沙嗲王 (淘大商場2期)

营业中

休息中

六個人一齊嚟呢度食下午茶，佢下午茶價錢上比較抵，款式都係好多嘅。👍我哋有叫到焗豬扒飯、咖喱飯、海鮮冬陰功湯粉絲同埋牛肩胛肉沙嗲湯日式麵，整體上味道都OK，冇乜特別伏嘅位，合理嘅味道，但係就唔會話太驚喜或者覺得非常好食，都係可以遇上到嘅味道，但係依個價錢嚟講都冇投訴㗎啦。🍜🍹🍝🍽️如果冇乜要求，又想多選擇，而唔想去普通茶餐廳嘅話，呢度都係一個好選擇。佢最近啲甜品仲做緊半價優惠，有啲雪糕呀、榴槤甜品等，如果鍾意嘅話都可以試吓。我哋都叫咗一個榴槤嘅甜品，但係賣相就麻麻哋，味道就見仁見智啦，視乎你鍾唔鍾意呢一款榴槤嘅味道。🙈🤩😆

沙嗲王嘅沙嗲滑牛太陽蛋飯真係名不虛傳！😍 一上枱就聞到超香嘅沙嗲味，個汁濃到掛晒喺啲牛肉度，撈飯真係無得輸！🤤 牛肉真係好滑嫩，完全唔會韌，份量都算足料，唔會得幾片咁孤寒～個太陽蛋，一拮開蛋黃即刻流心，撈埋沙嗲汁同飯一齊食，個口感真係正到爆！🍳 飯量都夠晒，男仔食都夠飽～ 我仲叫多個酥皮龍蝦湯，不過個酥皮焗得唔夠脆，應該係咁易焗咗好短時間，希望可以改善沙嗲控絕對要試

真心幾十年無食沙嗲王，又咁岩呢日人少就食下。散叫左蟹粉豆腐飯，份量多超足料，第一口食落去就感受果份好味，雖然落單時可以叫少飯，但餸多少飯就無咁正，一定要連飯一齊食。第二樣沙嗲牛麵，怕辣既人都食到，有3種湯底選擇，真係有辣有唔辣任君選擇，湯底夠味，牛肉都算軟，再加左個8蚊魚皮。小食叫左青瓜都幾好。個龍蝦湯10蚊一大碗，味道合格。飲品要左芒果椰汁寒天沙冰，有大粒芒果肉，味道可以。2人餐應該超底食，但正常食量既人係無可能食得哂。好肚餓同大食既可以考慮。各樣野價錢都算平。食物同飲品出餐時間係有d怪，湯一開始出左，但野飲食到尾先出，但對我無咩影響。最正一定係蟹粉豆腐，但最多唔好同沙嗲牛一齊食，感覺好多油好罪惡。

沙嗲王嘅白咖喱豬扒飯直頭係信心保證😍😍喺九龍灣淘大花園開咗間沙嗲王，長期都超多人排隊，見到下午茶的時段唔使排隊就梗係入去食啦😍二人枱都可以坐大把張卡位幾舒服👍🏻香茅白咖喱豬扒飯，唔會油淋淋嘅感覺，一樣咁好食👍🏻炸三文魚皮，好薄炸得幾脆👍🏻👍🏻不過有啲搞笑係，已經食晒所有嘢，追咗三次杯熱檸水都係遲遲未到，嚟到嘅時候比咖啡糖我😂😂然後仲見到個鄉音職員勁大聲講粗口鬧後生男仔職員，全場望住佢哋，但係好似習以為常咁，可能太多人，所以做到又忟又燥，冇咩事都唔會再嚟食😅

野食味道同賣相冇咩問題，地方都算企理，但最大問題係個廚房，睇返Google評論，都有其他人等咗好耐先有野食。唔會向任何人推薦呢間分店。用餐時間1小時30分鐘，可以45分鐘都未有野食，三催四請，連待應都覺得太耐，主動幫我地催廚房，但廚房都可以完全唔理個客，野飲雖然後叫，但15分鐘都出唔到杯？直接埋單取消曬未到嘅野。垃圾廚房，唔介意簡簡單單一餐都可以浪費你一個鐘頭以上，可以考慮黎呢度浪費時間。完全唔明有咩資格收加一。

淘大商場有開新食肆，今次係連鎖餐廳「沙嗲王」，餐廳新開一定排晒隊，特別中午lunch時間非常多人。餐廳環境非常大，卡位非常多，也有二人卡位，坐得都算舒服。午餐選擇也算多，手機QR落單，方便快捷。仲要有自助送餐午餐F：白咖喱香茅豬扒日（日本職人幼麵） $66香茅豬扒非常香口，香茅味濃，幼麵幼滑，但白咖喱湯味道好淡，食不出白咖喱的味道。榴槤椰汁沙冰+$18普普通通，榴槤味很淡。脆成咁焗魚皮 $26就是普通脆魚皮，並不出色。神秘三角位魚鮫（孜然味） $28都是普普通通，魚鮫有少少腥味。需要+10%服務費感覺普普通通，除咗香茅豬扒，其他味道都是一般，而且需要+1服務費，價錢有啲偏貴，其實淘大商場食肆非常多，下次會選擇其他的食肆。