沙田凱悅酒店咖啡廳

OpenRice的積分即將到期, 見很久沒光顧酒店的自助餐, 便找一間可用OpenRice Rice$的酒店豪吃一番。沙田凱悅酒店咖啡廳是是次的選擇, 經官方網站訂座, 某些日子有機會享高達5折優惠, 可惜OpenRice積分到期前的日子已沒有5折優惠, 經OpenRice訂座, 可享7折優惠。1) Lunch Buffet $4602) 經OpenRice訂座享7折優惠3) all + 10% (以原價計算)4) $367以OpenRice Rice$支付咖啡廳環境寬敞, 有落地玻璃採自然光, 十分舒適。當日光顧, 目測滿座, 食客均斯文有禮有秩序, 不會爭先恐後, 用餐體驗實屬不俗。走了一圈, 見食物款式不少, 賣相吸引, 增添不少食慾。也許太久沒吃自助餐, 節奏有點慢, 亦忘記了食物再補充時未必是同款, 故想吃的, 尤其是甜品, 有部份便吃不到, 造成失望。自助午餐包餐飲一杯, 而自助區可任飲的飲品款式不多, 只提供香橙冰茶和咖啡, 唯香橙冰茶果汁味道略淡。魚生偏瘦, 油脂不多。蝦有蝦籽。希靈魚爽口, 是當中較佳的選擇。本身對需要去殼的海鮮有點抗拒, 故只象徵式取了蟹鉗, 熟蝦和蜆, 蟹腳一隻也沒取。餐廳雖有提供工具, 蟹鉗仍難以去殼, 但鮮味。熟蝦肉質較實, 還是蜆肉美味。吞拿魚汁薄切豬柳片肉質偏乾, 八爪魚薯仔沙律和蕃茄沙律清新爽口。炸麵團香口, 如吃港式油炸鬼般香脆。試了3款芝士, 水牛芝士味道比想像中淡, 其餘兩款芝士味道較濃, 瑞士芝士質感較硬, 布利芝士質感較軟綿。另淺嚐了巴馬火腿配哈密瓜, 薏米沙律和cold cut, 質素不俗。鹹蛋黃炒蝦蝦肉爽口, 鹹蛋黃味道明顯。烤西冷由於冷得快, 邊位的油脂份外礙眼, 肉質偏乾柴。Pizza蕃茄味明顯, 餅底鬆軟, 如屬薄脆形餅底, 口感更佳。炒白蜆殼多肉少, 火腿乾鹹。焗鱈魚肉質乾身偏柴, 配上醬汁, 仍然美味。意大利黑松露雲吞芝士餡較實淨, 本身已很creamy, 但自行灑了芝士粉, 變得有點膩。燴牛面肉大大件, 味濃, 有嚼勁。燒菠蘿多汁, 有助解膩。燒羊架粉嫩, 口感味道均不錯。咖喱豬皮魚蛋咖喱味道雖明顯, 但卻被辣味喧賓奪主。魷魚爽口, 魚蛋雖爽但不彈牙。燒賣大粒, 賣相可以。蝦仁炒甜豆, 蝦仁爽口, 甜豆爽脆。蝦片脆口, 薑汁炒芥蘭青綠爽口。酸菜蒸龍脷柳很滑, 無骨。叉燒炒飯飯粒粒分明, 唯叉燒粒不多。雲吞一口大小, 皮不滑。藍莓芝士蛋糕味道濃郁, 質感軟滑。荔枝玫瑰乳酪蛋糕賣相吸引, 紅色的球加上唧花和荔枝, 簡單就是美。入口順滑, 輕巧清爽, 毫無負擔。朱古力慕絲蛋糕柔滑, 朱古力味濃, 蛋糕底軟綿。芒果乳酪慕絲蛋糕芒果味淡淡, 順滑, 餅乾底添口感。麵包布丁香滑, 配上蜜瓜, 西瓜, 青提子, 紅提子和菠蘿, juicy之餘又有助減飽滯感。雪糕並無標示品牌, 一問之下原來當日供應的是Häagen-Dazs的出品。先來3球雪糕, 雲呢拿, 焦糖脆餅和夏威夷果仁, 3款均重奶香, 各有特式, 吃畢忍不住再添了3球, 雲呢拿, 焦糖脆餅和咖啡味, 感覺滿足。總括來說, 食物款式不少, 只揀選了部份來吃。甜品十分出色, 建議入場後看見想吃的先取, 否則回頭可能吃不到, 因未必會refill同款甜品。沙律清新爽口, 魚生, 海鮮和熱食只屬中規中距。不過以款式和餐廳環境, 如能以5折價格來享用, 實在吸引。…查看更多

今日我同老人家同朋友去食自助午餐，入到去不對路，第一個問題係你班員工制服令到我入左去食茶餐廳感覺，第二個問題太少食物選擇，第三個問題食物超垃圾我問過師傅要肥叉燒但是不是肥是給我是很少叉燒是焦程度，好笑是正常羊架應該係生來燒嘅到七成熟，但是我叫師傅做他就將烤熟左羊架求其烤幾下就算，真是出師不利，第四個問題甜品超難食又甜又不多選擇，甜品師傅又黑面，刺身師傅又出師不利我叫他切十五片三文魚，他就不跟我要求切左20多片我已經算食食下是三文魚肚腩位不乾淨有幾粒沒有處理好嘅魚生部位我已經全部扣分，第五個問題飲料沒有選擇全部都是可樂一係就熱咖啡，第六個問題你地班職員沒有告訴我們有一人一杯飲料我們不出聲就你們不給我們一人一杯免費飲品我覺得你們欺騙我哋嘅顧客，職員嘅培訓不足，令到我們非常之失望，第七個問題廁所燈光太暗，老人家去廁所同我說話側邊廁所燈光好暗，如果老人家出左甚麼事你們醫藥費都陪唔起，最後第八個問題是你們是茶餐廳嘅服務酒店式管理嘅收費你們不適宜這個價錢俾我哋我們下次不會再來我都唔會推薦俾大家嚟度食呀…查看更多

沙田凱悅酒店咖啡廳自助晚餐，主打海鮮+燒烤+多國菜，依家仲做緊港式主題，聯乘可口可樂，帶來多國美食體驗！⎻⎻⎻海鮮方面，呢度有波士頓龍蝦🦞鱈場蟹腳🦀大蝦🦐等等既凍海鮮無限量供應！⎻⎻⎻自問係肉食狂魔既你，豈能錯過呢度既熱食檔口！除左有燒牛肉、脆皮燒豬腩肉外，𝟕:𝟑𝟎𝐩𝐦後更有巨型斧頭扒即席燒烤！另外仲有各款西式燴菜🍖令你一嘗傳統西式佳餚既滋味。⎻⎻⎻念念不忘，始終懷念中式熱盤既家鄉味？呢度同樣有汁煮鮑魚、原條清蒸海上鮮🐟小編當晚供應清蒸石斑，絕對有一秒置身酒樓既感覺。⎻⎻⎻飽餐一頓，豈止一點甜？呢度有經典既麵包布甸、現場即製既班戟、窩夫🧇更有多達八款雪糕🍨供你配搭。還有更多款式，留待你既「甜品胃」在此繼續發掘！⎻⎻⎻沙田凱悅酒店最近聯同可口可樂，推出全新「懷舊港式滋味盛宴」，輪流供應十多款懷舊港式菜式，靈感來自沙田冬菇亭，糅合 𝐂𝐨𝐜𝐚-𝐂𝐨𝐥𝐚® 嘅創意元素，帶來一系列全新菜單，包括可樂話梅炆豬手、避風塘虎蝦、美極豉油皇煎虎蝦、𝐗𝐎醬小炒皇、椒鹽魷魚等。同場加映「懷舊汽水無限暢飲」體驗🍹設有玻璃樽裝可樂、雪碧、忌廉汽水等，加上即席特飲專區，讓你與你的摯愛回憶段段美好時光！⎯⎯⎯⎯⎯⎯⎯⎯⎯⎯⎯⎯⎯⎯沙田凱悅酒店咖啡廳「懷舊港式滋味盛宴」主題自助晚餐｜晚上𝟔時至𝟏𝟎時｜成人 𝗛𝗞𝗗𝟳𝟲𝟬 兒童 𝗛𝗞𝗗𝟯𝟴𝟬｜以港元計算並須附加𝟏𝟎%服務費 六歲以下兒童免費｜一天前於官網預訂 𝟔 至𝟏𝟑歲兒童可享半價優惠⎯⎯⎯⎯⎯⎯⎯⎯⎯⎯⎯⎯⎯⎯📍咖啡廳｜沙田澤祥街𝟏𝟖號沙田凱悅酒店大堂⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻#香港 #美食推介 #自助餐 #打卡 #香港美食 #酒店 #海鮮 #燒烤 #凱悅酒店 #沙田 #拍拖好去處 #拍拖 #hongkong #food #buffet #seafood #hyatt #gourmetmapp ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…查看更多

心血來潮見到沙田凱悅酒店OpenRice有做優惠-午市自助餐$368連加一揸車去都好方便泊喺L1停車場(地面停車場)一般收費$30/小時泊車優惠餐廳消費每滿港幣$280可享1小時免費泊車,$560可享2小時免費泊車,如此類推(以一部車計算)。食物方面長腳蟹：味道鮮甜、多汁蟹鉗：算多肉凍蝦：新鮮甜品：唔算多、蛋糕俾人食晒冇點refill飲品：樽裝soft drink-任飲唔嬲…查看更多

可樂迷注意！！🥤📣沙田凱悅酒店咖啡廳自助餐Cafe最近與可口可樂®聯乘推出「懷舊港式滋味盛宴」限定主題自助餐以沙田冬菇亭作爲靈感呈獻一系列以可口可樂入饌嘅美食有專業廚師即場鑊炒港式懷舊菜現場更設有一排汽水雪櫃任拎懷舊玻璃樽裝汽水一眾可樂迷可以盡情打卡兼大飽口福啦！是次主題自助餐供應期至9月30日喺官網提早訂座並付全數即享低至6折優惠晚市成人$532/位起，小童$304/位起平過KKday同Klook㗎星期五六日晚市依然有響鐘環節🔔排隊拎即席烹調精選菜式之前係有三輪時段，依家加多咗1輪🕡 6:20PM｜雜錦壽司飯🕡 6:30PM｜魚肚炆鵝掌🕖 7:10PM｜拿坡里水煮魚🕢 7:30PM｜炭烤斧頭牛扒🍣 雜錦壽司飯師傅將吞拿魚、三文魚、玉子、青瓜切粒鋪喺壽司飯上再放上新鮮三文魚籽，啖啖鮮甜味美🪿 魚肚炆鵝掌冬菇及鵝掌炆得炆腍而且入味鵝掌口感黏滑，滿滿膠質全晚源源不絕無限供應魚肚及鵝掌🐟 拿坡里水煮魚將超多魚柳放入大鍋內燉煮白肉魚柳配上Focaccia食，充滿意式風味佛卡夏有些微洋蔥香氣，口感有煙韌彈性🐂 炭烤斧頭牛扒切件斧頭牛扒配黑松露薯蓉斧頭牛扒肉味香濃帶炭香，薯蓉綿密細滑✧「懷舊港式滋味盛宴」✧ ✎ 晚上6時至10時✦ 重點菜式∗ 可樂山楂炆牛筋∗ 可樂話梅炆豬手∗ 可樂滷雞翼∗ 可口可樂蛋糕∗ 避風塘虎蝦∗ 美極豉油皇煎虎蝦∗ 椒鹽魷魚∗ 紅燒鮑魚∗ 避風塘炒蟹腳(*食材供應有可能受季節影響)𓇬 凍海鮮區海鮮區放滿冰鎮可持續發展海鮮有波士頓龍蝦、沙白蜆、海蝦、帆立貝及長腳蟹最受款迎嘅龍蝦肥嫩爽彈，爆晒鮮橙色蝦膏，鮮甜甘香𓇬 刺身壽司區當日刺身有三文魚、吞拿魚、甜蝦、希靈魚、油甘魚等刺身款款肉厚肥美，仲有數款壽司及卷物可以揀六點幾就會響鐘喺呢區排隊拎雜錦壽司飯𓇬 熱葷多款懷舊港式熱葷及可口可樂元素美饌會係每晚輪流登場可一嚐廚師炮製嘅可樂山楂炆牛筋、可樂話梅炆豬手等菜式可樂主題料理主要集中喺中式廚房區我第一時間衝去拎可樂滷雞翼，雞翼加上嘅可樂甜味，入口香甜熱食選擇超過十幾款，提供多樣中西港台式美食現場有廚師鑊炒港式懷舊菜，鑊氣十足！包括香口避風塘炒蟹腳、爽脆腰果炒蝦仁等紅燒鮑魚、魚肚、鵝掌全部係無限任拎，簡值係超值！必食燒味、清蒸石斑、即淥粉麵、東坡肉、清甜中湯師傅俾嘅燒味份量超多，叉燒及燒鴨都唔錯西式美食有燴牛面肉、焗豬肋骨、意式炸海鮮、pizza等當中燴海鮮非常足料，一鍋有龍蝦鉗、沙白蜆及海蝦個人推薦黑松露磨菇意大利飯，濃郁creamy𓇬 燒烤及烤肉區當日落大雨，所以戶外燒烤改喺室內進行燒烤區有烤羊架、烤雞鎚、烤菠蘿、紐倫堡腸等烤羊架外層焦脆，內裡多汁非常之香七點半響鐘仲有得拎炭烤斧頭牛扒烤肉區有烤肉眼及燒豬腩卷可搭配烤雜菜、洋蔥炒薯仔一齊食在場食客對燒豬腩卷讚不絕口𓇬 沙律吧有凱撒沙律、薯仔沙律、蕃茄沙律、希臘沙律等沙律選擇亦有多款沙律菜、配料及醬汁俾你自由配搭Cold Cuts有巴馬火腿、意大利沙樂美腸、薄切豬柳片煙三文魚及火腿可以揀芝士就有芳提娜芝士、水牛芝士、卡西歐塔紅辣椒芝士去配搭麵包、果仁、提子、餠乾或其他配料𓇬 甜品中西式甜品及糖果應有盡有，酒店餅店出品精美又有質素甜品區重點係可口可樂蛋糕，充滿檸檬可樂元素海綿蛋糕、慕絲及啫喱均散發淡淡檸檬可樂香氣西式甜品有葡撻、芝士布丁、草莓撻、芒果慕絲蛋糕、開心果慕絲蛋糕、意式奶凍等每次嚟到都會食佢哋嘅法式千層酥及瑞士卷千層酥酥皮酥脆鬆化，吉士軟滑瑞士卷鬆軟，超多鮮忌廉，奶香濃郁中式甜品有雜果涼粉及芝麻糊必定能滿足你嘅甜品胃餐廳供應8款Häagen-Dazs雪糕，認真唔慳皮一如以往有即製香蕉pancake及窩夫今次仲多咗即叫製即製Affogato雪糕咖啡可揀選心水雪糕口味，職員再爲你淋上熱咖啡水果唔止有菠蘿西瓜，仲有原粒橙、蘋果、梨、布冧等任拎𓇬 飲品近入口位置有兩個汽水雪櫃供應多款懷舊玻璃樽裝汽水分別有原味&無糖可口可樂/雪碧/芬達/忌廉汽水/玉泉梳打水另包餐飲一杯有咖啡、檸茶、檸水、檸蜜、奶茶飲品吧亦有咖啡機，可以自己斟☕…查看更多

香格里拉又係3xx,佢又係3xx. 但人地食物多樣化，凱悅連茶都冇得自助，食物品種少得可憐，地方細，燒羊叫佢全熟，最後又係生既，連基本西湯乜春都冇，慘過普通日式放題，所以都吾會再去，亦都吾會推介人去。。…查看更多

環境寬敞，食品款式多，非常滿意，今日仲係可口可樂主題，有懷舊樽裝汽水。我屋企人最鍾意食就係蟹腳，呢度啲蟹腳都非常之鮮甜，小朋友都食到津津有味，雪糕都非常出色，味道非常多，值得推薦。…查看更多

🎉 今次係我哋一家人第一次嚟呢度食嘢，因為落雨關係即刻搵到呢間可以慶祝生日又有自助餐嘅地方🥳🥳🥳🍽️ 到咗之後，職員嘅服務真係好貼心，不但提醒我哋有啲乜嘢可以試，仲好有禮貌！餐廳環境都算唔錯，唯一小插曲係有部分客人講嘢太大聲，不過都無影響我哋心情🎂 因為係慶祝生日，佢哋仲特登準備咗生日蛋糕俾屋企人，真係加分！😄😄整體嚟講，呢一晚嘅用餐體驗係非常滿意嘅～有美食、有親情、有驚喜，值得推介！👍…查看更多

凱悅酒店咖啡廳推出全新—亮麗光采下午茶🆕靈感嚟自Melo Spa嘅Gemology法國寶石微量元素護理✨將甜點設計成寶石造型💎.📌亮麗光采下午菜 $488/兩位透過官網訂座可享75折優惠⚠️更可獲贈Gemology禮品包一份+兩張Gemology面部護理半價優惠券添🎁.1️⃣紅莓荔枝慕絲蛋糕-荔枝Mousse香甜軟滑 搭配紅莓醬夾心 酸甜清新🫐2️⃣柚子抹茶芝士撻-抹茶芝士軟滑帶淡淡回甘 唔算太濃🧀🍵拌以柚子吉士醬 幾清香🧡3️⃣香檳白朱古力蛋糕-口感綿密 帶點甘甜味 唔錯🥂4️⃣烤吞拿魚三文治-麵包烘到焦脆鬆軟 濃郁牛油香🥪夾滿吞拿魚醬 鹹鮮十足🐟加入洋蔥絲 更香甜🧅5️⃣焗大蝦牛油果撻-軟滑牛油果配爽嫩蝦肉 一定夾🥑🦐配埋白醬 creamy惹味🤍6️⃣迷你雞胸肉漢堡-手打雞胸肉較鞋口 但有雞肉鮮味🐔漢堡包身好鬆軟 配以鹹香車打芝士, 洋蔥同生菜 好豐富🍔7️⃣核桃提子乾批-琥珀核桃份量十足 超鬆脆 濃郁堅果焦香甜味🌰加入提子乾幾特別🍇8️⃣紅棗麻糬-麻糬Q軟煙韌 淡淡紅棗清香🍡9️⃣雲尼拿鬆餅-外層金黃酥脆 入口鬆化唔散 可能係雲呢拿口味比一般甜🥧Clotted cream軟滑富奶香🥛再塗上酸甜草莓醬 一定正🍓.〰️咖啡或茶〰️1️⃣Latte-咖啡甘醇同奶香甜味平衡🥛☕️2️⃣Americano-正常發揮☕️.如欲查看相關食物相片 可查閱本人已上傳之影片🎦…查看更多

預早慶祝母親節，特用中大員工優惠50 ％off來享用此次自助晚餐，不過酒店其實另在網上做緊買2送2優惠，如人數足夠，此優惠更為化算，因可慳回2位的加－費用。酒店位於大學站旁邊，出站步行3分鐘便到達自助晚餐時間為6:00 - 10:00，不過5:45已可進入 Cafe 位於大堂樓層，樓底很高，座位之間都寬敞👍🏻食物都幾多元化，很多種類，冷盤海鮮有6款全都好味，甜品數量亦可以，竟有我的至愛涼粉，不過提拉米蘇杯及千層酥很快沽清，享用不到。現場即筆的雪糕都有十多種口味，仲可以跟不同配料，有多種吃法😋龍蝦新鮮肥美爆膏，另外是晚有四道廚師即席料理，每當晌鐘便可排隊領取，有汁煮龍蝦、魚生丼、鵝掌及燒斧頭扒，四款我都有品嘗，真值回票價👍🏻今次見不到花膠亦沒有鯛魚燒，但試到雅竹枝及焗牛油果，很新奇又特別。全場都滿座，如果酒店往後都做多些優惠，真值得留港消費再惠顧。…查看更多

和家人來這裡吃自助餐，食物款式多元化，食物質素尚算中上，整個取食物區域不太大，冷盤魚生, 扒房, 中式, 甜品大概佔據4個位置。最有特色的是，他們會預備一些稍為特別的菜式，部長會彈琴邀請食客出來排隊攞，跟着便有一大條隊排出來了，最好的是他們供應的特色食物，條龍排到長一長都可以攞得到。當晚三款特色食品點評：1. 鵝掌花姑魚肚，質素一般，後來發現不用排隊，也可以隨便囉🤣2. 火焰龍蝦，成個百隻龍蝦放在一個特別的鍋上面煮，再加上點着了的火酒增加味覺，這些龍蝦是冷盤的熟龍蝦材料，因為是再加熱，所以會俾較韌少少，味道方面比較重味，不難食，也不覺特別好食。3. 斧頭扒，一大件斧頭扒，切開一件件淋上黑椒汁，加薯蓉上，其實沒有什麼特別，加上黑椒汁搶去牛扒的鮮味，後來吃了一件沒有汁的，其實沒有太大的牛肉味。整晚我拿了兩次的，就是羊扒，他們的羊排味道很濃郁，很惹味。另外中式鮑魚也是無限供應，很軟滑，不妨食多兩件😋。甜品方面都尚算多樣化，最開心是有haagen dazs雪糕，也可以請師傅整一個「倒轉甜筒雪糕杯」給你打卡。另外，在這裏可以預先要求他們在小蛋糕上寫字慶祝，為親友獻上一點心意，影張靚相。以600多元一位來說，價錢不算貴，也不算平，但整體服務食品質素都尚算中上級，有機會可以再回來😊…查看更多

今日即興喺OpenRice訂咗六折嘅晚餐buffet去到餐廳職員好友善幫我哋安排理想座位食物種類都唔少 飲品需要另外加購不過有蘋果茉莉花茶（唔知有冇記錯）免費任斟另外有雪糕咖啡、迷你刺身飯，都係其他自助餐比較少見Ham and cheese配料亦算齊備不過甜品選擇唔多雖然人流偏少但服務員依然好殷勤而且定時定候會推出限時食物例如火焰龍蝦、斧頭扒驟眼睇差唔多全場嘅人都係用OpenRice嘅折扣仲有4小時免費泊車計埋人工同材料費應該酒店都要蝕啲錢🥺…查看更多

今日有啲嘢要見客趕時間，嚟到就跟酒店買外賣自取 啊，真係下次要留意番估唔到要等成45分 好在個客遲咗，如果唔係我哋遲咗酒店嘢，一定唔會平但係我哋俾咁多錢，佢係咪應該搞掂咗我哋飯盒先，懷疑廚房喺度處理buffet啲嘢先呢個同事食嘅睇落普普通通海南雞飯，睇落好肥 將另上嘅會用好多個紙盒海南雞飯，睇落唔錯 呢度嘅醬汁調味都幾好，國家係小游一種辣辣地比較西方嘅 $385嘅牛柳勁細🤣，我要求白灼伴菜但係牛柳真係勁細。上次都係咁。 不過質素OK始終唔夠熱，可惜…查看更多

傍晚在沙田附近，突然想吃自助餐，打開OpenRice,發現即日有六折優惠，而且我未去過凱悅酒店，海鮮好多種𩓙又新藓，環境舒適，熱盤有斧頭排、鮑魚、花膠，最愛HagenDaz 多款口味…查看更多

見到啲人食評寫得咁好 就去試下 食物方面 花膠質地怪怪硬嘅 一啲都唔膠 鮑魚薄薄嘅 罐頭開出嚟嗰啲都好過佢 大閘蟹超級細隻 冇肉食之餘又冇膏 擺魚嗰個位置長期空嘅 條魚攞到出嚟細細條 攞扒嗰度裏面燈光暗暗 都睇唔到有咩嘢 要睇牌先知 羊架條骨長過舊肉 個廚師面黑黑咁 想攞多件都唔好意思 攞刺身嗰度長期冇人喺度 想攞都難 到有人喺度喇 想攞多件廚師個樣好似覺得你好貪心咁 三文魚出晒水 可能因為佢係一早切定放喺度 儲存得又唔好 熟蝦個頭黑黑咁 好似唔多新鮮咁樣 湯麵啲牛丸同雲吞一早煮好 啲河粉擺喺度擺到乾哂攣哂 燒味有半隻雞同一條叉燒吊喺度 但好似擺設咁 好矜貴唔切出嚟 啲龍蝦好小家咁幾隻幾隻咁放出嚟 冇乜甜品 芝麻糊似係用粉開出嚟嘅 一啲誠意都冇 餐飲叫咗凍檸蜜 但係好孤寒一啲蜜味都冇 咁嘅價錢一啲都唔值 未食過啲咁冇嘢食咁差嘅自助餐 個位又坐得我非常唔舒服 係矮枱嚟嘅 隻腳伸唔到兼會撞腳 個身要彎住嚟食 好攰 張梳化一撻一撻好污糟 廁所又污糟 幾格都冇廁紙 總括 一個差字都唔可以嚟形容 係超級差…查看更多