江浙滬 (堪富利士道) (已結業)

之前听同事讲话呢间野好好食，今日中午咁啱经开尖沙咀所以就同朋友来试吓，我哋四个人叫咗一共四个面，炸银丝卷，小笼包。野食不过不失啦，不过我哋有两个人叫咗两碗嫩鸡煨面，其中一碗有好多鸡粒而另一碗得果几粒。我哋之后同店员反应，佢回覆话因为佢哋厨房系一齐煮既，所以可能会唔平均😑咁样就完左。佢完全冇话换过一碗或者补返d 鸡粒比佢，我朋友就话算啦反正唔系好肚饿，就系咁佢要食一碗得几粒鸡粒既面。除咗呢样我觉得需要改善之外其他冇咩问题。…查看更多

江浙沪喺尖沙咀，楼上铺餐厅，好难吸引顾客，地铺实在太多选择，地下𠮶个派传单姐姐，非常之落力，咁啱又想食上海嘢，所以想去试吓。午餐$7-80 +1，包一杯嘢饮，一个小食，同埋一个主食。少咗一个炒年糕，分量充足，材料除咗年糕之外，仲有肉丝同笋丝，调味适当，唔会太咸。另外叫咗一条小黄鱼，由于系即刻炸鱼，时间稍为要等耐少少，另外包一个白饭。 其实条黄鱼都唔算小，非常之大条，两个人食，非常足够 。小食叫咗水晶肉同埋小笼包。我叫咗热豆浆，但系唔系热嘅，系室温。整体而言味道唔错，价钱合理。…查看更多

有亲友从外国来香港，特意找一间位置方便，位于尖沙咀A出口对面嘅「江浙沪」一聚！首先，呢间餐厅嘅环境都几舒适，我哋9人仲安排咗厢房，所以倾偈大声啲都好自在。上海菜式都是浓油赤酱，味道偏甜酸，材料注重鲜，「江浙沪」味道可算是正宗，好似我几次喺上海食嘅味道。而且，佢嘅煮法同份量都好啱，唔会太过油腻，点小菜估唔到份量都十足。我哋9人点咗5个小菜、3个主食、1窝汤同埋点心甜品，结果都够哂食，所有菜色都唔错，而其中我最推荐嘅菜式系佢嘅「冰梅小排骨」、「腌笃鲜」同「鸡丝粉皮」。「鸡丝粉皮」嘅鸡丝嘅份量非常足，粉皮同埋鸡丝嘅比例都岩岩好，唔会有任何份量唔够嘅问题。啲粉皮都好滑口，鸡丝又好嫩，同埋淋上啲香嘅酱汁，味道就更加出色啦！「冰梅小排骨」系腌制过嘅排骨，非常入味同埋好咬，而且又有啲酸酸甜甜嘅味道，好消暑开胃！「腌笃鲜」系江南的传统名菜，腌肉和春笋、百叶结煮出嚟嘅汤口咸鲜，汤白汁浓。春笋煲过仍然清香脆嫩，真的很推介。其实其他菜色都好味，例如「上海炒年糕」，啲年糕系好有咬口，炒得刚刚好，有烟韧嘅口感，调味适中；「豆沙窝饼」都炸得饼皮香脆，豆沙微甜，好适合作为结尾！总括而言，「江浙沪」系一间非常值得嚟试嘅餐厅，食物好味，环境又舒适。如果大家钟意食中国江浙沪菜式嘅话，就一定要黎嚟一试啦！#江浙沪 #尖沙咀美食 #鸡丝粉皮 #冰梅小排骨 #腌笃鲜 #上海炒年糕 #小笼包 #中国菜 #正宗沪菜…查看更多

情人节无book到餐厅，喺尖沙咀几乎揾唔到嘢食。路过见到呢间好似唔错，就上到去试吓。结果好惊喜两人叫咗个例牌鸡煲，份量好多，好够镬气，上菜时几乎成间舖头啲人都望埋黎。味道都啱啱好，唔会太重口味不断饮水。然后干煸四季豆都好够镬气，不过啲肉碎偏咸，送饭就一流。炸馒头卖相就好吸引，炸到闪令令金黄色，好香口🔅舖头唔算好大，因为两间包厢，所以啲枱唔算太多，但系都分隔得OK唔会太迫情人节都无最低消费，加上openrice订位仲有折，会再帮衬…查看更多

有图有真相。。。。。。此回锅肉，极油极咸，唔知自己食紧咩，lunch $90可以好多选择，唔好中伏！环境卫生服务正常。但厨房真系有待改善，，，，，，，唔会再帮衬！…查看更多