影片
以上资料只供参考，请与餐厅确认详情
相关文章
今日同阿哥去食下午茶隔离间野坐满晒, 于是黎左呢度入到去, 都几空, 冇乜人食, 心知唔会好食得去边我地叫左一个炒贵刁, 一个星洲炒米炒贵刁黎先, 阿哥一食, 好咸..系得咸味, 冇香味...我碟星洲炒米都系一样, 超咸炒贵刁同星洲炒米冇分别味道一样, 配料一样得几条叉烧, 同埋细细粒无味的雪虾两碟都系一样超咸, 食左两啖就唔想再食如果有人钟意食好咸既野就去试啦!野饮方面, 阿哥要雪泉, 我要热华田热华田好厉害, 少粉多奶, 唔合我胃口不如改名叫"华田味牛奶"好过喇阿哥话, 成餐最好味系杯汽水我连杯华田都唔好味, 对我黎讲, 最好味系杯清水服务方面, 唔觉得热情, 冇咩特别价钱方面, $22一碟, 唔算贵但系都唔平味道方面, 对于我地两个都觉得极差下次宁愿去第二间等位, 都唔会黎呢度..总括一句..真系唔明点解咁多好评..
继续阅读
呢排食到唔知食咩好中午同同事一齐来呢间野食, 因为一个字... 平!20$ 就有个饭, 又有野饮(热饮)都算抵食架啦可能因为咁既关系, 要求自然唔系好高先要讲个环境外面睇, 似茶餐厅入到去, 似日本餐厅再向上睇到d灯, 似街市猪肉店感觉上成个设计有d搞鬼..除左个设计搞鬼, 原来d火计靓姐都好搞鬼..佢地又唔算衰, 都算nice.. 可能师奶的原因, 讲野都好豪气..一句就问我"喂饮咩呀".. 有趣有趣..到野食.. 都算过得去但系d咖哩就辣到我真系呕血咁.. 可能我唔多食得辣, 唔关佢事挂.. 但系其实我本来叫白咖哩的=.="反而我同事食个沙嗲又唔系好辣㖞.. 下次叫沙嗲..最后.. 干净就唔多得..有不明物体飞来飞去... d巾巾重有小蜘蛛整体来讲都食得过既.. 20$ 重想点㖞
继续阅读
次次去亲旺角食野都头痛,虽然旺角d食店系多,不过平靓正既就真系少之又少. 寻日睇过食评之后,决定黎试下呢度d咖喱啦,今日行到门口,见到个待应阿婶系度招客,铺入面得两抬食客,其实已经有少少心知不妙,我仲安慰自已可能系时间仲早je.于是就入左去....... 我同男朋友叫左白咖喱牛肉饭同白咖喱牛腩饭,d野好快上,可能无客啦,一见到碟野,哇得个几块牛肉jar,牛肉下肉垫左两寸厚既芽菜,d牛肉又唔淋又无味,d白咖喱汁稀到乜咁,我仲系d芽菜度发现一条10寸长既尼龙绳呀,仲唔止wow,我要左杯cream soda,杯野有怪味啰,我要佢换过杯可乐黎,佢好似觉得好平常咁,我怀疑呢件事对于佢地黎讲好平常.唔怪得全场都无人饮汽水啦. 我求其食晒个几片可怜既牛肉同爬左几淡饭就埋单,个餐$28今日礼拜日仲要加一,盛惠$62 两位,我强烈地建议大家唔好去呢间野啰, 想食白咖喱去沙嗲王啦,又多汁又多料,环境都唔知好几多倍,今次我就当系个教训啦....
继续阅读
只系食左个白咖哩牛肉同咖哩牛腩饭，整体不差，价钱几抵，服务态度好好，好热情，唔想食咁贵既朋友可以试下黎间。
继续阅读