沙霸越南餐廳 (已結業)

同同事去沙霸午餐，想食健康啲，所以揀左番茄牛肉檬粉，有番茄兩隻字感覺食咗菜嘛一上檯好surprised! 碗野好紅呀!不過唔係好假嘅茄膏紅色，而係因為有好多真真正正嘅番茄!!! 湯底味道比較清淡，應該冇加茄膏，食到番茄原味，加埋d香葉香料食幾惹味牛肉就韌左啲，都係生牛肉比較好食整體成碗野都唔錯，不過成六十蚊碗（包野飲）都唔平

一定要講個環境先，大佬這把客人當成難民嗎? 擁擠到難以想象，連影個相都要旁邊的人離開先影到，骨架大的要慎重想清楚。香茅雞翼/豬扒湯檬，湯底不錯很香，肉類都很香口好食但分量少得出奇。越式走地雞飯，很香，沒有了，肉很冷而且分量也食給小朋友食的，本人來錯了兒童越南餐嗎?蔗蝦酸辣鳳爪，兩樣都係份量少味道一般，不值得加添。三色冰珍多冰等價錢貴，冰粒多，味道淡，完全不值得去喝。服務方面，似乎也因爲擁擠的影響，很難傳菜上菜，效率低下而且經常放錯其他擡的食物。價錢比較貴，如果以分量來講，極貴。一個人午餐要食飽，超過一舊水先得。服務環境都是劣。

今天有事做而要到灣仔一趟，係街到望到間餐廳好似不錯 隨意地就入了這間餐廳吃lunch。 雖是午餐時間不過去到就有位入，不用等位 十分好。 服務態度不錯，一坐到有人即刻走黎問你食咩幫你落單。想要水個陣 轉頭唔洗兩分鐘又已經送到黎。 野食方面 我叫了香茅雞翼湯檬。湯底好濃好香，係啲檬粉碎左小小同份量比較小。不過雞翼就算比湯浸住，但食落還是脆口！ 環境方面 擺位很逼，枱與枱之間的空間好細 根本令人難以出入，行入去坐低時辛苦，離開時又辛苦。 飲品方面 我叫了熱檸茶，不用加錢的 但一點都不吸引。本因不舒服而叫熱檸茶左卻被杯野搞到更加一肚氣！儘管將啲檸檬篤爛晒都一點檸檬味都沒有，杯茶又苦 一啲茶香都無。熱檸茶三個字 只有“熱“字係做到，試味飲左三小啖就無郁過，味道個2分真係比隻雞翼。 價錢方面 我明白灣仔呢啲地方比較高尚 價錢貴小小唔出奇。但係食一碗碎粉同熱苦水要60蚊，真的令人感到無奈，大概個60蚊入面比得較值得既就只有個幾隻雞翼同服務費。如果仲有下一次，會寧願走多幾條街 睇下有咩其他選擇。

是日和 3 位要好同事一行 4 人到了沙霸越南餐廳食 lunch，本以為這裡是二樓餐廳，人不會太多，但我們12 時 20 分到已經好多人。我叫了番茄湯底札肉檬粉套餐，番茄湯底好濃，充滿番茄味，又夠熱。札肉是切絲的，不夠坊間般切片，我覺得反而較易入味，而且一口 bite size 不用咬。檬粉份量頗多，第一次吃檬粉配番茄湯，吸滿番茄湯，比起牛肉湯底還健康。我們加了 $10 要滴漏咖啡，但好失望，先說咖啡上枱時已滴漏好，其實我 order 滴漏咖啡的原因是希望它一點一點滴漏吧，而且由於已滴漏好的關係，咖啡只是微暖。咖啡入口不滑，煉奶又不夠甜，徹底失望！

星期六與媽咪及老公出了灣仔行街街，無意中看見一間樓上越南餐廳，見門面光亮及乾淨，所以決定上去試一吓。上到去見不太多人，原本過了午飯時間，哈哈! 終止可以舒舒服服地食個午飯。上到去點了幾樣食物，有：咖哩牛根腩飯、生牛肉湯粉、、馬拉盞通菜及豬肉蝦片。可能客人不多，食物好快送到，先上生牛肉湯粉，牛肉幾新鮮，幼身河粉配合埋清湯比預期好味，最好就是河粉不會太碎。咖哩牛根腩上桌時亦有很濃咖哩味，初時以為一定好辣，好在入口只是味濃而微辣，放心大食，而牛根腩煮得亦好軟身，尤其牛根夠軟，OK有水準。拼盤上桌時賣相都可以，其中串燒豬肉略為乾身，而我最喜歡春卷，配上生菜一起食，唔...外凍內熱...正! 而蝦餅亦是我的至愛，加上放有一隻蝦在上面，賣相一流。 通菜就正常過正常，但都比其他餐廳大碟，而豬肉蝦片亦比預期脆口。最後點了個薄荷青檸梳打及咸檸七，沒估到梳打水會用由越南入口梳打水，不過最鐘意是柸內放了新鮮薄荷葉，好香，感覺有誠意，抵讚!

今日，無心插柳，誤打誤撞下去了新開的沙霸越南餐廳吃午餐。一切全歸咎於老爹貪新之故﹗結果，一肚子怒氣及無奈……甫出電梯，餐廳門口裝潢頗有越南風情，有幾幅越南少女的畫像，色彩繽紛鮮艷，紅中帶綠，營造出舒適悠閒溫暖之感。殊不知，金玉其外，敗絮其中﹗枱與枱之間極為擠迫 ，寸步難行。負責傳菜收拾的哥哥仔waiters雞手鴨腳，手忙腳亂，連續上錯菜，驚慌失措，可笑。廚房運作欠佳，上菜效率極慢，小妹點的午市套餐越式香茅豬扒飯要稍候二十分鐘先有，阿叔點的越式走地雞飯更要半小時先上枱，可氣。然而，我們已叫幸運。右手邊兩位姐姐仔一早叫左兩個香茅雞翼飯，尚欠一個，不斷催單，遲遲未有，負責落單的waiters叔叔敷衍了事。因太多客人催單，無暇應付了。姐姐仔超黑臉，半小時內， 催完又催，我哋差不多走人，佢先有得食。左手邊對夫婦更慘，叫左款午市套餐以外的食物，比我哋早到，我哋走人，佢哋仲等咁。 越式香茅豬扒飯配三色冰 $62香茅豬扒香口又入味且夠新鮮夠熱，不錯﹗米唔多靚、d飯就偏淋左，毫無口感可言；墊底生菜不太新鮮，醬汁欠奉。三色冰甜度適中，夠冰凍，椰汁味不算濃烈；三色啫喱條好韌，毫無QQ口感。越式走地雞飯配熱檸

最近公司附近開了一間越南料理，午膳時間和幾位同事試試。剛抵步的時候約＋二時半，餐廳還有頗多位子，不用等位。店內陳設光猛，但擺位較迫。翻開午市餐牌，有一系列午市套餐，一碗粉麵飯連飲品的大路組合。主食點了一在蕃茄雞絲湯檬，蕃茄湯底調味不錯，配上青檸汁及辣椒粒口味及為酸香醒胃。雞絲份量不算多，鮮度滑度一般。未知是否小弟不吃雞皮的緣固，總覺雞皮特別多。湯檬略為碎身，口味合預期。另點小食兩份，酸辣鳳爪酸度合意，辣度不足，並帶點甜味，口感方面都算脆口嘅！另一小食順德蔗蝦，蔗蝦口感腍身不彈牙，蝦香蔗甜不足，中下水準。餐飲來一杯清保涼，偏淡的口味，普通喇！在用餐的較後時段，人客越來越多，開始有「被搭枱」的情況。更甚是搭枱擠壓程度越來越過份，完全沒有考慮食客用餐感受，結果當然是服務細項及總評失分！