影片
没有太大期望，系见新开张，又黎试试，水准都几唔错，又分享下。小食要左几款，少不了的当然系沙爹，要左猪串同鸡串，两款都烧得刚好，唔会d肉干哂，腌味就普通，唔系几够味。至于个灵魂沙爹汁，味道就调得麻麻，不过唔系太花生，都好过唔少连锁泰式店。虾饼，唔系好胶，食到有虾肉，个皮唔会好油，偏向刚身，系有诚意的虾饼。仲有小食系炸鸡翼，好街头小食档既感觉，不过无咩调味，系三款小食中最唔ok的一款。到主打，要左泰式海南鸡，鸡肉爽滑，有点香芽味，想不到地区店有呢个水准，系好野。炉鱼，个汤底系唔错，不过条鱼本身唔多ok，d肉好实下，影响哂成碟鱼既味道，仲要系愈煮愈出事。仲有要左既系青咖哩猪扒，青咖哩睇落几水，只有微微既咖哩味，食落都好一般，猪扒反而唔错，挺松化，另叫左个蒜蓉饱用黎配咖哩，应该系即烘，热辣辣，蒜蓉略为少了点，多一点应该会更好。最后要左个金边粉，味道唔太突出，正常金边粉味道，系饱肚之选。晚饭有甜品送，味道都不过不失。四个人，每人百三蚊，以地区计，水准都唔错既泰国野。
继续阅读