永隆正宗潮州滷水

第一次买招牌杂锦饭$38，份量好多，仲送1包饮品。唔知道系咪晚上7：30收工，有猪头肉、猪耳仔、卤水蛋1只、卤水豆腐1件、红肠7片、卤水花生。卤水味比以前无咁咸，豆腐、耳仔及猪头肉卤水味淡左少少，卤水蛋及卤花生入味。…查看更多

平时间中都有帮衬这间卤水店，味道还可以 ，但是今日去帮衬，共买了一个牛展、两只鹅蛋再加三件豆腐， 回家开饭，发现所有的卤味冇嚟闻味， 食到唔拖唔水，认真令人失望， 就算 是他们所说自家制的咸酸菜，都整到唔拖唔水， 我先生直接话下次不要再帮衬了😔😔😔…查看更多

早前试过呢间嘅外卖加𩠌，食完之后念念不忘，今日见有时间，就喺午饭时段过嚟，买个外卖返公司食。一个卤水鹅饭$50，连一包纸包饮品，以卤水鹅外卖来计，算系一个合理价钱，但系当然越平越好啦师傅话因为纸包饮品冇货，所以会用一只蛋代替。由于我系外卖一盒卤水鹅饭，所以没有得选择部份，师傅斩咗卤水翼的部位俾我，我自己对卤水翼呢个部位就麻麻，因为食𠮶阵时比较麻烦，而且好难咬开，无咩肉。但系味道完全没有问题，饭盒入边仲有一个豆腐同埋一只送的鸡蛋，豆腐系滑身𠮶只豆腐，并不是硬身𠮶一只。而卤水蛋就唔错，卤得非常入味。So far ，食完之后冇一个口渴嘅感觉， 有冇味精我又真系唔知。可惜呢间店舖同我公司比较远 ，如果唔系就应该成为我嘅饭堂之一。下次如果有机会嘅话我应该会买鹅片饭，始终卤水鹅最好味嘅系鹅片同埋鹅脾…查看更多

味道很好！本身都中意食卤味、烧腊之类，有朋友介绍去长沙湾试吓永隆，叫咗个卤水拼盘，同老婆撑枱脚，一大盒两个人KO晒😋老板好好人、健谈，刀功好！见佢有好多唔同种类、套餐，样样都想试，后来叫咗个卤水拼盘，有意外惊喜！除咗拼盘仲有好多唔同嘅酱卖，老板推介支自制豆豉，另外买多支金桔油。重点都系啲卤味：坚好味！咸道适中；鹅片无渣，入口即溶！卤水豆腐味唔太咸有豆香味！卤水鹅翼都正！下次再试埋佢哋啲牛𦟌。见好多街坊帮衬，就知实系好嘢👍🏼…查看更多

作为潮洲家庭长大的一份子，对卤水都情有独钟。 卤水加一碗白粥简直是最美味的配搭！去到时亦要排队等左5个人左右，排到我时今次我就买了鹅片鹅肝鹅肾同鹅肠。呢间舖头有一样好特别嘅鹅血，系非常小的地方有这种东西吃。另外还有一款糖心卤水蛋我都食过几次㗎啦我都推荐嘅卤水的味道是颇正宗的一家师傅切鹅片很有心机，薄薄一块。 特别喜爱的是鹅肝和鹅片。店家调的醋配上鹅片亦是很美味的小店有心经营，价钱相宜，性价比高！ 希望大家多多支持啦！…查看更多