永發飲食中心 (已結業)

原本以為呢間茶餐廳係得飯面食 原來隔離加西餅店都係佢哋開嘅 每日經過都聞到啲麵包新鮮出爐好香嗰日見蛋撻新鮮出爐就買咗嚟食 真係有驚喜喎 牛油撻皮好鬆化而且仲好濃牛油香 蛋漿都超滑唔會太甜 蛋味又濃

舊式茶餐廳，去到叫咗個下午茶， $27西多士配凍檸茶。凍飲加兩蚊，埋單$29⋯⋯西多士炸得好趣，蛋絲飛晒出嚟，好正！凍檸茶。茶底夠茶香。雖然話舊式茶餐廳，估唔到呢度啲夥計非常好人。我哋一班大人加小朋友去到，冇俾人歧視（當然果斷時間都冇乜人啦！）而當中有一位小朋友唔小心倒瀉凍檸茶，哥哥竟然冇鬧，仲好細心好Nice。 （親子餐廳都未必有佢咁溫柔🤣🤣🤣🤣🤣🤣🤣） 所以真係唔讚佢都對唔住自己啦！哈哈哈哈哈哈哈！

同仔仔上完堂，咁岩落大雨，即時搵地方坐低食過tea，咁岩就嚟到呢間茶餐廳，店口姨姨見我帶住小朋友，好熱心咁幫我地推門抵讚茶餐竟然到晚上7點，真係非常驚喜！西多士餐＄27，牛油夠大舊，多士亦都炸得夠熱夠香，所以牛油好易搽暈算係抵食夾大件，糖醬成樽上，任你落茶飲叫左凍檸茶，典型茶記風格，夠哂大杯，可惜明明叫左少冰都有半杯冰茶味夠濃，整體都唔錯嘅P.s. 凍飲加＄2蚊本身想叫多杯野飲，但睇完個價錢都係放棄左，又係典型茶記標準「淨飲雙計」

今天來到新蒲崗，星期三中午午膳時間仲有卡位坐，心唸都瀬瀬地野，都唔知叫咩野食好，見到旁邊圓枱大叔食緊蕃茄肉片飯午餐，賣相唔係好開胃，左唸右唸，最後叫咗個穏陣之選四寶飯 ⋯⋯ 等飯到途中，同同事吹水，估下四寶飯有啲乜嘢食物！？我口痕話應該有紅腸，油雞，义燒同咸蛋！㗻咗一陣，上飯了！嘩！全中！總共有五舊紅腸，一隻滷水雞翼，三舊叉燒，一隻鹹蛋，一條菜芯！這個食堂他們有車仔麵供應，估唔到車仔麵隻雞翼放在我的四寶飯內，仲只係得一隻，义燒比d頭頭尾尾，因為每舊叉燒都是三角形，而只得三舊，而咸蛋又污污糟糟，鹹蛋黃又冇油！冇辦法，又肚餓，又要比$44，唯有硬食！食到一半，頂唔順都係放棄，本來都唔想寫食評，但是一路食一路頂住條氣，最後影張相比大家睇睇！以上是個人感受，不喜勿小 😂！

嗰日去開新蒲崗做嘢，做嘢之前梗係要食返個早餐啦，行過五芳街有一間茶餐廳咪入去試吓囉。好耐未食過啲舊式早餐，沙嗲牛肉沙嗲味濃，再加上半生熟嘅煎蛋，同彈牙通粉。再配合一杯香濃嘅茶走，非常滿足嘅一個早餐。

今日去咗新蒲崗做嘢，做到差不多3點幾有啲肚餓，同朋友行過利景工業大廈見到有間餐廳走咗入去食。見隔離枱食緊炸雞肶沙津好似好正，所以就叫咗嚟食，炸雞肶外脆內軟超Juice，應該係即炸，超好食。沙津有好多配料仲有蒟蒻椰果，真係好好食，叫咗熱華田，但淡咗少少，成個下午茶都係26元，真係超級抵食。

這餐廳歐陸早餐的炸魚夠厚身又大塊，值得一讚。今天又想食，十點幾入到去就一陣回潮“up”味。跟著三個靓姐勁綠水拖地。回南天密室不透風，炸魚味，up味，绿水味百味交叉。食肆要清潔是理解的。但密封餐廳更要加強抽氣系统，保持空氣流通為基本。

今日下午我們喺新蒲崗做完嘢之後去咗五芳街嘅永發飲食中心食下午茶！我們叫咗午餐肉煎蛋湯烏冬嘅烏冬比較腍身，唔係好彈牙，而午餐肉就唔算煎得好香口！香脆奶油豬仔包相當酥脆，配埋香甜嘅奶油一齊食，真係好好味呀！菠蘿包係啱啱新鮮出爐，頂層嘅菠蘿皮非常香甜鬆脆，包質相當軟熟，食咗一個都覺得唔夠，所以再叫多三個嚟食，真係超正呀！窩蛋牛肉飯嘅牛肉份量超多，肉質好鬆軟嫩滑，將窩蛋撈埋一齊食，令到牛肉更加滑溜，而白菜亦都幾清甜！

呢間野我以前未係新蒲崗返工都成日來食, 雖然D野唔算好好食, 但勝左選擇多, D人客似雲來, 味道一般, 我都係試過佢地什會飯, 揚州炒飯, 班腩飯, 滑蛋肉片, 其實我好鐘意食揚州炒飯, 但唔多間煮得好食得來油適中, 尤其LUNCH TIME有時要等15-20分鐘, D 火計哥哥話要炒需要時間, 我又試過係2,3點食呢間野又真係唔洗點等, 如果有得選擇, 呢間唔係首選, 但佢位置叫岩岩入新蒲崗工廠區, 唔熟呢區真係以為無咩食, 但呢區好多野食. 呢間野無咩特別, 但我鐘意食茶餐廳, 希望同其他人分享下

帶小友於週末到新蒲崗上興趣班這個動作，不知不覺已有年半多了。萬料不到到了現在才真正找到一個像樣一點的下午茶蒲點...正所謂"遠在天邊，近在眼前"，這個新蒲點其實就正正位於他上課的地方旁邊....某天忽發奇想三人走進來吃點東西。小友點了一客炸雞肶沙律，其賣相是對版吸引得讓我這大個子口水長流，但看到他一臉的饞相也下便和他爭吃了....但心有不甘的我當然不會罷休，於是乎隔了一星期後，小弟便馬上重臨去探訪這一只令我牽腸掛肚的經典港式小食....雞肶的色水炸出來對勁，皮的孔洞氣泡十分分明清楚易見。好賣相帶動底下馬上大口咬下，喀擦一聲立時作響，皮薄而香脆油花亦足；肉本身有少許底味沒那般單調，生熟程度控制得剛剛好，肉既會太柴太韌但骨與肉之間也不會吃至人一口血腥味；最後灑鹽動作亦應相當俐落，吃完整只後也不會覺得鹽量有哪裡過多或過少，吃進嘴巴滿是肉及油香。縱然食畢後罪過感十足 (恐怕之後要做足一個星期gym才行)，但小弟還是心甘情願....沙律只是將一堆雜果撈入大量的奇妙醬而成，入口有點膩....看來我還是集中火力只食雞肶好了....這裡的食物種類相當繁多 ---- 除了典型的茶記食物以外這兒還有燒味、

今日行過見到是日早餐有...豬扒只係$24抵！$24有啲乜？豬扒米丶火腿炒蛋丶餐包，配熱飲，改凍飲加$2，因為有豬扒所以原本打算買個包食都改變主旨，入去坐低食！豬扒真係成塊，冇因為特價而縮水，唔太硬而且醃倡好味，配洋蔥汁，撈落湯米，真係早晨一大樂事！火腿冇咩特別，炒蛋係滑，唔會炒過龍，份量唔少，最值得一讚係個餐包，好軟，又熱，真係好正！其實永發的面包款款都正，我個人喜歡雞屋包。涷啡係茶餐廳水準。成個餐最差係乜？？係塊火腿咯！

一早返工去到新蒲崗都唔知食乜好，去茶餐廳應該比較穩陣。我見到早餐都頗多選擇，不過今朝食簡單一點，要菠蘿油熱奶茶，熱奶茶先到，好濃的立頓茶味，加上黑白奶，茶味沒有被奶遮蓋，濃而滑，茶夠熱，茶杯也熱，令熱奶茶不會因為不夠熱而影響口感和味道，這杯濃而滑的奶茶好正！菠蘿油等左成1分鐘，個包好熱，熱到牛油快溶了，而且我肯定係用微波爐熱，因為包的溫度好快下降，而食下食下個包有un =.=!包太熱亦我食唔到那片牛油。一抔好味奶茶配菠蘿油原本係非常合拍，但包被翻叮唔好食咯！

現身工廠區，自然又是因為陪我家小姐來打球了。聽球館家長（太太們）說對面餐廳的茶餐挺不錯的，我身體內的為食菌蠢蠢欲動，於是狠心把女兒留在館內獨自練球，我和老公溜出來喝下午茶。這是家工廠大廈內的食堂，有卡位，有圓桌，有電視，除了這些典型飯堂設備，便沒什麼裝修可言了。茶餐時間，人倒也不多，頗清靜，坐久些都沒問題。據家長情報所說炸雞腿餐不錯，雖然我很久沒吃炸雞腿了，因為吃到的全是又乾又硬的貨色，但還是順應民意（太太團的建議一定要聽喔，本人我也是太太呀），姑且試一回。炸雞腿薯條（$26可配沙律）：等了近十分鐘才送上來，並且很燙手，所以相信是既叫既做的生炸雞腿。雞腿個頭不小，差不多占據了整隻碟子，大大的L形，我直接用手拿起來啃（這樣吃雞腿好像特別美味）。雞腿炸得極完整，雞皮與肉同等大小，就這點已經值得贊賞，因為通常下油鍋炸的雞腿，表皮會收縮（所以也不是次次都能保持皮肉一般大小）。蜜黃的雞皮布滿洞眼，就像炸乳豬皮那樣。咬在嘴裡如同吃薯片，乾爽鬆脆，不覺油膩。再吃腿肉，胡椒粉下得足，完全遮蓋冷凍食物的雪藏味，老公卻嫌調味可再重些。雞肉也比想象中細嫩，甚至還有那麼點汁液滲出，和乾燥的雞皮完全兩種口感，這

之前說過要繼續試奶茶的，抱住說了便要做的心態，今天來到新蒲崗吃一個早餐，試試它們的熱奶茶。此店子是一間在工業大厦地下的一個飯堂，但竟能入選黑白淡奶奶茶大賽中的二十大得獎茶記，實有它的過人地方，而且價錢也是非常相宜，但早餐也吃不了那麼多。此處早餐的選擇頗多，最後選了一個很抵吃的麵餐，除包一杯熱飲，另外也有蛋及火腿，另外再自選一款麵，整個早餐也只不過是二十元，多便宜。不消一會也有得吃了，麵選了沙嗲牛肉麵，加上火腿蛋其實就等於腿蛋沙嗲牛肉麵，看樣子也算對版，煎蛋是太陽蛋來的，沒穿而不油膩，吃起來蛋白嫩滑，蛋黃就稍為熟了一點，但咬下一口，咧開一看仍是有半個蛋黃是液態的，吸一口蛋黃汁，既香甜又有蛋香，不錯；火腿以湯的熱力加熱，味道就如普通的一塊火腿，真的沒什麼可以說；沙嗲牛肉很明顯不是化學牛，因為吃起來是又韌又嚡，但牛肉味又不見得強，可能是用了雪藏牛之故吧，味道就又是港式茶記一貫的沙嗲味，基本上不是什麼沙嗲，只不過是醬油生粉罷了；最後的麵肯定不是出前一丁，在工廠區的飯堂內想要求丁麵，簡直就是痴心妄想，吃起來不油，而又灼得不過腍像發水般，已可算是不錯，湯當然就是味精湯，也不用多說。最後也是千呼萬喚

本人於2007年曾光顧過永發飲食中心, 我覺得並不是太差, 它的紅豆冰, 紅豆很大粒及起沙, 真的相當不錯, 此外我叫了一客梅菜豬肉回家作餸, 都很好味啊. 相反我有宏景花園的哪間茶餐廳亦叫了一杯紅豆冰, 就相當難飲了, 但它的牛什及牛腩河就很好味.