沾仔記 (威靈頓街) (威靈頓街)

营业中

休息中

親身去外賣自取 平時堂食都無野 仲覺得好好食 今次外賣唔知點解會咁 可能係啲外賣盒唔乾淨？唔同種類嘅昆蟲都有🥶唔敢想像食左幾多隻落肚 已經食左3分2先見到🥲希望佢地注意下🥲🥲

香港セントラルにある人気のワンタン麺屋さん「沾仔記」 低価格でミシュランガイドに載っているヌードルが食べれるなんて!! Tsim Chai Kee Noodle（Wellington Street） 沾仔記 メニューが 広東語、英語、そして日本語も記載されていて、注文がしやすいです。 混んでることが多いので、知らない人と相席になることもあります。 私が訪れた時は、店員さんが気さくで愛嬌がありとてもよかったです☆ しかし、友人が訪れた際は、店員さんが不愛想だったようなので、 サービスは様々かもしれません。 店内は、清潔感があり、注文後はかなりスピーディーに料理が提供されます。 オススメの「 ワンタン麺 」HKD34（HKD1をJPY14で換算して約480円） 弾力のある細麺がしっかししていて、スープとマッチしています☆ そして、大きな” 海老ワンタン ”が3つも入っていて、プリっぷり でほんとに美味しい! 途中でテーブルに置いている辛い調味料を利用して味変してもGOOD! 少し小さめのサイズとなります。 お腹が減っているときは、ワンタン麵だけでは足りないかも! その際は

沾仔記，成日聽到呢個名..話哂都米芝蓮星級雲吞麵..不過又竟然係貼地既價錢。餐牌上只有三款餸…雲吞包住既蝦大大粒….麵質爽口彈牙鹼水味唔算重..食果陣落小小醋中和已經足夠。牛肉係用鮮肉…唔會好似外間一般牛肉係用梳打粉醃到過龍…保留到肉既味道同口感。而唔係一團粉咁..食得出係用心製作既品質。又點小得腐乳通菜…個腐乳好香..撈菜食真係正估唔到咁貼地既價錢但又食到米芝蓮級既水準..之後再經開中環一定再黎…

話說參觀完活化後嘅中環街市，搵地方醫肚之際，先發覺星期日嘅中環好多食肆都唔開正當漫無頭緒嘅同時，離遠見到間粉麵舖 - 沾仔記，早年每次過中環都例必幫襯食碗雲吞麵！舖內依舊不變，唯一改變就是枱與枱之間多了塊膠板！餐牌選擇依舊不多，都係得招牌雲吞，鮮鯪魚球，鮮牛肉三大類，一於點晒去！！▶️雲吞麵 - 大大粒雲吞，兩隻蝦加上豬肉做餡，鮮味十足▶️鮮鯪魚球河 - 兩粒大大粒鯪魚球，魚肉爽彈，鮮味十足▶️鮮牛肉撈麵 - 新鮮牛肉，嫩滑好味，份量亦夠多總結：以大大粒雲吞同鯪魚球做賣點，咁多年都無變，食物水準依舊，有機會都會再嚟！

先不說食物普通，跟米芝蓮沒半點關係最氣憤是服務態度很差，『平民』價錢不等於服務要差。( 沒錯價錢不貴，可份量也不多）我們一行七人，在外排隊的時候，先催我們要下單，然後塞了七張手寫單給我們。疫情關係，要分桌，我們絕對理解，可是安排四人/一人/二人，是否有點莫名其妙？當頭四人入座後，以不友善的態度問我們要手寫單。大家都知道手寫單的字跡一般都難以識別，這又用了一段時間。有一桌的老人家由於記不清自己當初是下單拼，結果改成了雙拼。但由於分成了三桌，付款的人根本不清楚其他桌發生什麼事。在跟店員解釋的時候，是換來被吼的對待。這個無疑是雙方的誤會，可要是當初是入座後才下單，就不會發生。餐廳出餐比快餐廳更快，也不存在先幫我們預備，是入座後才問我們拿手寫單去做。完全沒看出提前下單的必要。因為這種態度，不會再光顧。

其實沾仔記這家老牌麵店的菜式不多，除了招牌雲吞外，另外有兩款餸，分別是鮮鯪魚球和鮮牛肉。如你單點一款餸的湯麵價錢是$34 ，如雙拼（即三款送其中兩款任擇）湯麵價錢是$40 ，想吃齊三款送的三拼湯麵價錢是$44。今次我點了鮮鯪魚球和鮮牛肉，鮮鯪魚球如圖所見，兩件超大件的，吃下的時候很有滿足感，加上紅醋很鮮味。鮮牛肉份量也不少，雖然牛肉也有經過處理，但仍能吃出牛肉的味道，湯底是大地魚煮成的清湯底，質素很高，怪不得可以屹立在中環那麼多年。

南丫島一日遊回程決定喺中環搵食，我哋先去咗食印度餐，由於太晏有啲餐已經沽清，所以朋友推薦轉塲到沾仔記，我哋經過中環街道上見到好多壁畫，我忍唔住手影咗幾張真係好靚呀。疫情既關係遊客少咗，今次完全唔使排隊，朋友們都話以前都要排隊先食到架。由於我哋都半飽狀態，大家都決定叫淨雲吞，老實講我係九龍人，好少過海，沾仔記好出名，但我未食，唔好笑，雲吞大大粒，蝦肉彈牙爽口，加埋鹼水味既湯和葱花，最重要一定要加自制辣椒油，真係好正。

早幾年食過覺得唔錯，以中環的物價黎講cp值都算高，而味道亦唔差🤣可以話係中環飯堂選擇之一，諗唔到食咩就會去食佢。可惜最近再食發現質素大不如前😢價錢加了但質素同時下降，有點失望。雙併（雲吞與鮮鯪魚球）雲吞既size比以前明顯細左，裡面的蝦仍然爽口。可惜雲吞既胡椒味過重搶走蝦的鮮味。我麻麻地鐘意啦鯪魚球亦不及以前扎實，但仍食到魚味。味道較以前遜色。下次經過可能會試下對面的雲吞麵食店或者其他菜式啦。

收工去中環睇戲, 但係窮JJ想5x蚊搞掂一餐? 沾仔竟幫到你~D2出口出嚟轉右行一小段路就到, 好易搵好方便😋一入到去就見到牆上面好多米芝蓮推介餐廳獎牌. 檯頭就一張menu, 選擇唔多但係勝在真係好平,而且佢有我最中意嘅雲吞麵, 仲要係34蚊咋!!上到嚟碗麵雖然唔算太大但係見到超大粒嘅3粒雲吞, 仲係我好中意嘅幼細又乾身嘅鹼水麵,雲吞食落好鮮而且好厚肉👍🏻. 加埋一支豆漿同fd share碟油菜都係人均55, 正!

呢日嚟到中環搵嘢食，想試吓一啲比較價錢親民嘅午餐，果然除咗一啲高級餐廳又或者咖啡店，都會搵到又地道又平嘅麵店。嚟到門口，見到好多米芝蓮推介嘅貼紙，食客都多，咪試下！ 🍴 招牌雲吞麵 ($34) ⭐️⭐️⭐️⭐️💫 一上菜已經聞到好香，竹昇麵蓋住咗啲雲吞，為避免幼麵被湯浸腍。入面有三粒做到好皮薄餡靚嘅雲吞，算係幾足料而且幾彈牙。麵質方面煮得啱啱好，食落好爽，唔會煮到太淋，而且少鹼水味，個人認為好好食！ .............................. 沾仔記 (威靈頓街)  地址📍: 中環威靈頓街98號地舖 總評分: 7.4/10 .............................. 味道😋: ⭐️⭐️⭐️⭐️💫 環境👀: ⭐️⭐️⭐️ 服務👨🏻‍🍳: ⭐️⭐️⭐️💫 衛生🧹: ⭐️⭐️⭐️💫 抵食💰: ⭐️⭐️⭐️⭐️

從剛出黎工作到宜家， 從港島搬到九龍，食過好多間雲吞麵，始終都係呢間好，一直回頭光顧。 朋友來港都會帶佢哋嚟呢度食，so far 無負評。盡量避開busy hour ，搭枱始終未習慣到。 基本上次次都係叫雲吞麵（河）🍜， 一大碗女仔夠哂。 啲雲吞好夠料，大大粒！ 最鐘意佢地唔放其他肉落去包，啲蝦係脆嘅！ 印象中啲姨姨都好好人， 有時河粉食到冇晒湯，佢哋都會攞一碗細清湯比客人。希望佢地開多間分店喺九龍，咁就唔使次次都跑去港島😀

我好少寫食評，今日15/11行過食碗雲吞麵，D麺又梘水，湯水又差，口渴。態度趕客，拎咗錢未食完就收碗，不知所謂，仲衰過權記＄20一碗。。。點解可以拎咗十幾米芝連，唔通買番嚟

記得以前係中環返工，出去食真係好貴，要好味又好食一定大排長龍先有得食☹️ 其中一間我最鍾意食嘅就係沾仔記😋今次撞正下午茶時間去中環，見到沾仔記冇咩人就入去回味下昔日打工時光。平時多數叫三寶麵，個鯪魚球超大粒，勁好味抵食。不過今次唔係太肚餓，就叫咗牛肉雲吞麵😍 呢度嘅牛肉都好好味，牛肉好滑溜，雲吞啲蝦大大粒又爽口，麵煮得剛剛好，爽口彈牙😋 相隔一年冇食，水準依然，難怪咁多年都屹立不到💪🏻💪🏻

這天來到中環覓食，想吃清淡一些及快一些，於是鎖定了吃雲吞麵。碰巧路過這家麵店，門口貼著多張米芝蓮推薦的宣傳品，價錢也相宜 ，鋪面光潔整齊，於是便鎖定沾仔記醫肚仔。雲吞麵印象中我吃過最大的雲吞，比乒乓波再大一些，入面大約有兩三隻蝦和豬肉配料，口感比較實，滿滿的一口，只咬到三份之一，一碗有三大粒雲吞。與傳統大小的雲吞相比，這個大雲吞的鮮味比較遜色 ，可能要分幾口咬所致。鯪魚球麵兩大粒鯪魚球，吃落有驚喜，陳皮配搭恰到好處，陳皮香味輕輕帶出鯪魚球的鮮味，鯪魚球口感彈牙，沒有一般魚球的小魚骨。大地魚湯底比較清淡，麵質爽口彈牙。由於不吃牛肉，所以沒有試牛。總括而言是一個值得再去的地方。

上環雲集了許多老牌雲吞麵店，已經尋味了數間，暫時為止仍覺得未到吃驚艷的味道。今次就尋鮮味到沾仔記，因為實在有很多人推薦，賣點是如乒乓球大小的雲吞，價錢中規，份量適中。位置:處於市中心，在另一家雲吞麵世家對面，很容易找到。環境:店內相當寬敞，枱與枱之間有足夠的社交距離，可能是已經過了午飯時間，客人不多，所以我一個人也可以住卡座，裝潢富有中置特色，用木雕作裝飾，中間吊有一盞大燈籠，顯得雅致。餐牌非常簡單，只列出店內招牌的三種麵品或雙併麵，但列有英日文對照，可見有不少遊客光顧。雲吞麵包店$34首先是擺法正宗，其次是湯底顏色深，少韮黃，多蔥花，大地魚味道不重，味道平衡但不香。麵條略欠彈牙，較軟，沒有鹼水味。雲吞不能阿一口吃掉，有兩隻鮮蝦，鮮味十足，豬肉配料剛好，不會搶去蝦鮮味。整體來講，湯頭比不上麥記，麵欠爽，只有雲吞吃得最滿足。