沙嗲王 (現時點)

营业中

休息中

喺旺角行街行到肚餓，突然想食白咖哩豬扒飯，又咁啱有沙嗲王，所以就嚟左食😁我哋一家今次叫左：無骨鳳爪👍🏻👍🏻-份量少，好夠酸味少辣椒鹽脆豆腐👍🏻-唔係平時出街食嘅脆豆腐 ，層皮一啲都唔脆仲好稔，不過 豆腐好滑炸饅頭👍🏻👍🏻蒜香雞翼 👍🏻👍🏻-夠熱又夠脆，聞起上嚟好香蒜味，但食就唔覺越南春卷👍🏻-入口有陣胡椒味但唔辣白咖哩厚切吉列豬扒飯👍🏻👍🏻👍🏻-炸得夠脆，雖然厚切，肉好易咬開 白咖哩味道同以前一樣 ，少辣幾惹味特濃朱古力沙冰 👍🏻👍🏻-飲晒成杯都唔覺得係沙冰鮮芒椰汁沙冰配寒天👍🏻👍🏻-比較甜，塞天好有咬口後記：而家乜都電子化，落單要用app，埋單原來冇左以前食左幾多錢就送幾多張實體優惠券同辣椒醬，就係用app送優惠券，感覺冇以前咁抵食

以前中學讀書時代已經成日食沙嗲王，印象中又平又好食，今日去油麻地經過見到好想重溫一下味度。12點已經坐滿人，仲有好多學生，等咗一陣就有位。睇吓餐牌先，午餐都有好多選擇，亦加入咗好多台式飲品，穩穩陣陣點咗咖哩吉列豬扒飯，但係等餐時間真係有d耐，等咗接近20分鐘。咖哩汗完全唔辣，小朋友食都食到，豬扒大塊又厚肉，炸得都唔錯，外脆內嫩。地址油麻地彌敦道530-538號現時點2樓港鐵油麻地站B1出口，步行約1分鐘

由細食到大，必食嘅白咖喱豬扒唔使講，水準穩定到不得了，是日下午茶時間，叫咗個$58嘅下午茶餐，白咖喱豬扒飯跟熱咖啡，豬扒比平時單點細份，但足夠飽肚，同平時單點水準差唔多，最後當然，飯都冇得剩，熱咖啡正常，冇嘢要投訴，卡位環境闊落，乾淨企理，QR code落單，方便快捷，抵讚！

本來以為沙爹王係類似泰式餐廳，但又唔係😂跟同事食嘢先知白咖喱係佢哋嘅招牌🤔🤔所以就叫左白咖喱豬扒烏冬✨白咖喱係清淡版本嘅咖喱，完全唔辣的，適合唔鍾意濃味嘅人食😋豬扒唔會好肥，全部部分都係肉咁滯，烏冬就一般啦 唔係日本嗰種彈牙口感。

.#foodie #hk #hkfoodie #HTB美食推介【油麻地馳名白咖喱🐷｜童年回憶中的味道】🐨白咖喱香茅豬扒飯 $83推薦度：⭐️⭐️⭐⭐️雖然嚟到沙嗲王好似要食沙嗲咁，但其實小編獨愛白咖喱😽有獨特嘅香料味，少少辣最適合撈飯食～而香茅豬扒炸皮好薄，保持到豬扒嘅肉汁、鬆軟好食👍🏻.🐨蟹粉豆腐煲配薄餅 $109推薦度：⭐️⭐️⭐️⭐金黃色嘅蟹粉湯熱辣辣，以石鍋奉上🔥鹹蛋黃味都好濃郁，但蟹肉就比較少，配薄餅食另有一番風味☄️.🐨青檸柑梅蜜 $22推薦度：⭐️⭐️可能係因為蜂蜜底，所以成杯嘢飲偏甜，小編係咁拮青檸，都中和唔番🐝.🐨凍芫荽菠蘿梳打 $22推薦度：⭐️⭐️呢杯飲品儀式感滿滿好多芫荽、菠蘿，不過味道就一般... -----☼-----☼-----☼-----☼-----☼-----沙嗲王📍地址：油麻地彌敦道530-538號現時點2樓(分店)地址：銅鑼灣軒尼詩道502號黃金廣場5樓(分店)地址：荃灣大河道67-75號卓明大廈地舖🐨推薦度：😋😋😋/5 💰人均價格：$100-150🪸環境：👾👾🗣️服務：👍🏻👍🏻📸食物打卡度：💡💡🛠️分類：#HTB油麻地 #HTB現時點 .#油麻地美食 #油麻地 #現時點

由於有張$25券未用今日要用左佢因為就過期白咖哩依然係甘好食炸雞就第一次食，雞既數目都幾多，不過炸粉都幾厚配埋杯熱奶茶正環境唔錯不過有加一午餐來講就貴左D同唔太合理 LOR  都無咩服務要加一原價65減左25券

有好幾年無食過沙嗲王了 今日出街經過沙嗲王突然好掛住佢地既蟹粉豆腐鍋飯就自己一個入咗去食 ～點餐方面，可以 QR code 自助落單非常方便 👍蟹粉豆腐鍋飯 $85沙嗲王既招牌菜除咗白咖哩豬扒飯外仲有就係呢個蟹粉豆腐鍋飯蟹粉豆腐鍋飯以石鍋奉上金黃色既蟹粉湯在石鍋內滾下滾下，熱氣騰騰佢係以鮮味蟹膏配上香氣十足既鹹蛋黃烹調而成蟹粉味同鹹蛋黃味都好濃郁，好好食 😋入面有不少真既蟹肉絲豆腐都好滑絕對係沙嗲王必試既菜式

我好耐冇食沙嗲王今次吃午餐，蟹肉豆腐鍋飯，味道份量沒變，食物分量足夠好味， 奶茶夠香夠滑， 送餐速度上說可以，不太遲。唯加一收費後價錢偏貴， 建議推出多點APP內優惠吸引客人。這次活動用了APP$5優惠券

✨沙嗲王✨真係一個回憶，白咖喱豬扒飯明明好受歡迎，我就偏愛香茅豬扒蛋飯好耐冇去幫襯，係唔係應該叫香茅豬扒蛋飯懷緬一下呢?🌈蟹粉豆腐鍋飯🌈豬軟骨拉麵🌈白咖喱香茅豬扒烏冬🌈葱油山鐵皮雞扒飯配日本太陽蛋🌈特濃朱古力配寒天波波🌈台式珍珠奶茶🌈荔枝紅茶配寒天波波化學味🌈鮮芒椰汁沙冰配寒天波波有驚喜🌈椒鹽魷魚筒🌈脆蝦棒味道一如以往🌈避風塘軟殼蟹其實我唔食辣，懷念以前的軟殼蟹，當時有炸茄子。最後我離棄左香茅豬扒蛋飯😅

第一次食尼間，因好多人推薦沙爹牛肉鍋，滿懷期待吃完之後，點的是香菜牛肉沙嗲，額….香菜是很多，但除此之外呢？份量：差！！！一個小鍋，一顆牛丸，6片牛肉，四片只有硬幣大小，兩片是連筋連肥肉的，肉質差到不行；配菜，只見到香菜香菜香菜，金針菇幾根⋯⋯甜品：楊枝甘露，正價22元的甜品，份量就是四口喝完的程度。（附圖，全份打包走，外賣盒只裝到淺淺一層，盒子只相當於兩個AirPods大小）我不太理解，89hkd的套餐，掃碼下單，台上面自己樽水，還有10%的服務費。吃的還是這個樣子，無語無語，沒想到會是這樣的沙嗲王，浪費錢！

沙嗲王相信係平食次中佢又算好好食！真係認真抵食。而家小編久唔久就會去現時點呢間沙嗲王食下平dinner。今次係lunch 時候黎到，menu 再略有不同。上回提及佢裝修過好幾個月先重開返。 晚餐menu亦起碼有唔少轉變左。最近發現佢刪走埋小編必叫既蟹肉西蘭花😩😩😩呢碟野本來係咁多碟脆口濃味野係絕對起到中和作用！而家小編要尋找替代品啦！【 白咖哩香茅豬扒烏冬 】$66白咖哩香茅豬扒飯大家就成日食開啦，配日本製烏冬大家有無試過口呢？ 佢個烏冬都真係堅彈牙好好食！❤️湯底係稀釋左既白咖哩同上湯，小編認為佢如果可以再濃多dd就very good 啦！【 白咖哩香茅豬扒 】$64呢個唔使小編再多講，沙嗲王必食，好好食！😂✨【 煙肉上湯娃娃菜（細 】 +$12望落去覺得食落一定好失望😩但係，e!?又幾夾喎，娃娃菜有上湯煮過，再加上好夠鹹味既煙肉粒，勁夾！！真心有驚喜喎！👍🏻👍🏻

沙嗲王不嬲都係香港人心目中嘅經典，事隔咁多年再次去食都係當年嘅個種味道🔥今次就叫返平時去食沙嗲王嘅招牌白咖喱豬扒飯，濃厚嘅咖喱味加上彈牙多汁嘅豬扒，味蕾十分滿意。佢呢隻咖喱同平時食嘅東南亞咖喱唔同，佢無乜辣味反而有種日式咖喱嘅感覺🥰經典中嘅經典當然唔少得咖喱配薄餅，個種薄餅嘅鬆化使人食完又想再食🤤實屬高質呢間嘅姐姐都好nice好友善，係送野嘅時候都會體貼咁問下你好唔好食，洗唔洗似杯水咁👍🏻👍🏻

好耐冇食過沙嗲王，幾個月前油麻地沙嗲王啱啱裝修左，所以成個環境都好坐同新淨，如果唔滿座，都可以坐好耐。星期日兩點幾去到都唔洗等位，由於係假期，所以都冇下午茶餐，只係得午餐。1.白咖喱豬扒飯呢個係沙嗲王嘅經典，由細細個食到而家，個味道都冇乜點變，咖喱汁都係好夠，而且香茅豬扒都好易入口，成個份量都好大份。2.蟹粉豆腐鍋飯豆腐都夠滑，因為係用石鍋上，所以都好夠熱，不過蟹粉就唔夠多，味道可以再重返少少3.脆蝦棒呢個又係沙嗲王嘅經典小食，對比起以前，佢嘅餡料係冇咁多，不過外皮都係脆，上咗菜就要趁熱食4.荔枝紅茶配寒天波波我哋兩個午餐set 都加咗3蚊要呢杯嘢飲，整體來講，我哋叫咗少甜，佢都係偏甜，同埋啲寒天波波有啲黐埋一舊🫣仲有嘢飲上得比較慢，我哋食晒飯先到。

初次去到沙嗲王食飯，佢哋嘅招牌菜唔係沙嗲反而係白咖喱豬扒😹無可否認佢哋嘅白咖喱香茅豬扒可以講係食10次10次都會覺得好好食👍🏻如果唔想食豬扒飯🍚嘅話，都可以考慮試一試佢哋嘅烏冬🍜；最初去沙嗲王都係食開豬扒飯，一直都唔敢叫烏冬食，因為驚個湯底會稀釋左個咖喱汁嘅味道，但點樣都要試一試先會發現佢嘅好同壞，當你試一次白咖喱湯底嘅豬扒烏冬，你先會知道個湯底有濃郁嘅白咖喱汁味道，配上煙靭嘅讚岐烏冬，我已經愛上咗白咖喱豬扒烏冬😻😻除咗白咖喱豬扒飯同烏冬之外，其實我都幾鍾意佢哋嘅蟹粉豆腐鍋飯😽仲有必定要食嘅小食，煙肉白汁焗年糕🤤🤤⭐️白咖喱豬扒飯 💰$64⭐️白咖喱豬扒烏冬 💰$66

已經好多年沒吃沙爹王，有10年以上了～可以仼點，好爽～😆（但最後沒有蛋糕⋯⋯😢）🥚🐮🍛温泉蛋紅酒牛柳燴飯 - 因為有温泉蛋，整個好creamy～牛柳也很嫩～不過汁沒什麼紅酒味，但也是好吃的～🧀🥖芝士條 -很小一條，像手指尾，但才1蚊一條，還是好抵！夠熱，有芝味，但沒拉芝效果，夠香脆，當小吃不錯～🍘酥餅拼咖哩汁 - 這個還是必吃！酥餅本身好好吃～超級喜歡！（就是不夠熱）沾咖哩汁很讚！🥓🥬煙肉娃娃菜 - 愛麗說吃那麼多熱氣的，要點個菜，菜超級熱！味也很夠！🐥牛油雞翼 - 表皮非常酥脆！裡面也夠juicy！不過牛油味不重，倒是蒜味非常重！所以雞翼是有點鹹～🧀芝士年糕 - 沒什麼味道的一道菜⋯⋯芝士滿多，但沒太重芝味，倒是很重奶味，鹹味也不夠，所以感覺像奶煮年糕⋯⋯如果鹹味重一點點，應該會很好吃的～終於能偷偷出去吃個飯！超感動的！🥺為什麼總是有傾不完的話題，時間能不能freeze啊？雖然不用warm up的時間就可以入正題，但每次都是一眨眼就10時多，根本不夠啊！感謝妳一路相隨啦～以後也要多多指教～😁