影片
以上资料只供参考，请与餐厅确认详情
早几日嚟过呢间帮衬，见到佢大大个牌写住「驰名牛杂面」（有相为证），呢日心思思嚟试下，一系唔试，要试就尽量试匀佢，于是叫咗牛杂面最贵嘅一款：至尊牛魔王面配热奶茶。叫完餐后，店员姐姐问我饮唔饮汤，我话要，佢哋同好多茶记一样，有中汤同西汤，我拣咗西汤。西汤一般系罗宋汤，少数会有忌廉汤，呢间都同大多数餐厅一样系罗宋汤，碗汤颜色好吸睛，非常靓，而且唔辣，好好饮，正！奶茶用瓦杯装，而唔系胶杯装，咁先至可以真正饮到茶嘅色香味，正！可惜系无啡糖提供，否则会系几乎满分之作。碗面好多料，有牛腩、牛筋、牛肉丸、牛膀、牛肠、牛肺及牛肚，即系话牛杂加腩、筋、丸，就变成牛魔王，除咗牛丸及牛膀得一件外，其他都有好几件。呢个汤有别于一般牛杂面，有咸味，但唔会过咸，系我过往食过嘅最淡一间，啱我；牛肉丸好食，有质感，只得一粒真系太少啦，不过作为大杂汇其中一员，一粒又显得合理；牛膀偏硬，焖得未够腍；牛肺系爽身，我觉得同腍身比较各有各好，当然传统上系以腍身为最佳；牛肚系毛肚而唔系金钱肚，个人喜欢金钱肚多过毛肚，原因前者比较爽，后者比较腍，但一般食牛杂，都系食到毛肚，甚少食到金钱肚；牛肠焖得刚刚好，唔会太腍，亦唔会太生，食到牛肠香味；牛筋腍滑弹牙，不错；牛腩唔够腍，虽然都咬到，而且食到牛肉味慢慢渗出嚟，但明显过硬，要花一定时间先可以咀嚼完毕。整体嚟讲，呢餐我系满意嘅，尤其是服务员姐姐嘅态度，以及碗罗宋汤。
继续阅读
🔸金牌常餐 - 秘制猪扒意粉 配 黑松露酱炒蛋、餐包 $58滑蛋做得嫩滑🥚，但黑松露酱嘅黑松露味唔重，亦冇咩咸味，成份炒蛋味偏淡。餐包就帮你夹埋牛油喺入面。猪扒意粉就有惊喜！猪扒分碟另上，炸得够香口又唔太油腻，外脆内嫩，十分出色！至于意粉，汤底味道唔算浓郁，正常发挥。环境方面，因为系茶记所以都要搭台，同埋冷气比较弱，夏天去食会出汗。但食物好食，会再encore!
继续阅读