池記 (已結業)

今日夜晚去朗豪坊池記既食咗碗細雲吞麵，雲吞麵係香港嘅特色之一，亦係我成日唔想食太飽嘅時候會食嘅食物，不過雲吞麵好參差，一個唔小心就可能會中伏！食雲吞麵，第一時間就要睇佢雲吞係底定係喺面！池記將啲雲吞擺係底面，就會令到啲雲吞浸晒啲湯裏面，可以令到雲吞個味道更加保持得耐！一碗雲吞面得四粒實在太少了！但一咬落去雲吞，成個都係一粒又大又爽的蝦肉，而雲吞可以一大啖啱啱食完，都算小滿足！ 成個雲吞麵唔會有鹼水味，而且仲有少少蝦子味，個味好香！我最鍾意就係佢嘅XO醬，XO醬裏面啖啖都係瑤柱絲，直頭想成啖擺落口！加落去面度，唔會太辣，反而令到同碗面好夾！ 越簡單嘅食物，就越容易俾人忽視，煮得好味就越難！呢度果然冇令我失望，放係商場入邊嘅，開咗咁多分店，都做保持水準。

粥粉麵可以算係香港嘅代表作，可惜因為本地人對廉價食物要求低，但求填飽肚子，只要夠平，質素都可以隻眼開隻眼閉。冇人要求就自然越做越差，好嘅有心嘅粥麵店買少見少，想食碗有哦水準嘅粥都唔係咁易。今日帶住宿醉，一早開完個會，戇居居咁走入朗豪坊，諗住食啲comfort food ，將自己帶番黎現實社會，就俾我撞入呢間池記。有唔少人同我講過佢點好點好，我心諗，中環羅富記，上環生記都好出名，我都食唔少，呢間懶係高級嘅粥麵店，又有幾勁先，定係好似咩皇粥店咁，得個貴字。坐低咗，睇Menu，有套餐，粥連餐飲同菜$72，都幾乸利。要咗碗皮蛋獸，加杯豆漿，要埋個柱侯蘿蔔。賣相唔錯架，份量足，都值$72呢個價嘅。蘿蔔夠色，入哂味，不過柱侯汁可以濃味啲。碗粥好綿滑，啲米開哂花，口感好，調味佳。皮蛋冇'壓'味，瘦肉好冧，鹹味適中。服務都算唔錯，個粥係有心之作，菜嘅選擇都ok，而且有俾心機落去，連叫碟芥蘭都係上湯浸住，俾幾粒杞子咁，呢啲咪識Do囉，俾到人誠意感，又靚。雖然係貴啲，不過今時今日，冇50蚊都唔駛指意有啖好食嘅時勢，呢碗粥令我好舒服，好滿足。

附註：消費滿$50送$6元現金劵這家港式粥粉麵飯食店池記成立於1994年，正舖原本是位於香港銅鑼灣羅素街，於2006年遷往波斯富街。池記現有5間分店，分別位於銅鑼灣波斯富街，旺角朗豪坊，九龍灣德福商場，尖沙咀樂道，和中環干諾道中。經營飲食業多年，(香港)池記創辦人黃偉德的細蓉(鮮蝦雲吞麵)最受食客歡迎，曾獲香港知名食家蔡瀾激賞，並入選米芝蓮上佳餐廳推介。池記旗下四間分店當中以今天介紹的旺角朗豪坊店的裝修最潮，環境寬敞，裝修特別。因對象較年青，故裝修特潮，走年輕化路線，餐牌選擇也較多，兼售精製菜飯、泡飯等。(自選套餐)主菜33款選1+ 飲品10款選1+ 精美小食5款選1/ 或油菜3款選1/ 或糖水4款選1 (自選套餐)水餃麵+豆漿+炸鯪魚球 HK$73 跟餐的小食我選了炸鯪魚球，面層的炸粉令鯪魚球更香脆，可是蜆芥汁用了太多燒酒，我個人不是太接受 水餃的餡沒有肥豬肉，雲吞皮很薄好好味 (自選套餐)南乳豬手菜飯+豆漿+吉列豬扒 $89 菜飯很有水準，唔會太稔，菜絲不少，調味過的飯很開胃 吉列豬扒完全是日式口感，外脆內軟不乾，蘸上泰國甜酸醬，非常好食 南乳豬手又稔又入味 消費滿$50送$6元

今日一大早約左朋友去睇戲，睇戲前食個豐富早餐先🙆🏻見到池記客人頗多，於是決定入去食早餐。池記深受內地人喜愛，晚晚經過餐廳內大部分都是內地客人。沙爹牛肉麵配奶醬多士🙆🏻牛肉軟腍惹味，公仔麵彈牙爽口。湯底微辣濃香，水準高於一般茶餐廳😃 奶醬多士用上麥包，感覺健康😁奶醬香甜，但甜而不膩。煉奶和花生醬份量剛好，惹味香口。朋友點上沙爹牛肉通粉配奶油多士😉豐富早餐落肚，朋友和我都覺得味道不錯，難怪晚上都要排隊😄

早幾日出旺角做嘢，做完嘢係朗豪坊𢵧咗池記，中式粉麵飯都有得食，唔使10分鐘有位，坐低一會侍應姐姐立即幫我落單，我點了一個餐雲吞撈麵配蠔油冬菇+凍薏米水，成個餐$72價錢一般，首先食雲吞撈麵，雲吞蝦肉爽彈牙好味，麵口感爽口適中，可能我唔鍾意食淋身，所以👌，冬菇超夠味，份量又夠有5隻，凍薏米水👍好味夠濃，有D薑味和密棗，總括嚟講滿意，下次會再嚟，侍應姐姐態度唔錯😋😋😋

約左朋友係朗豪坊睇戲，見仲有時間去食少少野先，見咁耐冇去池記食就入去試下有冇咩唔同先，點左一個餐食，有牛筋腩菜飯、炸雞翼同桑寄生茶。一個套餐有飯、有小食仲包埋杯野飲，其實價錢真係唔貴。最重要既係依然咁好食，牛筋同牛腩都炆得好入味，牛筋炆得好淋同埋牛腩有啲脂肪係度好正，仲附贈2嚿蘿白都係炆得好入味又冇咩渣。仲記得上次黎食嗰啲菜飯入面係有咸肉，但今次既菜飯冇左咸肉既感覺清少少，不過清少少符合最近講既健康從食物開始，但宜家既菜飯都係咁好食，炸雞翼有好香既南乳味，而且又係新鮮熱辣炸出黎，不愧為我既最愛，今次試左桑寄生茶唔係太甜。整體而言，再次黎到水準依舊。

紅日出到旺角真係搵條路行都迫死人啊⋯更可況點幾2點搵野食，想唔排隊都難啊。由於3點睇戲，所以係朗豪坊拿拿臨搵野食就算。見佢無人排，同友人就衝左入去試下⋯點知，就出事啦⋯⋯叫左2個麵餐，真係難食到食左幾啖⋯我都已經放棄了⋯咁幾價錢食到咁既質素，真係無下次。

好像有一段時間沒有來這裡了, 是晚再來, 價位是貴了不少, 跟之前相比, 不再是經濟抵食的地方了.雲吞麵這客雲吞麵, 賣相正宗, 麵條沒有鹼水味, 但就不夠彈牙, 而雲吞就不俗, 蝦肉新鮮爽口. 湯底就不太有大地魚的鮮味, 要微調一下.菜心至於菜心就幾鮮嫩, 加上杞子, 一切來得更加健康呢.從前來這裡, 是因為價位的問題, 之後或者不再來, 也是價位的問題了.

中午去到朗豪坊,見到唔使等位,試下雲吞麵如何,有套餐可以自己搭配,點咗兩個套餐,有牛腩面,凈雲吞,南乳炸雞翼,面嘅口感幾好,湯底都唔錯,雲吞入面都幾大只蝦,蝦肉都好爽口,炸雞翼嘅味道唔會好咸,但如果鐘意重口味嘅甘就會覺得醃得唔夠入味.服務都唔錯,好多時一叫就有人過嚟,環境都幾舒適,整體嘅性價比都幾高下,不過就冇得碌卡,只可以俾現金.

12/9同朋友行旺角，下午經過池記就入去吃下午茶，店員有禮招呼我們坐低，我叫了雲吞丐、豆漿，而朋友就叫了水餃丐、意米水，店員重覆order後，食物好快就到左喇！雲吞大小尚可，蝦肉爽口，還有小許地魚味，丐都可以，而湯底有點胡椒及地魚味，我幾喜歡，豆漿豆味o.k。水餃跟雲吞差不多，一樣爽口，只是多了筍絲和木耳，意米水甜味可以，只是薑味重了些，埋單$68，價錢都算合理，如果再有機會，我會試吓佢地個金衣蟹皇粥！

湯底和麵有鹼水味，湯只帶無味的死甜，雲吞有原隻蝦，本來值得一讚，但混雜小許豬肉時竟然有不少渣，口感無比核突，辣醬是普通品牌，偏辣沒甚特色，索價$35，寧願付$38吃永華也不再吃它，當然，最愛始終是元朗好到底

星期六中午係朗豪坊，到處人頭湧湧，行到池記門口，見到吾係太多人排隊，於是走埋去等，結果都要等二十分鐘。雲吞麵 : 雲吞用料吾錯，蝦，肉新鮮，可惜麵質一般，鹼水味好重。薏米水 : 用料正宗，有蜜棗，薑片，好飲。

好耐之前食過一次池記,只係記得佢D野食真黎得好快,味道係點就唔記得,不過快得黎又熱辣辣。今日LUNCH時間去,間間餐廳都係咁多人,佢都係咁多,有時間所以等下喇,多人不過好快就入得去。見佢有個金衣蟹皇粥，唔知好唔好食呢,見佢賣相唔錯,所以我就揀左佢,叫了店員來落單,叫左芥蘭同我個粥,朋友揀左雲吞麵,佢話我個個粥要耐D,都係無所謂,不過佢地好有禮貌,等左一陣間，朋友個雲吞麵就已經到左喇。賣相正,好香既麻油同一陣湯味,朋友話個湯真係好香,個麵都好爽口,個湯清清地但好味精,雲吞d蝦都好新鮮,同爽口,等左一陣,我叫既蟹粥終於都出場,一開個蓋，一陣香氣已經吸引住我,要快d試下先。蟹粥裹面有完整既蟹仔,仲有好多蟹膏,加埋有少少乾瑤柱,好鮮好香,個粥底都吸到味,成個都唔錯。

仲係未病好… 又黎介紹病人可以食ge野… 兩個人, 叫左粥麵餐+豬手麵.粥麵餐有皮蛋瘦肉粥+熱豆漿+油菜皮蛋瘦肉粥: 幾好~ 面頭有乾瑤柱碎, 增加粥ge鮮味. 另外, 瘦肉真係瘦ge, 而且有醃過, 所以足味.熱豆漿: 好明顯… 豆漿癡底… 好大陣lon味…油菜: 酌得好腍, 好食, 不過略嫌太多油…豬手麵未入口就已經一陣鹼水味, 好難聞…豬手: 細舊到不得了, 一d都晤抵食. 味道方面尚可.麵: 超級鹼水面, 完全晤掂.湯: 又係鹼水味… -_-“Overall: service其實算還好, environment 都ok. 

落雨天，唔知去行街邊就逛朗豪，咁又嚟池記食啦。6點前仲有下午茶，就叫咗兩個細雲同蟹粥，今次只蟹勁多膏，沉曬落個粥底，好正啊！！細雲就係第一次食，面夠柔韌，都唔錯。