汐

营业中

休息中

銅鑼灣不嬲多好嘢食今日就試咗間新店在美食餐廳雲集嘅百樂中心係一間專食丼飯嘅日本餐廳餐廳竟然有榻榻米坐相當適合打卡唔方便坐榻榻米都可以選擇坐吧檯餐廳主打丼飯有熱丼，冷丼和小食任君選擇拖羅魚蓉配醬油漬角切三文魚呢個丼飯相當有驚喜拖羅魚蓉非常綿密個切三文魚肥美飽滿兩者食起來相當有滿足感最令人意外嘅係配料相當充足蟹肉粟米青瓜蟹子等等令到成個丼飯都相當fresh原條蒲燒鰻魚丼飯鰻魚份量驚人相當厚肉，食落十分滿足而鰻魚下面嘅玉子就吸滿鰻魚精華相當入味蝦肉冬菇冬菇非常彈牙有水份配上蝦肉咁食相當唔錯豆腐魚餅呢個小食外脆內軟起初以為係魚腐嘅質地但佢內裏真係做到豆腐嗰種嫩滑值得推薦飲品就揀咗提子汽水和橙味汽水算係餐廳比較特別嘅飲品可以一試嘅全餐最驚喜嘅係走嗰陣打咗個75折畀我原來只要你在食物上齊後50分鐘內賣單就可以響75折優惠咁抵食真係唔好錯過呀

行完迪卡儂搵左間日本野嘆下，去到百樂發現有新開和食居酒屋環境十分優美，窗戶對外望住禮頓山，心曠神怡餐廳做緊特別優惠，上餐黎如50分鐘內交枱會有75折，折後一百蚊唔駛好抵食日式咖喱厚切豬扒$108咖哩豬扒飯相當出色，炸粉薄脆香口豬扒用左梅頭豬，無雪味又彈牙咖哩甜甜地入口甘甜，又帶少少辣味醬油漬角切三文魚配醬燒三文魚腩$128三文魚poke bowl 色彩繽紛，賣相相當吸引材料有蟹籽、粟米、中華沙律、文魚等，中間的醬燒三文魚腩最為特別三文魚腩油脂燒出油甘味，濃郁燒汁淋上去甜甜地好好味炸椎茸$22另外加左小食炸椎茸，椎茸即系香菇香菇底釀左蟹肉，加埋一齊油炸味道好夾

CWB有好多日西料理餐廳，今次來到一間隱世日式小店，同友人小聚片刻☺️50分鐘內交枱仲有75折🥴簡約木系設計，榻榻米充滿日式風情，環境清雅舒適牛肉壽喜燒 $118啖啖肉配埋香濃醬汁，幾惹味醬油漬角切三文魚配醬燒三文魚腩 $128醬燒三文魚腩外脆內嫩，魚皮燒至脆卜卜😋口脂豐富，非常邪惡😈食前將所有材料拌勻，poke bowl，味道清新，口感豐富，夏天食幾開胃手羽明太子雞翼 $22雞翼賣相吸引，咸咸地帶微微辛辣，檸檬汁可中和油膩感

汐一間樓上cafe新店進駐銅鑼灣,餐廳位於港島銅鑼灣耀華街3號百樂中心13樓,餐廳裝簡約以木系為主調,設有日式坐位,天花槽上有很多不同種類的日式酒樽擺設,餐廳主打日式丼飯,還有其它日式小食供應,餐廳用餐時間90分鐘,50分鐘內交枱有75折優惠,服務員招呼有禮。牛肉壽喜燒Gyudon牛肉壽喜燒內配料有紫菜,芝麻,蔥花和洋蔥,牛肉食落有牛味,微鹹,唔會韌,連同其他配料一起吃口感豐富,飲品有烏龍茶。原條蒲燒鰻魚Unagi Donburi蒲燒鰻魚內配料有木魚,紫菜,芝麻,雞蛋和洋蔥,廚師燒鰻魚燒到表面焦香,鰻魚肉質仍濕潤,微鹹,不膩,食落香口帶有D煙韌感,飲品有雪碧。

想食日本嘢，但又有啲趕時間要快食，食日式丼飯就啱晒喇。知道銅鑼灣百樂中心上面開咗間新嘅日式餐廳「汐」有丼飯食，咁就啱晒啦。餐廳係日系裝修，有一張長吧枱，另外有兩張四人榻榻米枱。環境優雅舒適。蟹膏甲羅燒配蟹籽及三文魚籽丼飯：賣相好靚，大量嘅蟹膏喺蟹殼上面，好啱打卡。蟹膏味濃郁。三文魚籽好鮮味呀。撈埋蟹肉，蟹籽，粟米，青瓜同埋中華沙律一齊食，口感好豐富！明太子八爪魚配北海道刺身帶子丼飯：北海道刺身帶子新鮮肉厚。八爪魚大片易咬開，份量都唔少。明太子醬汁嘅鹹香味撈飯啱晒。橙味汽水：飲埋罐日式橙味汽水就係圓滿一餐。特別一提嘅係呢間餐廳用餐時間限時90分鐘，如果喺食物上枱計算50分鐘內交枱仲有七五折優惠添（真係好抵）

銅鑼灣百樂中心又有新店，主打日式料理。裝潢設計日系風格，有吧檯，還有榻榻米，店舖小小，充滿活力。醬油漬角切三文魚會醬燒三文魚腩責相非常吸引。三文魚腩十分肥美，燒到皮脆肉嫩，入口即化。醬油漬三文魚切角味道恰到好處，不會過鹹。好喜歡配菜，青瓜，粟米粒…….. 吃起來有清爽感。炸椎茸（蝦肉冬菇）即叫即做，熱呼呼的！冬菇炸起來不會乾巴巴，有濕潤感，味道另我回味返兒童時吃過的油糍，有點相似。題外話：*用餐時間90分鐘，50分鐘內交枱，享有七五折