沙田新強記燒鵝海鮮酒家

营业中

休息中

新強記係大圍老字號酒家。好多朋友推介佢哋嘅招牌燒鵝，乳鴿，雞粥好出色，今日入嚟試試。店內很大很闊落，門面及裝修有懷舊風味。午市時段好多食物選擇，有午市特價燒味飯，點心，小炒，招牌乳鴿餐。叫咗呢個乳鴿餐，都幾吸引。雞粥先上枱，一大煲，份量好足料，粥好棉，雞肉都幾多舊，雞肉嫩滑有雞味，推介。乳鴿2隻，分切成8舊上碟。燒得幾靚。皮燒得香脆，有肉食到，唔會太瘦。整得好惹味。亦係推介。金銀蛋時蔬，即係湯煨白菜仔，拌以雲耳，調過味嘅肉碎，蛋白及皮蛋。白菜仔清清哋，健康啲。2人食嘅話，女士都足夠。下次有機會想試埋佢哋嘅燒鵝😍。

今日我哋嚟到新強記食點心😊都幾多人，要搭枱點心紙嘅選擇都幾多幾吸引蘿蔔絲酥外皮香脆，裏面有一絲絲嘅蘿蔔新強記蝦餃王足料，有兩隻彈牙嘅大蝦健康合桃包呢個點心都幾有驚喜！之前飲茶嘅時候未食過呢一款嘅點心。佢有香甜嘅味道，裏面有椰汁漿，粒粒脆口合桃在裏面，味道同口感都好好鳳爪排骨飯最愛嘅蒸飯組合，經典嘅味道，入味金針雲耳蒸雞飯感覺健康，金針雲耳嘅配合埋蒸飯幾好味，蒸雞剛剛熟，雞肉質地好滑同埋好入味叉燒腸腸粉外皮好滑，叉燒同埋芫荽嘅餡料配搭好好味，加埋豉油，正！蟹籽燒賣皇燒賣大大粒，上面嘅蟹籽都幾多，豬肉同蝦肉餡調味都幾好，好味 佢哋嘅蝦餃同埋燒賣都有兩粒嘅份量選擇，啱我哋兩個去食，可以試多啲唔同點心開心嘅早茶😊如果食晚餐，佢哋嘅沙田雞粥、乳鴿、燒鵝都好出名，晚市嘅話我哋之後都可以留意吓😊

今日去大圍行街，約埋阿媽去飲茶上網搵原來呢度有間老子豪嘅茶樓，阿媽話呢間應該開咗好耐㗎啦！門面唔難搵 一睇就睇到一個古色古香嘅裝修點心都大同小異，不過仲有啲比較懷舊嘅嘢食好似臘腸卷 咖喱蒸鮮魷，而家都唔係周圍有！仲有芝麻卷我見呢間主打燒鵝就嗌咗碟比較抵食嘅燒鵝飯， $68如圖所見好大份亦都有好多件燒鵝，有空嘅多肉位置亦都有 肉小皮多肉嫩嘅位置，阿媽鍾意選仲搭幾條新鮮冇油嘅菜心！啲飯係比較硬嘅絲苗白米鵝肉嫩滑又新鮮點埋一啲好有酸梅味嘅酸梅醬，味道一流！ $48.一份嘅鹹菜豬肚，一上枱有啲驚喜！竟然係原煲上勁大煲好抵食豬肚嘅份量好多鹹菜亦都係仲有好多枝竹㖭啊！真係大件夾抵食，豬肚亦都好厚肉彈牙又爽口大力推介 $128嗌咗半隻油雞，油雞肉非常嫩滑豉油，亦都醃得入味！食到我舔舔脷因為有午市孖寶再加$58有半隻燒乳鴿，嗌嚟試吓，亦都非常之出色！呢度嘅家禽都比我哋試勻晒🤣🤣真係不分上下，全部都好好味🙂‍↕️🥰點心方面咖喱土魷亦都好出色地厚肉，唔會一浸梳打味，而且份量非常足我比較欣賞嘅點心就係呢個叉燒腸！個粉皮做得超級好！彈牙得來又煙靭最好味嘅腸粉之一！鯪魚球超級大粒，亦都非常彈牙，撈嘅材料亦都好平均

每次黎到大圍都會經過呢間酒樓，因為佢真係好近地鐵站，G出口一出就會見到，所以今日決定同屋企人入嚟試試佢。入到黎已經覺得好有懷舊氣息，見好多街坊都會幫襯，果然係老牌地道酒家。我地2點黎到啱啱好就係下午茶嘅時間，下午茶真係好抵食，$38.8就有兩籠點心，我地分別叫咗奶黃包、虎皮煎尖椒、金珠鹹水角同埋豉汁蒸鳳爪，每一份都各有特色。個人最推薦就係虎皮尖椒同鹹水角，虎皮尖椒大大件，咬落真係啖啖肉，唔會好油，加埋豉油真係一流！而鹹水角金黃香脆，炸得啱啱好，黎到香港真係一定要食！加$58仲有一隻燒乳鴿，我哋梗係唔放過呢個優惠，即刻加咗1隻試吓，乳鴿燒得啱啱好，皮香肉嫩，仲有小小脆，果然係招牌之一！而點心方面，我哋就叫咗香港必食嘅蝦餃燒賣，可以揀2件同4件，因為想試唔同野，我哋就揀咗2件。蝦餃飽滿，而且蝦肉鮮甜，絕對冇偷工減料，燒賣亦都好足料，唔會好似其他咁用肥豬肉包。蜜汁叉燒腸（$34）：一件有6件，咬落淡淡肉，皮薄足料，推薦！個人認為呢間酒樓絕對可以再戰！

呢間餐廳我諗住大圍嘅人都一定食過，佢嘅燒鵝、乳鴿同雞粥相當出名，今日就同屋企人哋呢度飲茶😋星期六嘅朝早，果然相當多人，好彩等咗一陣就安排到座位，佢嘅食物選擇相當之多，除咗點心之外，仲有一啲廚味小炒，當然唔少得仲有燒味啦🤗我哋今日就主力食點心，同埋叫咗佢個雞粥我地叫左蝦餃、煎腸粉、鳳爪、雞扎、奶皇包、潮州粉果、菜苗鮮蝦餃，其中雞扎出面既腐竹皮好薄，入邊嘅棉花、芋頭、冬菇、雞肉全部都啖啖肉🤭奶皇包真係做到流心嘅效果😍蝦餃真係皮薄餡靚，蝦肉仲好彈牙☺️煎腸粉煎到外皮好脆，點埋甜醬同麻醬真係好好味🥰仲有佢嘅雞粥，果然份量好足，而且好綿滑，又有濃郁嘅雞味，相當入味同好味❤️我哋食淨咗，屋企人話一定要打包返屋企再食😝難怪呢間餐廳喺大圍可以屹立咗咁耐，食物果然有水準🫡

今日同屋企人黎飲茶🫖食吓點心，享受下family day🫶🏻呢度啲點心真係每日新鮮製造，完全食得出！而且點心相當多款，搞到我樣樣都想食😳叫咗好多籠點心，有幾款一定要推介俾大家食😏蝦餃同苗菜餃，足料又紮實，層皮又薄，好味道👅鳳爪，醬料非常好食，唔會過鹹🫡蝦米煎腸粉，超新鮮，係即日製造，點埋花生醬同甜醬一齊食，味道層次極佳❤️奶皇包，入邊奶黃勁流心，奶香味十足🤗蘿蔔酥，外皮酥脆，入邊嘅蘿蔔絲好多，每一口都充滿蘿蔔最後叫埋個黑芝麻椰汁糕作為甜品😍真係好豐富！唔怪得爸爸媽媽咁鍾意嚟呢度飲茶🤗

已經唔知第幾次幫襯新強記，之前都係買外賣多，鬼叫外賣平台優惠多咩😂撞啱今次堂食，又係復活假期前嘅最後一日，坐客量都算有8至9成，比起其它餐廳算唔錯。晚上七點左右去到，即入唔使等。🆗香桃咕嚕肉咕嚕肉啖啖肉，酸酸甜甜送飯一流，好開胃，但係咕嚕肉有啲淋身，唔算脆口，份量比我想像中大碟✅椒鹽鮮魷炸粉(炸漿)算係薄，魷魚新鮮，送酒一流，最唔鐘意係落咗啲類似七味粉✅金牌燒乳鴿新鮮炸起嘅乳鴿，其實好難做到難食，乳鴿唔算係好大隻個啲，細鴿肉質鮮嫩多汁，外皮香脆，記住上碟要嗱嗱淋食咗佢，凍咗就無咁好食架喇，基本上每枱都係必點菜式之一❌椒絲腐乳炒通菜4個餸之中，我覺得最差係呢碟炒菜，炒出嚟水汪汪咁，下次應該唔會再叫喇埋單500幾，(仲有1飯1粥)，價錢唔算平，質數算係合格中上，間唔中都會再食

在80至90年代，一想到雞粥，大家都會聯想到沙田強記。新鮮嫩滑的雞件，配以軟綿綿的粥底，無論晚飯或消夜，都是不錯的選擇。經歷數十年的歲月，沙田區的變遷很大，強記雞粥變成新強記燒鵝海鮮酒家。今天午餐到新強記吃雞粥，店內有8成枱滿，想必食物質素有一定水準。我們二人食量有限，只能輕食。先點一窩雞粥，再來午市優惠孖寶；煎饟茄子和荳沙煎堆仔，加一隻燒乳鴿，最好不過👍🏻軟綿綿的粥底，每粒米都煲至有如花開，並不是米漿能做到的效果，而且滲入少少雞味。雞件選用10多件雞髀部分，肉質不太嫩滑，但可以接受，雞味濃卻挽回不少印象分數。整體來說，好味😋。燒乳鴿選用中等大小的乳鴿，肉身不會太厚太薄，口感不錯，可惜皮做不到應的脆。溫度方面，咬一啖感受到鴿肉烹製後的餘溫，水準一般。煎饟茄子和荳沙煎堆仔都能做到少鹽少油，味道與一般茶樓無異。

最近去左大圍嘅新強記燒鵝海鮮酒家食晚飯。佢嘅位置好方便，就喺大圍火車站附近。我叫咗個價值350蚊嘅「超值乳鴿套餐」，裏面有2隻金牌燒乳鴿、一份雞粥同金銀蛋時蔬。見到門口同住海報寫住新強記皇牌有燒鵝雞粥同乳鴿，咁呢個套餐可以一次話抵啲咁試哂兩款皇牌，唔錯。我仲額外叫咗西檸雞球，仲有橄菜肉鬆四季豆同埋南乳粗齋煲，非常豐富。超值乳鴿餐 （$350）首先當然要試下佢個皇牌雞粥，雞粥幾滑溜，粥的表面可以見到雞的精華，每一口都飄散住雞香味。而且雞肉份量好足夠，多肉多汁，果然真係新強記嘅招牌菜之一，值得一試。另外，套餐有兩隻乳鴿，乳鴿香氣撲鼻，外皮烤到金黃酥脆，肉質鮮嫩多汁。一口咬落去，乳鴿的油汁走哂出黎，好香好好味。當然仲有金銀蛋時蔬色彩豐富，口感清爽。金銀蛋好滑好鮮甜，同湯汁同時蔬好搭配。除左套餐之外，仲叫左三款唔同既菜式。西檸雞球（$118）西檸雞球香脆之餘仲啖啖肉，而且陣陣既柚子檸檬味開胃又好食，而且份量非常大份，非常抵食。橄菜肉鬆四季豆（$108）至於橄菜肉鬆四季豆，每款既材料比例份量配搭得非常適中，四季豆都好爽脆清甜，而且橄菜肉鬆非常香口惹味南乳粗齋煲（$118）齋煲南乳味非常濃厚，煲內

屋企人想食乳鴿，記得細個成日聽人話強記乳鴿好正，所以去試試佢。一行四人叫左個超值乳鴿餐$350-包兩隻乳鴿，例牌雞粥同金銀蛋莧菜。姨個餐性價比好高。兩隻乳鴿！每人食到兩件，好夠！雞粥真係無得輸，一人食左兩大碗，勁香雞味，就算無食到雞，淨係食啖粥都勁香雞味！重點係食完唔好好口渴，真材實料。然後再另外加左西檸雞球，$118勁大碟，一上菜熱辣辣好正。雞球炸得好脆，炸粉又唔會太厚，每舊雞都有啲檸檬柚子味，好香口。橄菜肉鬆四季豆，$108好多肉碎，炒得好有鑊氣。份量都唔小，好適合餸飯！南乳粗齋煲，$118勁大煲，食極都有，好多粉絲吸哂味，又唔會死咸！總結：屋企人都好滿意，員工姐姐好好傾。服務態度又幾幾好，下次再同屋企人黎。

📍#沙田新強記燒鵝海鮮酒家 (大圍)大圍積運街2-8號海福花園商場地下47-50號舖▪️▪️▪️▪️▪️▪️▪️▪️▪️▪️▪️▪️▪️▪️今日到訪係大圍一間老字號酒樓，一於試下佢既馳名燒味😋 除左燒味，佢既金牌燒乳鴿都係招牌菜之一，有機會要再試。✨#新強記燒鵝王（例牌）聽人推介知道佢燒鵝都好唔錯，一於試下😋 燒鵝滿有油香，燒鵝皮香脆，肉質唔韌，送飯一流，唯略嫌部份位置少少瘦，未有啖啖肉既滋味，而整體都還好的😋 ✨#海哲頭另外叫左個麻辣海哲頭試一試，作為冷盤用海哲頭作開始😋 口感爽滑好大件，味道正常。▪️▪️▪️▪️▪️▪️▪️▪️▪️▪️▪️▪️▪️▪️

今日又想食燒味同雞粥，再來大圍新強記！同朋友都想食乳鴿+雞粥，但由於朋友麻麻場金銀蛋時蔬，所以無點乳鴿套餐，反而散叫點了叉燒！今次點了普洱茶，夠濃幾消滯。先上蜜汁叉燒王，叉燒半肥瘦剛剛好，食落夠淋。而且燒到有燶邊位，好香口，最正係成碟俾好多好多蜜汁，食到尾都仲有蜜汁，最怕坊間d叉燒乾爭爭又痴牙。紅燒乳鴿都係必選，乳鴿炸到熱辣辣，皮脆肉嫩。調味亦都十分夠，點埋少少椒鹽更惹味！招牌雞粥真係必點，記得幫我地走薑蔥！粥底充滿雞油香，質感綿滑，而又食到啖啖雞肉，出面難搵到咁好食，天氣凍凍地食一碗真係一流。最後唔少得有糖水，今次選了陳皮紅豆沙，粒粒紅豆，真材實料，都係一貫酒家懷舊味道，2人食了$300幾，好滿足！下次又試吓其他小菜先！

中午和家人一起來沙田新強記吃馳名的燒鵝，真是香氣十足，名副其實！另外點了以下幾款食物，同樣也是好惹味！金牌咖哩牛腩煲牛腩大大塊，經過長時間的燉煮，肉質變得特別軟嫩，而且吸收了咖喱的香味，每一塊牛腩都充滿了鮮美的牛肉香氣並且吸收了香辣的咖喱味，口感豐潤多汁，土豆軟綿可口荷香珍珠糯米雞軟糯而Q彈的糯米中間夾住一層肉，吸收了鮮美的肉汁，口感豐潤，還有荷葉淡淡的清香懷舊糯米包包皮是金黃色澤，裡面有香氣四溢的臘腸和花生，糯米的質地軟糯有嚼勁古法千層糕難得一見的點心，有好多層，每層鬆軟的薄糕之間夾住奶黃、椰絲和瓜子，每層薄糕不同的味道，融合了奶香和蛋香的香氣，帶有一絲絲的清甜味道。它的味道既不過甜，也不過膩，恰到好處

今日屋企人帶左我去呢間酒樓食飯，屋企人話好出名沙田雞粥，燒鵝乳鴿！等我試下先～～我地叫左孖寶套餐 B $248有白灼海蝦+白切雞+菜白灼蝦：好新鮮！海蝦的肉質鮮嫩，口感彈牙。金銀蛋莧菜：好味😋莧菜+金銀蛋為一直都係絕配。煮得岩岩好Keep到莧菜鮮嫩口感，加左金銀蛋，湯底都可以飲埋～撈飯唔錯～白切雞：因為跟餐，份量唔多，賣相一般😂但估唔到食落又唔錯喎！雞肉好入味同嫩滑，口感唔鞋口，好食！因為咸咸地，撈埋飯唔錯。例牌燒鵝 $190燒鵝絕對係必點！燒鵝皮好好味🤤食落唔係好酥脆果種，但入口即化，好入味好夠味～椒鹽九肚魚 $128賣相金黃色好香脆，九肚魚超級滑，唔多骨，好食呀～

細細個屋企人就帶我去呢間食飯，沙田馳名雞粥，燒鵝！今日特登同屋企人尋找兒時味道👅我地叫左個套餐 $248，有3樣菜，有白灼海蝦+白切雞+菜。白灼蝦：好新鮮！海蝦的肉質鮮嫩，口感彈牙。金銀蛋莧菜：好味😋莧菜+金銀蛋為一直都係絕配。煮得岩岩好Keep到莧菜鮮嫩口感，加左金銀蛋，湯底都可以飲埋～撈飯唔錯～白切雞：雞肉好入味嫩滑，肉質嫩唔鞋口，就算唔點薑絲和蔥末，個味都好夠！好食！另外，我仲單點了例牌燒鵝和椒鹽九肚魚。燒鵝係這間酒家的招牌菜之一，燒鵝皮酥脆，肉質鮮嫩，入口即溶，賣相都好靚！椒鹽九肚魚：賣相一般，但食落唔錯，好香脆，魚肚炸至金黃酥脆，搭配椒鹽，上菜都聞到好香。九肚魚超級滑，忍唔住一啖接一啖咁食👯‍♀️