沙田新強記燒鵝海鮮酒家

营业中

休息中

在80至90年代，一想到雞粥，大家都會聯想到沙田強記。新鮮嫩滑的雞件，配以軟綿綿的粥底，無論晚飯或消夜，都是不錯的選擇。經歷數十年的歲月，沙田區的變遷很大，強記雞粥變成新強記燒鵝海鮮酒家。今天午餐到新強記吃雞粥，店內有8成枱滿，想必食物質素有一定水準。我們二人食量有限，只能輕食。先點一窩雞粥，再來午市優惠孖寶；煎饟茄子和荳沙煎堆仔，加一隻燒乳鴿，最好不過👍🏻軟綿綿的粥底，每粒米都煲至有如花開，並不是米漿能做到的效果，而且滲入少少雞味。雞件選用10多件雞髀部分，肉質不太嫩滑，但可以接受，雞味濃卻挽回不少印象分數。整體來說，好味😋。燒乳鴿選用中等大小的乳鴿，肉身不會太厚太薄，口感不錯，可惜皮做不到應的脆。溫度方面，咬一啖感受到鴿肉烹製後的餘溫，水準一般。煎饟茄子和荳沙煎堆仔都能做到少鹽少油，味道與一般茶樓無異。

最近去左大圍嘅新強記燒鵝海鮮酒家食晚飯。佢嘅位置好方便，就喺大圍火車站附近。我叫咗個價值350蚊嘅「超值乳鴿套餐」，裏面有2隻金牌燒乳鴿、一份雞粥同金銀蛋時蔬。見到門口同住海報寫住新強記皇牌有燒鵝雞粥同乳鴿，咁呢個套餐可以一次話抵啲咁試哂兩款皇牌，唔錯。我仲額外叫咗西檸雞球，仲有橄菜肉鬆四季豆同埋南乳粗齋煲，非常豐富。超值乳鴿餐 （$350）首先當然要試下佢個皇牌雞粥，雞粥幾滑溜，粥的表面可以見到雞的精華，每一口都飄散住雞香味。而且雞肉份量好足夠，多肉多汁，果然真係新強記嘅招牌菜之一，值得一試。另外，套餐有兩隻乳鴿，乳鴿香氣撲鼻，外皮烤到金黃酥脆，肉質鮮嫩多汁。一口咬落去，乳鴿的油汁走哂出黎，好香好好味。當然仲有金銀蛋時蔬色彩豐富，口感清爽。金銀蛋好滑好鮮甜，同湯汁同時蔬好搭配。除左套餐之外，仲叫左三款唔同既菜式。西檸雞球（$118）西檸雞球香脆之餘仲啖啖肉，而且陣陣既柚子檸檬味開胃又好食，而且份量非常大份，非常抵食。橄菜肉鬆四季豆（$108）至於橄菜肉鬆四季豆，每款既材料比例份量配搭得非常適中，四季豆都好爽脆清甜，而且橄菜肉鬆非常香口惹味南乳粗齋煲（$118）齋煲南乳味非常濃厚，煲內

屋企人想食乳鴿，記得細個成日聽人話強記乳鴿好正，所以去試試佢。一行四人叫左個超值乳鴿餐$350-包兩隻乳鴿，例牌雞粥同金銀蛋莧菜。姨個餐性價比好高。兩隻乳鴿！每人食到兩件，好夠！雞粥真係無得輸，一人食左兩大碗，勁香雞味，就算無食到雞，淨係食啖粥都勁香雞味！重點係食完唔好好口渴，真材實料。然後再另外加左西檸雞球，$118勁大碟，一上菜熱辣辣好正。雞球炸得好脆，炸粉又唔會太厚，每舊雞都有啲檸檬柚子味，好香口。橄菜肉鬆四季豆，$108好多肉碎，炒得好有鑊氣。份量都唔小，好適合餸飯！南乳粗齋煲，$118勁大煲，食極都有，好多粉絲吸哂味，又唔會死咸！總結：屋企人都好滿意，員工姐姐好好傾。服務態度又幾幾好，下次再同屋企人黎。

📍#沙田新強記燒鵝海鮮酒家 (大圍)大圍積運街2-8號海福花園商場地下47-50號舖▪️▪️▪️▪️▪️▪️▪️▪️▪️▪️▪️▪️▪️▪️今日到訪係大圍一間老字號酒樓，一於試下佢既馳名燒味😋 除左燒味，佢既金牌燒乳鴿都係招牌菜之一，有機會要再試。✨#新強記燒鵝王（例牌）聽人推介知道佢燒鵝都好唔錯，一於試下😋 燒鵝滿有油香，燒鵝皮香脆，肉質唔韌，送飯一流，唯略嫌部份位置少少瘦，未有啖啖肉既滋味，而整體都還好的😋 ✨#海哲頭另外叫左個麻辣海哲頭試一試，作為冷盤用海哲頭作開始😋 口感爽滑好大件，味道正常。▪️▪️▪️▪️▪️▪️▪️▪️▪️▪️▪️▪️▪️▪️

今日又想食燒味同雞粥，再來大圍新強記！同朋友都想食乳鴿+雞粥，但由於朋友麻麻場金銀蛋時蔬，所以無點乳鴿套餐，反而散叫點了叉燒！今次點了普洱茶，夠濃幾消滯。先上蜜汁叉燒王，叉燒半肥瘦剛剛好，食落夠淋。而且燒到有燶邊位，好香口，最正係成碟俾好多好多蜜汁，食到尾都仲有蜜汁，最怕坊間d叉燒乾爭爭又痴牙。紅燒乳鴿都係必選，乳鴿炸到熱辣辣，皮脆肉嫩。調味亦都十分夠，點埋少少椒鹽更惹味！招牌雞粥真係必點，記得幫我地走薑蔥！粥底充滿雞油香，質感綿滑，而又食到啖啖雞肉，出面難搵到咁好食，天氣凍凍地食一碗真係一流。最後唔少得有糖水，今次選了陳皮紅豆沙，粒粒紅豆，真材實料，都係一貫酒家懷舊味道，2人食了$300幾，好滿足！下次又試吓其他小菜先！

中午和家人一起來沙田新強記吃馳名的燒鵝，真是香氣十足，名副其實！另外點了以下幾款食物，同樣也是好惹味！金牌咖哩牛腩煲牛腩大大塊，經過長時間的燉煮，肉質變得特別軟嫩，而且吸收了咖喱的香味，每一塊牛腩都充滿了鮮美的牛肉香氣並且吸收了香辣的咖喱味，口感豐潤多汁，土豆軟綿可口荷香珍珠糯米雞軟糯而Q彈的糯米中間夾住一層肉，吸收了鮮美的肉汁，口感豐潤，還有荷葉淡淡的清香懷舊糯米包包皮是金黃色澤，裡面有香氣四溢的臘腸和花生，糯米的質地軟糯有嚼勁古法千層糕難得一見的點心，有好多層，每層鬆軟的薄糕之間夾住奶黃、椰絲和瓜子，每層薄糕不同的味道，融合了奶香和蛋香的香氣，帶有一絲絲的清甜味道。它的味道既不過甜，也不過膩，恰到好處

今日屋企人帶左我去呢間酒樓食飯，屋企人話好出名沙田雞粥，燒鵝乳鴿！等我試下先～～我地叫左孖寶套餐 B $248有白灼海蝦+白切雞+菜白灼蝦：好新鮮！海蝦的肉質鮮嫩，口感彈牙。金銀蛋莧菜：好味😋莧菜+金銀蛋為一直都係絕配。煮得岩岩好Keep到莧菜鮮嫩口感，加左金銀蛋，湯底都可以飲埋～撈飯唔錯～白切雞：因為跟餐，份量唔多，賣相一般😂但估唔到食落又唔錯喎！雞肉好入味同嫩滑，口感唔鞋口，好食！因為咸咸地，撈埋飯唔錯。例牌燒鵝 $190燒鵝絕對係必點！燒鵝皮好好味🤤食落唔係好酥脆果種，但入口即化，好入味好夠味～椒鹽九肚魚 $128賣相金黃色好香脆，九肚魚超級滑，唔多骨，好食呀～

細細個屋企人就帶我去呢間食飯，沙田馳名雞粥，燒鵝！今日特登同屋企人尋找兒時味道👅我地叫左個套餐 $248，有3樣菜，有白灼海蝦+白切雞+菜。白灼蝦：好新鮮！海蝦的肉質鮮嫩，口感彈牙。金銀蛋莧菜：好味😋莧菜+金銀蛋為一直都係絕配。煮得岩岩好Keep到莧菜鮮嫩口感，加左金銀蛋，湯底都可以飲埋～撈飯唔錯～白切雞：雞肉好入味嫩滑，肉質嫩唔鞋口，就算唔點薑絲和蔥末，個味都好夠！好食！另外，我仲單點了例牌燒鵝和椒鹽九肚魚。燒鵝係這間酒家的招牌菜之一，燒鵝皮酥脆，肉質鮮嫩，入口即溶，賣相都好靚！椒鹽九肚魚：賣相一般，但食落唔錯，好香脆，魚肚炸至金黃酥脆，搭配椒鹽，上菜都聞到好香。九肚魚超級滑，忍唔住一啖接一啖咁食👯‍♀️

今天來到大圍新強記燒鵝海鮮酒家吃晚餐，餐廳很方便，很近大圍地鐵站，酒樓見到門口貼了張很吸引的乳鴿相，很想試試。叫了一個$350超值乳鴿套餐，兩個人食份量剛剛好。❇️紅燒乳鴿肉質緊實，但唔柴硬，鮮嫩多汁，皮燒得很脆，散發出陣陣乳鴿香香味，色澤鮮亮❇️雞粥粥煲得很綿，雞似是走地雞，肉質結實，粥也很鮮甜，雞粥也很大煲❇️金銀蛋時菜奶白色的湯很鮮甜，湯很濃郁，菜也很新鮮餐廳的侍應也很貼心，見到我們沒有把雞粥蓋上，她特意幫忙用煲蓋蓋上以免粥變涷。

新強記今日放假，同老婆阿仔去大圍地標新強記飲茶，貪地方夠大，食物抵食，味道好，服務周到。但估唔到平日都爆場，好彩等一陣就有位。咁就帶大家睇下今次叫左咩食先。瑤柱蛋白炒飯（迷你）：雖然係迷你，但份量都好足，而且粒粒分明，好有鑊氣。蟹子燒賣皇：粒燒賣超級大粒，算係巨型size，內裡好足料，，蝦都好鮮味。山竹牛肉球：唔知點鮮出面食唔番咁足料，又唔粉既牛肉球，咬落去好有肉汁，好飽滿。古法千層糕： 依款奶皇千層糕真係冇咩地方有得食，唔知係米做法複雜，內餡除左奶黃，仲有椰絲/瓜子，有味道之餘又有口感。流心奶黃包：一咬落去爆晒d流心餡出黎，唔會太甜，而且個包好軟熟。胡椒咸菜豬肚湯：估唔到係成煲咁上，好大煲，又足料，冬天飲一流。Ps:其實佢地最馳名仲有雞粥/乳鴿/燒鵝，只係我地冇咁大個胃食埋。

呢間大圍新強記細細個成日聽，我記得係我好細個嘅時候，都有喺呢度食過一蚊雞粥。突然間醒起佢，於是就同一家人一齊嚟呢度食。我哋叫咗幾個餸，有燒乳鴿、椒鹽鮮魷、薑蔥龍躉斑頭腩煲、上湯雜菜煲，同埋當然要食飯佢最馳名嘅雞粥啦。燒乳鴿都係佢招牌菜之一，烤出來嘅乳鴿皮脆肉嫩多汁，有浸好香嘅煙熏味，絕對值得一試。椒鹽鮮魷就鑊氣十足，龍躉斑頭腩就非常之線，只係略嫌有稍為鹹咗啲。上海雜菜煲個湯非常濃郁，營養豐富，好適合冬天食。最後係個雞粥，真係童年回憶，食落去味道非常之濃厚，質地棉密，每一啖都吸收咗濃郁嘅雞肉香味，啲雞肉亦都唔鞋，非常之滑。食完之後酒樓仲送多人一碗順滑口感嘅芝麻糊，食到我哋舐舐脷。好彩我突然間醒起呢間酒家走咗嚟食，咁好食嘅老字號，真係要再多啲嚟幫襯啦。

平時都好鍾意食燒味👅見呢間老字號酒家都多人推介 午市時段都幾多人🫖佢地主打燒鵝, 乳鴿同雞粥 不過點心都唔錯架✨.📌茶位費 $10/1位.📌招牌燒鵝飯(碟) $68特別多人推介呢到嘅燒鵝就試吓佢😆燒鵝好新鮮 味道亦好唔錯🪿燒鵝皮燒到好脆 帶炭燒香🔥燒鵝食落有油香 不過燒鵝肉汁偏少🥺白飯用左絲苗米 燒鵝汁同甜豉油滲咗落個飯到 味道一定正 但飯粒偏硬🍚旁邊菜芯好淋甜🥬.📌蜜汁叉燒皇 $158/例例牌叉燒都大大碟🤩一整條腍叉搭左幾舊肥叉係側邊 任君選擇🍖個人鍾意腍叉 肥瘦適中 又軟嫩💓肥叉油香味十足 入口同樣軟腍🐷叉燒仲燒到有啲燶邊添🔥微微炭香加埋清甜蜜汁 好味道🍯.📌陳村粉蒸排骨(大) $34陳村粉好有驚喜💯超香滑 唔會蒸得太腍/太硬 火喉啱啱好👍🏻另外仲加左啲蒜一齊蒸 再吸收埋排骨嘅油香同肉汁 食落特別香口🧄係我暫時喺香港食過數一數二好味嘅陳村粉‼️排骨都好出色 蒸得好腍好入味 肥瘦適中 調味唔過濃 好食🐷.📌白灼西生菜(大) $34西生菜爽脆清甜 清新健康🥬

新強記燒鵝海鮮酒家是一家歷史悠久的老字號餐廳，以其精湛的燒鵝和海鮮菜品而聞名，確實是一間老牌地道酒家😉💫金牌燒乳鴿🦆嫩滑的乳鴿肉烤製得恰到好處，面皮香脆，肉質鮮嫩多汁，帶有淡淡的煙燻香氣😍絕對是新強記酒家的招牌之一👍🏿 必試推介❤️💫薑蔥龍躉班頭腩煲龍躉班頭腩貴價食材搭配薑蔥調味，入口即化，香氣四溢，配上薑蔥的清新味道，不過略嫌鹹了一點🙈💫椒鹽鮮魷新鮮的鮮魷以椒鹽烹調方式🦑炸至外酥內嫩，鮮魷保持了其彈性和鮮美的口感，椒鹽的調味使得這道菜更加香辣開胃，美酒佳餚🍻💫上湯海味雜菜煲🍲多款海鮮🦞和新鮮蔬菜🥬用上湯燉煮而成☺️湯頭鮮甜濃郁，海鮮的鮮味和蔬菜的鮮嫩完美融合，營養豐富的健康美味湯品，更適合在寒冷的天氣中暖胃😋💫沙田新強記雞粥🍲雞粥質地綿密，金黃色粥底吸收了雞肉的精華，每一啖都充滿了濃郁的雞肉香味🤩雞肉嫩滑多汁而且足料🫰🏿💫芝麻糊飯後甜品芝麻糊🥰超級好味，濃厚的芝麻香氣和滑順的口感濃稠的糊狀好有口感，散發出濃郁的芝麻香味，為美味的晚餐寫上圓滿的句號🤤👍🏿

沙田新強記燒鵝海鮮酒家 📍大圍積運街2-8號海福花園商場地下47-50號舖今日入左大圍食沙田新強記出品雞粥真係不旺我慕名而來～ 沙田新強記雞粥 有分為大、例、位原煲上的雞粥、材料豐富我叫左例牌都好大碗、夠3-4人食用雞粥入口帶雞黃油香、粥底棉軟呢排禁凍食返碗熱雞粥好暖胃啊菠蘿生炒排骨 生炒排骨調味唔錯👍🏻即叫即炒～上碟夠哂鑊氣配上菠蘿、洋蔥、青椒、黃椒～色彩繽紛佢哋呢度嘅燒鵝、同埋乳鴿好出名mark低定先♥️下次再嚟食🍴

細個嘅時候成日同屋企人去新強記食雞粥好耐冇嚟過，今次同媽媽嚟懷舊一下估唔到環境同味道都同以前一樣好有親切感💚金牌燒乳鴿呢度嘅乳鴿真係同出面酒樓唔同個皮好脆啲肉仲好嫩滑食得出佢嘅香味係好獨特，好味好味😋😋😋💚沙田新強記雞粥呢個例牌雞粥超級大碗又熱辣辣啲粥煲到好綿，仲有好多雞雞嘅味道同埋啲雞油混埋落啲粥度好香食嘅時候唔會覺得好油膩食完一碗會想再食第二碗🤤🤤🤤💚菠蘿生炒骨而家好多地方都係得咕嚕肉好少仲會有生炒骨啦佢嘅生炒骨唔會剩係得骨無肉個醬酸酸甜甜，生炒骨嘅皮仲脆脆地就咁食都已經好好味用嚟送飯就更加一流🤩🤩🤩