氹仔餐館 (已結業)

昨天難得放假, 可以同老公去拍拖食飯~~遠住新界東的我們, 係完全唔熟悉新界西的, 所以當我地夜晚要「搵食」嘅時候, 真係有D迷茫行左好多地方都唔知食咩好, 最後行過呢間餐廳, 見咁多人, 應該好食掛? 於是搏一搏, 唔洗四圍撲啦起初在場已開已擺街的檯都坐滿了, 然後D阿姐又好似唔多得閒招呼我地, 仲以為要搵過第2間食...後來好在有一阿姐見狀即刻話開多張檯俾我地, 於是我地就順順利利可以坐低食野!打開菜牌, 唔知食咩好, 叫阿姐介紹阿姐推介「魷魚吊筒飯」、「燒牛仔骨」、「馬介休炒菜」、「咖喱??」配蒜蓉包然後我地最後叫左「燒牛仔骨」、「咖喱炒蟹」、「馬介休炒西蘭花」同「葡國蝦飯」(其實本來想叫「乳豬飯」，不過賣晒~)先黎「燒牛仔骨」好味!!!坐低等0既期間已經闡到陴陴燒烤香味, 食埋入口, 正！最重要係佢唔係淨肉, 係一件有肥膏的肉, 所以好好味!!!第2道菜係「葡國蝦飯」又正!!我本身都幾喜歡葡汁個味, 呢個飯仲要係偏甜, 又重椰汁香, 真係好得!第3道係「咖喱炒蟹」OMG!!!好味到唔知點形容可能呢期返工成日見到人食蟹，搞到我本身已經好想食蟹跟住佢咖喱最重要係唔係好辣，係偏甜的，

沙丁魚是她可吃 , 但太細相對多骨 , 無啖好食呀 !唯一可取算是牛尾煲: 獻汁美味但兌配菜薯仔是另放在內並不味 !其中一位朋友不喜愛食羊 , 但相信想食都唔足夠 : 佔二分之一都是脂肪 !大件菌類有油"益"怪味,但經員工試食後, 她們認為是昤我們吃不慣, 竟就不了了之 !接著先出炒飯 , 飯身尚算有鑊氣但材料太少而蝦是不夠新鮮呀 !天氣大熱馬上吩咐4杯 凍飲 ; 我的鹹檸七只算正常 , 朋友們的貴價特飲無太大驚喜 ~一行四人的飯局: 由其中兩位元朗人推介這所樣貌似棚屋(大排檔) 的澳門風格美食 , 在七時左右開始滿敬懷希望而來, 卻是失望而回: 可惜是未知是否食物不合時令, 而服務的態度亦教人卻步 !

上星期跟弟弟在元朗閒逛時發現了這家餐廳, 有點掛念澳門的街坊葡國菜, 所以這天便帶男朋友來試試~店子沒什麼裝修, 但我就是喜歡她的路邊茶檔feel因為只有兩人, 所以我們點的不多, 男友說想先點一些比較"澳門"的菜色, 好吃的話將來才來試別的.是夜order:蒜蓉包: 必叫!!! 很久沒有吃過樣又香又脆的蒜蓉包!!! 蒜蓉包中的極品! 難怪枱枱都點!葡國雞: 半隻雞份量, 葡汁不會又稀又多, 雞肉有先燒過, 挺好吃, 唯獨嫌她的薯仔一點都不入味, 因為很喜歡吃薯仔, 所以有點扣分...芝士爆蝦丸: 這個同樣不得了, 外表香脆, 一口咬下內裡又不會太燙咀, 雖然芝士不是太多, 但已足夠帶出香味, 超喜歡!!!汁燒魷魚筒飯: 很久以前在澳門吃過之後就沒再試過, 在餐牌上看到即點! 魷魚燒得頗香也不韌, 內裡的是葡汁炒(?)飯, 雖然魷魚細細條, 但兩個人還是夠食的~ 不過要等得久一點, 我們等了30分鐘才上桌.我們兩人都對這一餐很滿意, 未離枱已經在計劃下一次來的時間要吃什麼了~~~

we arrived there at around 830-9pm, so there weren't too many people. we chose to take a seat inside, though i 'd prefer to sit outside if it wasn't that cold. the restaurant isn't too big, so the tables are close to each other, not quite comfortable...grilled beef ribs: the portion was quite small, my fd said it tasted good.grilled 多春魚: though the fishes came very late, but they tasted great and were perfectly grilled corned soup: the portion was big! no wonder it cost $40-50, but it was disapo

未試過咁差嘅食物！兩個人，叫咗三味餸。1》「馬介休炒雜菜」—馬介休無香味，同普通炒椰菜加西蘭花無分別，$57！2》「咖喱牛腩」—汁如水，咖喱無咖喱味，仲衰過大X活！牛腩硬如石頭，薯仔用水煲完放入咖喱汁內，牛腩、薯仔同咖喱完全無交流！$69，仲係唔跟飯或飽！3》「炭燒豬肋骨」—等咗成大約四十五分鐘，仲未見影，問個侍應，愛理不理，等多五分鐘，唔知响邊整碟出嚟，摸一摸，唔熱，微暖，唉…打包離場。最後埋單$210（加咗飯同一支啤）…無下次！P.S.地方窄，不是坐得舒服！

叫咗蒜茸飽,咖喱牛腩,燒秋刀魚,燒羊脾,一碟飯&大樽可樂,蒜茸飽六塊$23貴少少,但又真係幾入味,好香脆,燒羊脾,好有燒烤feel,好嫩好腍,唔似羊肉,無騷味~燒秋刀魚反而多骨,要小心食,都唔錯,咖喱牛腩好多牛腩,又腍又入味,超正

居住於元朗又想回味澳門葡國菜, 只得兩三間店可供選擇, 約三年前第一次光顧此店, 只記得食過燒魷魚筒飯, 賣相好, 味道已無印象, 不過內部裝修及相片似沒有變更過.當日我兩坐下層, 見人客不多, 門外有三張荼坐式餐枱, 還附有煙灰缸.燒牛仔骨 ($41), 燒羊脾扒 ($38)此兩味燒肉是全晚較好味, 熱度夠, 肉汁多而惹味, 外層甜甜地, 相信來自蜜糖, 燒牛肉味濃, 食燒羊前滴下附上的檸檬汁, 没有羊羶味, 若能讓客人見到燒製過程更加理想. 豬扒包 ($27)看見牆上的相片及雜誌推介後便一試, 可惜個麫包屬Q版, 會錯覺豬扒大件, 麪包未能焗至外脆內軟, 件豬扒亦偏亁身, 不過味道上也不太差, 只是澳門及香港的名餐廳做得好好, 也不需二十七蚊個呢.芝士汁薯茸蝦局西蘭花 ($79)雖不是中或大蝦, 也有約十二隻細蝦, 芝士汁頗濃, 薯茸圍邊及內有西蘭花所焗成, 但味道不算好香.我要—枝大可樂($12), 女友要杯熱柑桔話梅蜜($15), 可惜賣相跟牆上的圖片相差怎遠, 值得一讚是此店免加一, 不過只收現金.

因一位有心的朋友已訂位, 所以不用等位。1.) 地方非常差, 比中國大陸的大排檔還要差。2.) 食品水準非常一般, 沒有特別, 叫了的餸菜, 有以下的評語:i.) 燒魷魚筒飯, 魷魚筒很硬, 餸到時已成冷盤, 味道一般;ii.) 燒帶子, 有沙, 無法吃下;iii.) 燒墨魚丸, 本身墨魚丸品質已一般, 餸到時已成冷盤, 味道一般;iv.) 炒菜, 本身這道菜應該是有點辣的, 可惜不辣的, 餸到時仍有餘溫, 只知自己在吃菜, 但沒有其菜真正味道;v.) 燒牛仔骨, 餸到時仍有餘溫, 只是一般的燒加上蜜糖, 甜甜的, 無人不喜歡, 但沒有工夫可言, 只要燒熟加上蜜糖, 你我去燒烤都可以做到;vi.) 羊扒, 來餸樣子看來很像豬扒, 賣相差, 沒有食, 朋友們吃了, 有朋友說有點騷味;vii.) 咖哩蟹, 見其賣相, 沒有咖哩香, 餸到時只有餘溫, 沒有吃, 朋友吃了, 他們沒有Comment! 其實很難得可以煮到沒有咖哩香的咖哩蟹, 本想一試, 但最終沒有, 因為不知那些咖哩粉是什麼, 或是否咖哩, 所以不吃為妙;viii.) 白飯, 一般Cheap酒樓一般水準, 沒有什麼特別;自己

之前食開品味鮮，行過呢度見呢度既野食都幾吸引。所以呢日就慕名而來呢度朝聖，可能時間尚早，所以入面都未坐滿。七點之後，就全場爆哂啦。蒜蓉包呢個做小食絕對係唔錯既選擇，蒜蓉包既厚度適中。而蒜蓉味都頗濃，好味得黎又唔會太油。最重要既係包真係幾脆口架。，個見呢度有超過一半既食客都會叫呢個小食，即係都算幾好食啦。黃金鮮魷呢個真係夠哂黃金，因為連個碟都係金色既。個鮮魷都唔錯架，份量都算幾多。而且個魷魚都幾爽口，面頭既炸粉又唔算太厚。而且仲有蛋黃撈落個魷魚，之後先炸。更顯其惹味。芝士海鮮伊麵呢個都等左幾耐，不過都無乜野既。芝士汁都幾多，真係用黎撈麵有餘架。此外，海鮮既配料都幾多，有魷魚、青口、魚柳等等。而個伊麵又幾惹味，沾上芝士汁，口感也不錯呀。燒羊扒另一個好食既，羊扒都算幾大件。而且無乜羶味，肉質算幾鮮嫩。食到呢到，都無乜野可以挑剔。只係36蚊一件，又真係貴左小小既。燒秋刀魚呢個係媽子食既，所以我不作任何評論。燒魷魚吊筒飯呢個係佢地既招牌菜，不過我覺得唔係太特別。首先，個魷魚唔係太新鮮。而且呢個飯只係佢地既咖喱炒飯。整體上，呢個都唔會再翻兜。呢餐都每人一百蚊到，野食都唔算差，但又唔算太突出。不過

大姐夫生日,帶小朋友去完嘉道理農場後,去了大埔林村食豆腐花,再入了元朗搵食,呢間"氹仔"食過幾次,印象不壞,今晚六點鐘,一行六大兩小去呢度食飯,叫了九款食物~馬介休球--->>偏淋身,不夠熱~焗什菌--->>幾好味~馬介休炒飯-->>好味~烤腸仔-->>沒難度之選,所以,一定好食~炸墨丸-->>沒難度之選,所以,一定好食~牛仔骨--->>熱辣辣,好正,最好食~烤雞扒--->>呢味都唔錯~蒜蓉飽--->>唔熱又唔脆,連蒜蓉及牛油都唔夠,失望~燒風鱔--->>好食就好食喇,不過,好多骨,唔啱小朋友食~埋單$425元~總括 : 早去有著數,因為地方細,入面才有冷氣,而且,每次早去食,食物大部份都是熱辣辣上檯的,人多時,食物水準便下降~

香港好像很少地方吃葡菜, 此店在元朗好像頗有名氣, 所以就滿心期望的出發...一行七人, 叫了很多很多食物...詳細我都不想多說了, 只想說說其中2樣十分離譜的食物...炭燒牜仔骨: 僅僅夠熱而已, 有些部份還有點冷完全吃不出是烤, 只像是放進微波爐加熱...烤乳豬: 也是僅僅夠熱而已, 而且乳豬皮是"林"的我第1次吃到乳豬皮是這樣子...朋友說之前幫襯過也OK的, 不知怎的今次變成這樣....難道是我倒楣嗎?><

爸爸說想食葡國菜，上開飯找找才知道香港的葡菜餐廳很少呢！可能是去澳門太方便了吧？我們點的東西不多，包括了燒魷魚吊筒飯、咖哩牛腩、蒜蓉包、燒豬肋骨和一個咖哩炒飯。我最喜歡的是豬肋骨，又滑又多汁，有小小的香草味，很好吃呢。反而聞名的燒魷魚吊筒飯并不太好吃，釀在魷魚中的飯有一種很搶的味道，和魷魚不太配合的感覺。咖哩牛腩和蒜蓉包都很不錯。其實今次點的東西不是太葡國，下次再去吃多次

是日乃男朋友生日，想同佢食d特別d o既o野其實本來想去new york cafe & bar，不過佢又裝修緊wor呢間氹仔餐館 之前食過覺得唔錯所以再o黎幫襯，點知就中招...我o地叫o左芝士焗西藍花，蒜蓉蒸扇貝，葡國雞同蒜蓉包全場得我o地一檯係叫小菜o既，另外有幾個人都已經食緊o野照計應該只係煮我o地幾個小菜啦？但都可以等到人o地走晒先上菜明明得我o地一檯客，但個蒜蓉包拎到o黎係有幾件霖霖o地好似擺o左好耐咁男朋友話係因為切太薄wor乜蒜蓉包好食咩？我覺得pizza hut都好過佢wor芝士焗西藍花d芝士好奇怪，好夠味但好水攪到成個盤都係芝士，成碟菜異常地漏蒜蓉蒸扇貝尚可，呢d除非扇貝唔新鮮啦，否則好難出事但個葡國雞... 哇... 主打係葡國菜居然可以有d咁o既葡國雞...隻雞好似一隻老雞俾人煲湯煲到得返一堆殘渣先拎o黎斬件上菜咁d肉好老好鞋，因為係熟o左先拎去同葡汁焗，所以完全索唔到葡汁真係"雞有雞味，葡汁有葡汁味" (但其實隻雞都已經冇乜味)我自問食o野一d都唔奄尖，讀中學o個陣o個d午餐飯盒貨色o既咖哩雞我都照擺入口無誤但我覺得o個d雪藏咖哩雞都好食過呢碟葡國雞囉...我唔

昨晚一家三口入左元朗開餐, 同行有小B契爺同埋亞女姐姐, 亞女姐姐提議黎呢間 氹仔餐館食葡菜, 去到揀左坐門口位, 因入面太迫喇, 唔夠百厭仔活動, 樓上又唔開 , 好在昨晚不是太凍咋, 但D野食好快凍囉, 真係美中不足!!!叫左八個菜--燒魷魚釀咖哩飯--唔錯, 幾好味!燒雞扒--味道OK燒豬排骨--味道OK, 但嫌佢太少肉紅酒焗羊柳--呢個最正, 味道好, 最緊要羊柳唔羶又夠"淋", 正!葡汁焗海鮮飯-- 幾好味, D海鮮份量亦夠多蒜蓉芝士焗青口--OK, 唔錯蒜蓉飽--一上枱即食就唔錯, 等左一陣先食就已經"淋"左, 仲幾韌 (咬左一啖, 跟住望左兩眼百厭仔)清炒生菜--無咩特別--(本來想叫芥蘭, 但伙計話要加十蚊, 唔係呱, 街市生菜同芥蘭差不多價錢, 食豆苗又話抵加啫, 我呢個精明煮飯婆當然唔食芥蘭喇)另叫左支大啤酒, 埋單$404.00平均每人$101.00, 好滿足!!

咖喱炒飯: 好香, 炒得好乾身, 好味燒牛仔骨: 似係煎多d, 好多油, 過熟葡國雞: 呢個好味, 雞肉唔粗, 汁撈飯好味