影片
以上资料只供参考，请与餐厅确认详情
相关文章
那段年月有多好？旧时嘅香港好，系因为人情味。位于土瓜湾嘅永香冰室喺1959年开业，保留咗唔少当年嘅设计同装饰，好似系纸皮石墙身、地砖、挂喺天花板嘅大风扇、市政局发出嘅「有牌照食物馆」牌照等等，入到嚟就好似穿越时空，加上老板嘅笑容同问候，增添唔少复古都带唔到俾你嘅人情味。永香冰室嘅食物选择唔多，但冰室应该有嘅，佢都有，当然唔少得叫份西多士啦！永香冰室嘅西多士即叫即炸，炸得非常香脆，上面放有糖浆同鲜牛油，比例啱啱好，非常香甜。火腿嘅份量虽然唔系好多，但永香冰室嘅奄列绝对够惊喜！因为蛋嘅生熟度啱啱好，一切开奄列，就会流出蛋汁，蛋味香浓，可以加少少盐吊味，就更加惹味。永香冰室嘅餐蛋面价钱只系$2x，而家真系好难揾得到。餐肉仲要系厚切，煎得香口。但最令我哋满意嘅系公仔面呀！人人都识煮公仔面，但永香冰室嘅老板煮咗50多年公仔面，驾轻就熟，面底软硬度适中，带有麻油香味，好好味。呢碗鲜牛肉通嘅份量唔少，仲系我最钟意嘅无纹通粉！但略嫌汤底比较淡，我哋就觉得麻麻地啦。
继续阅读
🐷📌 #猪西食九龙#猪西食九龙呢间永香冰室就系一间有好耐历史嘅香港茶餐厅，成间餐厅都系好怀旧嘅感觉，老板都几好倾，啲嘢食几抵食啲味道都几正常～ 重点系啲嘢全部都好平，一碗面讲紧系$30都唔使，不过未算超级好食，纯粹食个情怀。🐷西多士西多士唔错 $20黎讲几ok 份量唔太多，因为冇整到好厚 但系味道都OK🐷冻柠茶冻柠茶唔会太甜～正正常常咁样🐷菠萝油菠萝油味道都系正常咁样样啦 不过唔贵 坐喺度食吓嘢 都几唔错永香冰室📍土瓜湾炮仗街29号#吃货日常#香港#茶餐厅#Cafe#面包#西餐#中餐#日本菜#韩国菜#泰国菜#堂食#好西#食#香港美食 #hkfoodie #foodiehk #九龙 #九龙好去处 #九龙美食
继续阅读
follow@wojengyea/@wo!正嘢 for more food info🐒 支持我哋发掘更多美食 😋好多时做嘢经过呢间旧冰室，终于有机会可以试一试。今日唔系太肚饿，所以简单叫咗碗牛肉米粉🥩🍜。汤有少少d d咸，牛肉足料有牛肉味，食落似打边炉果只手牛肉有咬口，但晤系一片片，牙力🦷 晤好可能会觉得靭。米粉浸得唔够耐，未完全散开有啲一嚿嚿但我觉得还可接受。食食吓发觉碗嘢有5只蚁🐜🐜🐜🐜🐜。本身谂住试埋杯茶，最后都系算（费事杯嘢又有surprise🎁）餐厅氛围我酷爱怀旧冰室，试过多间旧式茶记，觉得大部份老板都好有人情味，愿意同食客交流倾吓偈，将茶餐厅嘅历史传承落去。但呢一间嘅老板们比较有性格，感觉唔一样，令人不会有回头的感觉，可惜可惜。🥀
继续阅读
今日喺土瓜湾行行吓，行到久别重逢的旧式冰室。虽然唔肚饿，都要入去饮杯热奶茶！ 我又叫份芝蛋治，超乎我想，普通一份三文治，竟然帮我烘底，仲要分四份，实在非常细心💖！！奶茶都过得去，不过不失，茶味浓啲会更好！
继续阅读
睇到咁多喊面，本身都不带任何期望，只系想去啲旧冰室怀旧下。******************************我星期日两点半去到得一枱客。两个婆婆同一个叔叔做楼面，应该都系一家人。我地影左几张相，婆婆块面即刻黑晒系咁避，我同佢讲「唔好意思，我唔会影到你」，婆婆先无咁黑面😂。而叔叔就好好招呼有礼貌。******************************叫咗西多士，牛肉面同奶油多都超级好食，系好食茶记嘅水准。鲜牛肉真系鲜牛肉，一啲梳打粉都无，重落左少少辣油！奶油多好松化！西多重油糖好正！！不过奶茶𠮶啲真系差差哋，大家乐麦记水准咁😅埋单$100 ，叔叔应该收平咗几蚊，真系一个食历史同人情味嘅地方
继续阅读