影片
营业时间
今日营业
09:00 - 22:30
星期一至日
09:00 - 22:30
公众假期
09:00 - 22:30
以上资料只供参考，请与餐厅确认详情
食家推介
藜麦花椰菜饭（单售$31特价$28），简直系生酮及减肥人士恩物，采用椰菜花刨成米状小粒，配以藜麦、甘荀、洋葱、青豆制作，食落就好似蔬菜炒饭，健康又饱肚。葡汁杂菜饭（单售$25），葡汁口感浓稠，采用黄姜粉、椰浆制作，食落充满椰香味道，马铃薯口感软绵，食落好入味，白饭内有甘荀、青豆、椰菜，口感丰富。黑松露蘑菇意粉（单售$31特价$28），黑松露忌廉汁，味道香浓，蘑菇食落好Juicy，意粉口感软硬适中，容易挂汁。Domremy北海道卷蛋芝士味（单售$68），已经预先切件，卷蛋口感松软、湿润，食落蛋香味浓，芝士味忌廉采用北海道炼奶制成，口感幼滑、Creamy，以冻食方式食用，味道更佳。
继续阅读
波仔系我中学时期已经有，听女友讲过，佢以前中学lunch time系经常落波仔食，因为食完要赶返学校，价钱又平，个时一个十几蚊嘅肉酱意粉已经好够饱。虽然而家疫情叫缓和返少少，不过大家都可能想尽量喺返啲冇乜人嘅地方度用餐，买外卖返公司食都系要花啲时间出去攞外卖，同外卖价钱都唔平，加加埋埋又有多咗笔使费。有时可能系忙得滞想拿拿临食个饭医肚，系节奏咁急速嘅生活中，波仔无疑系一个好好嘅选择，既系超级方便，价钱又比买外卖平一大截。以前嘅波仔选择好少，依加嘅口味多咗好多，不但只饭、意粉𠮶啲主食多咗好多种口味，又有新鲜菜有汤有糖水，每个种类都有几款俾你拣，依加仲有素食系列，素食人士有多一个选择喇🥦🥬🥒 ✅葡汁杂菜饭味道同出面食到嘅葡汁差唔多，葡汁入边有薯仔粒，蔬菜饭有青豆角粒同甘笋粒，珍珠米拎起上嚟粒粒都咁有咬口。✅黑松露蘑菇意粉黑松露同蘑菇汁嘅味道调配得啱啱好，唔会好咸同好浓味。✅藜麦花椰菜饭藜麦同花椰菜饭近年好hit，系健康又有营养嘅食物，呢个饭嘅热量系主食嚟讲系算低，佢入边无白饭。份量够多，一个人食一个好够饱。入边仲有甘笋粒同青豆角粒添。今次介绍嘅呢三个主食，味道相当不错😋同价钱亦抵食。令我惊喜嘅系饭同意粉叮完之后保留到口感，唔会太林同埋糊。加热方法好简单，唔需要解冻，只需要叮6分钟就食得😎
继续阅读
放假去波仔 买定饭面甜品补返屋企雪柜个仓肚饿叮完就食得 估唔到今次买完就即晚就ko今次买左白汁芝士烟肉意粉 (Hubby 食到LamLam脷 叮完唔会话无晒d 汁仲系有好多酱 份量做夜宵 刚刚好) 而我就芝士泡菜鸡粒炒饭(辣辣地 好下饭 自问唔太食得辣 都无问题) 仔仔就食糖水椰汁红豆南瓜蓉(仔仔话超级好味 劲多红豆) 依家佢地有个日韩食品节 好多日本 韩国美食估唔到竟然有 CJ Bibigo韩国泡菜(以前去韩国旅行必买 因为劲入味~ 符合我个人口味) 仲有日东卷蛋 圃木园小笼包 芝加哥薄饼 清完今次波仔野食 又可以再上仓买埋经常断货ge日东卷蛋
继续阅读
Stay at home，日日颓在家。好彩发现雪柜有清汤牛腩 + 喳咋 😋！清汤牛腩优惠价$42 (原价$48) 估唔到咁足料，啖啖肉。重点系无咩肥膏，所以唔会太油。天气冻冻地，叮热左佢配饭一流。食完成个人都暖笠笠。波仔糖水款式都有好几种，而喳咋系我最爱。每晚宵夜必备。入面有紫米，芋头，杂豆等。丰富非常口感，而且味道仲唔会太甜。700g价钱只系$19，性价比高。波仔嘅食物又平又正，每次谂唔到食咩又唔想煮嘅时候就系靠佢。
继续阅读
其实我觉得呢个南京猪扒菜饭系波仔最正嘅饭。本身第一次见呢个𠮶阵，兴趣不大。但后来差唔多每款都试过啦，咁就试埋呢款啦。点知原来都几唔错。虽然猪扒份量唔系好多，大约有四片，但因为啲菜饭本身都有少少味，所以啲猪扒都勉强够送饭嘅。猪扒叮完其实都唔脆㗎喇，但佢个味又整得几好食。自此之后，我就成日食呢款啦。
继续阅读