影片
开饭介绍
云吞和牛肉是招牌菜，价格大众化，装潢则带有乡土气息。
继续阅读
奖项殊荣
最优秀开饭粥粉面店 (2008), 米芝莲必比登推介 (2023-2024)
营业时间
今日营业
11:00 - 21:30
星期一至日
11:00 - 21:30
以上资料只供参考，请与餐厅确认详情
相关文章
今晚放工谂住简单食个面，见呢间都有啲人流，就入咗去试吓。一望餐牌，得三样𩠌拣，于是叫了三宝汤面。坐低就发觉九成都系游客，有啲讲国语、有啲金发，都有啲心知不妙……呢啲所谓老字号，不少都得个壳，sell怀旧、本土嘢，实际上不思进取碗面都算快到，一饮头啖汤，有一浸罗汉果味，但冇肉汤熬出嚟嘅鲜味之后试啲牛肉片，个质感好怪，好腍，应该用啲粉乸到一啲肉味都冇！之后食鲮鱼球，好hea 连个圆形都搓唔好，食落去好无料，淡而无味！最后谂住个云吞会好啲吧，啲虾一啲鲜味都冇，亦冇乜猪肉同大地鱼粉嘅香味！个面亦都冇爽口弹牙嘅口感！总括而言，哩间店偷功减料坑游客，眼见仲有咁多客流帮衬，收$52身为本土香港人，真系睇唔过眼忍唔住上嚟写劣评，心谂净系煮几样嘢都可以咁差，唉～更加体会到要支持下一些小店，人哋起码有心做，对得住食客，唔会俾啲咁差嘅食物质素。
继续阅读
中午快快食饭拣咗沾仔记，叫咗招牌三宝面（牛肉、鱼蛋、云吞）。每样都好大粒，鱼蛋弹牙，鱼肉味好重、牛肉入味﹐又唔会煮到太老、云吞馅料多，皮又够薄。汤底系清汤，不油不腻；面条爽滑，面味十足。大约十分钟内上菜，适合赶时间。埋单$50左右，以中环嚟讲超抵，CP值高！喺中环有一 餐唔过 $70-$80 其实都已经好难。地方干净，翻枱快，唯一系人多时要搭枱，都明白午饭时段多人要咁都好正常。不过如果唔介意，真系系食得过嚟食个快餐选择！
继续阅读
帮衬咗十几廿年，最钟意食佢嘅云吞，大大粒好满足，有时仲会买生云吞返屋企打边炉，星期五晚放工去，虽然唔驶等位，但里面已经坐无虚席，有9成都系游客，不过唔知点解，食完一碗面都好似唔够饱嘅呢。🥢招牌云吞面 $40⭐️⭐️⭐️⭐️食得出虾好新鲜弹牙，面同样爽口弹牙碱水味唔重，汤底有浓郁嘅虾味，应该用咗好多虾壳去熬汤。🥢云吞.鲜鲮鱼肉捞面 $57⭐️⭐️⭐️⭐️好耐之前食过牛肉觉得一般，所以双并试咗鲮鱼肉，估唔到鲮鱼有鲮鱼味而且口感又咁细滑，下次都会叫呢个组合。🥢腐乳通菜 $20⭐️⭐️通菜唔嫩幸好无渣，腐乳非常咸但味道还可以。二人共消费：$117
继续阅读
中环返工最紧要系快，唔可以花太多时间谂食咩。今日中午就走咗去沾仔记，因为佢哋啲云吞面出名快靓正。落单后唔洗5分钟就有得食，对我哋呢啲上班族嚟讲真系帮到手。云吞面一上枱已经闻到鲜味，汤底清清地但够晒虾味唔死咸，饮晒都唔会口渴。云吞粒粒饱满，虾肉爽口唔腥，食落去真系有啲惊喜。面系细蓉，唔会淋晒，弹牙得嚟啱啱好，份量一个人食就啱啱饱。环境唔算大，但翻枱快，坐得唔会觉得迫，员工手脚快亦有礼貌，值得一赞。成个午餐15分钟内完成，仲有时间返office冲个咖啡，对赶时间嘅打工仔嚟讲，系个好选择。👍🍜
继续阅读
沾仔记系我以前嘅饭堂，因为公司附近有一间，午餐，下午茶，朋友或者ot嘅时候，都会落去买碗云吞面🍜，因为旧云吞成个拳头咁大只💪，而且面身爽口，性价比非常高，而佢出名嘅亦都系头咁大只嘅云吞，里面有几只虾🦐同一般广东云吞一啖一口嘅唔同🤗，所以拎咗几年米芝莲🏅转左工几年无帮衬，唔知系咪成本高涨定通胀关系，今次返嚟帮衬觉得啲云吞细粒咗，而且啲虾唔太新鲜🥲，如果唔系米之莲嘅光环，应该唔会咁多人旅客帮衬😑而且啲侍应一件嘢食完就收碗赶人走咁样，但系明明坐唔满，咁样做饮食真系好难搞
继续阅读