泓一拉麵

营业中

休息中

位於紅磡的泓一拉麵店是小小的，但門外長期都是有一條人龍在排隊，一般週末假期會更困難。星期五下午大約1:45pm，算是過了食飯高峰期就來碰碰運氣吧，然而等了大概2、3分鐘就能夠入座了！店舖面積很細，包括了開放式廚房和並最多容納七位客人，客人與客人之間都是坐得擠迫的。第一次到來就試試她們最招牌的雞白湯拉麵($98)。拉麵的表面全部都是白色泡泡，底下的湯底程淡啡色，味道香濃，泡泡有突出的雞脂味，鹹度合適不會過鹹，不過飲得多當然是會有點膩啦。幼拉麵有點嚼勁，見到裡面有一粒粒麥粒，質地做得爽身，掛到有少許稠度又濃郁的湯底，配搭得不錯。肉的配料方面分別有叉燒和雞肉，前者不算肥，後者有點煙燻味，兩者味道正常。碗裡有一原隻雞蛋，醬油的味道剛剛好為雞蛋增添了一點香甜，蛋黃味道亦濃郁。吃完一整碗拉麵都幾飽肚，即使我喝了不少湯稍後時間也沒有感到口渴。食物味道不錯，偶爾吃到一碗熱騰騰的雞湯拉麵感覺溫暖又滿足，經常吃就太膩了，而需要排隊的話又未必太值得。在黃埔區若要食一碗雞白湯拉麵可以來這裡，豚骨湯拉麵的話轉個彎也有另一個好選擇

泓一係我既愛店之一，之前食過幾次都冇事，覺得好好食。最近一段時間冇食就想食返餐，星期五晚即使要排長龍都要排隊去食佢。當日我就食咗碗沾麵，味道上覺得好好食，只係覺得啲肉口感比較生，但因為知道餐廳係以慢煮烹調，都對餐廳有信心，所以我當時冇太大憂慮。星期五晚食完拉麵，當晚就開始感到嘔心同肚瀉。到第二朝就肚瀉多次，星期六、日連續兩日發高燒到39度，到星期一依然嘔黃膽水及發燒。之後幾天都有肚瀉情況，直到今天星期五，已經事隔一星期，肚瀉情況仍然持續中🥲冇人會諗到只係食一餐晚餐，會經歷一場大病，食極西藥都好唔返，要睇埋中醫調理，又返唔到工，醫藥費都唔少🥲事後睇返當日既拉麵相，發現叉燒中間位置係非常生，完全未煮熟😣希望餐廳真係注意食物安全問題，特別係要審視返肉類處理上存在既風險，冇人希望滿心歡喜食完晚餐然後會病足一星期🙏🏼

雞白湯關注組 濃厚雞白湯拉麵 🐔🐔🐔 咯咯咯📍紅磡 黃埔🪧泓一拉麵-自從上次東京食完超濃雞白湯之後 一直心思思好想食番 飛唔到日本食 就係香港搵下有無好食既雞白湯試試佢！ 今次搵到位於紅磡區呢間拉麵店 最出名就係招牌雞白湯拉麵 🐔 長期店外勁多人排隊 店內得7個位置左右 都坐得幾迫！今次等左大約35分鐘左右 建議一放工就要即刻飛去排隊！18:15左右去到已經大排長龍-🐔雞白湯拉麵 $98湯：面頭全部都係用攬拌機打起既雞湯泡泡 飲落係有少許雞脂味 都算幾Creamy 但未去到話好濃厚既感覺 有少許比鹹味蓋過左 感覺雞味熬得唔夠濃配料：有叉燒&雞肉 前者係普通煙燻叉燒肉 味道正正常常 未到太驚喜 隻蛋係MVP 超濃蛋香味 超流心 好耐無係香港食到咁好食既拉麵蛋😹麵：佢地係有部製麵機 自家製作麵條 麵質係偏向爽口 有嚼勁 掛湯方面感覺還好一般 都要一淡湯+一住麵咁食先會好味d-🍜特製醬油拉麵 $82佢個湯底係好香日式醬油味 好易入口 又唔太膩 都唔會太鹹，我覺得係幾出色既 但未到好特出好驚喜咁！-食物: 3.5/5價錢: 3.5/5環境: 3/5-💬總結：食物味道 不過不失 還不錯的 但

早幾日同朋友食泓一，排隊嘅時候已經聞到浸臭味，應該係出邊條渠傳出嚟，不過都諗住入到店就冇事啦，點知係惡夢嘅開始⋯⋯排咗一個鐘左右終於入到店，店入面大概只有七個位，我哋分別點咗醬油拉麵同蝦湯沾麵，每碗麵都配有叉燒、雞肉、糖心蛋。當時覺得個糖心蛋好入味，好好食。但結果當晚已經有嘔同肚痾，第二日就開始發燒，仲屙咗三日。而朋友當晚都肚痾，當日大家就只係有一齊去泓一食，所以都推斷係食泓一出事，之後諗返起個叉燒咬落似未熟，真係一個買難受嘅經歷

一直好想試試呢間拉麵店🍜每次經過都見到有人排隊，似乎人氣不滅。店舖大約有七個位，喺平日嘅lunch hour都排咗半個鐘，食完都覺得值得一試嘅～係香港嘅拉麵界黎講，性價比算幾高😎ꞋꞌꞋꞌꞋꞌଘ 雞白湯拉麵 $98 ▸ 7/10呢碗係佢地嘅招牌拉麵🐓 但冇好驚艷 不過不失拉麵表面有一層奶白色泡泡 口感creamy得黎唔會過稠 夠順滑洋蔥碎令湯底更清新 唔會膩味道尚算清甜🌿 但略嫌雞味唔夠出但對於重口味人士黎講可能過望清淡🫣..麵體係偏幼身嘅小麥曲麵係自家製作嘅 帶有微微麥香🌾有嚼勁 掛湯能力就一般 ..豚叉燒油脂較少唔夠香經過低溫烹煮 肉質夠軟嫩 至於雞叉燒肉質就少柴半熟蛋 流心效果剛剛好但叉燒同蛋都係冇乜調味 略嫌淡口🥲ଘ 背脂醬油拉麵 $88 ▸ 7.5/10呢個湯底比較啱重口味人士食表層滿滿細膩嘅背脂 睇都覺得邪惡😈背脂令湯底變得極濃郁香醇食麵時口感亦更添滑嫩感小編飲咗唔少湯 食完真係會比較膩🤣呢碗同樣配溏心蛋 豬及雞叉燒各一背脂拉麵係香港唔算普遍🧐可以一試！ℹ️另外research完發現背脂原來係位於豬背部嘅脂肪相較於內臟脂肪比較乾淨同冇豬臊味𝘙𝘦𝘷𝘪𝘴𝘪𝘵: 𝘮𝘢𝘺𝘣𝘦𝘙𝘦𝘴𝘦𝘳

琴晚食完拉麵，我當晚肚痛痾咗3次，我老公都痾。我同老公都覺得唔值得排隊，我地排咗半個鐘左右，我地分別叫咗雞白湯同背脂果個拉麵，開頭無肚痛都覺得真係食一次就夠，點知番去就肚痛同肚痾，我地都懷疑係食咗拉麵先肚痾。我即刻上openrice睇，完來之前都有人食完唔舒服不過都已經係2023年，但我都係想提示番間鋪，真係唔該做好衛生，難得星期六仲要排隊專登黎食，真係一肚氣。真係可一不可再。大家敬請留意啦，搵命博。

專登出紅磡食泓一星期五大約1:30左右到門口都有小人龍，但只係排到隔離鋪邊邊位唔算多人，約4-5人係前面等候時間都比想像中快差不多15-20分鐘就入座*雞白湯拉麵 湯底濃厚，黏口，雞味唔算好出，不過偏重口味，對本人黎講就咸左啲有雞肉 叉燒 溏心蛋拉麵重麥味 👍🏻算掛湯紫洋蔥好生，食得多好辣，有點減分溏心蛋 太過溏心，小小蛋白位都未熟以前第一次食覺得好好食 驚為天人事隔幾年再黎食感覺無第一次咁好食*背脂醬油拉麵原本以為醬油會比雞白湯重口味點知無雞白湯咁咸（雖然飲多兩啖湯都係咸，但係雞白湯第一啖已經咸咁誇張）背脂足夠 但唔算好香一樣有雞肉 叉燒 溏心蛋同雞白湯分別在少左紫洋蔥，轉左普通綠色蔥*兩者其實好食嘅，拉麵夠熱不過覺得好似無以前咁好食希望溏心蛋控制好啲，應該只有蛋黃流心，蛋白位會全熟

真心好誇張🫣 佢哋18:00開門 我18:15去到已經要排隊 我排左大概20分鐘 搞到我超級好奇係唔係真係值得排～裡面細細間 裡面只有7個位 全部都係bar檯每樣都係即叫即整👍🏻😛 所以上菜都要少少時間呢間適合一個人過來食個快飯 唔會有時間比你同朋友傾計ʕ •ᴥ•ʔ雞白湯拉麵🍜 ($98)係外面排隊已經聞到超級香既雞白湯味 拉麵湯底非常濃郁 仲有打泡🫧 好香雞味 但係骨膠原又未話超級重 食完唔會話嘴唇有個種油脂滿滿的感覺👀 麵條都幾彈牙 而且用左全麥麵 叉燒應該用左少少胡椒係側邊醃 肥瘦比例平均 慢煮雞肉絕對唔柴 仲有少少煙芬味✨ 味道：👅👅👅👅/5 📍泓一拉麵 (紅磡)地址：紅磡民泰街29號德民大廈地下F4號舖

今日行過紅磡附近心血來潮想食拉麵🍜 就嚟二刷泓一拉麵，上次就嚟食咗香港比較少有嘅背脂醬油拉麵，不過味道就麻麻，冇以前嘅混亂拉麵咁重口味咁出色😅我今次就嗌咗佢嘅招牌雞白湯拉麵$98👍🏻 麵條方面，係老闆親自製作拉麵條，加入了小麥，麵條除咗有煙韌仲有淡淡的麥味👍🏻 雞白湯的湯底以雞殼、雞骨等自家熬製8個鐘，成個湯底都係充滿雞嘅精華，我都差唔多飲晒成碗湯亦都唔口渴👍🏻😋 至於配菜方面，就有一個豚叉燒同一個雞叉燒，雞叉燒好嫩滑，豚肉叉燒亦都火炙過👍🏻 最值得一讚嘅係佢嘅筍同埋糖心蛋都係經過醬油漬，連我呢個平時唔食開筍嘅人都食晒佢嘅筍👍🏻 糖心蛋熟嘅程度啱啱好做到裏面流心，而且蛋黃亦都有醬油味，總體嚟講$98一碗拉麵值得大推，比背脂醬油好食，不過排隊等嘅時間會比較耐😅

一直都好想去呢間拉麵店試試,地址一啲都唔易揾,喺Openrice睇到喺民泰街,本來以為可以趕到11：35分過到去唔使排隊,點知揾唔到間店於是問路人,比人老點去附近間家維商場嗰間唯一燒鵝,去到先發現嗰位路人可能聽錯泓一係唯一,於是再問多幾個路人終於揾到間食店,11：45分趕到去食店門外排隊,而我係第七個啱啱可以坐到店內最後一個位。一坐低發現呢間拉麵店唔係咁專業,喺膠盒入面啲筷子同湯匙放得好唔整齊,成大咋擠入去咁款,喺日本係唔會見到有咁情况發生,地方亦都唔覺經常清潔。坐低即刻叫咗個招牌白雞湯拉麵,麵條比較幼身,並不如預期般爽滑彈牙,喝一口奶滑嘅湯頭,感覺雞味熬得唔夠濃郁,但嗰片叉燒同慢煮雞肉算肉嫩柔滑,隻流心蛋個流心程度啱啱好,配料如葱花筍絲亦正常,但整體唔會令人失望,但就無我期待嘅驚喜感覺。食完過後返屋企竟然肚瀉了幾次,我係一個唔易肚瀉嘅人,對上一次食到肚瀉都忘記咗幾多年前啦！我又食唔到佢地有酸宿味,所以我第一時間諗起可能同呢間店啲肉類煮得唔夠熟或餐具有關,希望店主可以正視。

紅磡呢間拉麵長期排長龍，餐廳主打雞白湯拉麵🍜 見到好多人都叫雞白湯，但因為我本身麻麻哋雞白湯，所以就叫咗醬油湯底試下😆🍜 特製醬油拉麵 $82湯底好濃醬油味，但又唔會過份鹹，飲完都唔覺得好口渴好油膩😆 拉麵係較幼身，我一向都比較鍾意食粗身啲嘅拉麵，但估唔到呢款都幾好味🤤 軟硬度適中，而且好掛湯🧡 叉燒肥瘦適中，食落都好淋好易咬，另外雞肉好嫩滑，一啲都唔嚡🥰 最鍾意係佢粒溏心蛋🥚 流心效果做得好好，而且醬油味好入味😋當日係假期嘅夜晚7點左右，唔算好多人，大約等咗15分鐘就入得😝 價錢相對其他拉麵店都算平，可以再戰😆💜🥘 食物：8.5/10💰 性價比：8/10🪑 環境：6/10

問一個好鍾意食拉麵嘅朋友，香港有邊間拉麵係好食，佢推薦左呢間！店舖細細，大約大多於十個位，而且未開門已經有人排隊，有少少日本嘅感覺拉麪麪質不錯，有彈性，湯底都好足料濃郁

由佢啱啱開冇咩人排隊，到而家大排長龍。近期再加開太子分店，作為熟客倍感安慰。估唔到喺日本食過嘅虹吸做法嘅拉麵都有，自家製麵條喺重點，拉麵沾麵都正。湯嘅溫度一定夠熱，麵一定冇鹼水味，蛋一定有蛋味同流心，每件事都做到剛剛好。沾麵汁凍咗可以加熱，細心過韓國暖男。食咗兩次雞二郞限定店員就認得我，記性好過Chat GPT。希望嚟緊會有多啲新限定，有返雞白湯同魚介沾麵就好。十八區分店都有一間。泓一作為香港世一絕不為過。

😍😍😍白雞湯麵推介，個湯好濃，好好味。會想再返黎食！排左半個鐘，建議6點前黎排，食到第一轉就唔洗排咁耐。餐廳得7個位，如何多人排都係建議下次先食，排太耐不建議。

當日星期六11:55左右排隊，第二輪就入到去，舖頭得七個位，好細，但係拉麵款式都幾多，試咗最出名嘅雞白湯，同埋醬油拉麵雞白湯果然名不虛傳，湯底有好濃郁嘅雞味，鹹度適中，飲晒成碗湯都唔會覺得好口渴，麵質就正常，不過不失。試埋佢個醬油拉麵，都幾好味，清清哋，不過冇雞白湯咁令人驚豔。