永記車仔麵

营业中

休息中

味道不錯，六餸招牌麵乜都有，牛腩、蘿蔔、豬紅、豬腸，咖喱魚蛋、油面底、沙嗲汁，蠻豐富的。員工有禮貌。落單至取外賣不需要5分鐘，非常適合繁忙的香港人。凍檸茶味道夠濃。😋

食神同事介紹，一日走到這家車仔麵店買午餐。車仔麵向為港人所好，一直記錄著時間的軌跡。小人於店外剔完外賣紙，入內給錢，見到小店極其迷你。收銀阿姐一邊吆喝著叫外賣的企埋一邊，一邊狂請堂食客入坐，全程極不好受。因為早餐食得好飽，小人只叫了淨餸：計有豬皮、豬紅、冬菇、魚春卷以及豬頸肉。份量不少，魚春卷及豬頸肉最好食：春卷吸盡辣汁、豬頸肉夠爽。冬菇亦是厚身，但沒甚麼菇香。較特別的是車仔麵的湯居然是分開一碗的，感覺很細心。小食炆凍蘿蔔絕對是個驚喜，炆完的凍蘿蔔一點都不違和，置上鋪了木魚碎，竟然滿載日式的風格！食物一流、服務九流！

午餐時間人多，等候時間算快，外面睇落好細，但內有乾坤，入到去可以坐到30人左右，自己手寫落單，以車仔面計唔多選擇，價錢都唔平，$60 4餸包一杯冷飲。叫左牛腩蘿蔔牛丸紫菜，幼麵，牛腩都算夠入味，食物真係一般，沒有大驚喜，唯一湯底還可以，感覺沒有味精。以荔枝角環境來講，中午選擇都算多，如果想唔想等，可以試這間店，雖然食物一般，但勝在有位同埋冷氣都算夠。整體來講：服務3分，環境2分，食物2分，價錢3分

11:40落單到12:30都未見人，打去問就聲大大話冇寫我嘅電話俾外送嘅人，跟住又話外賣到咗。我在門口企10分鐘未見人再打去，hold住我電話就另一條線接外賣，到接聽就話唔知幾時會送到，又話好多單外賣做，態度十分惡劣！冇辦法再等落去就打電話想取消，佢就接咗我電話又要我等，一等又3分鐘聽佢另一邊繼續接外賣，直頭唔打算理我，有冇咁離譜？我搵同事打俾佢就即刻接聽，我覺得佢專登玩嘢。由佢哋冇寫電話開始都唔係我嘅錯，唔好意思都冇句仲好似遲到係應該？最唔啱就係我幫襯你哋。真係冇下次。希望你哋以後都大把生意唔憂做，荔枝角唔係好其他餐廳，而且你哋嘅食品質素都好一般，唔食冇損失！

朋友介紹黎食，甘咪去試下，因為呢排多野做，出唔到去食，就叫外賣啦，打電話叫外賣，有個呀姐惡到死，吹你叫快d ,未食都頂唔順佢d態度，是但叫左兩碗，送到黎d餸少到呢，一個女仔食都唔多夠飽啦，何況係男人食更加唔飽，碗麵3個餸都要4，5十蚊，叫個飯盒食仲好過，冇下次啦，又冇禮貌份量又少，去食個兩餸飯仲會飽，最緊要唔駛受人氣先

同區車仔麵來說成記餸及麵量多，質素比較好(因為外賣溝通問題食物遲左，但師傅為左保住質素主動重新煮麵，抵讚！)起碼牛腩林，魚蛋彈牙，羅白大件無渣唔苦，湯底比其他出色餸的味道整體來講above average價錢合宜，仲有野飲包建議用app 落單，唔會錯

見咁多好評，今日就約朋友去試下，結果……真的不該有期望，河粉唔夠滑，雞翼、豬腸夠腍，但味道一般，蘿蔔無渣但都無味，鳳爪亦不怎樣，加$4叫了凍洛神花茶，但味道竟然似菊蜜。

每次叫外賣好似軍訓式口吻，照返佢哋規矩落柯打，一定要跟足佢哋指示，唔好講錯，有位女士接電話態度好難頂，而家呢啲時勢重咁嘅態度，叫過好幾次，食麵要先食貓麵，難項難頂，而且價錢唔係平，無乜必要都要諗過至叫，要沉得住氣至好打去叫，

永記喺荔枝角都多人幫襯，今日同朋友等咗大約15分鐘先有位。不過店員們好爽手又好有禮貌，真係等一等都值得。落單用填紙仔嘅模式，以小店嚟講選擇都唔少。我今日試咗個三餸烏冬加沙嗲醬，配咗五花腩、魚肉春卷同蘿蔔。五花腩有驚喜，佢比我想像中冇咁肥，又有油香味。魚肉春卷就整得好脆口，同埋切開咗做細件，想同朋友交換下餸 (就係相入面嘅魚皮餃哈哈) 都好方便。蘿蔔三舊大件不特止，仲真係一粒渣都冇，配埋沙嗲醬食冇得頂。車仔麵可以免費加配熱飲，如果鍾意飲可樂嘅加3蚊仲可以轉大支裝添，可樂迷千祈唔好錯過喇！

平時好多人係門口等外賣，近排疫症少左人出街食飯！就等位都唔洗.睇落鋪頭細細間，其實鋪入面仲有多一間房，放左7-8圓檯.Lunchtime 最少3餸起仲送熱飲/細汽水.3餸 $45 4餸$50 5餸$55 5餸之後每款餸$8. 有款6餸餐好抵食！不過係指定餸菜：咖哩魚蛋、蘿蔔、豬皮、豬腸、豬紅同牛腩.3餸油麵. （豬腸、鹵水雞翼、墨魚丸）辣汁豬腸：有成6-7塊，豬腸好冧，洗得好乾淨唔會有臭味.墨魚丸：有2粒，墨魚丸係軟冧嗰款，唔會硬身，但唔算彈牙.鹵水雞翼：有2隻，睇落唔上色，但好夠味！鹵水汁係咸咸地嗰款.醬汁可選2款，辣汁小已夠辣.湯面仲有少少炸蔥頭.

今日lunch想食車仔麵 所以黎左永記我覺得永記無論環境定食物都好乾淨選擇都幾多 有D餸係其他地方冇好似陳皮魚蛋 鳳爪 魚肉春卷 呢d都好少出現係車仔麵嘅餐單上 而且陳皮魚蛋都唔係周圍可以食到我嗌嘅係三餸 包一杯熱飲貢丸豬皮同埋腩肉 個好好味 都幾厚下 有少少似日本叉燒醬汁我揀左辣汁小辣 食食下都幾辣分量方面我覺得都幾多 麵都有一碗 餸方面都比得好足夠成個餐45蚊 又坐得舒服 又有足夠冷氣 上菜速度又快 服務態度都幾好 我覺得都幾唔錯

港人至愛食物之一，我相信『車仔麵』一定榜上有名。自主性極高，無論是麵底、餸菜、湯底都可以隨心情感覺自由選擇，配搭極多。店鋪入面坐位不是好多，唔建議一大班人嚟食，因為午市時間實要等好耐位，但如果自己一個，或2，3個人嚟都有機會等到。店鋪order紙分兩款，一款是堂食用，而另一款是外賣專用。麵底方面有銀針粉提供，由於比較少車仔麵店會提供，因此選了它🙈。餸菜方面選了雞翼尖、水魷魚同酸齋。雞翼尖煮得夠入味而且好淋好好食，水魷魚是白烚，無特別，純粹是我個人鍾意吃，酸齋酸酸甜甜的好好味，而且我很喜歡酸齋那種煙煙韌韌的口感。

因接近工作地點，之前一直會光顧這家車仔麵，可惜，店內一位態度極為惡劣的員工極為趕客，未必會再光顧。事原今天約了一位朋友相約在這店午餐，本以為她已到，我便跟門口接待員說已有位 直接內進找人，未料朋友還沒有到，我已進入了後舖，我便跟帶位的員工改說朋友沒有到，要求安排二人座位。明明後鋪有最少三張"吉"圓枱，門口亦沒有人等待，怎料該店員 甚麼也沒問，便趕我到門口重新排隊？ 這是應有的顧客服務嗎？ 吃餐飯也這麼受氣 ， 結果我沒有 光顧這家食店。之前也看見這位員工 極沒禮貌對待其他客人， 如不禮貌地要求顧客 調枱，大家 若果 不想 受到 這樣 服務態度，要考慮是否 應該 光顧這家食店了。

呢間位於荔枝角香工對面既車仔麵，平日午飯時間都排滿人流，頗有人氣。湯底同麵都做得唔錯，配料方面有好多選擇，份量都好足，43$有3餸，其中以牛腩最為抵食！而且仲好入味，係附近經過可以黎一試😋😋咖哩魚蛋都好好味！

每次經過這家，門口都有人在等位。今天一個人吃飯，應該很快有位，所以就選擇試試看。叫了四餸 加銀針粉 腩汁湯底。很一般的味道。沒有什麼驚喜。就是隨意的一餐飯。 座位太擠了。如果和同事和朋友一起，不是很舒適。空間小，很吵。但是荔枝角所很多小餐館都是這樣的。 只能說不是我會再選擇的地方。