影片
营业时间
今日营业
11:30 - 22:30
星期一至四
11:30 - 22:00
星期五至六
11:30 - 22:30
星期日
11:30 - 22:00
以上资料只供参考，请与餐厅确认详情
六个人一齐嚟呢度食下午茶，佢下午茶价钱上比较抵，款式都系好多嘅。👍我哋有叫到焗猪扒饭、咖喱饭、海鲜冬阴功汤粉丝同埋牛肩胛肉沙嗲汤日式面，整体上味道都OK，冇乜特别伏嘅位，合理嘅味道，但系就唔会话太惊喜或者觉得非常好食，都系可以遇上到嘅味道，但系依个价钱嚟讲都冇投诉㗎啦。🍜🍹🍝🍽️如果冇乜要求，又想多选择，而唔想去普通茶餐厅嘅话，呢度都系一个好选择。佢最近啲甜品仲做紧半价优惠，有啲雪糕呀、榴梿甜品等，如果钟意嘅话都可以试吓。我哋都叫咗一个榴梿嘅甜品，但系卖相就麻麻哋，味道就见仁见智啦，视乎你钟唔钟意呢一款榴梿嘅味道。🙈🤩😆
继续阅读
沙嗲王嘅沙嗲滑牛太阳蛋饭真系名不虚传！😍 一上枱就闻到超香嘅沙嗲味，个汁浓到挂晒喺啲牛肉度，捞饭真系无得输！🤤 牛肉真系好滑嫩，完全唔会韧，份量都算足料，唔会得几片咁孤寒～个太阳蛋，一拮开蛋黄即刻流心，捞埋沙嗲汁同饭一齐食，个口感真系正到爆！🍳 饭量都够晒，男仔食都够饱～ 我仲叫多个酥皮龙虾汤，不过个酥皮焗得唔够脆，应该系咁易焗咗好短时间，希望可以改善沙嗲控绝对要试
继续阅读
真心几十年无食沙嗲王，又咁岩呢日人少就食下。散叫左蟹粉豆腐饭，份量多超足料，第一口食落去就感受果份好味，虽然落单时可以叫少饭，但𩠌多少饭就无咁正，一定要连饭一齐食。第二样沙嗲牛面，怕辣既人都食到，有3种汤底选择，真系有辣有唔辣任君选择，汤底够味，牛肉都算软，再加左个8蚊鱼皮。小食叫左青瓜都几好。个龙虾汤10蚊一大碗，味道合格。饮品要左芒果椰汁寒天沙冰，有大粒芒果肉，味道可以。2人餐应该超底食，但正常食量既人系无可能食得哂。好肚饿同大食既可以考虑。各样野价钱都算平。食物同饮品出餐时间系有d怪，汤一开始出左，但野饮食到尾先出，但对我无咩影响。最正一定系蟹粉豆腐，但最多唔好同沙嗲牛一齐食，感觉好多油好罪恶。
继续阅读
沙嗲王嘅白咖喱猪扒饭直头系信心保证😍😍喺九龙湾淘大花园开咗间沙嗲王，长期都超多人排队，见到下午茶的时段唔使排队就梗系入去食啦😍二人枱都可以坐大把张卡位几舒服👍🏻香茅白咖喱猪扒饭，唔会油淋淋嘅感觉，一样咁好食👍🏻炸三文鱼皮，好薄炸得几脆👍🏻👍🏻不过有啲搞笑系，已经食晒所有嘢，追咗三次杯热柠水都系迟迟未到，嚟到嘅时候比咖啡糖我😂😂然后仲见到个乡音职员劲大声讲粗口闹后生男仔职员，全场望住佢哋，但系好似习以为常咁，可能太多人，所以做到又忟又燥，冇咩事都唔会再嚟食😅
继续阅读
野食味道同卖相冇咩问题，地方都算企理，但最大问题系个厨房，睇返Google评论，都有其他人等咗好耐先有野食。唔会向任何人推荐呢间分店。用餐时间1小时30分钟，可以45分钟都未有野食，三催四请，连待应都觉得太耐，主动帮我地催厨房，但厨房都可以完全唔理个客，野饮虽然后叫，但15分钟都出唔到杯？直接埋单取消晒未到嘅野。垃圾厨房，唔介意简简单单一餐都可以浪费你一个钟头以上，可以考虑黎呢度浪费时间。完全唔明有咩资格收加一。
继续阅读