6
1
0
今日收工同几个同事聚餐其中一个同事提议去佢屋企附近商场食...我心谂 唔系挂，佢所讲既丽晶商场会有咩食原来话有间越菜，咁就去试下啦去到未齐人叫住d小食先啦酸辣凤爪坚入味 比平时食开既入味同辣 岩晒我口味生菜包好似酸左d 有改进空间到咁上下齐人啦，叫左个无骨海南鸡鸡皮唔肥 肉都几嫩滑 点埋佢地d鸡汁就更开胃一份蒜蓉包有4件 6个人唔够分，试左ok就叫多份炒菜既话同出面食分别唔大蒜蓉牛油鸡翼 外边都脆既，肉都唔鞋口 算滑小食并盘 我平来钟意食牛 烧牛串觉得好正另外要提一提系软壳蟹同埋椰青焗饭软壳蟹外脆内软 食果时爆到我成口油 正！後尾听店员讲 有个椒盐软壳蟹更野味，点餐果时见唔到...因为大家都饱饱 下次先试椰青焗饭真系好香 一上台果刻个个都话好香面头果d唔知系咪椰浆，食落去香得黎又有清新椰香味，但可能椰青唔够深 d饭塞到满满都唔够我地6个壮男分😝😝总括黎讲 系一个小型商场都食到呢d味道呢间野都下过努力既 都有特式下次可以再黎埋单时有同店员倾左阵，佢地话迟d晚餐会出甜品，同埋佢话厨房全部都系越南人 唔知系咪真😆😆
继续阅读
又到一年一度妈咪生日，今年决定试新野，去朋友介绍既一间新开张位於九龙湾既越式小店。我们一行8人，有老人家又有小朋友，虽然百年一遇既交通大瘫痪，但系无阻我们，大概6点相继到达餐厅，不用排队，就有侍应带位。一坐低就打开menu，我既选择困难症又发作喇，发现原来有不少选择，样样都想试，最後我地几经辛苦叫左9碟餸。特别一提，上菜速度同先後次序超高水准，又快又有先後次序，由小食到主菜，真系要俾个赞。重点推介1椒盐软殻蟹：外脆内软绵绵，仲要啖啖肉，大家都抢住食，不用15分钟就清左碟软殻蟹。重点推介2去骨海南鸡：系去左骨既海南鸡呀...鸡皮带少少爽又唔肥，连平时一定走鸡皮既我都食埋层皮落肚，再咬大啖啲好有鸡味，中间刚刚熟，再配埋酸酸甜甜萝白丝配菜，一流呀。重点推介3牛油蒜香鸡翼：一送到面前已经被外面松脆同金黄色既外层吸引住。果然，唔系虚有其表，里面既肉仲好嫩滑架😋其他西贡咖喱牛腩配蒜蓉包（分开order既）：咖喱刚刚好，好香口，虽然我唔食牛，但系我见我屋企人，连小朋友都食唔停，同赞不绝口。唔洗多讲，咖喱必定要配蒜蓉包啦。越式烧牛肉虾片：虾片系即叫即炸，唔会死死实实，配埋秘制越式汁，几开胃，唯一不足系我唔食牛，如果换左系扎肉，应该会好食啲。越式扎肉三文治／西贡烧牛肉三文治：不过不失，略嫌配菜种类较少，如果有埋芫荽等，口感会更丰富。最後黎多个清炒菜，平衡番成餐饭，非常完满同大满足。总括而言，唯一美中不足既系欠缺甜品，唔知第时会唔会加入menu呢？这间算系跑赢大市既一间良心小店，当我地尽兴离开餐厅时已经8点左右，门口亦已经出现人龙，近期去过几间餐厅都系做到一轮生意，这间竟然可以做到两轮，我谂好食当然系原因之一啦。听餐厅职员讲，原来大埔都有分店架，仲要话有special menu，下次一定要试埋先得。
继续阅读
第一次去，一家人试新野，预先订座，被安排店中较入既中间位置，每枱之间有足够位置，唔会有挤迫既感觉。我地先点了饮品，椰青丶青柠梳打丶柚子蜜梳打、咸柠梳打，全部都好ok，美中不足既系冇我至爱既椰汁冰类饮品。跟住就到前菜、主菜啦，order完唔驶等好耐，好快已经逐碟送上！海南鸡半只，鸡肉尚算嫩滑，加上系无骨既，唔错！越式椒盐软殻蟹，热辣辣送到，椒盐够惹味越式烧牛肉三文治，法包内配烧牛肉加蕃茄、腌萝卜，配搭得宜咖哩牛腩，牛腩够淋，另外配埋个蒜蓉包就very good，我自己就锺意配个炸虾片沾咖哩汁蒜蓉牛油鸡翼，又系衬热食，炸到松脆，不过其实好快已经一人一只抢晒！特式拼盘，有牛肉串、猪肉串丶炸春卷、蒜蓉牛油鸡翼，最岩我地呢D样样都想食既人，不过挂住食，已经唔记得左相机先食🤣顺带一提，佢哋既配菜腌萝卜都好好味，我个女大爱，最後仲清晒添！呢间越式餐厅座落於丽晶商场，性价比高，虽然我地唔系住附近，不过值得再去！
继续阅读
屋苑附近大多数都系茶餐厅同埋快餐店，见到呢间新开行清新格局路线既越南小店「河内小馆」决定入去一试。首先地理位置方面，呢间小店系商场2楼入面既转角位置自成一角，虽然不太起眼，大多系做街坊生意，不过一行入去就几舒服既感觉，枱与枱之间几阔落完全无拘束既感觉。食物方面，我地8个人叫左椒盐软壳蟹、牛油蒜香鸡翼、无骨海南鸡、西贡咖哩牛腩、法式蒜蓉包、越式炸虾片、越式灼通菜、越式扎肉三文治、西贡烧牛肉三文治、小河内特式拼盘、越式烧牛肉虾片。首先要推介呢个椒盐软壳蟹，好有避风塘既风味，软壳蟹炸得香脆之余仲好惹味。呢个一致认为系全晚最好食既菜式。牛油蒜香鸡翼都系推介之一，每只鸡翼都炸到胀卜卜，平时好怕d鸡翼炸到老晒肉又乾乾挣挣，呢个有少少惊喜，唔只面头个脆浆好香蒜蓉味，连入面既鸡肉都好入味，炸既时间岩岩好，d肉仲好juicy。呢个系西贡咖哩牛腩，咖哩几香浓唔太辣，牛腩炆得几淋同埋食得出个牛味几浓郁。有咖哩自然要配埋个蒜蓉包，不过我本身唔食蒜蓉包，所以唔会评论。无骨海南鸡坚系无骨既，鸡几滑，配埋腌萝卜一齐食可以去油腻。不过略嫌个海南鸡冻左少少，好似岩岩雪柜拎出黎咁。上面呢两个系越式扎肉三文治同西贡烧牛肉三文治，合格有余，不过建议多少少配菜增加个口感同层次令到个法包味道再丰富d。同埋法包焗得可以再香脆少少会更好。呢个系越式烧牛肉虾片，虾片系即炸，烧牛肉腌得几香浓，配埋个鱼露几正。小食一流。小河内特式拼盘乜都有唔洗烦。平时食越南野最锺意叫小食拼盘贪佢乜都有一次过可以试多几样。食左咁多野点都要食番个菜清一清下喉咙。整体黎讲食物质数中上，推介椒盐软壳蟹同牛油蒜香鸡翼。见到隔离好多枱都叫生牛河呢类粉面，下次要试一试。我地食星期日既晚市，难得见到最近咁差既市道都可以做到两轮生意。希望香港可以有更多呢类型既小店。
继续阅读
是日选择了一家人去食晚餐，6点多去到，吾洗等位，走的时後已多人等啦！环境不错，坐得舒服！吾会太迫！起菜时间都算快，吾需环点等候！食物方面不错，性价比高！河粉大碗好味，下次一定要食多碗！蒜蓉包好味、咖哩牛腩不太辣，配埋包食一流！ 软脚蟹好正，d椒盐一流，如果叫个白饭食...已可当一碟餸！炸鸡翼油在少少，不过香脆！我地仲叫在拼盆、菜，多到食吾晒！ 椰青正常，吾贵！饮品叫在d不同的梳打水！不过如果有埋甜品就更好！
继续阅读