泰一 (已結業)

聽聞前身是韓一窩，充滿期待，跟同事打完波就去呢度食飯！餐廳當然比之前大，人卻沒那麼多，我地幾個人share黎食，呢度平均約$4x~$5x，加埋特式飲品，結賬要$60/人辣肉醬拌飯超級普通，唔夠味，份量多既，當是過下口癮吧！海南雞飯油飯清淡，熱是溫熱，都叫啖啖肉，偏肥美炒金邊粉我覺得是最好吃的！酸酸甜甜味道適中，蝦蝦煎香，爽口彈牙，金邊粉不會過濕，值得再吃！香辣海鮮窩可能是冇咩味精，湯底偏淡基本菜式口味淡，對我們濃味者來說是不太滿意

未睇食神之前，我都唔信有賴尿牛丸呢回事，估唔到呢個世界真係咩都有可能Crossover , 大聲同我講一次，嘈咩啊，夠薑溝埋泰國同韓國餐吖笨又係我容BB帶大家食正野你冇睇錯，呢間野真係拍得住賴尿牛丸咁好食呢間餐廳好特別呀！一次過可以滿足兩個願望雞髀仲要係超級滑，配正宗泰式食法，油飯仲要係冇骨雞髀位配超嘢味醬汁，好好味呀😭😭😭😭😭😭冇誇張，金邊粉我覺得仲好食過喺泰國食過既最後配韓式海鮮鍋，兩餸一湯，做個完美嘅總結下次要再Encore

去西灣河探朋友狗狗 突然興起想食泰國野 咁岩經過見到呢間位置稍微不起眼 但見到有人群等緊 就知應該都有野食😉Lunch 時間好長 啲set 都幾吸引有泰國野之外仲有啲韓國野揀下即磨咖啡定價都唔算高因爲有半價海南雞飯 咁既價錢同份量 cp值算中等因為有勁敵太安樓海南雞 價錢平3成但啲雞肉算高質 滑滑的 嫩嫩的但個黃飯有啲濕鮮蝦炒金邊粉整體味道不過不失 久缺一個靈魂 - 青檸同埋少左份甜味呢個就相對抵食海鮮份量多而且新鮮個辛辣湯底清得黎又夠味最緊要無左啲出面一大pat辛辣醬既俗氣👍整體來說 可以再黎encore其他野 但位置有啲遠 夾係西灣河同筲箕灣地鐵中間大家黎前睇清楚

泰國菜喺同區真係無乜邊間好食 以前去開鯉景灣食 但知道東大街新開就一試 野食好夠味 不過食開淡口野既我略咸左少少 而我媽咪同家姐都係重口味人士 佢地都超like 由其係條明爐烏頭 好大盤😂😂😂四人份量咁 我地加左少少辣更加好味 覺得係泰國廚師就一問附近個女侍應 個師父真係值得一讚 去食過兩次午餐都覺得唔錯 份量仲偏大 黎緊媽咪生日 一行九人會再去試其他菜❤️❤️💪🏼💪🏼希望唔會退退只有進步啦

今日係西灣河附近返工，因為太肚餓於是求其入左一間餐廳。一睇餐牌見到又有韓國菜，泰國菜，覺得好唔正宗🙀但食落其實幾好味，而且係港島區黎講，價錢尚算適中，五十至六十蚊左右就可以食到午餐啦👍🏻-朋友嗌左香葉肉碎飯有得嗌唔辣，味道偏淡，一啲都唔膩。仲加左8蚊額外加左碗大醬湯，味道清清地，可以解膩，唔錯。我就嗌左冬蔭公湯米線🍜平時去食泰國野，最怕就係味道太辣。今次呢碗冬蔭公湯米線就非常合我心意，微辣偏酸，個種酸令人好開胃，忍唔住要飲曬啲湯😻而配料就冇乜特別。對於我呢個咁鐘意飲湯既人黎講，有靚湯飲就足夠了😽

泰一前身為韓一窩，搬左新址後第二次黎幫襯，今次因為晏左收工黎食，所以食物選擇比較少，但勝在有我同男友最愛既牛肉伴飯呢到既牛肉伴飯份量十足，將附上既醬連埋所有材料撈勻就食得，每樣配菜既份量都好平均，但係以女生食量就未必食得哂。雖然差唔多每次黎都一定叫牛肉伴飯，但成日覺得呢個伴飯有點美中不足，假如改為石頭窩上一定會更加美味吸引😜題外話：好鐘意去呢啲小店食飯，雖然食物唔一定係好驚喜，但係老闆同員工親切既笑容，食物能長期保持水準都係一路支持泰一既原因

已經係舊客仔由韓一窩食等到混合泰國野食，成日都落黎食變左食堂 今次真係讚下因為個冬陰公係咁凍既天氣低下發揮佢既功效發到淋漓盡致今日食蝦滑拉麵🍜，都好好味，平時落黎食部隊拉麵🍜或泡菜海鮮飯多部隊拉麵就岩平時比較仲意食多款式既朋友仔，因為佢有餐肉、紅腸、蛋、芝士同埋金針菇泡菜海鮮拉麵裡面既蝦不得不讚，好彈牙多肉，一碗裡面起碼有4隻仲有其他餸實在抵食下午有set連飲品都係$52其實都係咁上下，去附近食越南野價錢都唔只啦

今日lunchtime同同事去左呢間餐廳食～呢間餐廳幾特別，會有韓國餐同泰國菜俾你選擇..總共有十幾種lunchset包熱飲～價錢around $43-62 ～中等價位而我今日就order 左牛肉伴飯($45),份量都算多，一個女仔未必食得晒。牛肉個人覺得有dd乾，味道正常，不過不失啦～～同事order 左鮮蝦芝士年糕($62)，份量好多！又多芝士～芝士迷應該好鐘意!😋芝士加埋辣醬食😋好野味ahh！！推介～

蝦球炒金邊粉酸甜味啱啱好，分量適中。牛肉拌飯又大碗又好味，只係港式奶茶麻麻地。不用等位，環境清靜，泰式、韓式一次過試晒，真係一定會再食。交通方便，附近有個大公園，大人小朋友都啱。

食店喺十月尾開張 主打韓泰食品開張嗰日見到勁多花籃當時已經想試 🤗🤗🤗終於喺上星期四去左幫襯因為六點半就去到 所以一入食店就有位 唔駛等打開餐牌 意想不到食物飲品款式有咁多😋今次先叫住三個餸⭐️小食拼盤 - 即叫即炸 不油膩 份量多 正⭐️生菜包 - 肉碎香辣惹味 ⭐️豚肉辣炒年糕 - 年糕q軟煙韌 飲品叫左泰式奶茶同熱柚子蜜雖然唔知正宗泰式奶茶係點 但呢杯好好飲好啱我個人口味 下次一定會再叫😋總括嚟講 呢間食店環境俾人感覺好温馨好舒服☺️如果認真留意仲發現唔少得意搞笑嘅擺設添🤣食物質素高 而且份量多 價錢合理🤤上菜速度亦好快💯最值得一讚嘅係店員態度非常親切友善而且亦十分細心頻頻為客人添水亦會問客人意見 而家好難得仲見到咁殷勤嘅服務態度👍🏻呢間食店 規模唔算大但就食得出 睇得見 感受得到 全店上下都好有誠意 一啲都唔馬虎真係絕對值得一試再試👍🏻👍🏻👍🏻👍🏻👍🏻