影片
以上资料只供参考，请与餐厅确认详情
相关文章
食记 (43)
家庭式经营，由细个食到依家，炸菜肉丝凤爪面的味道真系令人一食再食汤底有味又唔会好咸，凤爪味道好入味够淋。咁多年食物水准味道依然keep住，厉害！唯一缺点…夏天去食就会汗流浃背了😅
继续阅读
好多时候越简单嘅嘢就越难做得好，点解？因为大多数人都睇唔起呢啲简单嘢，是但求其，不过我深信只要肯花心思去做，一定有知音人，就好似呢间舖头嘅炸菜肉丝，食过就知老板嘅诚意。三个人一人一碗，一个要丝爪面一个要丝爪米一个要云吞加炸菜肉丝面，三个人都话佢个炸菜肉丝真系无得输，呢度嘅炸菜肉丝同其他地方食到嘅最大唔同就系个肉质，佢呢度会先烹调啲肉丝，所以特别烟韧有弹性，零舍有肉味，呢啲心机野，就表现出佢嘅诚意。
继续阅读
今次行过一家好有人情味嘅小餐馆，无拘无束噉坐低嚟叹顿平民午餐🍜。内里嘅凤爪云吞面真系睇得我口水直流，一试之下，凤爪入口即化，但仲保持住啖啖肉嘅Q弹，外层卤得唔错，正到不得了! 云吞肉馅弹牙得嚟鲜美，配上𠮶啖啖有劲嘅面，可以讲得上系完美搭档。汤底嘅嘢，哗，清甜带点微辣，着实提升咗整体滋味。真系好想大叫一声：太正喇！真心推介比大家，下次又想再嚟试吓其它嘢，希望都有惊喜咁。找到呢家小店，系无意中嘅惊喜，真系「食在好味」啊😋👌🏻!
继续阅读
住咗喺荃湾咁耐每次去香车街时都系大排档或者老板娘米线，车仔面多！咁你见到人哋话呢度有好好饮嘅奶茶，咁就同男朋友一齐过嚟揾食，去到原来奶茶系冇嘅系隔离舖头叫，一坐低有个好亲切嘅姐姐话佢哋剩系得四种食品，凤爪、牛腩、雪菜肉丝、云吞，然后我就拣咗凤爪牛腩面，男朋友就咁云吞面，嚟到嘅时候冇乜特别份量不多，大部份食客都睇得出系熟客，食落去其实真系冇乜特别，跟住加咗啲醋同埋辣椒油就觉得好食咗，环境欠奉人情味浓！两碗嘢加埋80几蚊冇嘢饮，招牌写住有分大细嘅面，但系我哋两碗面都好细碗我问佢带嘅意思佢话多一个𩠌就等于大，即系两个𩠌就48，所以男仔可能要特别叫佢加面底如果唔系就会以为大等于面底多，如果想体验下旧式嘅茶水档可以试吓，佢隔离几个铺位嘅车仔面店好食好多
继续阅读
叫左碗丝爪面（$46）有两只凤爪几大只 味道冇色水咁重 唔算话好入味 食落同一般茶楼凤爪系好唔同 偏向咸同新鲜 值得试我最中意系榨菜肉丝面 汤底鲜甜 估唔到用咩煲 顺喉 榨菜唔系包装个种辣又重盐 反而系保留到爽脆清甜既口感 同冇猪骚味既肉丝好夹 面又系特别 唔似一般上海面粉 粉感轻啲 弹牙啲 另外大食既可能要叫大碗整体来讲 系碗家常用心的面 食完有种意犹未尽 排档系旧街市地下上一层 旧旧地 但枱櫈干净 夏天会焗焗地 但感觉就系有种安心 可能系小时候类近既回忆
继续阅读
您可能会有兴趣的...