影片
以上资料只供参考，请与餐厅确认详情
食记 (35)
喺佐敦食云吞面，除左两间麦记，仲有呢间沾仔记。店铺装修比较传统，但好干净企理。佢既面食配料选择都比较简单，只有三种，但三种都可以同时要哂，仲可以转虾籽捞面，啱哂选择困难症既人😆我今日拣左云吞、牛肉面，另一半拣左云吞、鲜鲮鱼肉面，双拼都系$47。呢间同以往食开既云吞面有啲唔同，平时份量偏细，食完都觉得饿。但呢间云吞比较大大粒，入面都包左起码4粒虾仁，所以食落啖啖鲜虾味👍🏻配料鲜牛肉几新鲜，煮得刚刚好、食落有啲弹牙但又易咬，食得出几新鲜用靓牛👍🏻；配料鲜鲮鱼肉，真系食落几新鲜同有鱼味👍🏻仲有值得一赞系个面底，份量够，同埋完全冇碱水味。另外仲加左碟蚝油菜芯，食落都鲜甜。野饮方便佢地有传统啲既玻璃樽汽水，有特色啲；豆浆饮落幼滑同唔会好甜，而且冇渣完全唔会鞋口。总括黎讲，呢间云吞面店真系值得一试，食材系食得出新鲜、用心👍🏻
继续阅读
📍 沾仔记面食 Jim Chai Kee Noodle🌍 佐敦庙街300号地舖 G/F, 300 Temple Street, Jordan📝 整体评分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝去咗庙街夜市睇下，无咩野好食就走返出黎，随便行下见到呢间几抵食咁就入咗去，意外发现平靓正地道面食！▸ 主食三拼◂＄４７✿ 呢到独孤3味，专注做云吞、鲮鱼球、牛肉，最好食系云吞，大大粒胀卜卜，成条鲜虾，皮薄馅靓。忍唔住买咗啲生嘅返去~ 但始于无店家嘅汤底，差咁啲！！！清而不寡，浓而不腻，大地鱼汤，好饮到清哂～▸秘制虾子面 ◂＄４１✿ 虾子面无碱水味，面积１００分，满满虾籽，捞埋劲香～▸蚬芥炸鲮鱼球 ◂＄４５／５粒✿ 足料鲮鱼球非常之弹牙又有鱼味，唔会软稔稔成旧粉团咁。蚬芥咸鲜带酒香，就唔系好合我口味，但炸鲮鱼球单吃就好美味！
继续阅读
佐敦呢间沾仔记，下次都唔会再帮衬。去外卖鲮鱼肉半斤及两打生云吞。比左半碗多D既鲮鱼肉我，我都打左个突，我问有无半斤？服务员态度冷漠，话足称，叫我唔信去个磅度睇。以往我去开中环皇后大道中沾仔记买鲮鱼肉，中环沾仔记果边D阿姨会用一盒叉烧饭既发泡胶盒装鲮鱼肉半斤，装满个发泡胶盒给客人，态度好好。现在佐敦呢间沾仔记用一盒圆形例汤细胶碗装住，少左好多。相差好远。回到家用个磅称一称，连碗重量只有6.88両，未够半斤。哎！
继续阅读
由细食到大今年黎过几次，一直以为早收工定执左今日唔死心，再试多次原来搬左去对面！太好拉🤣🤣🤣净云呑，虾一样咁多咁好食阿姐话，原来已经搬左7，8个月就系宝发大厦对面呀！
继续阅读
女朋友系佐敦返工，佢成日话这间店好食，于是今日经过就谂住试下佢。星期六中午入去，都坐到差唔多满晒，可能因为本身座位比较少既关系。我谂食饭时间去基本都要同人搭枱，不过都系大概4个人坐一张枱相对都算舒服，唔会好似潭仔食饭时段迫到6个人一张枱。食物选择不多，最特别就系云吞，因为比市面上既大好多，又好足料我同女朋友各点左一碗双拼，分别系云吞牛肉同埋云吞鲮鱼球。鲮鱼球分量都好多，但系后知后觉既我问返女朋友先知道，如过两个人去食，又想食两样𩠌，其实唔洗分开叫两碗双拼，可以叫两碗唔同𩠌既单拼。因过原来叫双拼系比单拼贵5蚊，但系云吞同鲮鱼球加埋同单拼一样系比4粒。一旧云吞入面有超多虾仁🍤，真系相当足料。一碗有4粒都系29蚊又真系几抵食。最后想讲佢仲有玻璃瓶既可口可乐饮（但得细支装）。
继续阅读