永華日常 (淘大商場1期) (已結業)

呢間嚟過幾次，今次第一次食呢個牛扒早餐，有少少失望！牛扒薄得2mm，不過味道都可以。而且我等咗好耐先嚟到食物，可能係廚房做慢咗，服務員都算盡力補救。希望餐廳可以改善服務效率同埋提升牛扒嘅厚度。佢其他早餐都可以同份量夠，都會繼續再去，不過就唔會再去叫第二次牛扒。…查看更多

已經唔記得呢個係唔係西冷牛扒當住係先啦🤣🤣🤣塊西冷真係起碼有一半都食唔到，勁韌啲薯角就好好食，杯奶茶都好大杯，但係個扒唔得就真係扣晒分。。。仲要都差唔多成一舊水…查看更多

｛2023 年 10 月｝有一段時間冇嚟啦見到轉左餐牌就入嚟嘆個下午茶菜式轉左，價錢也較親民炸雞脾配經典紅豆冰只係 HK$39我就鍾意 ● 鮮蝦雲吞麵配熱奶茶 (HK$38)麵冇鹼水味，煙韌彈牙雲吞一口大小，蝦肉爽口彈牙湯很香很清甜，吃箸麵飲口湯，好食又暖胃 ~~呢度啲茶餐都唔錯 ~~可以揀愛吃嘅出前一丁麻油即食麵 ~~茶餐 B ● 沙嗲牛肉出前一丁配 3 款配料 + 牛油厚多士 + 熱奶茶 (HK$38)配料我就揀咗火腿、炒蛋和煙肉** 以上分享是以我的口味、體質和情況作出分享及感受，一試 / 合用與否請自行決定…查看更多

話說嚟到呢間餐廳，用QR Code 叫咗鮮油多士，點知嚟到係一個鮮油包，再望清楚啲先直接同侍應姐姐講，點解冇烘底嘅，佢同我講喺個Apps入邊有得揀烘底定唔烘底，我同佢講呢個本身係多士嚟㗎喎，同埋入邊都冇得揀有冇烘底。佢仲同我坳本身冇烘底，我問佢知唔知道咩叫多士，另外話得事姐姐就話顧客永遠是對的，話係我啱。我話唔係我啱唔啱，其實你哋知唔知咩叫多士？成個Apps入邊多士啲相都係烘底。如果唔知可以講，唔係同我講本身冇烘底。離哂譜…查看更多

住咗喺九龍灣一段時間，但係一直都冇去過永華日常食早餐。但係總係係朝頭早時間，見到入邊非常多人。早餐嘅選擇算係經典，我叫咗雞扒米粉，煙肉餐肉太陽蛋，同埋茶走。雞扒份量大，食完好飽。…查看更多

喺呢間茶餐廳嚟咗一個驚喜午餐！🍽️ 咁啱心血嚟潮揾嘢食，鬼使神差間中就行入嚟。係單嘅，食物選擇多唔多，但吸引眼球嘅係個咖喱魚柳滑蛋蓋飯同蔥油豬扒飯，食落就知物超所值！講起嗰份咖喱魚柳滑蛋蓋飯啦，一啖落去幾有滿足感 – 魚柳炸到金黃脆口，咖哩汁夠味但又唔會太辣，簡直夠晒心機。至於滑蛋，滑得嚟綿得，簡直係滑到出位！🤤再嚟，個蔥油豬扒飯真係恰到好處，豬扒可能少少乾，但嗰陣蔥香味實在太誘人，食落去感覺好有層次。吓，唔好以為只得飯好食咋，仲有個鴛鴦紅豆冰呀！港飲港食嘅我選咗佢，結果，正！紅豆同雪糕嘅組合別有一番風味，口感相間，甜而不膩～😋呢度嘅氣氛好寫意，食物選項精緻得嚟份量兼且足，你係尋日常驚喜嘅話，真係唔好錯過呢家茶餐廳！下次同三五知己再嚟，我要揀啲之前未試過嘅菜色，開拓下味蕾新天地！👌…查看更多

你話有乜辦法啲人唔上去大陸消費啊！又話冇生意態度又惡劣，問你攞杯水幾次都唔理，要自己斟又反眼，態度認真惡劣，嗌嘢食仲要等差唔多25分鐘先有嘢食，質素都唔係好好，好彩價錢唔係太貴…查看更多

行開九龍灣，到咗夜晚食飯時間，見唔洗等位，所以就入去試試，叫咗一個南乳豬手麵套餐配上湯生菜同埋一個咖哩豬扒滑蛋蓋飯，兩個餐都跟一杯奶茶。南乳豬手麵好有驚喜，豬手煮得好入味好淋淋，足足有3大塊，成個套戲都好抵食。咖哩豬扒滑蛋蓋飯，豬扒配上咖哩都好好味好夾。兩個餐份量都好足，可以食得飽，再加上奶茶都好香滑，係滿足嘅一餐。但美中不足嘅喺，人手完全唔夠，成個樓面只見到2個人，想搵個人都冇，埋單喺門口企左5分鐘都冇人理，希望可以加返多少少人手照顧客人嘅需要就好啦。…查看更多

食晚飯見永華日常無咩人，點知結賬一肚氣。落咗單等左勁耐催咗兩次連我屋企人都食完都仲未嚟。嬲到即刻埋單走人。而且樓面一個員工一直同一枱客吹水，餐具同一杯水都無俾，連遲過我哋落單嘅隔離枱都嚟齊。唔會再幫襯。…查看更多

好日唔嚟食，一嚟就食到把鬼火，落個炸魚，牛扒早餐，等咗20幾分鐘要催先出到，出到嚟塊牛扒好似紙咁薄，薄到我都不禁要讚嘆師父刀功，更令人讚嘆嘅係條腸係凍嘅。跟住炸魚出場，第一啖放入口腥到hihi，條腸又係全凍嘅，破佢媽嘅大西瓜，叫個經理換過份沙嗲牛麵餐，終於全部都係熱嘅，但條粉皮居然無幫我改單改價錢，埋單仲係收緊炸魚餐價錢，唔check單真係會俾佢陰到，我想話香港d餐廳成日俾人插堅唔係無理由架。服務，食物無樣得，價錢又唔係平，…查看更多

行落灣仔，腳步一轉，揾到間「永華麵家」，充滿老香港嘅氣息，但又有新意。先講講佢哋嘅🔸鮮蝦雲吞麵，麵條爽口得嚟又有蝦籽嘅彈牙，雲吞包得飽滿，蝦仁爽彈有勁，每一啖都正！廖孖記腐乳芝士臘腸卡邦尼意粉，意想不到嘅配搭，腐乳同芝士交織出一種得意嘅「味道對撞」，而且意粉夠晒煙韌，好過癮。再嚟個秘製上湯蝦籽野生竹笙，簡直是清爽嘅代名詞，竹笙質感好，湯頭鮮美得嚟又唔油膩。甜品方面，棉棉西多士融合咗甜蜜嘅棉花糖同濃濃嘅花生醬，幾可以話係顛覆傳統茶餐廳西多士嘅新詮釋。而紅豆冰簡直就係夏日解暑聖品，紅豆綿滑，椰汁香氣撲鼻，真係一啖鍾情。唔只係想食，更加係想記住呢啲味道。🍜🥥🍧…查看更多

嘩！永華日常嘅腐乳芝士臘腸卡邦尼意粉正！腐乳味用得啱啱好，唔會太搶鏡，夾埋啲彈牙意粉同芝士，勁滿足🍝！再講吓嗰煙肉洋蔥焗大啡菇，入口即化，煙肉嘅咸香都好夾！個咖哩雞飯更加係意外嘅驚喜，辣味夠晒提神，啱啱好搭啲飯粒，滋味多層次😚。飲品就試咗杯紅豆奶茶，甜甜滑滑，紅豆濃郁個口感真係唔錯！哎吔，我一個人食我怕我食唔曬呀！講真，食永華日常，感覺就好似一場美食探險，驚喜不斷，口味正！同朋友一齊食，樂而忘返。推薦畀想揾啲平民又有新意嘅食肆嘅你！下次記得帶埋班friend，一齊分享下呢度嘅人情味同食物嘅美味喇！👍👌🤤…查看更多

好耐冇嚟 幫襯 永和日常， 真係唔嚟好過嚟， 坐低用佢個 X家富貴 apps入單， 真係原來喺廢嘅， 入咗幾次到入唔到單， 確認唔到訂單， 出前一丁揀咗爽麵， 配料 落嗰兩樣， 小落咗一樣 做漏咗個 apps冇提示， 重複兩三次都做唔到， 即刻捉個服務員過嚟狂插， 真係無名丈起三把火， 咁嘅apps都可以做得出， 結果由佢幫手用人手再落單。碗出前一丁 嚟到之後賣相幾好， 攞起第一粒出牛肉食吓， 唉 ……咬落牛有筋嘅，温度微暖 口感冇乜特別， 仲有點解碗麵唔係爽嘅， 又係預先浸定， 咁你個 apps又話可以揀爽啲或者冧啲， 湯底我係微暖 冇燙口感覺好失敗。 隻太陽 煎蛋又係用蛋模煎成， 沙律同煙肉䫑先煎定， 件多士仲係凍嘅， 咬第一咬 已經係感覺係冧滋滋，結果 當然係冇食到。 咁大間餐廳 無論喺管理 定係 出品 都係失敗。唯一有少少水準 就係杯 熱檸茶， 夠熱 檸檬 同 茶味 都足夠 ……………查看更多

聖誕行街路過，到永華下午茶非常滿意，非常抵食，3個set total $125，奶茶很有水準。其實環境同價錢，食物水準都不錯，仲提供120mins free Wi-Fi ，唔知係咪經濟差，鋪頭生意麻麻，個人認為性價比好高，可以多幫襯，實屬良心企業。…查看更多

🍴沙嗲牛肉通粉 $39 (6/10)份量比較少，上枱只係微溫唔夠熱。沙嗲牛肉有口感，味道都唔錯嘅唔會太鹹，通粉偏硬同埋少，食完唔太飽。🍴炒蛋煙肉火腿厚多士 (6/10)煙肉唔鹹，火腿正常，多士都有烘過，炒蛋OK有蛋味。☕️熱奶茶 (7/10)有茶香，入口都算滑，唔錯的 。推薦指數: 6/10$39都唔算平，味道可以嘅，不過就係唔夠熱同埋份量少。…查看更多