺得侍應啲禮貌就一般般啦！！可以再有禮貌多啲。。

食完飯經過見到宜間餐廳門口嘅泰式糕點好多人排隊買外賣 就好奇跟住排 見到款式勁多 大件價錢又平 幾吸引 椰汁西米糕 $8利用葉包住 椰汁好香濃 西米糕又幾滑 吾會太甜 椰汁芋頭糕 $7椰汁芋頭糕有小小芋頭香味 同芋頭粒 椰汁又吾會搶哂味 椰汁紫米糕 $7椰汁紫米糕非常足料 滿滿嘅紫米 香濃嘅椰汁紫米味 微甜 幾特別椰青糕 $8椰青糕口感爽口 清香嘅椰青味 加上小小嘅椰子肉 幾清爽珍多糕 $7珍多糕微甜 少少斑斕味同椰汁味 內有粒粒西米

不知所謂既餐廳，等四十分鐘都無餐到。食物普通不在話下，員工態度其差，落單後40分鐘只得兩個餐到，另外一個餐40分鐘後都冇到，中間催咗職員五次冇人理。其實只係簡單叫一個海南雞飯食完就返工，但係完全冇人理會。最後cut單走人。同枱有兩碟海南雞飯嚟咗，試咗一舊雞，超難食。餐飲體驗其他，唔理你乜嘢老字號？服務態度差根本留唔到客，仲要嘢食難食，簡直嚇死人。

真係一個非常之差既晚餐！睇左啲食評見到都唔差就諗住去試下，點知食完都唔知食左啲咩。落單個陣已經叫左好多次，仲要啲野食等左勁耐先上枱。等唔緊要，但係上到枱既野完全唔值得等咁耐。個魚完全冇味，又鞋又過熟，有啲酸酸地既味。個菜偏淡，都算正常。個芒果糯米飯落單之後等左半個鐘，催左幾次都未上。見到個阿姐整晒所有野飲先開始整個芒果糯米飯。整完之後放係出餐位完全冇人理。成餐飯2個人食左成300幾蚊，食完之後仲有啲肚痛，唔會再有下次。

4人泰難食晚餐🥣盛惠$840難食到一個點點了馬拉盞通菜 🈚️馬拉味！冬陰功湯冇冬陰功味！爐都點唔著蠔仔煎蛋 蠔有幾隻賣相睇咗都唔想食！🥹總之係冇人掂人生中食過一餐最難食嘅晚餐！🥹

天后食泰菜，一定黎呢間老字號!!! 座位舒適，柔和燈光，真係好岩成班人黎慢慢食傾下計，同埋食物選擇都好多，我地今次叫左泰式倉魚❤ 中意食魚既必點! 黃立倉肉質實在零腥味，湯底酸咸甜都有齊哂，而且魚既份量都大大條，仲有D蔬菜 粉絲等配料，大滿足呀!!泰式蒜蓉炒西蘭花 ❤ 西蘭花要另外加$15 蒜蓉好香唔死咸，但如果西蘭花份量可以再多D就更好喇! 飛天炒芥蘭 ❤ 芥蘭好爽甜，中意咸香味重既必點飛天炒! 佢仲有豆豉，所以食起黎真係好香口。泰式鐵板黑椒魚柳 😃 原來魚柳係有炸過，粉醬唔算好厚，舊舊魚柳都好厚實，黑椒淋唔會好結身，仲有洋蔥 粟米芯等配菜，人多share就正喇!泰式街頭蒜蓉焗蠔 😗 3隻起 一隻蠔殼有兩粒蠔肉，蒜蓉係用新鮮粒粒蒜蓉，黎到真係熱LAKLAK

最近試咗間泰國餐廳「泰出色泰國餐廳」, 正正位於好近維園既天后 🌆, 係出面經過見到入面裝修好有泰國風味 🏨, 一於就同朋友二個入去試下!今次一共叫左三度主菜: 飛天通菜 🥬, 冬陰功明爐烏頭魚(大辣) 🐟, 同埋肉碎香葉炒飯 🍚首先上枱嘅飛天通菜絕對係打響頭炮 🔥, 辣度既唔會過於刺激 😅, 又恰好夠辣 🌶️. 加上D菜新鮮爽脆 🥕, 真係一登場已經讓人食慾大增 😋. 我同朋友忍唔住連碟飯都未到已經極速食咗大半碟 🤤!跟住就係一盤濃郁鮮美嘅冬陰功明爐烏頭魚 🍲. 我地特登叫大辣 🔥, 因為知道條魚入味過程較慢, 但只要再煮多一陣子,湯底嘅香氣及辣味就已經完全滲透入魚肉之中 👌. 令整條魚同埋D配菜完全被辣味及香味所包圍 🌶️, 口感突出又極具特色 😍. 最後食哂條魚, 仲好味到連湯底D湯飲都飲哂 💯!至於最後一道主菜,即肉碎香葉炒飯 🍳, 簡直就係一絕 👍! 飯粒粒分明 🍚, 炒得香口可口 👏, 配上幾粒肉碎, 完全係一道正宗嘅泰式風味 😋!作為飲品,珍多冰真係驚喜滿分 😲! 濃郁嘅奶香迷人 ☕, 令人有種飄飄欲仙嘅感覺 😌. 相反,荔枝冰就味道相對一般 😑.總括嚟講,「泰出色泰國餐廳」

泰出色泰國餐廳 (天后)天后電氣道86號地舖1️⃣泰式蟹肉炒粉絲呢碟粉絲一出嚟就勁淡色，然後味道亦係好淡佢係似酒樓嘅炒米粉，完全無泰國元素係入面啲蟹肉小到爆，佢仲要加啲蟹柳落去扮蟹😂呢個煮法好有創意喎😂2️⃣青咖喱雞咖喱嘅味道偏淡，冇乜椰汁同香料味個雞有好大陣雪味，個陣味真係有啲反胃不過其他配菜好彩係淋嘅，唔係未熟！結論:味道麻麻，唔出色

天后餐廳選擇很多，這一間泰國菜，之前有買過糕點和泰式辣雞爪外賣，都不錯好吃，今天下午茶時間經過，就看看有什麼吃。下午茶好像和午餐一樣，不過價錢低一點。點了冬陰公湯粉，肉選了肥牛的，湯底酸辣，有很多菇類👍

今天推介一家位於天后的平民泰國餐廳，在此都開了很多年，以街坊價錢吃出正宗泰式味道。#抵食多元化2人餐 $4381. #泰式小食拼盤 ：開胃拼盤包括 #泰式炸蝦餅 、香脆的 #泰式炸春卷 和美味的 #沙嗲串燒豬 ，再沾上泰式秘製醬汁，相當吸引。2. #星洲肉骨茶 ：香濃肉骨茶，配搭豬骨、腐竹、豆卜等材料，吸盡肉骨茶濃厚的中藥材及香料的味道。3. #泰式秘製咖喱炒海虎蝦 ：海虎蝦相當大條，口感彈性豐富，配搭金黃色咖喱汁，香而不辣，通知所有人食用。4. #泰國香蔥蒜蓉包 ：香脆可口的蒜蓉包超級適合與咖喱菜式一同食用。5. #無骨海南雞 ：金黃的雞皮相當嫩滑，肉質厚實，沾上秘製泰式海南雞醬辣辣的。6. #菠蘿雞粒炒飯 ：傳統經典泰菜主食，菠蘿和雞肉炒起來口感鮮甜，飽肚美味的主食。最後送上泰式精美甜品，套餐不用加一服務，而且還可以以半價優惠叫指定泰式飲品，試了涼粉冰及珍多冰也相當地道好喝！

今日返工真係好攰，放工想快啲食嘢返屋企。呢間係天后巴士總站附近嘅泰式餐廳岩晒我🥰晚市時間基本上都滿座，證明餐廳都幾街坊受歡迎👏🏻🌟馬拉盞通菜（$78）炒菜好有鑊氣，上枱時仲好大煙，夠晒熱辣辣🤩蒜頭、蝦醬炒菜的確係好香，另外又有辣椒嘅辣，好惹味！😋啲蝦米又都幾大隻，再添甘香👍🏻👍🏻🌟泰式冬陰公烏頭（$158）今晚好想食魚，又想飲酸酸辣辣嘅冬陰功，所以呢個明爐魚是不錯的選擇😁烏頭好處係唔多骨，肉質亦結實👍🏻👍🏻好鍾意佢會有雜菇和雜菜，加埋車厘茄和香茅、香葉，顏色好靚，引得人食齒大動😋😋個冬陰公湯酸酸微微真係好開胃😍與和雜菜及晒啲香茅和冬陰功湯味，正😁😁餐廳掛畫佈置很有泰式風味，服務很好。

天后的電氣道可謂食肆林立，選擇十分多，而在此屹立超過10年的「泰出色泰國餐廳」，當然是有實力的一員，難得朋友甚喜歡吃泰菜，就可此一嚐地道泰菜。未踏入餐廳，鋪面的泰式糕點專櫃就十分吸引，不單款式多，賣相繽紛吸引。倒有不少人經過就買來作飯後甜品。店內裝修簡約，以以木系枱椅為主，而且，地方頗大，卡位更是特別寬敞， 四洲掛上 跟泰國相關 畫像 春天多一點泰式風情。此外，還有兩個廂房，如沒有人訂房時，是可以互通，如人多訂個廂房，私隱度就更高。看完一遍餐牌，就選定這一款「抵食多元化2人餐」，因為除了包含的菜式多之外，只需$438而已，還特別免收加一服務費，又有加配飲品半價優惠，是非常划算的選擇。先來「泰式小食拼盤」，包括甘香彈牙的泰式炸蝦餅、香脆美味的泰式炸春卷，沾上自家秘製的甜酸醬，食味一流；還有肉質鬆化的泰式沙嗲串燒豬，燒得焦香，沾上惹味香濃的沙嗲醬，實在回味無窮！泰式的冬陰功湯、新加坡的肉骨茶都較多喝到，所以就選了這個「椰汁雞湯」，雞湯入口很香滑，又滲出淡淡椰子的青甜味及香茅的幽香，而裏面有很多雞肉和菇菌，雞肉入口嫩滑，菇菌爽口，確是美味的湯品。初時以為這個「家鄉粉絲蝦煲」裏面只是一些大蝦，