影片
呢一年喺度做野，因为出去食饭要搭车🙄，所以多数都系去医院canteen搅掂个lunch，无期望系唔会有失望嘅😅，所以呢间饭堂都系正正常常，系泛亚集团，即系大家乐啲friend 。佢每日都有两𩠌饭，可以加钱要三𩠌，有个汤，饭仲可以转红米饭，真心唔难食，简简单单又一餐。但佢有时都真系会俾到惊喜我同埋同事架㖞🤣🤣！有时会有薄饼！好食架，即焗架，仲要只系$40几$50，包一杯饮品，你唔会食得晒🤣呢排夏天出汤饭，我都食过卤水鸭腿汤饭🍲，系几正。仲有越式粉面🍜。都算有唔同种类拣下。顺便一提，佢嘅烧味饭系几好食嘅，好快就俾人卖晒，午餐要提早落去，唔系好快无位。有职员价，系好抵食嘅！
继续阅读
🥢 孜然鸡中翼卤蛋瓜粒汤饭 $36本来对医院饭堂无咩期望，只想买走倒哂落个肚啫。当打开个盖，𠮶阵孜然的气味，真使蒙🐷眼都变🐸眼，香暴！入口，孜然味好浓郁、好入味、好好吃😋！味精汤底，有冬菇和红萝卜🥕。味道预期中。而家医院都好先进，有自助落单机！👍🏼都算几多选择。
继续阅读
执笔时, 尊敬的伯父已经仙游了. 该伤心的也伤心了, 而且看见年纪老迈的伯父是随著周公安祥的上路, 我们总算是泪中有笑.此食评, 是两个星期前(5月2日)探望当时还精神亦亦的伯父后, 为了不让独自在家中看BB的太太辛苦而决定买饭盒返去一齐食的. 于是, 临离开医院前, 就落去Canteen, 整两个饭盒快餐. 回家享受.此Canteen, 同一众医院食堂一样, 是由泛亚(大家乐)管理. 一看见其Menu设计, 已经知道呢度有乜东西好食. 不过, 作为医院饭堂的泛亚. 其经营方法同menu, 始终有一点区别. 而且, 医院的Canteen, 整体上, 做得比出面的大家乐, 有营.给斋妹买的, 是三菇扒鲜蔬, 而我就简单的, 要了一个煎蛋免治牛肉饭. 我需要给饭盒一个赞, 因为, 咁远水路送回家中, 两个饭盒, 依然是热热的. 两个人, 开心的有个热辣辣饭盒食.为何我有时候会对医院的简单饭堂一个赞, 最主要是因为佢地以一般连锁快餐店的形式经济, 但做出来的食物, 较少油, 较多菜. 感觉上健康许多. 而斋妹食的斋. 正正的做到了这一点. 三菇扒鲜蔬饭. 淡淡口, 清清地的味道, 突显了菇类的香味. 而菜是灼的, 健康多一点. 老以为肉酱免牛, 又多油, 味道浓, 碎肉又多夹带肥肉. 是必然的不健康食物. 不过, 此免治牛, 除了食得出牛肉的香味, 以蕃茄做酱的汁食食得到蕃茄味的, 完全没有被那些味精或不知名的香料味盖过, 而且, 吃得出他们油份落得不多, 味道充满了牛肉同蕃茄. 有只即煎蛋, 同西兰花. 食完, 不觉腻. 系医院食饭, 当然不是人人想的事. 但偶尔到来, 需要时食用. 食得出, 有不少的"泛亚", 做得非常之好, 而且, 经济抵食.
继续阅读