影片
以上资料只供参考，请与餐厅确认详情
星期六晚上8点排队，8点30有位，5分钟落单，等佐半粒钟上𩠌。味道可以，但唔值等咁耐。如果得闲经过冇人排队可以入去食。可以比现金和八达通滑鸡腊肠煲仔饭同酱香腊肉。菜唔知点解食到有硬物，唔知系骨净是沙石粒唔小心混入。
继续阅读
见到呢间野都几多人，谂住应该唔错，就行入来试下性价比都算高嘅其实，但系出品就唔系好好罗首先上菜有啲慢，等都等咗几耐下然后就系我哋点嘅煲仔饭 食到有浓味，个底都几浓下，真系唔系几好食有待加油啰。。
继续阅读
朋友讲开先知深水埗原来有间人龙煲仔饭，星期五晚饭时间嚟到真系吓一跳，好多人等位！我哋要等大约20张枱，好彩半个钟内有位，座位唔叫张张枱都好坐，4人卡座系需要搭枱会比较迫，今次安排到2人卡座，坐得舒服少少。煲仔饭选择唔叫多，但热门嘅腊味煲仔饭一定有～叫左个腊味煲仔饭、酱香腩肉煲仔饭同腐乳通菜，估唔到等得最耐系等个煲仔饭，等位都唔够等煲仔饭耐，煲仔饭等左40分钟先到。2个煲仔饭都有饭焦但饭略嫌比较湿，腊味煲仔饭好够香，腊肉肥瘦均匀唔会太咸，腊肠正常发挥。酱香腩肉煲仔饭好够味，腩肉唔会劲肥，2个饭都几好味，但比较起来我会钟意腊味煲仔饭多啲。最后见每枱都会叫个腐乳通菜，原来都真系几好食。整体嚟讲，$5x 一个煲仔饭都算系咁，算系性价比高。
继续阅读
有一日我同几个朋友过去试吓啲嘢食虽然啲嘢食好好唔但系原来好食冇用，要识人好办事，唔使点样排队都可以入座是因系咁嘅，谂住冻冻地同啲朋友去食煲仔饭暖笠笠咁去到都要排队嘅我入去攞飞啦，攞咗46号飞之后我见到有两个女人系咁话好肚饿捉住个肚肚跟住冇几耐呢，佢哋就见到𠮶个四眼肥仔老细同佢讲话我认得你哋牙我知道你钟意坐咩位置㗎啦，我尽量帮你安排吓啦跟住望一望佢张飞有个四眼肥仔𠮶个唔知系咪老板我哋就俗称去做老板啦咁佢就开始嗌啦，佢嗌45之后再嗌46𠮶张枱呢系二至三人座位⋯⋯咁45号攞住张飞俾老细啦，佢哋就坐咗𠮶个位置啦当时我冇行过去明知道人哋坐咗喺度，我仲行过去做咩呢？跟住冇几耐啦，有两张卡位走咗一张系两人枱嘅一张系三人枱嘅跟住个老细就嗌咗50号就系所谓佢嘅朋友跟住我就忍唔住行上去，我系49号飞个老细仲要同我坳我嗌咗好多次叫我周围啲人我企咗喺度好耐冇郁过冇行开过跟住我就同佢据理力争同佢讲返佢嗌45号𠮶两个人坐喺边度…跟住老细就同我讲我问人冇用㗎，我成个人企咗喺度啊既然你要俾你朋友咪你朋友啰冇所谓㗎跟住之后就好唔愿意之下兼黑面叫我入去拣位咁啱佢所谓嘅朋友就坐咗我后面我议论击石同我朋友讲返呢件事我啲朋友都话呢间餐厅嘅老细好唔掂多啲嘢食OK冇用㗎，咁以后唔使排队啦俗称识人好办事呀嘛
继续阅读
排队排左半个钟，坐低又等多半个钟，结果换黎嘅，系一个㶶到每啖饭都系苦嘅煲仔饭。事缘有日行过见到好多人排队，抱著一试嘅心态，同老婆两个人去食，无谂到食个饭，都好似买六合彩咁，要讲手气，一个饭正正常常，一个饭苦到想呕，边有理由个饭煮到过晒龙厨房都唔拎起，边有理由闻到咁大浸㶶味传菜都照俾客，偏偏都中晒。「好又一餐，唔好又一餐」谂住息事宁人，同收银讲声就算，结果收银一句「㶶左啊」就当无事发生，真系大开眼界。
继续阅读