影片
以上资料只供参考，请与餐厅确认详情
有关奖赏计划
优惠
是肉夹馍🥙也是小汉堡🍔蜜汁火腿烤双方 好吃！小面饼松软又紧实，配上夹心的火腿、黄瓜和薄脆，🌯口感变得很丰富有层次，火腿的咸香也更加立体蔓越莓煎饼 🌸做的很典雅，造型也很好看，不过油煎过以后，吃起来有点子油腻，蔓越莓的味道也淡淡的每道菜都做的很精致，吃的很爽！
继续阅读
由于因为第一次到店用餐等好耐，所以第二次为左节省时间，预先系app叫外卖自取。11:25成功落单，App显示11:58am就可以拎。12点去到，服务员话未有要等等，但系一直pack紧其他11:45am落单既外卖催促左几次都无人理我，最后12:15先拎到外卖。返到去发现又漏单...你无睇错呀，系又漏单呀!!!等咁耐已经嬲嬲地，比漏菜更加嬲返转头比张单职员睇，佢好有记性呀，仲同我讲我头先pack左碟菜比你丫。无错你系有pack，但系我要两碟菜=.=贵店系咪应该要认真改善一下呢?
继续阅读
以为连锁店都系细细碟，贵一贵，但份量比想像中大，味道亦都不错。当日嗌左3个面食，葱油饼，京葱炒牛肩肉，蒜泥白肉，牛尾煲，炒莴笋，小笼包，除左面食个面饼埋一旧，感觉唔好外，其他食物都唔错。埋单好似系$1600左右，价钱算系合理，仲要系ifc，所以算性价比唔错。
继续阅读
经过朋友推荐，食物质素有保证，价格合理，而且店员态度友善，用餐的环境感觉舒适，所以我哋来到中环（江南）翡翠试试…… 我哋点了几款菜式；熏䲝鱼： 䲝鱼炸得酥脆，加上甜甜的汁，非常配合。小笼包： 皮薄、好多汁，当然要食蟹粉娃娃菜： 秋风时间，蟹粉一点也不腥，津白鲜甜，加上少少镇江醋，味道升华蟹粉龙珠虾球 ：个名好有趣，谂起小时候喜欢的卡通片添！爽口弹牙的虾胶圆被粉红色脆粒包围，咬下脆卜卜，食时不要遗忘连蟹粉一齐食！（单点蟹粉系列，可以以优惠价$78加配）正唷！蒜蓉豆苗：豆苗新鲜，份量好足。朋友是江南fans,果然无介绍错！可能晚餐比较悠闲，深色衫员工会推介新菜式，及抵食菜式，用汇丰结账有优惠！
继续阅读
IFC 翡翠江南星期日晏昼去咗中环中心翡翠江南食饭，到达时候都已经系两点半，所以唔使等位就可以入座。餐牌大部分菜式都几适合老人家口味，而且又系大闸蟹季节，所以叫咗个以蟹会秋两人套餐，份量足够吃饱我哋三个人。首先上枱系碟烤麸，微带甜酸，冬菇木耳花生都够腍，可惜竹笋有渣，而且竹笋份量太少，只得三小片点够食，好彩烤麸就算食到尾段时冻咗都好食。蟹粉豆腐煲上枱时渣渣声热辣辣，味微辣略带蟹粉鲜味，蟹粉配上嫩滑豆腐简直绝配，啱晒啲老人家食唔使𡁻。蟹粉虾仁鸳鸯毛细面外边食肆好少提供，蟹粉味浓郁，捞幼面口感饱满，虾仁有虾鲜味，用嘅应该系河虾，所以比较腍身一啲。将两款蟹粉豆腐同虾仁毛细面捞埋一齐食，口感更加丰富，一路食一路饮碗面汤，河虾河蟹豆腐捞面天下无敌。而碗面汤都系好嘢嚟，用料应该系金华火腿瘦肉鸡煲嘅上汤，可惜少少偏咸。烧鸡卖完，所以转为石锅油淋子鸡，鸡肉软腍唔嚡身，铺咗啲姜片蒜头喺个锅底，所以鸡肉略带姜蒜香味，连蒜头姜片一齐食好惹味，汁料颜色虽深但味道适中。蟹粉小笼包嘅皮底好厚，蟹粉及汤汁味道偏淡，算系还可以啦！唔够鼎泰丰好食。雷沙汤丸即叫即做，热辣辣好食，略带芝麻香味，汤丸皮可能用咗生水嚟开粉，所以带咗少少生水味道，如果用番冻滚水，咁就Perfect喇！柠檬薏米水有淡淡柠檬及薏米清香味，甜甜酸酸几好饮，姜茶认真够姜又偏甜，食完蟹粉攞嚟驱寒一流。食店装修布置优雅，楼面空间及座位宽敞舒适，清洁干净，可惜所用餐具杯筷较为粗厚一般，未能配合上食物质素。店员服务态度殷勤有礼貌，更换餐碟略为缓慢有待改善，食物质素优良价钱公道。
继续阅读