影片
食家推介
🔍 泉记📍 北角渣华道市政大厦2楼📝 ★★★☆☆ 👍一直都知北角街市楼上有啲大排档，除左碟头饭仲有得食粥面或食点心。终于朝早上黎，第一次系度食点心。点心唔算得上好食，环境都系一般，不过价钱平。重点系服务好仲有笑容。好多高级餐厅都做唔到。要赞！一笼笼点心全部摆哂出黎，任你拣 几过瘾，我手多多每笼都打开睇下，都无闹我，仲介绍比我知啲点心名。我拣好左，谂住自己拎返枱，叔叔系都要帮我拎，服务一流！除左点心，仲有一盅盅饭，目测都有三款。可能我上得黎晏，朋友话平时仲有煎炸类。下次一定要再黎，试埋煎炸类点心。完！
继续阅读
北角做野几年， 冇为意街市上面有野食。 突然心血来潮试下。间野有蒸点心， 蒸饭， 同埋午市碟头饭。今日试菜远班腩饭，汁够， 饭够， 班腩落左D 咖啡先至煎定炸， 好食。 有汤， 冻饮， 埋单$41.有冷气的熟食中心， 只要你唔介绍冇咩装修， 咁的价钱边到揾。
继续阅读
之前食过几次协成粥品，但好咸成日行过呢间泉记都想试下，估唔到都几ok旧式野，但比以前少咗好多阿伯唔咸，几好，旧式果种质地，应该系自己整嘅，大点，$16鸡丝粉卷，唔咸，大点寿尾，好味，茶钱都系$5估唔到有惊喜，钟意食旧时果种味就好好食，好似去咗澳门，广州咁，唔好同而家啲酒楼比较
继续阅读
好耐无上过黎渣华道熟食中心食嘢，上次爸妈嚟食咗隔离好出名𠮶间粥店话啲粥好差🤐🤐见到依间有妈妈感兴趣嘅鱼翅饺食，特登嚟试试依间啲传统点心。星期六12:30左右嚟到，已经剩余不多款点心，鱼翅饺没有，炸物亦只有春卷了，所以今次都系全叫了蒸点🥹🥹一行三人叫了七个点心，5中点、1大点、1特点，连$5茶位，埋单$126。假日来讲真系好抵食，其实质素一般般，但胜在大件夹抵食，有惊喜的是冷气好足够，周围人不多环境几清静，慢慢坐叹吓茶都几好😍牛肉肠粉 (特 $18)（4/5）没有期望所以有惊喜地觉得好食，外皮粉浆居然一点都吾厚，牛肉馅料好多，我觉得系同牛肉球一样味😂😂叉烧包 (中 $14)（2.5/5）陷料不多个皮好厚，蒸左好耐所以包皮较软，但都吾太差既～有昔日情怀既味道😂鲜竹牛肉 (大 $16)（3.8/5）牛肉几大粒，肉质都吾错吾会实蚝油鲜竹卷 (大 $16)（4/5）肉质虽然比较实，但系好大旧，而且无西芹系入面！我觉得系咁多样入面最好食的干蒸烧卖 (大 $16)（2.3/5）比较细粒，因为是纯猪肉所以肉质好实，麻麻地豉汁排骨 (大 $16)（2/5）分量多但调味比较咸，都吾觉得系豉汁，垫底的是薯仔比较新奇豉汁凤爪 (大 $16)（3.5/5）够淋，味道正常吾差，垫底的都是薯仔午市蒸饭点心套餐$39好抵食，一个人黎食都吾错啊！依间最好系选择好多弹性好高，想食炒粉面有~碟头饭有～小菜有~点心蒸饭又有~虽然质素平平但价钱亲民，已经越见越少啦～
继续阅读
【#熟食中心 】#泉记 今日又去 #渣华道街市 ，原本谂住食粥同肠粉，临上去之前见到依间泉记个午餐都啱食，所以就临时转駄去试吓🤣差唔多十二点几上到，都几多人，揾个位坐底，拿拿声就叫个是日午餐 #茄汁猪扒意粉 🐖🐖🐖$36+2先送一碗 #例汤 ，青红萝卜各一件，有少少咸，都可以接受。#冻柠茶 上台时几有趣🤣 三片🍋放系杯口，卖相几特别😄 不过队返🍋落去要小心，因为都几满，要饮几啖先，茶底都几香👍意粉唔系我想像中咁样🤔 我认为既茄汁意粉应该系捞好咗偏橙色果种，但结果系有点家庭式既蕃茄煮意粉🤣 份量好大碟，有好多件连骨猪扒，都几大件，食落系炸过既，唔会干晒，都几好食👍 意粉软硬适中做得唔错。整体杯茶同个午餐都几好，尤其系猪扒👍👍 有好多人叫佢其他炒粉面，证明依度出品都唔错♥佢仲有点心食，价钱都好相宜🤣唯一要挑剔就系个位，餐具同餐牌都比较「笠」，唔算好干净😐推介指数：7/10泉记北角渣华道市政大厦2楼@foodiehck2022 #港饮港食平靓正 #北角美食 #炒粉面 #午餐 #抵食 #hkfoodie
继续阅读
您可能会有兴趣的...