汀汀烤活魚 (已結業)

想試汀汀烤活魚好耐，襯天氣涼涼地緊係即刻滾滾佢。因為近放工地點所以揀左荃灣呢間分店，兩個人都安排坐張幾闊落既枱，唔錯。前菜我地揀左涼拌萵筍，酸酸辣辣，再加啲蒜蓉辣椒，非常惹味開胃。我同朋友喺雞煲同烤魚之間諗左好耐試邊樣，我地最後揀左烤桂花魚，因為我地都唔食得辣，所以辣度揀左bb辣。配菜選了紅薯粉，水魷魚鬚，牛栢葉，蘿蔔，黃帝菜，芋絲。黎到滾多幾分鐘食得！辣度真係微微辣，又帶到少少麻辣香味，岩哂怕辣既我地。條魚夠哂大條啲魚肉好滑又夠哂鮮味。我地落埋啲配菜落去，索哂湯，由其是啲蘿蔔切到好薄，超入味超好味呀！店員仲好細心，見到湯少左會主動幫我地加湯。配菜每份份量都好大份，我同朋友都超飽超滿足！一定會再幫襯！👍🏾👍🏾

平日都會返深圳, 係深圳食烤魚, 水煮魚丫個D~ 但係唔知點解香港係好少見哩類型既餐廳, 可能香港人唔太仲意食淡水魚啦~ 但係朋友介紹我, 係荃灣有一間食烤魚,重慶燒, 叫"汀汀" 佢話佢個度D烤魚同重慶燒都幾好食, 所以今晚約埋朋友一齊去試下... 開心開心~ 去到環境真係好唔錯, D位好濶, 坐得好舒服~~ 我地點咗一個必食烤魽魚鍋$268, 加咗D配菜有芝士腸$32, 黑牛栢葉$48, 紅薯粉$22, 蔬菜豆卜個D可以叫半份$22 尚叫低食~ (烤魚開頭覺得有D貴, 上枱原來洗面盤咁大碗, 足夠4人食) 因為有朋友唔食得太辣我地點咗小辣, 未食聞到已經流哂口水~ 魚好滑, 但肉質好實淨好新鮮~ 開始後悔頭先點咗咁多野~ 有D驚食唔哂~ 但個湯麻辣好惹味, 面頭D花椒好正~ 好好味~ 而重慶燒, 燒茄子, 金菇牛肉卷必食推介, 好辣既朋友必定要試既餐廳~~ 全給滿分~~ 正~

今晚約埋男友食呢間烤魚，見佢喺旺角有間分店，都想食好耐㗎喇，今日終於食到了！😋😋我哋兩個人，嗌咗一客烤桂花魚鍋，叫左麻辣～條魚未黎時，有花生小碟可以食住等，過下口癮～條魚黎到時，都聞到好香嘅烤魚味，個鍋都有幾多配菜，有芫茜、豆腐卜、芽菜、大葱～老闆娘話等到條魚滾就可以食，夾得起d魚肉即係代表食得～桂花魚原來唔多骨，而且魚肉又多又滑，吸埋個湯底嘅麻辣味，唔會太咸，仲好入味添～仲有，啲魚皮煎得好香脆，食嘅時候仲有少少脆，好香口～我地仲叫左午餐肉、野生竹笙同埋炸響鈴，兩個人食就啱啱好飽哂了～我覺得呢間餐廳嘅夥計同埋老闆娘服務態度超級好，咁岩隔離枱兩個人唔知食乜，啲夥計就會慢慢解釋比佢哋聽唔同鍋同埋魚嘅分別。而且當啲客食緊嘅時候，佢哋又會幫手睇一睇夠唔夠湯同埋條魚熟未～老闆娘仲同我地講，年初三佢哋就會開始營業，新年都咁早開工，真係要搵日再幫襯多次先得～下次想試埋佢個花甲雞煲，睇到啲相就覺得好吸引了～嘿嘿

係荃灣原來有好多大排擋，今次食個幾特別既汀汀活魚，環境寬鬆。餐廳岀名食烤魚，所以我同家人食個烤魽魚，烤魚有得選唔辣，我們配個酸菜。酸酸地幾開胃，大大條魽魚。啖啖肉。加個白飯鎹菜。非常滿足。食多個羊腩煲，份量充足，羊腩肉都算多，幾入味，四人份量，可以約埋三五知己一齊刷羊肉。又有枝竹,冬菇 羊腩煲送時菜，食完羊，可加菜或其他食材，當做火鍋打邊爐。再加個小菜，九肚魚，香脆而且又辣辣地，炸到可以連魚骨都食埋。

寒冷的天氣 又是食羊腩煲的季節 ，家人都比較喜歡食羊腩煲， 最近朋友介紹 在荃灣三坡坊 有間(汀汀烤活魚)食馆， 這間食肆的 古法 烹煮的 羊腩煲 朋友食過後 口碑 很好。 所以帶了家人 來嘗嘗滋味。食馆的位置在大街地舖 搵食方便， 食館内 環境尚算整齊 ，店內很有街坊風味 ，感覺親民。 服務員也很有禮貌 地招代。我們坐下後， 先點了鍋古法製的羊腩煲$348。等了 不久後 ， 期待的 羊腩煲很快地送上枱， 在gas爐上的人腩煲， 滾了幾分鐘 熱辣辣香噴噴的羊腩 便可以 進食， 羊腩 足夠 幾個人的份量， 肉質入味淋甜 ，再配合有馬蹄和 冬菇 ，食馆也提供腐乳醬，認真惹味超好食， 還附送上一份新鮮 蔬菜， 可以加入 羊腩煲內作火鍋進食，吸收羊腩煲的湯底 ， 圍着爐邊可取暖外，還可以一邊享用羊腩煲 的 佳餚， 一邊食蔬菜， 認真暖胃。還 有 柯打咗一個椒鹽九肚魚$88， 炸到金黃色的 九肚魚肉質嫩滑， 個人很怕食魚， 因為怕有腥味， 但這碟九肚魚 不但這沒有腥味，而且啖啖肉沒有骨 ，非常 喜歡 愛吃。 朋友果然沒有介紹錯 ，家人都讚，給滿分。

今晚去接女朋友放工剛剛是晚飯時間， 而且今天有少少涼意 。有朋友介紹荃灣有一間吃烤魚味道唔錯。 這間烤魚 舖門面都好有特色 。我就order一條烤魽魚 ，因為我最怕吃有骨嘅魚， 條魚size都好大條 ,我就怕辣所以叫咗酸菜味道啲魚連埋酸菜一齊吃真係別有一番風味 ,我還叫了一碟手切牛魔王,D牛肉好嫩不過份量非常少 ，所以這個價錢 我個人嚟講就覺得一般 。還有小食有鬼馬蝦膠其實就係油炸鬼加蝦膠， 吃落口感 又脆又彈牙 ，可能條魚份量都好大所以都冇叫其他小食 ，不過下次再來都是值得。

荃灣對於我嚟講不太熟悉， 你知道有一個大鴻輝和三坡坊系 食肆林立, 今日約了朋友在荃灣 晚飯， 忽然很想吃烤魚， 上openrice， 即打出汀汀烤魚汀汀烤魚位於三坡坊， 門口 是球場， 由於我們怕油煙味， 揀選了門口 開枱， 這是在荃灣吃的一大好處， 有大排檔的風味， 不用焗在店內， 衣服上全是 烤魚味魚盛在一個四四方方 鐵盤內, 已經是 烤熟了， 下面的煤氣爐 是一字型的小火， 略嫌火傳熱得不夠均勻， 我們揀選了小辣， 入口香香的， 很好味， 如果 中辣更加好味( 奈何朋友 吃不得太辣)其中值得 推薦的事忘記影相 的涼拌萵筍， 脆脆的 小小一碟 非常好味吃完魚當然是加水打邊爐， 其中我們叫了很久沒有吃的牛骨髓， 朋友說好吃、 但我沒吃因為大大的一條烤魚已經ko咗我埋單時每人200多元， 叫了太多食物， 吃不掉， 眼闊肚窄， 總括來說， 不算太貴， 大家也吃得滿足

一家人做冬選擇了這間小店的確沒有令我失望，因為這是經一位明星朋友介紹的，聽聞還未正式開張，已有很多明星客棒場，而且逢星期五六日必定爆滿，要book位都唔係咁易，因此我選擇了提早一星期做冬及訂位。冬至有兩個餐牌，都是位計的，我選擇了$298（免加一、開瓶、切餅）。我很喜歡這個古法炆龍躉翅，必食推介！龍躉翅即是龍躉的背部骨位，我還是第一次吃，呢個位唔似我哋平時食開龍躉腩或者尾部啖啖肉，但係膠原同肉嘅比例啱啱一半，再配合埋佢哋個冬菇瘦肉汁炆得好入味，我連啲干蔥都食晒，真係回味咗幾日！！然後是豉油王大蝦，還有健康的黑蒜蛋白薑咪炒飯也非常出色！我哋一家帶咗五支酒，如果計落呢度免開瓶費、又免加一，真係非常之抵，最緊要係家人都好滿意，讚我揀得好！希望小店繼續努力，一定會再嚟！

光棍節唔使憂，又唔使唔開心, 最緊要可以跟朋友一起食個火熱熱鬧鬧的火鍋，開心下。開心時刻分享一下，又好快過的了……MENU好多選擇, 多到唔揀邊樣好了......麻辣湯底+沙巴龍躉 麻辣湯底+沙巴龍躉 : 切片, 可以切到好多片魚片......蒜蓉蒸骨腩 ; 魚腩配上豆豉蒜蓉好滑好香, 好味道本地手切牛魔王 : 喜~喜歡牛肉, 一定要點來食好新鮮的本地牛, 色澤好平均, 好薄, 放在火鍋一陣, 好快就食得, 好配麻辣湯底。腐竹、冬瓜及野生竹笙, 好新舛半隻雞煲 ：這個滿足我們女仕們怕辣又想火鍋的了。

平時好少去荃灣搵食，今次同朋友專登嚟到呢度食野，原來呢條內條咁旺咁多食肆喎，我地好想食辣野，見到汀汀烤活魚，聽個名就好熟，平時經過旺角都見過，今晚就一於試下佢。叫左個花甲雞煲，花甲同雞本身就已經好鮮味，兩者加埋一齊，簡直不得了，雞煲好惹味，花甲除左本身嘅鮮味外亦都有雞煲嘅惹味，雞肉又夠大件份量足，少少辣得嚟又好香口。烤桂花魚上層鋪滿了芫茜芹菜同埋香口嘅炸花生，鍾意食芫茜嘅 朋友岩晒口味，芫茜吸了惹味嘅醬汁呢個麻辣汁有花椒八角香味，叫了個中辣都唔算好辣，鹹度適中，桂花魚亦都好好味、啖啖肉海鮮盤有花甲、蠔、蝦、鮮魷、青口⋯蝦有竹簽咁長，仲好生鮮，蠔亦都有成個青口咁大隻、淥完都仲搵得到，蠔味十足，花甲亦都好新鮮無沙皮蛋放滿了蒜蓉好香口、皮蛋亦都無難聞嘅亞麻尼亞味。送嘅黃豆花生亦都好好食，鹹香醒胃、黃豆也很有川味

位置於荃灣三玻坊的（汀汀烤活魚），不熟悉荃灣區的朋友可能比較難找，附近都是大排檔，比較麻甩味，沒有優雅的裝修，或恬靜的環境，但味道會是重鑊氣，重口味，及重人情味。烤鉗魚（豆豉味）$258/條，鍾意食魚的我，第一次嘗試用豆豉味再烤鉗魚的做法，將鉗魚同豆豉及其他配料一起煮滾後，魚的肉質鮮甜嫩滑，又充滿豆豉香味，令到成個湯底十分惹味。雪花肥牛，牛肉的雪花分佈均勻，味道都good。紅薯粉$22，放在烤魚煱的濃湯內，索哂煮腍些就加更好味。秀珍菇半份$22，顏色雪白，肉質鮮甜。 椒鹽九肚魚$88，炸蒜量足，九肚魚香甜易入口，有咬口。

（汀汀烤活魚）是一家頗正宗的川菜漁鍋小館子，有常見的烤魚鍋，店提供多款淡水魚種選擇，而味道方面也有貼心的豆豉、酸菜等較温和的口味。此外，當然也不會欠奉惹味的重慶麻辣雞煲及港人最愛的豬骨煲。友人點選的豆豉味雖沒有誘惑的麻辣火焰紅，卻有香濃的奶白般滑，第一次品嚐淡水魚-魽魚，肉質緊致，皮薄嫩滑，晶瑩透光。吃烤魚鍋當然少不了豚肉及牛肉。肥牛質素中規中矩，雪花亦頗均勻。紅薯粉本身（浸極唔淋），掛上烤魚煱的濃豆豉湯汁，配搭得非常惹味，過癮。非常喜出望外的三色蒸水蛋，質感比較稀淡，口感像豆腐花。面頭灑上大量經炒過的鹹蛋黃粒，頓時提升層次感。

和好友飯聚, 最好就是吃火鍋之類的,圍在一起邊吃邊聊是最開心. 因有朋友沒試過烤魚, 所以就來到荃灣的汀汀烤魚店,店鋪位於三坡坊內, 還有其他不同的食店,也不會太難找打開門就聞到很濃很香的味道啦,看到每檯都會點烤魚, 而且大大盤, 非常吸引。氣氛也比較熱鬧除了烤魚之外, 還有雞煲和麻辣火鍋,看到海鮮雞煲, 很特別的組合最後選了雞蟹煲配蒜香味和雞煲一樣, 上檯後店員會幫忙再炒一下,看到已流口水啦, 哈哈羔蟹超級多羔, 吸了煲內的汁後更入味, 超正雞的份量也很多, 肉質又不會過鞋, 好味, 喜歡這種不會太咸的雞煲之後再來另一款烤魚,在店員提議下選了沙巴龍躉配豆豉味龍躉已原條開邊的原條, 大大盤的上來,豆豉味倒是不會很強, 而且微微辣, 兩組很夾,魚肉很嫩, 湯內還配有豆卜, 豬皮, 芽菜,吸了湯底, 非常惹味火鍋配料選擇很多但因為幾個女生已經吃不下,下次一定會找多些朋友再來吃吃吃!

依間烤魚好耐之前吃過，魚鮮嫩滑，今次特登嚟再回味下。佢喺荃灣西同荃灣之間嘅一條火鍋小菜街，寶石大廈嘅對面。除咗烤活魚同邊爐可以打，仲有炒小菜同小食可以嗌。依家正值入冬，有埋羊腩煲食，一應俱全。嗌咗嗰小食先，炸韮菜餃似係自家制，有啲菜餡多有啲肉餡多😹但炸得外脆，餡料鮮美，意外係超水準小食。另外嗌咗酸菜烤桂花魚，一魚兩食，有埋魚片可以淥。酸菜味唔算濃，但魚湯好好飲，加嘅湯水都係魚湯可以不斷飲，有埋隱約嘅酸菜香喺入面。烤魚本身有調味，有胡椒同孜然香。魚肉非常新鮮，頗有魚味，嫩滑細緻。成條魚食到最後都好嫩，保持到記憶中嘅味道🤤依個鮮度嘅魚，非常難得同抵食。

數年前曾與一班好友在這家餐廳有過一個醇酒美食之夜,其招牌的烤魚都令眾人留下了好印象!難得這次再有好友約局,再次到這裡尋味,我就馬上答應了;這條叫三陂坊的食街,每逢夜晚總是熙來攘往,食客如鯽;能在這裡屹立良久的食店,肯定有吸引之處,而汀汀烤活魚或正是其中有著真本事的一家!與幾位好友一同踏入餐廳的一刻,被一股馥郁香濃的氣息吸引了;那氣味似是來自食客檯面及廚房傳出的,以花椒辣椒等香料融合肉類氣息所結合成的,令人充滿期待感!而餐廳以簡樸但帶著濃厚中國風格調的設計,與那種食物香氣很搭配,甚具古風情懷!再者,餐檯椅的間距很闊落,令人坐得很舒服!菜單的選擇還真不少,但眾人都是嗜辣一族,所以點選食物很一致,有快便選定了,就馬上落單;與好友閒聊了一會,第一道菜馬上登場--花甲雞煲(選了半隻,以香辣及中辣為主);以明火爐具助熱了數分鐘,大家就立即起筷;多重辣味香味的襯托之下,花甲肉質的甜美爽彈更加立體,加上吸收了些許的雞油氣息,更顯得有些性感肉慾的特性!而雞肉的嫩滑,與香料配得起來,也是重口味的演繹,對中了大家的口味!主打的第二道菜--香烤桂花魚,取道麻辣方式,選定了中辣;也是以明火爐具助熱,上面鋪滿了荽