影片
以上资料只供参考，请与餐厅确认详情
今朝试咗呢间餐厅嘅烧味双拼濑粉，抱住几大期望，但结果真系非常失望。首先，叉烧完全唔合格，质感硬到似毛巾咁嚡，每一啖都要费劲去咬开，完全冇烧味应有嘅焦香同肉汁丰富嘅口感。咁硬嘅叉烧，真系会令人质疑系咪昨日剩返嘅货。再讲下白切鸡，理应系嫩滑嘅，但食落去肉质反而溶溶烂烂，冇咬口之余仲带少少怪味，真系怀疑系咪放咗喺雪柜太耐先攞出嚟用。另外，配搭嘅姜葱酱完全冇应有嘅香味，同鸡肉配搭唔到位，成碟嘢食落去毫无亮点。至于濑粉本身，质感中规中矩，但汤底非常普通，唔算有烧味汤底应有嘅浓郁味道。整体嚟讲，呢个烧味双拼完全冇令我有回头嘅意欲，性价比亦低，$63买嚟呢个质素，感觉真系非常唔值。希望餐厅可以改善食材嘅新鲜度同处理方法，否则烧味呢个招牌菜式只会令顾客失望。整体评分：1.5/5
继续阅读
成碟𩠌都系骨黎 当我狗咁得两旧肉 收90蚊 双拼 唔好再帮衬呃游客呃游客呃游客职员态度极其恶劣 话其他餐厅都系咁但事实人地唔会比骨lor 㓥游客餐厅 又话送返一碟烧鹅比我等咗3个钟都无送到
继续阅读
2024年7月30号午餐两个人嗌咗一个午餐冬菜蒸黄花鱼，另外一碟文昌鸡饭。5至8分钟上齐菜，食饭梗系用筷子夹起一嚿鸡食，然后再夹的时候发现全部都系鸡骨位，我好客气叫阿姐姐埋嚟同佢讲：姐姐全部都系骨嚟㗎㖞，阿姐姐即刻答我：你落单𠮶阵时冇讲话要乜嘢位，你而家夹咗食咗一旧先至讲，同埋呢啲骨先至系最好食😰，冇得换㗎啦！咁冇办法啦，我唯有照食。再讲文昌鸡要有鸡味，以及肉质烟靭。完全欠奉，落差甚大👎🏿。另外冬菜蒸黄花鱼落完单8分钟之内就可以上条鱼都唔热嘅有少少微鱼腥及泥味，质素都唔系咁理想。算吧，都唔会有下次。身为香港人食咗几廿年烧味茶餐厅啲食物质素水平之下仲要咁样同我讲，留返啲骨俾你食！
继续阅读
今日落雨已经心情不太好。为了避雨入左间餐厅食烧鹅。咁同阿妈叫了个烧鹅髀饭&一个早餐沙牛面餐厅所有伙记都系讲唔正广东话。已经心知不妙。会唔会只系做大陆人生意㓥客一种。谁知烧鹅饭一来就揭终。成只烧鹅髀只见其皮与油。中间个块肉去了边？仲薄过块丝巾。仲要几十蚊个沙牛面仲离谱。沙牛都预左无咁大块。无谂过碎牛碎到。比粒青豆大少少。还有沙牛咪好好地沙牛。点解会落杂豆落去。后来知原因。心估到开系呢个位已不知所谓。
继续阅读
响尖沙咀行到攰攰地，肥鸡就拣咗一间叫江记烧味饭，午市时间入边都几多人，应该都几好味。肥鸡见佢嘅招牌系食乳猪。，就嗌咗个乳猪双拼，拼咗个白切鸡。讲吓佢个乳猪先，外皮烧到卜卜脆，猪仔亦都唔系好肥，唔会淡淡油，皮薄香脆配埋咸香嘅肉，佢嘅乳猪真系掂。而佢嘅白切鸡都俾咗嫩滑嘅部份俾我，鸡有鸡味，真系好正。而朋友就嗌咗个五宝饭，又系有乳猪叉烧腩肉咸蛋，呢个性价比真系超高，咩都试晕晒，而且价钱又唔贵，肥鸡大力推荐。
继续阅读