影片
住左喺元朗好耐嘅人都知波记屹立喺元朗好耐，因为佢够晒平、靓、正，啲街坊成日打去嗌外卖，所以佢舖店有大部分位置都系放外卖同埋电话(仲要有三部咁多)！钟意波记会送埋汤今日就走左去堂食，叫左个南乳炆猪手饭+冻奶茶$47有成四只猪手咁多，南乳好入味，仲要有埋花生。猪手冇一只食到有毛，钟意佢唔会炆得太腍，保持返猪手应有嘅爽口弹牙，食完好似充满晒骨胶原𠮶种感觉。 冻奶茶茶味好足够，饮落都几滑。希望波记一直为元朗居民提供平靓正嘅餐点！
继续阅读
琴晚睇完余德丞揾食Dick 食炸鸡脾，即刻谂番起十几年前会成日都食既：波记炸髀沙律/薯条下午茶餐🤤🤤🤤生炸既鸡髀+什果沙律 (一定唔可以有 青瓜薯仔红萝卜！！！） 今日就有嚟食下，咁多年仲keep 唔keep 到十几年前咁出色🤭💛💛💛💛💛炸鸡髀沙律依然 系生炸 超级脆鸡髀唔洗太大只，简单生炸 脆皮 + 盐 就最好食佢同 很得辉 唔同，冇"吉烈猪扒" 𠮶只炸粉， 简单香脆，保留鸡皮独特既香脆口感。沙律 依然系 全什果🥰唔会有 青瓜薯仔红萝卜，Yeah！！！） 💛💛💛💛💛炸鸡髀薯条薯条超好食，热辣辣，香脆唔会油💛💛💛💛西多士香脆 唔油 但冇花生酱馅啖啖既糖浆加外脆内软既口感😋正！！！糖浆预先落好的，食少甜既记住落单时讲声价钱超亲民，超 抵 食 !!!隔离枱几个一入嚟就嗌 酸辣汤面，可能郁系名物，下次再嚟试下，但炸鸡髀依然一定一定要食！！！
继续阅读
话说成日经过， 唔知好唔好食 ，今日试下叫外卖， 叫咗个福建炒饭，仲有例汤有热饮送， 外卖时间都几快，送到上嚟仲好热辣辣， 第一时间 试咗碗汤先第一啖超咸，第二啖都系咸， 再试埋杯热华田系有啲甜， 到最后试个重点， 没有最咸只有更咸 真心失望， 味精太多， 福建炒饭真系好难会唔好食， 但又真系好难好好食 真系可遇不可求 正所谓好嘅一餐唔好嘅又一餐 下次可能会更好
继续阅读
虽然呢间店舖门面比较旧，但佢个下午茶就真系几抵食，沙爹牛肉餐肉蛋米粉加埋杯饮品都系$28,个米粉系福米，D牛肉亦入味，最重要系冻饮唔使加钱，改饮红豆冰都系加$2，环境旧旧地，但都尚算干净。
继续阅读